Dutɛrɔnome 12:3 - Bible

³ Ka díɣâla fɛli teƃele-ŋai wólo ka díkɔni maa waa-ŋai wólo-wôlo, ká díɣâlai Asira fɛli kwa-ŋai ma wuru-ŋai pɔ́ŋ ká díkereŋ, ká díɣâla pɔkɔɔŋ-ŋai su tee-têe, ká dílaa kélee su-kara.

Yálá laawoo hɛɓɛ (dc)

³ Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Yálá laawoo hɛɓɛ

³ Ka di wɔ hali kɔ́iɠaa wolo, ka di hvaa kwɛniɠaa huɓuwɔ, ka di hvaa wuluɠaa tee, ka di wɔ mąą nįnįn ɉaɠaaɠaa kələn, ka di pɔɔ kpɛɛ laa kpɔ tɛ̨ɛ̨tɛ̨ɛ̨.

Dutɛrɔnome 12:3 ပူးပေါင်းရင်းမြစ်များ

Tɔɔɓɛlaa dɔlɔɔ 14:15

Yâwɛɛ a pâi Eezuɛ kula maa kɛ̂i. A pâi kɛ̂i yɛ̂ɛ kpalo a kɛ̀ túmo-tûmoi yá ŋá. A pâi Eezuɛ kulâi ǹɔii lɛ́lɛɛi ŋí ma nyíi è dɛ̀ɛ dínâŋ pɔlɔ-ŋai pɔ́i. A pâi dítaa-taai Yufeletii Ya-leei pôlu pere, kpɛ́ni fêi, dí ǹíi ŋwàna a wúru kôya-ŋa tɔ̀ɔ díɣâlai Asira fɛ̀li mɛni ma.

Tɔɔɓɛlaa dɔlɔɔ 15:13

È máŋ kpîŋ ǹee ŋɔlee Maka kùla dɔɔ̂i a kâloŋ-nɛni, kpɛ́ni fêi, è wúru kôya kpɛ̀tɛ ŋ̀âla-pɔkɔɔŋ Asira láai mɛni ma. Asa è ŋ̀úru kôyai tèe é géreŋ Kidurɔŋ potoi su.

Tɔɔɓɛlaa veelɛ 11:18

È kɛ̀ tí, gbɔŋ kélee è lì Bêe ɣala-pɔkɔŋ ŋɔpɛ́rɛi lá dí ŋólo dí bú ǹɔii ma. Ǹûai dí ŋâla-teƃele-ŋai wôlo, dí dífũa-fua. Dí Bêe Ɣalai ŋɔsâla láa-soŋ-nuui Mataŋ pàa naa ŋ̀âla-teƃelei ŋɛ́i-tuɛ. Zâla láa-soŋ-nuui Zɛoiada è gɛ̀ gɔ-kuluƃa-ŋai dí tínaŋɔɔ Yâwɛɛ ŋɔpɛ́rɛ kɛ́tɛi ma.

Tɔɔɓɛlaa veelɛ 18:4

È ǹûai díɣâla-pɔkɔŋ fɛli-kwaa-ŋai ma su kàra-kara. È díɣâla-pɔkɔŋ-ŋai wòlo-wolo, é ŋúru kôya-ŋai kara-kara nyii ǹûai dí gbɛ̀tɛ ŋâla-pɔkɔŋ Asira fɛli mɛni mai. È mƃara-kalii wòlo-wolo máŋ nyii Mose è wɔ́lɔ gbɛ̀tɛi. Ǹûai da kâa ǹáa tòli a Niwutaŋ. Ɛsekaya é lɛ́ɛ pâi zu kàra-karai, Eezuɛ-ƃelai da kâa kéreŋ-sɛŋ kúŋ-nɛ̃ɛ kèreŋ mƃara-kalii láai su.

Tɔɔɓɛlaa veelɛ 23:14

Gâloŋ Zosâya è ǹɔii da kpɛ́ni su ɣala-pɔkɔɔŋ-ŋaiɔsu kàra-kara. È ŋúru kôyai su tèe-tee nyii dí dɔ̀ɔ nɛnî ɣala-pɔkɔɔŋ Asira fɛli mɛni mai. È gɛ̀ dí lɛ́ɛ núu kao pûi gwaai tí ma da naa kpiniŋ su gwaa kélee é lɛ́ɛ la zu naa kélee láa é fɛ́ɛ.

Kɔlɔnikɔ Veerɛi 14:2

Asa tûa-pere è kɛ̀ a ǹɛ́lɛɛ Ŋɔɣâlai Yâwɛɛ ŋɛi.

Kɔlɔnikɔ Veerɛi 14:3

È ŋ̀âla-teƃele da kpɛ́ni-ŋai kélee wòlo é díkula ǹɔii su. È ŋ̀âla-pɔkɔɔŋ-ŋai da gɔni maa-waa-ŋai wolo. É ŋ̀úrui pɔ̂ŋ nyíi da kâa Asitora fɛli mui.

Kɔlɔnikɔ Veerɛi 19:3

Kɛ́lɛ é máŋ kɛ́ tí, ya mɛni lɛ́lɛɛ kɛ́. Kpɛ́ni fêi ya Asira ɣâla-ŋɛi-kɛ maa wurii kélee kúla ǹɔii ŋí su, íkili tɔɔ ŋɔ́nɔ Ɣâla ma.”

Kɔlɔnikɔ Veerɛi 31:1

Nyiŋi kélee pôlu ma, Eezuɛ ƃelai nyii-ŋai kɛ nâai dí lí kpɔ́ Zuda taa-lee-ŋai kélee su dí ŋ̀âla da kpɛ́ni ŋai fɛlii wolo. Dí ŋâla-nɛnî Asira ɣâla-ŋɛi-kɛ maa wurii têe. Dí ŋâla-pɔkɔɔŋ-ŋai fɛlii kara. Dí díɣâla teƃele-ŋai wólo nyíi kɛ Zuda, Bɛŋsima, Ifiraŋ da Manasɛ lɔii gwaa kélee sui. Eezuɛ-ŋai kɛ́ɛ da kpɛɛ a zãai ŋí woloɔɔi, dílene pôlu dípɔ̂i taai díkɔ̃liŋ-ŋai mɛi.

Kɔlɔnikɔ Veerɛi 34:3

Gɛɛ gâloŋ-laai su ŋɔkóraŋ ǹɔ́ɔɔlu-mɛi saaƃai, tãi ŋí su è kɛ̀ niî a ǹyaŋkpa. È nâa pɛ̀lɛ ǹâŋ pɔlɔi Deeƃé Ŋɔɣâlai fɛlíɛɛ ma. Góraŋ buu-káo feerɛi su, è nâa pɛ̀lɛ ŋ̀âla da kpɛ́ni-ŋai fɛli kwâa-ŋai mâ su karâi. È ŋâla-nɛnii Asira ŋ̀ɛi-kɛ-maa wurii, ŋâla-pɔkɔɔŋ nyii-ŋai dí gbɛ̀tɛ a wurii da nyii-ŋai dí dɔɔ̂i kélee kulâi Zuda da Zerusâlɛŋ.

Mąątɛ̨nɛ̨ 16:4

Diai da díkili tɔ̀ɔ ɣâla da kpɛ́ni-ŋa dîai, dímɛni kpɔ̂lui su a pâi kɛ̂i nɔ́ kɛ̂tɛi. Fé pâi ńyee pîlii dísâla kula mɛni-ŋai da su. Fé pâi díɣâla-ŋai da fɛlîi.

Lɛɛ gbɔwɔ ɓa 23:13

“Ka káwoli tɔ́ɔ mɛni-ŋai kélee dîa ŋa m̀ó kâai. Káfe ɣâla da kpɛ́ni fɛ̀li. Káfe máŋ kpîŋ dílaa tòli.

Lɛɛ gbɔwɔ ɓa 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Lɛɛ gbɔwɔ ɓa 34:13

Ka díɣâla-teƃele-ŋai kélee su kara da díkɔni maa waa-ŋai. Ká díwuru maa waa-ŋai su tée-tee.

Azaya 27:9

Eezuɛ-ŋai da díyee kùla díkpɛtɛ ɣâla-ŋai mɛni su, dí m̀aa têƃele-ŋai wólo dí fũa-fũa, díyee kúla géreŋ sãa kúŋ nɛ̃ɛ-ŋai kéreŋ mɛni su, ŋ̀úrui da lì mu díkpɛtɛ ɣâlai Asira fɛli mɛni mai, dí bɔŋ, dí géreŋ, Yâwɛɛ a pâi dísu-mɛni lɛɛ̂i zɔnyɔ̂ŋ-ŋai da gɛ́i mɛ̂ni ma.

Ɉeremi 17:2

Kánûai díkaa Ŋ̀âla-nɛnii Asira fɛlîi ǹyée-ŋai tôŋ su, ŋ̀uru kpaya-kpayai mu ƃɛ́i ŋɔɣâla teƃele-ŋai káa naa da ŋɔŋɛi kɛ́-maa-ŋai.

Osia 2:17

Ŋa pâi Bêe laa-ŋai kulâi ǹá, ǹyaŋ núu da fé pâi ŋɔ́nɔ wɔ́lɔ ǹáa-ŋai ŋí kɔ́lɔnîi.

Mise 5:14

Ŋa pâi díɣâlai Asɔɔ ŋɔpɔkɔɔŋ wôloi ŋá dítaa-lêe-ŋai su kara.

Zakari 13:2

Maa ɣêlei tí ŋa pâi zɛŋ da kpɛ́ni-ŋai láa kulâi ǹɔii ma nyii ǹûai da zìɣe a díɣâlai, a gɛɛ núu fé pâi ŋɔ́nɔ gíli ŋá siâi é pîlaŋ dîa. Ŋa pâi ŋɔ́nɔ Ɣâla-ŋɔlóno-kɛ-ƃelai kulâi ǹɔii ma da diai nyînaŋ nyɔ́mɔɔ káa díkponôi.

Lonon mo 33:52

fɛ̂ɛ ká ǹɔii-ƃelai kélee kpɛ́ kátuɛ, ká díkɔni siɣɛɛ-ŋai kélee su kara da díɣâla pɔkɔɔŋ-ŋai é pɛ́lɛ díɣâla fɛli kwaa-ŋai kélee ma.

Dutɛrɔnome 12:4

“Káfe Káɣâlai Yâwɛɛ fɛ̀li yɛ̂ɛ berei da díɣâla-ŋai fɛli lai.

Dutɛrɔnome 7:25

Ka pâi díɣâla pɔkɔɔŋ-ŋai kéreni. Káfe díma ƃara-ŋai da gôoi da sìɣe a kápɔɔ. Ka gɛ̀ tí, gɛ̀ ní ka kákpîŋ pûi mɛni-kpɔlu su. Yáawɛ fé ŋwɛ́li ní a mɛni kɛ́ɛ ŋí.

Dutɛrɔnome 7:5

Mɛni-ŋai ŋí ƃé ká gɛ́ a dîa. Ka díɣâla-teƃele-ŋai wólo, ká díkɔni maa waa-ŋai wólo-wôlo, ká díɣâlai nɛ̀nii Asira fɛli kwaa-ŋai ma wuru-ŋai pɔ́ŋ, ka ŋ̀âla pɔkɔɔŋ-ŋai kéreŋ.

M̀ɛni-lɛɛi 13:1

Nya ƃe ŋá sua kâa gɛ kula ǹyúoi su míla kɛ́ ƃo puu, ŋuŋ kɛ́ ƃo lɔ́ɔlu mɛi feerɛ. Kâloŋ-ƃɔrɔ puu è kɛ̀ míla-ŋai dîa, tɛ̀-ŋɛi-laa ŋa pɔ̃yɛɛ ŋuŋ-ŋai dîa.

Nwun mąąɓo 2:2

Káa máŋ ǹûai ka liî dílɔii sui, maa fé nɛ̃ɛ ní kɛ̀ a gɛ́ɛ ka dîa-ni ká woo-mii da kélee kɛ́. Maa nɛ̃ɛ̂i kɛ̀ ká díɣâla teƃele-ŋai kélee wólo. Kɛ́lɛ káfe niî m̀ɛnii kɛ́ ní nyíi ŋá mò kâai. Ǹyaŋ mɛni da kpɛ́ni ƃé kákaa nâa gɛ̂i.