Dutɛrɔnome 12:2 - Bible

² Diai ka pâi dílɔii siɣêi, ka díɣâla fɛli kwaa-ŋai ḿâ su-kara ǹyée-ŋai ma, ǹyée-ŋai kwára da ŋ̀úru kpaya-kpayai mu.

Yálá laawoo hɛɓɛ (dc)

² Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.

Yálá laawoo hɛɓɛ

² Nu huwui ti ka káá pai di wɔ lɔi kulɔi di yəi, gɛɛnąąɠaa kpɔ di kɛi gɔ́, nąą ə kɛ a yee nwuɔ̨, ə kɛ a yee kpu kpuɠaa, ə kɛ a wəla wuluɠaa, ka gəlee nąą kala.

Dutɛrɔnome 12:2 ပူးပေါင်းရင်းမြစ်များ

Tɔɔɓɛlaa dɔlɔɔ 14:23

Dí kwaa-ŋa ma kpɛ̀tɛ máŋ díkpîŋ mɛni ma dí ɣâla pɔkɔɔŋ-ŋai fɛli mɛni ma. Dí kɔni-ŋa tɔ̀ɔ a Ɣâla teƃele da wúru kóya-ŋa díɣâlai Asira fɛli mɛni ma ǹyée tɔɔ-ŋai ma da ŋ̀úru-ŋai mu.

Tɔɔɓɛlaa dɔlɔɔ 3:2

Tãi tí ma, Ɣâla-pɛrɛ kɛ́tɛ fé kɛ́ ní naa a gɛ́ɛ ǹûai dí Yâwɛɛ fɛli mu, ǹyaŋ ǹûai kélee da kâa sâla-ŋa kùla kwaa da kpɛ́ni-ŋa ma.

Tɔɔɓɛlaa veelɛ 11:18

È kɛ̀ tí, gbɔŋ kélee è lì Bêe ɣala-pɔkɔŋ ŋɔpɛ́rɛi lá dí ŋólo dí bú ǹɔii ma. Ǹûai dí ŋâla-teƃele-ŋai wôlo, dí dífũa-fua. Dí Bêe Ɣalai ŋɔsâla láa-soŋ-nuui Mataŋ pàa naa ŋ̀âla-teƃelei ŋɛ́i-tuɛ. Zâla láa-soŋ-nuui Zɛoiada è gɛ̀ gɔ-kuluƃa-ŋai dí tínaŋɔɔ Yâwɛɛ ŋɔpɛ́rɛ kɛ́tɛi ma.

Tɔɔɓɛlaa veelɛ 16:4

Eɣa è kɛ̀ kpɔ́ nɔ́ sâla kulâi gɛ́ kéreŋ-sɛŋ kúŋ-nɛ̃ɛ kèreŋ ǹûai dí Ɣâla-pɔkɔŋ fɛli kwaa-ŋai ma, ǹyée-tɔɔ-ŋai tôŋ su da ŋúru kpaya-kpayai ninîŋ mu.

Tɔɔɓɛlaa veelɛ 23:13

Nyíti pôlu ma, Zosâya è ɣâla-pɔkɔɔŋ fɛli kwaa-ŋai ma su kàra-kara da ŋâla-teƃele-ŋai nyii Gâloŋ Saloma è wɔ́lɔ gbɛ̀tɛ Zerusâlɛŋ, Vóloi kulai-pere da ŋulɔ-wuru-yeei ma Séɣai-pere nɛnî-ɣala-pɔkɔɔŋ Asira láai mɛni ma nyii kɛ̀ Sidɔŋ, Môa-ƃelai díɣâla-pɔkɔɔŋ Kemɔ da Amɔŋ-ƃelai díɣâla-pɔkɔɔŋ Mikɔŋ-ni fɛli mɛni mai.

Mąątɛ̨nɛ̨ 78:58

Dí díkpîŋ ɣala-ŋa fɛli kwaa-ŋa ma kpɛ̀tɛ, díkɛ díkpîŋ kpɛtɛ ɣâla-ŋai fɛli naa.

Lɛɛ gbɔwɔ ɓa 23:24

Káfe pɛ̀lɛ díɣâla-ŋai kɔ́ɔ mu kpaa máŋ ka dífɛli kpaa máŋ ka tûa yɛ̂ɛ dîa. Kɛ́lɛ ka díɣâla-ŋai kélee su kara ká díkɔni-ŋai wólo nyii-ŋai da dísiɣe a maa waai.

Azaya 36:7

Asiria kɔ-kɔ-ƃela mɛi-nuui è lì tuɛ a ŋ̀óo ǹyɛɛi, “Kpaa Ɛsekaya kíli tɔɔ̂i nâa Yâwɛɛ, Káɣâlai ma? Ɛsekaya fé Yâwɛɛ fɛli kwaa-ŋai ma su kara ní, é ŋɔɣâla-teƃele-ŋai wólo, fɛ̂ɛ nɔ́ Yâwɛɛ fɛli kwaa-ŋai dɔnɔ ma da ǹaa Ɣala-teƃelei? Vé mó ní Zerusâlɛŋ da Zuda-ƃelai dîa a gɛɛ gwaai tí ma nɔ́ ƃé fɛ̂ɛ dí Ɣâla fɛli naa Zerusâlɛŋ?

Ɉeremi 17:2

Kánûai díkaa Ŋ̀âla-nɛnii Asira fɛlîi ǹyée-ŋai tôŋ su, ŋ̀uru kpaya-kpayai mu ƃɛ́i ŋɔɣâla teƃele-ŋai káa naa da ŋɔŋɛi kɛ́-maa-ŋai.

Ɉeremi 2:20

Ŋ̀wála-wâla kélee Yâwɛɛi è mò ǹyɛɛi, “Tãi su kôyaa yée mu, ká káyee kùla ŋá wála-wala laai mu, ká tɔ́ɔ kákpîŋ yee ma. Ká mò kâai, ‘Ḿve pâi vɛliî,’ kɛ́lɛ tãi ká kɛ̂ ká ɣâla da kpɛ́ni-ŋai fɛliî lai, ka kɛ̂ lɔ-pɔ̂rɔŋ kɛ̂i ǹyée-ŋai ma da ŋ̀úru-ŋai mu, káɣâla mɛni kɛ́ɛ maa-pere su.

Ɉeremi 3:13

Kɛ́lɛ, m̀ɛnii nɔ́ ya pɔ̂ri gɛ̂i ƃá fɛ̂ɛ í gɔ́lɔŋ a gɛɛ ya sɔnyɔ̂ŋ kɛ́ a Íɣâlai Yâwɛɛ. Í mó a gɛɛ íkɛ̀ ɣâla da kpɛ́ni-ŋa fɛlîi ŋ̀úru-ŋai mu ífe íwoli tɔɔ ní ŋ̀óo ma. Ńyãa Yâwɛɛ ƃé mò tí.”

Ɉeremi 3:2

Ye ǹyée-ŋai tôŋ su káa í ƃɛ́i káa ya kɛ̂ lâai naa berei kɔlɛ íkɛ íwɛli-ŋai maa kpɛ̂ŋ yɛ̂ɛ Arebi-nuu ƃé ǹoɔ̂ɔi vɛ̃ɛ-kpâlaŋ su gɛ́ tɛɛ-a-pere núu maa kpɛ̂ŋ a gɛɛ é gɔ̃̂liŋ kula ǹyêei. Ya ǹɔii maa tĩ̂a kara a wulu-wulu kɛ́ɛ ŋánaa.

Ɉeremi 3:6

Tãi Zosaya è wɔ́lɔ kɛ́ la a kâloŋ, Yâwɛɛ è mò ḿâ ǹyɛɛi, “Ya zɛŋ kâai Eezuɛ nyíi vé téniŋ ƃô níi káa gɛ̂i? A kula ḿbôlu gɛ́ lì ǹyée tɔɔ-ŋai tôŋ-su ŋ̀úru-ŋai mu gɛ́ lɔ-pɔ̂rɔŋ kɛ̀ naa ŋɔɣâla da kpɛ́ni-ŋa fɛliɛi su.

Osia 4:13

Da sâla kùla ǹyée-kpaya-kpayai tôŋ su, díkɛ sâla-sãa pù ǹyée pɛlɛɛ-ŋai dîa, ŋ̀úru-ŋai mu, kpɛ́ni fêi, díninîŋ lɛ̂lɛɛi. “Mɛni ma kálônii-nɛyãai díkaa wulu-wulu kɛ̂i, ǹyaŋ kálônii sinaai dínɛyâai díkɛ wulu-wulu kɛ̀.

Lonon mo 22:41

Bôlu ma ɣele-walai, Bâla è Bâlaŋ sìɣe da ǹyaa dí tɛ́ Bamo Baa yeei ma. Nàa ƃé dí kɛ̀ tɔɔ ni naa díkɛ Eezuɛ-ŋai da-ni kàa.

Dutɛrɔnome 7:5

Mɛni-ŋai ŋí ƃé ká gɛ́ a dîa. Ka díɣâla-teƃele-ŋai wólo, ká díkɔni maa waa-ŋai wólo-wôlo, ká díɣâlai nɛ̀nii Asira fɛli kwaa-ŋai ma wuru-ŋai pɔ́ŋ, ka ŋ̀âla pɔkɔɔŋ-ŋai kéreŋ.

Nwun mąąɓo 2:2

Káa máŋ ǹûai ka liî dílɔii sui, maa fé nɛ̃ɛ ní kɛ̀ a gɛ́ɛ ka dîa-ni ká woo-mii da kélee kɛ́. Maa nɛ̃ɛ̂i kɛ̀ ká díɣâla teƃele-ŋai kélee wólo. Kɛ́lɛ káfe niî m̀ɛnii kɛ́ ní nyíi ŋá mò kâai. Ǹyaŋ mɛni da kpɛ́ni ƃé kákaa nâa gɛ̂i.