Dutɛrɔnome 12:5 - Bible

⁵ Kɛ́lɛ ka ƃɛ́i kɔ́ri Káɣâlai Yâwɛɛ a pâi nàa lɛ̂i kánûai sámai. Ǹaa ƃé ká kɛ́ li naa ká kɛ́ vɛ̀li.

Yálá laawoo hɛɓɛ (dc)

⁵ Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Yálá laawoo hɛɓɛ

⁵ Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Dutɛrɔnome 12:5 ပူးပေါင်းရင်းမြစ်များ

Tɔɔɓɛlaa dɔlɔɔ 12:27

À kɛ̀ ǹûai ŋí da lì a gɛ́ɛ dí sâla-ŋa kula Yâwɛɛ ŋɔɣâla-pɛrɛ kɛ́tɛi mu Zerusâlɛŋ, da pâi tînanîi pôlu dínuu-namui, Zuda kaloŋ Leoboaŋ pɔ́-naa pere. Da pâi ḿbaâi dí pôlu bɔ́-naa.”

Tɔɔɓɛlaa dɔlɔɔ 14:21

Saloma ǹóŋ Leoboaŋ è kɛ̀ a kâloŋ Zuda. È kɛ̀ a kóraŋ buu náaŋ káo tɔnɔ gâloŋ-laai sɔlɔ ƃóɔɔ m̀ii. È ŋɔkâloŋ-laai kɛ̀ Zerusâlɛŋ a kôraŋ puu káo lɔ́ɔlu mɛi feerɛ, daa-lêei su Yâwɛɛ è zìɣe zu Eezuɛ ŋɔsîi-ŋai kélee sáma nyíi è ǹáa sèe mai. Ǹee láa ƃé kɛ̀ a Neema. È kɛ̀ a Amɔŋ nuu.

Tɔɔɓɛlaa dɔlɔɔ 8:16

‘É kúla ŋ̀elei ma ŋá ŋánûai Eezuɛ kùla la Ize lɔii sui, fé tá taa-lêe da siɣe ní zu Eezuɛ lɔii su gwaa kélee ɣâla-pɛrɛ kɛ́tɛ tɔɔ mɛni ma naa ńaai mɛni ma, ƃɛ́i nûa da pɔri ḿvɛlîi naai, kɛ́lɛ ŋa Deeƃé sìɣe zu a gɛ́ɛ é kɛ́ ŋánûai Eezuɛ láa-tuɛ.’ ”

Tɔɔɓɛlaa dɔlɔɔ 8:20

“Yâwɛɛ a ŋɔkono-teei ŋ̀aa-see kɛ́. Ŋá ńâŋ Deeƃé pɔ́ɔ ŋá sìɣe ǹyaŋ ŋ́gaa nâa seeni gâloŋ see-sɛŋ ŋá Eezuɛ, yɛ̂ɛ berei Yâwɛɛ è góno tèe lai. Ŋa pâi Ŋ̀âla-pɛrɛ Kɛ́tɛi kpîŋ tɔɔ̂i Eezuɛ Ŋɔɣâlai, Yâwɛɛ láa ma, Yâwɛɛ láa ma.

Tɔɔɓɛlaa dɔlɔɔ 8:27

“Kɛ́lɛ Ɣâla a pâi ŋɔkɛ-naai kɛ̂i ŋ̀éniɛi su? Ɣâla-taa nyíi gáa ɣelêi-pere póŋ-poŋ, fa pɔri íkɛtɛ-laai mu. Gɛ̀ ní ǹyaŋ Ŋ̀âla-pɛrɛ Kɛ́tɛi ŋí ŋa dɔ̀ɔi ya pâi pɔrii léŋ mu?

Tɔɔɓɛlaa dɔlɔɔ 8:29

Gɛ́ íŋɛi lá é kɛ́ a m̀óɔɔ Ŋ̀âla-pɛrɛ Kɛ́tɛi ŋí mɛi káa mɛni ma a kpíni da ɣele ƃɔ́ɔ, gwaai ŋí ma nyíi í m̀aa mɛni ƃò a gɛ́ɛ kú kɛ́ ífɛ̀li naai. Íyee mu-nuui ŋɔɣâla-fɛli-wooi mɛ́ni nyíi a gɛ́ gwaai ŋí mai.

Tɔɔɓɛlaa veelɛ 18:22

Asiria kɔ-kɔ-ƃela mɛi-nuui è lì tuɛ a ŋ̀óo, “Kpaa Ɛsekaya kíli tɔɔ̂i nâa Yâwɛɛ, Káɣâlai ma? Ɛsekaya fé Yâwɛɛ fɛli kwaa-ŋai ma su kara ní, é ŋɔŋâla-teƃele-ŋai wólo, fɛ̂ɛ nɔ́ Yâwɛɛ fɛli kwaa-ŋai dɔnɔ ma da ǹaa Ɣâla-teƃelei? Vé mó ní Zerusâlɛŋ da Zuda-ƃelai dîa a gɛɛ gwaai tí ma nɔ́ ƃé fɛ̂ɛ dí Ɣâla fɛli naa Zerusâlɛŋ?

Kɔlɔnikɔ Maa-ŋuŋ 22:1

Nya ƃe Deeƃé è mò ǹyɛɛi, “Ƃɛ́ ŋí ƃé Yâwɛɛ Ɣâla Ŋɔpɛ́rɛ Kɛ́tɛi a pâi kɛ̂i naa. Ŋ̀âla-teƃelei ŋí ƃé Eezuɛ nuai da pâi kɛ̂i kéreŋ sala kulâi ŋá.”

Kɔlɔnikɔ Veerɛi 7:12

Yâwɛɛ è ŋɔ́nɔ kùla ŋ̀ɛ́i a kpíni tɔnɔ ǹyɛɛ mai, “Ŋ́aâ íɣâla fɛli-wooi mɛ́ni ŋa gwaai ŋí ma siɣe a ḿbɔɔ a gɛ́ɛ é kɛ́ a ŋápɛrɛ kɛ́tɛi sâla kula mɛni ma.

Ɛsdrasə 3:2

Nya ƃe Zosada ǹóŋ-surɔ̂ŋ Zasua da m̀arâa sala lá-soŋ-ƃelai, Sɛtiɛ ǹóŋ Zɛrubabɛɛ da ŋɔnûai dí díŋa tɛ̀ díkîe ma. Dí Eezuɛ-ƃelai Díɣâlai ŋɔsâla-ŋai kúla kwaai ma tɔ̀ɔ pôlu dí kɛ kéreŋ sala kula naa yɛ̂ɛ berei bɔ̃yɛ̂i la Ŋ̀âla-nuui Mose ŋɔtɔ̂ŋ kɔlɔi sui.

Ɛsdrasə 6:12

Kâloŋ kpaa máŋ lɔii-ŋuŋ da a tɔ̀ɔ ŋ́ooi ŋí ma kpaa máŋ é gula dɔɔ̂i a gɛɛ é Ŋ̀âla-pɛrɛ Kɛ́tɛi tɔɔ mɛ̂ni su kara Zerusâlɛŋ, Ɣâla nyíi Zerusâlɛŋ taa-leei sîɣe a ƃɛ́i nûa díkɛ vɛ̀li naai, é ma kâloŋ kpaa maa lɔii-ŋuŋ kúla dɔɔ̂i. Ńyãa Gâloŋ Darɔ, ŋ́oo ká ŋí. Ǹyaŋ fɛ̂ɛ núu kélee é ǹyée sée mu.”

Ɛsdrasə 7:17

“Zɛŋ kâoi kɔ́lɛ a táre-pere. Niŋa-nâɣa-ŋa, ƃála-sirɛ-ŋa da ƃála-saa-ŋa, gbài da ŋwãai yá í dí kúla a sâla ŋ̀âla teƃelei ma Zerusâlɛŋ. Díkaa a sama sãa.

Nehemi 1:9

Kɛ́lɛ kà tìnaŋ ŋɔ́nɔ ḿbɔ naa pêre, ká kɛ́ ŋá tɔ̂ŋ mɛi kâa, ŋa pâi pâi a káa pôlu ƃɛ́i ŋá ǹaa sìɣe a gɛɛ ká kɛ́ ḿvɛ̀li naai. À nɛ̃ɛ ma kpîŋ ká kɛ́ a kátaa tâa lɔii ŋuŋ da kpɛ́ni-ŋa su.’

Mąątɛ̨nɛ̨ 78:68

È Zuda ŋɔsîi sìɣe zu da Zãiyɔŋ Yeei ma ƃɛ́i è naa wɛ́lini a ŋ̀ánaai.

Lɛɛ gbɔwɔ ɓa 15:2

Yâwɛɛ káa a ŋáwala-walai laa. Ŋa pâi ǹáa maa tɛ̂i ŋáwule-ŋai su. Ŋáɣâlai ká ŋí, ǹyaŋ ŋa pâi ǹáa maa tɛ̂i. Gáa a ńâŋ ŋɔɣâlai, ǹyaŋ ŋa pâi ǹáa maa tɛ̂i.

Lɛɛ gbɔwɔ ɓa 20:24

Ɣâla-teƃele kpɛ̀tɛ mî a pɔ̂rɔ í kéreŋ sala kúla ŋá da ílii-see salai é pɛ́lɛ íƃala-salai ma da íniŋa-salai. Ƃɛ́i kélee ŋa ǹaa sìɣe a gɛɛ ká ḿvɛli naai. Ŋa pâi pâi naa ŋá lûwa láa kâa.

Lɛɛ gbɔwɔ ɓa 25:22

Ŋa pâi ŋ́gbîŋ lɛ̂i naa yâ. Ŋa pâi lônoi ípɔ gãlai lá tɛ́-sɛŋ mɛi ŋ̀âla-taa kooŋ-sɛŋ pɔkɔɔŋ-ŋai loai é pîlaŋ ŋátɔ̂ŋ-ŋai kélee dîa ŋa pâi dɛɛ̂i ípɔ Eezuɛ-ŋai mɛni mai.”

Ɉeremi 26:2

È lòno ḿbɔ ǹyɛɛi, “Zɛlemaya, ye tɔɔ Ŋ̀âla-pɛrɛ Kɛ́tɛi ŋɔkóraŋ su, í ŋ̀orɛ̂-wooi ŋí ƃó ǹûai dîa nyíi-ŋai kulâi daa-ŋai su Zuda-lɔii su dí kɛ́ pà Ɣâla fɛliî Yâwɛɛ Ŋɔpɛ́rɛ Kɛ́tɛi mui. M̀ɛni nyíi kélee ŋa m̀ôi yâi, ífe da lɛ̀ɛ pôlu.

Ɉeremi 7:12

Lí Silo ƃɛ́i kɛ̀ a ḿbɔ naa a m̀aa ŋuŋ í gáa berei ŋá ǹaa kɛ̀ lai kpɛ́ni fêi, Eezuɛ-ŋai dí sɔnyɔ̂ŋ kɛ̀ naa.

Ɉeremi 7:14

M̀ɛni ma, ŋa pâi m̀ɛni tɔnɔi ŋá gɛ̀ a Siloi da kɛ̂i a ŋápɛrɛi nyíi kákili tɔɔ̂i mai da gwaai ma ƃɛ́i ŋáwɔ́lɔ ǹaa tɛ̀ɛ kánâŋ-pɔlɔ ŋai pɔ́ wɔ́lɔ-wɔ́lɔi.

Levetekɔ 17:4

ǹyaŋ vé pá ní la Yâwɛɛ ŋɔpɛ́rɛi lá a gɛɛ é dɛ́ɛ a sama-sɛŋ Yâwɛɛ pɔ́, gɛ̀ ní maa nuui a ŋãa pú ǹɔii ma. Da pâi maa nuui kulâi ŋɔnûai sáma.

Lonon mo 7:89

Tãi Mose è lɔ̀ la Zua kɔlɔ seɣe pɛrɛ maa waai mu a gɛɛ é lóno Yâwɛɛ pɔ́i, è Yâwɛɛ wóo mɛni é kúla gãla lá-tɛ-sɛŋ mɛi-pere ŋâla-taa koôŋ-sɛŋ pɔkɔɔŋ-ŋai loai gɛ́ lòno bɔ́.

Dutɛrɔnome 12:11

Ǹaa ƃé Yâwɛɛ a pâi ǹɛ̂i a kásee kwaa ma. Gɛ̀ ní fɛ̂ɛ ká pá naa a kákereŋ sama sãai kásâla sãai, kákɔ̃liŋ buu-ɣelei, zama sãâ da kpɛ́ni-ŋai da nyii-ŋai kélee ká kákono tèe la Yâwɛɛ mɛni mai.

Dutɛrɔnome 12:13

Ka tãi siɣe. Káfe kéreŋ sala kùla nɔ́ ƃɛ́i kélee ka naa wɛ̂lii.

Dutɛrɔnome 12:18

Kɛ́lɛ fɛ̂ɛ ká mìi ƃɛ́i Káɣâlai Yâwɛɛ a pâi naa lɛ̂i. Ka mii ka kálônii sinaai da kálônii nɛyãai, káyee mu-sinaai da nɛyãai é pɛ́lɛ Liiva-ŋai dîa kátaai sui. Ka koi-nɛ̃ɛ kula Káɣâlai Yâwɛɛ ŋɛ́i-tuɛ m̀ɛni-ŋai kélee su ka gɛi.

Dutɛrɔnome 12:4

“Káfe Káɣâlai Yâwɛɛ fɛ̀li yɛ̂ɛ berei da díɣâla-ŋai fɛli lai.

Dutɛrɔnome 14:23

Dia ƃa kámii-sãai, ŋwãai, ɔle wúlɔ da kátaa-tulɛ-lonii maa-ŋuŋ-ŋai. Ka lí a dia ƃɛ́i naa kpɛtɛ̂i Káɣâlai Yâwɛɛ mɛni mai ká mii naa. Ka gɛ́ tí a gɛɛ ká ƃaa kɛ́-maa tɛ́ɛ bɔ́ a tãi kélee.

Dutɛrɔnome 14:24

Kɛ́lɛ à kɛ̀ ǹaa koyâai ǹyaŋ zãai Yâwɛɛ è lûwa làa la kâai káfe pɔ̂rii mu ká lí a dia,

Dutɛrɔnome 15:20

Ka kálônii ka pâi vɛnɛ-sãai paâi ká mii Káɣâlai Yâwɛɛ ŋɔkwaa maa waai ma a kóraŋ kélee.

Dutɛrɔnome 16:11

Ka koi-nɛ̃̂ɛ kula ŋ̀ɛ́i-tuɛ ƃɛ́i è nàa lɛ̀i. Ka kálônii sinaai, ǹɛyâai, ǹuɛ sinaai, ǹɛyâai, Liiva-ŋai, ŋɔ̃ya-ŋai dee-lôŋ-ŋai da bɔɔ-nɛyâai kásamai.

Dutɛrɔnome 16:15

Ka gúui ŋí kɛ́ a fólo lɔ́ɔlu mɛi feerɛ Káɣâlai Yâwɛɛ ŋɛ́i-tuɛ ƃɛi a pâi nàa lɛ̂i kâai. Ka gɛ̀ tí, Káɣâlai Yâwɛɛ a pâi lûwa lâai kâa kási-sãai dí kpɛtɛ, m̀ɛnii kélee ka káyee pìli zui é ƃûu ƃó kálii-nɛ̃ɛi su é kɛ́tɛ.

Dutɛrɔnome 16:2

Ka Dɛɛ-mɛi kûui maa sâlai kúla Yâwɛɛ ma a kátaa-tulɛi da ŋɔkwaa maa waai ma ƃɛ́i è nàa lɛ̀i.

Dutɛrɔnome 16:6

fɛ̂ɛ ƃɛ́i è nàa lɛ̀ a gɛɛ ká vɛli naai. Ka gùla a ŋ̀ele-wulii, tãi vóloi a kɛ̀ yenîi lai, a tãi ká kɛ̀ kulâi la Izei.

Dutɛrɔnome 16:7

Ka zâla-sɛŋ ŋɔ́ŋ ká mii ƃɛ́i Yâwɛɛ è nàa lɛ̀i. Ka lí pôlu káƃuu-ŋai mu a bôlu ma ɣele ƃɔ́ɔi.

Dutɛrɔnome 17:8

“À kɛ̀ mɛni-sâa da à pà káŋɛi-tuɛ gbanaŋɔɔ yɛ̂ɛ núu paa mɛ̂ni, laa-sâa kpanaŋɔɔ kpaa máŋ núu kɛ́ɛ é pɛ́lɛ m̀arâŋ-nuu ma é ŋwána, ka lí a maa mɛnii ƃɛ́i ma Yâwɛɛ a pâi nàa lɛ̂i.

Dutɛrɔnome 18:6

“À kɛ̀ Liiva-nuui da a ŋ̀wɛ̂li é kúla Eezuɛ lɔii m̀ɛ́i zeɛ́ɛ káa naai, é pá ƃɛ́i Yâwɛɛ a pâi nàa lɛ̂ɛi a gɛɛ dí kɛ́ vɛli naa é kɛ́ naa, a pɔ̂ri gɛ̂i tí.

Dutɛrɔnome 26:2

ka kási-sãai m̀á maa-ŋuŋ-ŋai da-ŋa siɣe nyii-ŋai ká zì ǹɔii kpîŋ mai, ká dípu kpɔ̂lɔ-ŋa su. Ka lí a dîa ƃɛ́i Yâwɛɛ Káɣâlai è naa lɛ̂ kâa a gɛɛ kákɛ vɛ̀lîi naai. Ǹúui da a ŋ̀ɔi tɛ̂ɛ zâla láa-soŋ-nuui pɔ́,

Dutɛrɔnome 31:11

Eezuɛ-ŋai kélee da díŋaa tɛ̀ gîe ma Yâwɛɛ ŋɔkwaa maa waai ma ka dɔ̂ŋ-ŋai ŋí lóno, dí mɛ̀ni.

Kolosə 2:9

Kpɛ́ni fêi, Ɣâla Ŋɔɣâla-laai kélee káa gbonôi.

Hebreu 12:22

Kɛ́lɛ, ka pá Zãiyɔŋ Yeei ma da Vulu-laa-Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa-kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

Zasua 18:1

Eezuɛ-ŋai kɛ́ɛ da ǹɔii kélee síɣei, dí díŋaa tɛ̀ ma Silo taa-leei su dí Yâwɛɛ ŋɔsua kɔ̂lɔ seɣe pɛrɛi pîlaŋ naa.

Zasua 22:11

Eezuɛ-ŋai kpéli-ŋai kɛ́ɛ da m̀ɛnii ŋí mɛ́nii, dí mò dîyɛɛi, “Ka gáa, Lubiŋ da Gâa dísuui su-ƃelai da Manasɛ ŋɔsuui su nuu kpului dɔnɔ daâ ɣâla-teƃele tɔ̀ɔ kúlɔii ma Zɔdiŋ Ya-leei kɔlɛ.”

Zasua 9:27

Kɛ́lɛ m̀aa ɣêlei tí, Zasua è díkɛ̀ a kɔi síɣe-ƃela da yá kɔɔ-ƃela Eezuɛ-ŋai mɛni ma da Yâwɛɛ ŋɔteƃelei mɛni ma ƃɛ́i kélee da vɛli naai. Díkaa sâa m̀ɛni-ŋai ŋí kɛ̂i Eezuɛ-ŋai dîɛ.

M̀ɛni-lɛɛi 14:1

Ŋá Zãiyɔŋ Yeei ma kàa, M̀ála-loŋ è kɛ̀ tɔɔ ni naa, da núu wála ŋuŋ tɔnɔ pôlu buu náaŋ kao náaŋ (144,000), nyíi-ŋai M̀ála-loŋ da Ǹâŋ dílaa è kɛ̀ a bɔ̃yɛɛ dítôŋ lai.