Dutɛrɔnome 17:9 - Bible

⁹ Ka maa mɛni-saai kpîŋ tɛ̀ɛ Ɣâla ŋɔsâla láa-soŋ-ƃelai pɔ́ nyii-ŋai díkaa a Liiva-ŋai da mɛni-sâa ƃó-nuui nyii pâi kɛ̂i naa a m̀aa tãi tii. Ka dímarê kɛ́, ǹyaŋ da pâi kpɔŋ mâa tɛɛ̂i kápɔ dí mɛni-sâai ƃó.

Yálá laawoo hɛɓɛ (dc)

⁹ Ka li ka ɉaláá laa həli nuąi a Leviɠaa ka həli diɛ, da giti tee mun a kɛ laa nąąlɔwai tii, ka di mąąni kɛ, di kaa pai mɛ̨nįi tii ɓo pələ lɛi kaa.

Yálá laawoo hɛɓɛ

⁹ Ka li ka ɉaláá laa həli nuąi a Leviɠaa ka həli diɛ, da giti tee mun a kɛ laa nąąlɔwai tii, ka di mąąni kɛ, di kaa pai mɛ̨nįi tii ɓo pələ lɛi kaa.

Dutɛrɔnome 17:9 ပူးပေါင်းရင်းမြစ်များ

Kɔlɔnikɔ Maa-ŋuŋ 26:29

Dí Kenaiya da ŋɔkáayɔɔ-ŋai sìɣe Iza ŋɔsuui su a gɛ́ɛ díkɛ ƃò a m̀ɛni-sâa ƃó-ƃelai láa túɛ-ƃela Eezuɛ loai díkɛ m̀ɛni pɔlɔ kɔlɔ-ŋai lâai kɛ̀.

Lɛɛ gbɔwɔ ɓa 18:16

À kɛ̀ laa-saa à tòo núu feerɛ loai, da pà ḿbɔ, ŋa pâi môi ŋa gáa núui ŋɔi lɛ̂lɛi. Ǹyaŋ ŋa Ɣâla ŋɔtɔ̂ŋ-ŋai lɛ̀ dîa da ŋɔmɛni ŋá teeɛi.”

Lɛɛ gbɔwɔ ɓa 22:8

À kɛ̀ da wàla ŋuma nuui káa, gɛ̀ ní fɛ̂ɛ ǹúui kɛ̀ m̀araŋ-nuui kɔ̃liŋ laai kɛ̂i é pá Ɣâla ŋɛ́i-tuɛ é vóo dí gáa à kɛ̀ ǹyaa fé m̀arâŋ-nuui kɔ̃liŋ sìɣe.

Ɉeremi 18:18

Nya ƃe ǹûai dí mò dîyɛɛi, “Kwaa mɛni kpɛtɛɛ kɛ́ é pîlaŋ Zɛlemaya ma. Sâla láa-soŋ-ƃela da pâi wɔ́lɔ kɛ̂i nɔ́ naa dí kɛ̀ kúteniŋ tɔ̀ɔ. Táre-ƃela da pâi wɔ́lɔ kɛ̂i nɔ́ naa dí kɛ̀ kúlia-woo ƃò. Ɣâla ŋɔlóno kɛ́-ƃelai da pâi wɔ́lɔ kɛ̂i nɔ́ naa dí kɛ̀ Ɣâla ŋɔwóo ƃò kûa. Ka pá kú kɔ́ bɔ́ a kúwoo, kú kpéra kúwoli tɔɔ̂i ŋ̀óo ma.”

Izikiɛ 44:24

Tãi laa sâa a tôo lai, gáa a sɛŋ zâla láa-soŋ-ƃelai dí maa mɛ̂nii ŋá tée yɛ̂ɛ berei ŋátɔ̂ŋ è m̀ôi lai. Gáa a sɛŋ dí gûu-ŋai kélee maa mɛ̂ni ŋa see kɛ́ yɛ̂ɛ berei ŋátɔ̂ŋ da ŋásɛŋ lɛ́ɛi káa lai. Gáa a sɛŋ dí Vii Tɔ̂ɔ-ɣelei mɛi káa a m̀aa-waa.

Egaa 2:11

“Zâla láa-soŋ-ƃelai marê kɛ́ dí díkili ŋá sía é pîlaŋ marê-kɛɛi ŋí ma:

Zakari 3:7

a gɛɛ Ŋ̀wála-wâla kélee Yâwɛɛ ǹyɛɛi, “A kɛ̀ ƃà ŋátɔ̂ŋ-ŋai mɛi kâa í díi-ŋai kɛ́ nyii ŋá dɛ̀ɛ ípɔi, gɛ̀ ní ƃa pâi kɛ̂i nɔ́ Ŋápɛrɛi ŋuŋ túɛ da Ŋápɛrɛi ŋɔmɛni-sâa ƃó-kɛre-ŋai, ǹyaŋ ŋa pâi ífɛli-wôo-ŋai mɛnîi yɛ̂ɛ berei nɔ́ ŋa ŋ̀âla-taa-kela-ŋai wóo mɛni la díkaa ŋ́gɔlɛ mai.

Zakari 7:3

a gɛɛ dí zâla láa-soŋ-ƃelai marê kɛ́ Yâwɛɛ Ŋɔpɛ́rɛi mu da ŋɔlóno kɛ́-ƃelai a bere sîi ŋí, “Ǹɛ̂lɛɛi ŋá malôŋ see ƃé, ŋá suŋ siɣe ŋ̀áloŋ ǹɔ́ɔlui su yɛ̂ɛ berei ŋá wɔ́lɔ gɛ̀ la kóraŋ támaa yée mui?”

Malasi 2:7

Gáa a zâla-láa soŋ-ƃelai dítii a gɛɛ dí tɔ̃yâ-mɛni lɛ́ é pîlaŋ Ɣâla ma. Ǹɛ̂lɛɛi ǹûa dí lí dípɔ a gɛɛ dí mɛni maa kɔ́ri é pîlaŋ ńîa-mɛnii ma kpɛ́ni fêi, dia ƃé díkaa a Ŋ̀wála-wâla kélee Ɣalai ŋɔkéla-ŋa.

Dutɛrɔnome 16:18

“Ka núu-pɔlɔ-ŋa lɛ́ kásuui su tɛi-tɛi daa-ŋai su Yâwɛɛ Káɣâlai è dɛ̀ɛ kápɔi. Ka da-ŋa kɛ́ a mɛni-saa ƃó-ƃela, ká da-ŋa kɛ́ a núu kpaya-kpaya nyii-ŋai pâi ǹûai dímɛni-ŋai ŋáa teêi a tɔ̃yâ-laai.

Dutɛrɔnome 17:10

Mɛnii da pâi môi kâai, ka káyee sée mu. Berei da pâi káteniŋ tɔɔ̂i lai, ka sia la.

Dutɛrɔnome 21:5

Zâla láa soŋ-ƃelai nyii-ŋai díkaa a Liiva ǹônii-sinaai da pâi pâi kpɛ́ni fêi, dia ƃa káloai-ƃela ka Káɣâlai Yâwɛɛ-ni dí kɛ́ lûwa fɛli kámɛni ma. Dia ƃé da laa-sâa mɛni-ŋa kélee kpɛtɛ káloai.

Dutɛrɔnome 25:1

“À kɛ̀ Kpakolo feerɛ da kɛ̀ laa-sâa kɛ̂i, ma mɛnii a lì m̀ɛni-saa ƃó-ƃelai ŋɛ́i-tuɛ, dia ƃé pâi dímɛnii su kâai dí ŋ̀á tée a tɔ̃yâ-pere. Ǹúui ŋ̀ɔi lɛ̂lɛɛi, dí mó mà. Ǹúui ŋ̀ɔi nyɔ̂mɔi dí mó mà.

Dutɛrɔnome 33:10

Da pâi ítɔ̂ŋ-ŋai lɛ̂i Eezuɛ-ŋai dîa. Da pâi kéreŋ sama-sãa kúŋ nɛ̃ɛ kerenîi íɣâla teƃelei ma.