Dutɛrɔnome 3:24 - Bible

²⁴ ‘Óo Yâwɛɛ, yaâ pɛ̀lɛ íwala-wala kɛ́tɛi lɛ̂i íyee mu-nuui ma. Lé Ɣala ƃé ɣeniɛ su a pɔ̂ri diî kɛ̂i ya gɛ̀i?

Yálá laawoo hɛɓɛ (dc)

²⁴ «Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Yálá laawoo hɛɓɛ

²⁴ «Yai-Laa yáá gɔwɔ tɔɔ yɛ́ ə́ kɛnɛ̨ pələ da ə́ yee wala wala pələ lɛ ə́ wɔ tímun ɓa. Yálá ta kaa mɔ̨ɔ̨ yələi da lɔi mɛ̨i, gɛ mɛ̨nįɠaa da nwɔ heeɓolaa diɛ həli Ə́ pɔ?

Dutɛrɔnome 3:24 ပူးပေါင်းရင်းမြစ်များ

Samia Veerɛi 7:22

M̀ɛni ma í kɛ́tɛi. Sɛŋ da fé naa é seri ípɔ. Ɣâla da kpɛ́ni fé naa é kɛ́ yɛ̂ɛ yá, yɛ̂ɛ berei kwa íkɛ mɛni-ŋai kâai lai.

Kɔlɔnikɔ Veerɛi 6:14

È nâa pɛ̀lɛ Ɣâla fɛlîi ǹyɛɛ, “Yâwɛɛ, Eezuɛ Ŋɔɣâlai, Ɣâla da kpɛ́ni fé ŋ̀ele su, kpaa máŋ ǹɔii ma nyíi móloŋɔɔ yâ. Íkaa a Ɣâla. Ya í kpanaŋ-wooi ŋàa see kɛ́. Ya íwɛli-kɛ-maai lɛ́ íyee mu-ƃelai nyii-ŋai da tíi kɛ̀ yɛ̂ɛi a dílii kélee dîa.

Nehemi 9:32

“Óo Kúɣâlai, yá ƃa Ŋ̀wála-wâla kélee Ɣalai. Ya zûgbɛlɛ-gbɛlɛ da ŋɛi-kɛ́ maa mɛni kpaya-kpaya ŋa kɛ̀. Ya kono têe kɛ̀, ífaa íwoo maa fâleŋ. Íwɛli kɛ́-maai kóyɛŋ fé ma. M̀ɛni kpɔ̂lui kélee kwa tɛ̀ɛ zu é síɣe Asiria kaloŋ ŋɔtãi ma, é tóo sâa mai, ífe íŋɛi nàɣiŋ dímɛi. Kwa mɔ̃lɛ kwa kúnûai, kúlɔii kâloŋ-ŋai, kúlaa túɛ-ƃelai, zâla láa soŋ-ƃelai da ílono kɛ́-ƃelai, é pɛ́lɛ kúnûa pɔ̂lɔ-ŋai dîa.

Mąątɛ̨nɛ̨ 106:2

Gbɛ̂ɛ ƃa pɔ̂ri gɛ́ mɛni kpaya-kpayai mɛni ƃôi? Gbɛ̂ɛ ƃa pɔ̂ri ǹáa maa tɛ̂i a zu kɛ́tɛi?

Mąątɛ̨nɛ̨ 145:3

Yâwɛɛ kɛ̂tɛi, ǹyaŋ gáa a sɛŋ kú laa maa tɛ́ kɛ́tɛ tɛ́ɛ ƃɔ́. Ŋɔkɛ́tɛ-laai tɛɛ̂i kú mɛni ŋá káai ma.

Mąątɛ̨nɛ̨ 145:6

Núu kélee a pâi ítii kpaya-kpayai maa mɛ̂ni ƃôi, ǹyaŋ ŋa pâi íkɛtɛ-laai maa mɛ̂ni ƃôi.

Mąątɛ̨nɛ̨ 150:2

Ka ǹáa maa tɛ́ m̀ɛni kpaya-kpayai a gɛ̂i m̀ɛni ma. Ka ǹáa maa tɛ́ ŋɔkɛ́tɛ-laa kpɛɛ́ pôlui mɛ̂ni ma.

Mąątɛ̨nɛ̨ 35:10

Ŋa pâi m̀ôi kpɔ́ ńii su pere ńyɛɛ Yâwɛɛ mai, “Núu da fé naa zeríɛɛ ípɔ. Diai pɔ̂ri mâa fé dîɛi ya dímaa kɔ̃ɔ í díkula diai yêei díwála-walai tɛɛ̂i díwɔ̂i mai, í kɛ́ diai kula yêei kɛ̀ nûa da díkɔ̃liŋ kùla díyêei a wála-wala-laai.”

Mąątɛ̨nɛ̨ 71:19

Óo Ɣala, íteniŋ ƃô-laai maa mɛ̂ni seriɛɛ̂i ŋ̀ele-kɔlɔŋ su. Ya mɛni kpaya-kpaya támaa kɛ́. Óo Ɣâla, gbɛ̂ɛ ƃé zeriɛɛ̂i ípɔi?

Mąątɛ̨nɛ̨ 86:8

Óo Ǹuu-namui, ɣâla da fé náa nyii m̀oloŋɔ̂ɔi yâ, díta fé naa nyii a pɔ̂ri ípɔɔ kɔ̂ɔnii.

Mąątɛ̨nɛ̨ 89:6

Óo Yâwɛɛ, sɛŋ da fé ŋ̀elei su nyii zeriɛɛi ípɔ. Vúlu-sãai kélee Ɣâla-taai, da fé seri ní ípɔ.

Mąątɛ̨nɛ̨ 89:8

Ŋ̀wála-wâla kélee Ɣalai Yâwɛɛ, sɛŋ da ŋɔwála-wala-laai fé seri ní ípɔ. Óo Yâwɛɛ, íteniŋ ƃoɔ̂ɔi íkɛ mɛni kélee su.

Lɛɛ gbɔwɔ ɓa 15:11

“Gbɛ̂ɛ ƃé gáa yɛ̂ɛ yá ŋ̀âla-ŋai sáma Óo Yâwɛɛ? Gbɛ̂ɛ ƃé gáa yɛ̂ɛ yá, yái íwala-walai maa-waa-laa su, ímaa pɔlɔ-pɔlɔɔ fólo-laa tua-kɛɛ su, da ŋɛi-kɛ-maa kɛ́ɛi?

Lɛɛ gbɔwɔ ɓa 8:10

Gâloŋ ǹyɛɛ mai, “Tínaa.” Mose ǹyɛɛ mai, “A pâi kɛ̂i nɔ́ yɛ̂ɛ berei í mò lai, a gɛɛ í gɔ́lɔŋ a gɛɛ Ɣâla da kpɛ́ni fé naa yɛ̂ɛ Yâwɛɛ Kúɣâlai.

Lɛɛ gbɔwɔ ɓa 9:14

Tãi ŋí su a pâi ŋɔtɔ̂ŋ-kpɛ-maai kɛ̂i a yá ka ítii-kɛ-ƃelai é pɛ́lɛ ínûai dîa a gɛɛ ká gɔ́lɔŋ a gɛɛ Ɣâla da kélee fé naa ǹɔii gwaa kélee yɛ̂ɛ ǹyaa.

Azaya 40:18

Gbɛ̂ɛ ƃé ya pâi Ɣâla kɔɔ̂ni m̀ai? Ya pɔ̂ri gɛ́-pere lɛ̂i léŋ?

Azaya 40:25

Gbɛ̂ɛ ƃé ya pɔ̂ri Ŋ̀âla Maa Waai kɔ̂ɔni m̀ai? Núu da káa naa nyii m̀oloŋɔ̂ɔi m̀a?

Ɉeremi 10:6

Óo Yâwɛɛ, sɛŋ da fé naa é kɛ́ yɛ̂ɛ yá. Ímaa pɔlɔ-pɔlɔɔi, ǹyaŋ ílaa maa tûŋ wála-walaai.

Danîa 3:29

“Nya ƃe gâloŋ è dɛ̀ɛ a tɔ̂ŋ a gɛɛ núu da kélee a lóno nyɔ́mɔɔ kɛ̀ é pîlaŋ Sadura, Misãŋ da Abɛnigo-ni Díɣâlai ma dí maa nuui su tée-tee a gbua-kpua, dí ŋɔpɛ́rɛi wólo. Ɣâla da fé ǹaa é núu ŋuŋ ma ƃó bere sîi ŋí su yɛ̂ɛ Ǹyaa.”

Lonon mo 23:23

Núu ŋɔsále nyɔ́mɔɔ kpaa máŋ wulu-nuu Fa sɛŋ tá kɛ̀ a Eezuɛ ŋɔnûai. Dímaa tɛli kpɛ́ɛ káa nɔ́ kpɛ́ni-kpɛni. Nûa da pâi môi dîyɛɛi, ‘Ka mɛnii káa Ɣâla a gɛ́ dîɛi.’

Dutɛrɔnome 11:2

Ka gɔ́lɔŋ a gɛɛ kálônii dia tɔnɔ nɔ́ fé Yâwɛɛ a wɔ́lɔ mɛni kula maa kɛ́ a dia. Dia tɔnɔ nɔ́ fé da ŋɔwála-wala mɛni-ŋai naa káa.

Dutɛrɔnome 3:23

“Ŋa Yâwɛɛ fɛ̀li ńyɛɛ mai,

Dutɛrɔnome 32:3

Ŋa pâi Yâwɛɛ láa maa tɛ̂i, ŋa ŋɔwála-walai lɛ́.