Dutɛrɔnome 17:20 - Bible

²⁰ Vé kɛ̀ gíli ŋá a gɛɛ ǹyaa tɔnɔ ƃé maa mɛni kpanaŋɔ̂ɔi é tɛ́ɛ ǹúui gbéli-ŋai dîa. À sìa a dɔ̂ŋ-ŋai ŋí wóo, gɛ̀ ní ǹyaa da ŋɔsuui su-ƃelai da pâi kɛ̂i Eezuɛ lɔii mɛi a tãi su kôyaa.

Yálá laawoo hɛɓɛ (dc)

²⁰ Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Yálá laawoo hɛɓɛ

²⁰ Hvo kɛ gaa gbɔwɔ ŋąą kɛnɛ̨i nąn nonnii mɛ̨i, hvo həɠə dɔ́n nwooɠaa pulu, yɛ li mamįiyee mɛ̨i, a wala kɛ tii gɔɓɛ yee mɛ̨i. A gɛ tii, a nwɔ tɔɔlaa voló hu kwɛa gbɔwɔ yəi, dɔɔlaa hu ə nɛ̨ɛ̨ mą da nąn nonnii kəlee.

Dutɛrɔnome 17:20 ပူးပေါင်းရင်းမြစ်များ

Samia Veerɛi 22:23

Ŋa ŋɔtɔ̂ŋ-ŋai kélee mɛi kàa, fé ḿbôlu tɔ̀ɔ ní da ma.

Tɔɔɓɛlaa dɔlɔɔ 11:34

Kɛ́lɛ fé pâi gâloŋ-laai kélee kulâi ǹyêei. Ŋá gɛ̀ a kâloŋ tãi nɔ́ gáa la ɣele mai ńyee mu-nuui Deeƃé maa mɛni ma, nyíi ŋá zìɣe zui. È ŋátɔ̂ŋ-ŋai mɛi kâa da mɛni-ŋai ŋá mò mai.

Tɔɔɓɛlaa dɔlɔɔ 11:36

Ŋa pâi ǹúu-suui dɔnɔ tɛɛ̂i ǹóŋ pɔ́ a gɛ́ɛ laŋpoi é kɛ́ ńyee mu-nuui Deeƃé yêei ŋɛ́i-tuɛ Zerusâlɛŋ, daa-lêei nyíi ŋá zìɣe zu a gɛ́ɛ ŋá ńaa see mai.

Tɔɔɓɛlaa dɔlɔɔ 15:3

È zɔnyɔ̂ŋ-ŋai kélee kɛ̀ nyíi ǹâŋ è gɛ̀i. Vé ǹíi kélee tɛɛ ní Ŋɔɣâlai Yâwɛɛ pɔ́, yɛ̂ɛ berei ǹâŋ pɔlɔi Deeƃé líi è kɛ̀ lai.

Tɔɔɓɛlaa dɔlɔɔ 15:5

kpɛ́ni fêi, Deeƃé è m̀ɛnii kɛ̀ nyíi kɛ̀ a ǹɛ́lɛɛ Yâwɛɛ ŋɛ́i ǹyaŋ vé fɛɣɛ ní a gɛ́ɛ é Yâwɛɛ ŋɔtɔ̂ŋ-ŋai mɛi káa ŋɔkɛ-ɣeniɛi su fɛ̂ɛ nɔ́ Ita-nuui Yuraya ŋɔmɛnii wɔ́lɔ kɛ̂i.

Tɔɔɓɛlaa dɔlɔɔ 2:3

M̀ɛnii kɛ́ nyíi Yâwɛɛ, Íɣâlai a mò yâ a gɛ́ɛ í gɛ̀i. Ŋɔtɔ̂ŋ-ŋai kélee mɛi káa í ŋ̀óo mɛni yɛ̂ɛ berei bɔ̃yɛɛ̂i la Mose ŋɔtɔ̂ŋ kɔlɔi sui, a gɛ́ɛ ƃɛ́i kélee ƃa lì naai, ƃa pâi ƃûu ƃôi m̀ɛni-ŋai kélee su ya pâi gɛ̂i.

Tɔɔɓɛlaa veelɛ 10:30

Ǹaa pôlu ma, Yâwɛɛ è mò Zewu ma ǹyɛɛi, “Zewu, í mɛni lɛ́lɛɛ kɛ̀ a Eɣa ŋɔsuui su-ƃelai kélee paa nɔ́ yɛ̂ɛ berei ŋá mò la yâi. Mɛni ma, ŋa pâi gɛ̂i a gɛɛ Eezuɛ kaloŋ-ŋai zeei náaŋ da pâi kulâi íkaa-laai su-ƃelai sáma é síɣe ílonîi dîa é tóo dîwɔ-lonii dîa, é tóo díwɔlôii-lonii da díwɔ-lonii dîa.”

Tɔɔɓɛlaa veelɛ 14:10

Amazia, gáa íkili ŋá a gɛɛ íwala-wâlai nâa a ŋá ŋánaa kpɛ́ni fêi, í Idɔŋ lɔii yée-mɛi ɣâle kɔ́ su. Mɛnii ŋí a íŋɛi tɛ́. Kɛ́lɛ lɛ́ɛ í pɔ́-taai í maa yoŋka tɛɛ. À kɛ̀ ƃa mɛni kpɔ̂lu kɔ̀ri yâ, ka ílɔii-ŋuŋ su-ƃelai kélee ká ŋuŋ lá a pâi pilîi.”

Kɔlɔnikɔ Veerɛi 25:19

Ya môi a gɛ́ɛ yaâ Idɔŋ yée mɛi ɣále mɛni ma íkaa maa yoka têei a ƃoo-pere. Ye see ípɛrɛi lá. Lé mɛni ƃé ƃa mɛni kpɔlu kɔ̂ri la ka ílɔii Zuda kámɛni mai?”

Kɔlɔnikɔ Veerɛi 26:16

Kɛ́lɛ tãi Uzia è nâa wàla-wala la a ŋánaai, è nâa kɛ̀tɛ gbîŋ ŋɛ́i gɛ̀ nâa yoŋka tèe zɛŋ ƃé gɛ̀ gɛ́ tòo mu. È nâa bôlu tɔ̀ɔ Yâwɛɛ ma, va kâa ƃaa kɛ́-maa tɛ̀ɛ Yâwɛɛ pɔ́ nyíi kɛ̀ a Ŋɔɣâlai. A kâa lɔ̀ Yâwɛɛ ŋɔpɛ́rɛi kɛ́tɛi mu gɛ́ kéreŋ sala kùla naa géreŋ-sɛŋ kúŋ-nɛ̃ɛi maa Ɣâla-teƃelei ŋá.

Kɔlɔnikɔ Veerɛi 33:12

Tãi è kɛ la mɛni kpɔlui ŋí sui, è Yâwɛɛ nyíi kɛ̀ a Ŋɔɣâlai fɛli a mãa-yêŋ pere é m̀aa yêŋ ǹâŋ-ni Díɣâlai ŋɛ́i.

Kɔlɔnikɔ Veerɛi 33:19

Ŋɔɣâla fɛli wooi da berei Ɣâla è wɔ́lɔ zu too la da ŋɔsɔnyɔ̂ŋ, berei è wɔ́lɔ kula la Ɣâla polui, gwaa-ŋai è wɔ́lɔ gbɛtɛ gɛ ɣâla dakpɛ́ni-ŋa fɛli nâai da ŋâla-nɛniî Asira ŋ̀ɛi-kɛ-maa wurii da ŋâla-pɔkɔɔŋ-ŋai è wɔ́lɔ dɔ̀ɔ é lɛɛ pâi gbîŋ maa yenîi, gélee káa Ɣâla ŋɔlono-kɛ-ƃelai dímɛni pɔlɔi su.

Kɔlɔnikɔ Veerɛi 33:23

Kɛ́lɛ Amɔŋ fé wɔ́lɔ gbîŋ maa-yeŋ ni Yâwɛɛ ŋɛ́i yɛ̂ɛ berei ǹâŋ Manasɛ è wɔ́lɔ gɛ̀ lai. Mɛni ma, ŋɔsɔnyɔ̂ŋ su e kɛ́ kpɔ́ a gɛtɛ a ŋánaa.

Kɔlɔnikɔ Veerɛi 34:27

Kɛ́lɛ Yâwɛɛ è mò ǹyɛɛ kpɛ́ni fêi ílii mu è siɣe í ímaa-yeŋ Ɣâla ŋ́ɛi tuɛ tãi í mɛnii ŋí mɛ̂ni la é pîlaŋ gwaai ŋí da naa-ƃela diai ǹyaŋ í ímaa-yeŋ ŋ̀ɛi-tuɛ í íseɣei fála íwɔlɔi, ŋaâ nâa íwoo mɛni.

Mąątɛ̨nɛ̨ 119:102

Ḿve tá ḿbôlu tɔɔ ní ísɛŋ lɛ́ɛi da ma, kpɛ́ni fêi, yá kpíŋ ƃa ŋásɛŋ lɛ́-nuui.

Mąątɛ̨nɛ̨ 132:12

A kɛ̀ ílônii-sinaai da ŋákpanaŋ-wooi ŋ̀aa sèe kɛ̀ da ŋátɔ̂ŋ nyii ŋá dɛ̀ɛ dí pɔ́i, dílônii dia máŋ da pâi lɛɛ̂i í pɔ́ɔ ŋá wɔ́lɔ-wɔlɔ da wɔlɔ-wɔlɔ.”

Mąątɛ̨nɛ̨ 19:11

Ŋɔtɔ̂ŋ ƃa táre tɛ̀ɛ ḿbɔ ńyãai a ŋɔyée mu-nuui. Ŋa dímɛi kâa, ŋa pâi mɛni lɛ́lɛɛ sɔlɔ ƃôi zu.

Hanwon 10:27

Ƃa yào Ɣâla ma, ífulu-laai su a kôya, kɛ́lɛ ŋwana-lɔ̂ɔ-nuu a pâi saâi ŋɔtãi túɛ.

Hanwon 27:24

kpɛ́ni fêi, tɔɔ-laa fa tûa zu. Lɔii-ŋuŋ-ŋa dífe pâi lɛɛ̂i naa wɔ́lɔ-wɔlɔ da wɔ́lɔ-wɔlɔ.

Ikilisiati 8:13

Tãi nɔ́ zɔnyɔ̂ŋ-ƃelai dífa yâo la Ɣâla mai, lii-nɛ̃ɛ fé díyêei díkɛ-ɣeniɛi su, ǹyaŋ da sâa nɔ́ yɛ̂ɛ kɔyɛ̂ŋ a tèe.

Azaya 2:12

Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ.

Habakukə 2:4

Gáa, ǹúui nyii vé a tɔ̃yâ-nuui a pâi saâi, kɛ́lɛ dɔ̃yâ-nuui a pâi ƃâloi ŋɔlaa-laai sârai.”

Korɛntə veelɛ 12:7

A gɛɛ ńii fe nɛ̀ɛ é tɛ́ɛ gɛ̂i ma mɛni kpaya-kpayai mɛni ma nyíi Kúnuu-namui e nɛ̀ ḿâi, e mɛni-soli tɛ̀ɛ ŋ́gbonôi mɛni ma. Sêtɔŋ ŋɔkélai ƃe fũa-fũa tɔ̀ɔ mâ a gɛ́ɛ ńii fe nɛ̀ɛ é tɛ́ɛ gɛ̂i ma.

Dutɛrɔnome 12:25

Káfe da mìi. Ka sìa a dɔ̂ŋ ŋí, Yâwɛɛ líi a pâi lâai káyêei, ǹyaŋ mɛni-ŋai kélee ka pâi kɛ̂i gɛ̂i, ŋãa-see a pâi kɛ̂i a ǹɛ́lɛɛ.

Dutɛrɔnome 12:28

Mɛni-ŋai ŋí kélee ŋa m̀ôi kâai, kà sìa a dia, Yâwɛɛ líi a pâi lâai káyêei, ǹyaŋ a pâi lûwa lâai ká kɛ́-mɛni kélee dîa ka kálônii.

Dutɛrɔnome 12:32

“Ka mɛni-ŋai mɛni ŋa m̀ôi kâai. Káfe da pù ma, káfe tela da kùla ma.

Dutɛrɔnome 17:11

Ka tûa yɛ̂ɛ berei da dɔ̂ŋ lɛ̀ la kâai da berei dí m̀ɛnii ŋá tèe lai. M̀ɛnii da mò kâai, ka káyee sée mu. Káfe lì laa-mii-yee mɛi-pere kpaa kɔɔ-yee mɛi-pere.

Dutɛrɔnome 4:2

Káfe dɔ̂ŋ-ŋai ŋí da pɛ̀lɛ mà kpaa máŋ ká da kula ma. Ka dímɛi káa a ǹɛ́lɛɛ.

Dutɛrɔnome 5:32

“Mɛni ma, Eezuɛ-ƃela, ka káwoli tɔ́ɔ m̀ɛnii ma Káɣâlai Yâwɛɛ a pâi mòi kaai. Káfe da kùla ma kpaa máŋ ká da pú ma.

Dutɛrɔnome 8:2

Berei Káɣâlai Yâwɛɛ è káteniŋ tɔ̀ɔ la vɛ̃ɛ-kpâlaŋ su a góraŋ buu náaŋ maa mɛni kíli é lɛ́ɛ káŋa. È gɛ̀ ká kɛ́ a maa yeŋ-ƃela é su-kɔɔŋ tɛɛ kápɔ a gɛɛ é kálii su kɔ́lɔŋ à kɛ̀ ka pâi ŋɔtɔ̂ŋ-ŋai mɛi kâai.

Piɛrə dɔlɔɔ 5:5

Káai kákaa a ǹúu tɔɔ-ŋai máŋ ká kɛ́ ǹúu-pɔlɔ-ŋai mu a bere-sii tí. Kákelee ka kámaa ɣiri a maa-yeŋ-lii kákîe-ni mɛni ma, kpɛ́ni fêi, “Ɣâla tɔɔ̂i yoŋka-nuu ma, kɛ́lɛ, a ƃɛlɛ-sêe tɛ̀ɛ maa-yeŋ-nuu pɔ.”

Samuɛlə dɔlɔɔ 10:25

Nya ƃe Samia è gâloŋ maa mɛni da dûa pere lɛ̀ ǹûai dîa é gélee pɔ̃yɛ kɔlɔ ma é lɔ́ la Ŋ̀âla fɛli pɛrɛi dɔnɔ mu é ǹâai kɛ́ Ǹuu-namui fɛli kwaa-ŋai dɔnɔ ma. Nya ƃe Samia è mò ǹûai dîa a gɛ́ɛ dí lí dí pɔ́ taai tɛi-tɛi.

Samuɛlə dɔlɔɔ 15:23

Í máŋ tɔɔ Ɣâla ma kpaa máŋ í ŋ̀óo píli, kpɛ́ni fêi, íkpîŋ kɛ́tɛi íŋɛi, gáa nɔ́ a ǹyɔ́mɔɔ yɛ̂ɛ núu a kɛ̀ ɣâla-pɔkɔɔŋ fɛlii, kpaa máŋ gɛ́ m̀arê kɛ̀ a gɛ́ɛ é ǹîa woo ƃó. Í íyee kùla m̀ɛnii mu Ɣâla è mò yâ a gɛ́ɛ í gɛi. Mɛni ma, aâ gbɛtɛ gíli ŋá a gɛ́ɛ ífa ŋɔ́nɔ pɔri kɛ̂i a kâloŋ.”