Dutɛrɔnome 14:2 - Bible

² Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Yálá laawoo hɛɓɛ (dc)

² Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Yálá laawoo hɛɓɛ

² Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Dutɛrɔnome 14:2 ပူးပေါင်းရင်းမြစ်များ

Ɛsdrasə 9:2

Zûu kpakolo-ŋai díkɛ̀ sîi da kpɛ́ni-ŋa dílônii-nɛyaai kulâi a dínɛyâa. Dí da-ŋa kùla a nɛyâa dílônii-sinaai mɛni ma. M̀ɛnii ŋí a gɛ́ nani a kɛ́ Ɣâla ŋɔnûai dîa. Ǹúu láa túɛ-ƃelai ƃé díkaa m̀ɛnii ŋí kɛ́-mɛni láa túɛ.

Azaya 41:9

Ŋá kákùla kwaa kôya-koyaa-ŋa ma ǹɔii m̀éla kélee ma ŋá pá a káa. Ŋá m̀o kâa ńyɛɛi, ‘Kákaa a ŋátíi kɛ́-ƃela.’ Fé ńyee kùla ní kámu.

Azaya 6:13

À kɛ̀ kpîŋ núu tɔ̂nɔ a lɛ̀ɛ naa, ŋa pâi maa nûui su-karâi. Maa nûui a pâi kɛ̂i nɔ́ yɛ̂ɛ ôo wuru ƃé da mɛi tée maa ŋûmei a lɛɛ tɔɔ̂ni.” (Ŋ̀umei káa yɛ̂ɛ ɣéniɛ nina kɔ́ɔ pîlaii Ɣâla ŋɔnûai mɛni ma.)

Azaya 62:12

Da pâi kátôlii a “Ɣâla Ŋɔnûa Maa Waa-ŋai.” “Ǹûai Yâwɛɛ A Díŋuŋ Ma Ƃói.” Da pâi Zerusâlɛŋ taa-leei ŋí láa seêi a “Ɣâla Ŋɔwɛli Kɛ́-maa Taa-leei.” “Daa-lêei Nyii Ɣâla Fé Ǹyée Kula Ní Mui.”

Ɉeremi 2:3

Eezuɛ è kɛ̀ a ńyãa tɔnɔ ḿbɔɔ. Kákɛ̀ a ŋá sí-sɛŋ m̀bá maa-ŋuŋ. Diai kélee kpɔ́ m̀bá da mìi, ŋá díkula-maa kɛ̂. Mɛni kpɔ̂lu è làa dîa. Ńyãai ŋ́gáa a Yâwɛɛ, ńyãa ƃé mò tí.”

Izikiɛ 21:2

“Nuu-kpune ǹóŋ, íŋɛi tinaŋ Zerusâlɛŋ pere í lóno é pîlaŋ m̀a. Lono é pîlaŋ ƃɛi ŋai da ɣâla fɛli naai mâ. Lóno ŋɔ́nɔ é pîlaŋ Eezuɛ ƃelai dîa.

Danîa 12:7

Ŋ̀âla-taa-kelai nyíi m̀aa è kɛ̀ a ŋiriɛɛ a seɣe kôle nenɛ fɛfɛɛ, gɛ́ ƃò ǹyái ŋûa-perei, ŋá gàa é ǹyée tɛ́-ɣelêi é vóo a Ŋ̀wɔ́lɔ-wɔlɔ Ɣalai ǹyɛɛi, “A lɛ̀ɛ nɔ́ a kóraŋ saaƃa da gbûra diai Ɣâla ŋɔnûai paâi díkpɛɛ-ŋa tãi kɛ́ seri. Ǹyaŋ nyíŋi kélee ŋàa-see a pâi kɛ̂i.”

Danîa 8:24

Ŋɔwála-walai su a pâi kɛ̂i a gbanaŋɔɔ. Kɛ́lɛ vé pâi kɛ̂i a gbîŋ wala-wala. A pâi mɛni kpɛtɛɛ nyɔ́mɔɔ támaa kɛ̂i. M̀ɛnii kélee a pâi ǹyée seêi m̀ui, ŋ̀aa-see a pâi kâi a ǹɛ́lɛɛ mì. A pâi ŋ̀wála-wala-ƃelai da Ɣâla ŋɔnûai su-karâi.

Levetekɔ 11:45

Ńyãa ƃa Yâwɛɛ nyii kákùla Ize lɔii sui a gɛɛ ŋá kɛ́ a Káɣâlai. Fɛ̂ɛ ká kɛ́ a kámaa waa, kpɛ́ni fêi, ḿaa waâi.

Levetekɔ 19:2

“M̀ó Eezuɛ-ŋai dîa a gɛɛ dí kɛ́ a dímaa waa yɛ̂ɛ berei ǹyãai a Díɣâlai Yâwɛɛ ḿaa waâi lai.

Levetekɔ 20:24

Kɛ́lɛ ŋá ŋ́gono tèe káyêei a gɛɛ ŋa pâi ǹɔii ŋí tɛɛ̂i, kápɔ a kápɔɔ. Ǹɔii nyii ǹáa fɛɛ̂i a ŋíni ya da kɔ̃́iŋ wulɔi. Ńyãa ƃa Yâwɛɛ, Káɣâlai, nyii kákùla ǹûai samai.

Levetekɔ 20:26

Ka kɛ́ a kámaa waa, kpɛ́ni fêi, Ńyãai a Yâwɛɛi, Ḿaa Waai, ǹyaŋ ŋa kákula ǹûai sáma a gɛɛ ká kɛ́ a ŋánûa.

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Dutɛrɔnome 14:21

“Fɛnɛ-sɛŋ nyii a gbâa saai káfe zua da mìi. Ka pɔ̂ri dɛɛ̂i ŋɔ̃ya-ŋai da pɔ́ kátaa-ŋai da su, kpaa ka gɔlɛ diai dîa da kûla lɔii-ŋuŋ da kpɛ́ni-ŋai sui. Kɛ́lɛ, kákaa a núu maa waa-ŋa Káɣâlai Yâwɛɛ ŋɛ́i-tuɛ. “Káfe ƃoli-loŋ kpaa máŋ ƃála-loŋ ɣìli a ǹee ŋíni-ya.

Dutɛrɔnome 28:9

“A pâi ká kɛ̂i a ŋɔnûa maa waa-ŋa yɛ̂ɛ berei è góno tèe la à kɛ̀ ka ŋɔtɔ̂ŋ-ŋai mɛi kâa ká, tûa yɛ̂ɛ berei a ŋ̀wɛ̂lii lai.

Dutɛrɔnome 33:3

Tɔ̃yâ mà, è ǹûai wɛlini. Diai kélee dímaa wâai díkaa ǹyêei. Kwa pɛ́lɛ gɔ́ɔ mu gɛ́ sɛŋ lɛ̀ dîa.

Dutɛrɔnome 4:20

Kɛ́lɛ Yâwɛɛ è ká kùla m̀ɛni-kpɔlui su Ize é pá a káa é kákɛ a gbɔ́ɔi ŋɔnûa. Ǹyaŋ bere ƃé gáa la sâa.

Dutɛrɔnome 7:6

Kákaa a núu maa waa-ŋa Yâwɛɛ mɛni ma. Káa ƃé a kásiɣe zu a gɛɛ ká kɛ́ a ŋɔnuui gbîŋ-ŋa ɣele ma.

Dutɛrɔnome 7:7

“Vé kásiɣe ní kátama mɛni ma kpaa máŋ káa ƃa ǹúu-kpulu loŋ ŋ̀éniɛi su.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.