Danîa 9:4 - Bible

⁴ Ŋá ŋánûai dísɔnyɔ̂ŋ-ŋai ƃò Ŋánuu-namui Yâwɛɛ ma, ŋá pɛ́lɛ a gɔ́ɔ. Ŋá ƃò mà ńyɛ̂ɛi, “Óo Ǹuu-namui, ǹyao ma Ɣala maa pɔlɔ-pɔlɔi, ya íwɛli kɛ́-maai maa kono-teei ŋàa-see kɛ̀ diai yêei dí íwɛli-ni dí kɛ́ ítɔ̂ŋ ŋàa-see kɛ̂i.

Yálá laawoo hɛɓɛ (dc)

⁴ Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Yálá laawoo hɛɓɛ

⁴ Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Danîa 9:4 ပူးပေါင်းရင်းမြစ်များ

Tɔɔɓɛlaa dɔlɔɔ 8:23

ǹyɛɛi, “Óo Yâwɛɛ, Eezuɛ Ŋɔɣâlai, Ɣâla da kpɛ́ni fé naa yɛ̂ɛ ƃía, Ɣâla-taa ŋ̀elei su-pere kpaa máŋ ǹɔii ma mu-pere. Ƃa íkpanaŋ-wooi mɛi káa í gɛ̀ ínûai yêei, íkɛ íwɛli kɛ́-maai lɛ́ dîa à kɛ̀ da íwoo mɛni dí maa tûa kɛ́ a dílii kélee dí sía íkɔɔ-pɔɔi.

Kɔlɔnikɔ Veerɛi 7:14

À kɛ̀ ŋánûai nyii-ŋai ńaai seɣeɛɛi diai da dí maa yêŋdí ɣâla fɛli, dí ŋ́gɔri dí tínaŋ dí dípôlu tɔɔ dí ŋwana lɔɔ tua-ŋai dîa, gɛ̀ ní ŋa pâi lɛɛ̂i Ɣâla-taa ŋá díwoo mɛ́ni ŋá dísɔnyɔ̂ŋ su mɛni lɛɛ, ŋá dílɔii ƃálo.

Ɛsdrasə 10:1

Ɛzura kɛ́ɛ a ŋuŋ ma pîlaŋɔɔ Ŋ̀âla-pɛrɛ Kɛ́tɛi ŋɛ́i-tuɛ, gɛ́ Ɣâla fɛli, gɛ́ ŋɔsɔnyɔ̂ŋ ƃò wɔ́lɔ wôo sui, Eezuɛ-ƃelai gbulu kɛ́tɛ dí pà gɔlɛ ma dia máŋ dí wɔ́lɔ a zu kɛ́tɛ. Ǹûai ŋí díkɛ̀ a kpakolo-ŋa, nɛyâa da nîa-pɛlɛɛ.

Nehemi 1:5

Ŋá mò ńyɛɛi, “Óo Yâwɛɛ Ɣâla, yái íkaa Ɣâla-taai, yá ƃa ŋ̀wála-wala kélee Ɣalai. Ǹyaŋ fɛ̂ɛ núu kélee dí ƃaa kɛ́ maa tɛ́ɛ ípɔ. Ƃa íkono têei ŋàa sèe kɛ̀ ǹúui kélee yêei í ŋwɛ́li ní gɛ́ íwoo mɛni, gɛ́ í tɔ̂ŋ-ŋai mɛi kâai.

Nehemi 9:32

“Óo Kúɣâlai, yá ƃa Ŋ̀wála-wâla kélee Ɣalai. Ya zûgbɛlɛ-gbɛlɛ da ŋɛi-kɛ́ maa mɛni kpaya-kpaya ŋa kɛ̀. Ya kono têe kɛ̀, ífaa íwoo maa fâleŋ. Íwɛli kɛ́-maai kóyɛŋ fé ma. M̀ɛni kpɔ̂lui kélee kwa tɛ̀ɛ zu é síɣe Asiria kaloŋ ŋɔtãi ma, é tóo sâa mai, ífe íŋɛi nàɣiŋ dímɛi. Kwa mɔ̃lɛ kwa kúnûai, kúlɔii kâloŋ-ŋai, kúlaa túɛ-ƃelai, zâla láa soŋ-ƃelai da ílono kɛ́-ƃelai, é pɛ́lɛ kúnûa pɔ̂lɔ-ŋai dîa.

Mąątɛ̨nɛ̨ 32:5

M̀ɛni ma, ŋá ŋásɔnyɔ̂ŋ kélee ƃò yâ. M̀ɛni nyɔ́mɔɔ-ŋai ŋa gɛ̀i, fé da lòo ní yâ. Ŋá gbɛ̀tɛ a gɛɛ ŋá gélee ƃó yâ, ǹyaŋ í ńzu-mɛni lɛ̀ɛ.

Lɛɛ gbɔwɔ ɓa 20:6

Kɛ́lɛ ŋa wála támaa malôŋ káa diai da ŋ́wɛ̂lii dí ŋatɔ̂ŋ-ŋai mɛi káai.

Ɉeremi 3:13

Kɛ́lɛ, m̀ɛnii nɔ́ ya pɔ̂ri gɛ̂i ƃá fɛ̂ɛ í gɔ́lɔŋ a gɛɛ ya sɔnyɔ̂ŋ kɛ́ a Íɣâlai Yâwɛɛ. Í mó a gɛɛ íkɛ̀ ɣâla da kpɛ́ni-ŋa fɛlîi ŋ̀úru-ŋai mu ífe íwoli tɔɔ ní ŋ̀óo ma. Ńyãa Yâwɛɛ ƃé mò tí.”

Ɉeremi 32:23

Kɛ́lɛ, tãi dí pá la ǹɔii ŋí sui, dífe díyee see ní íwooi mu, kpaa máŋ dí tûa yɛ̂ɛ berei ísɛŋ-lɛɛi káa lai. M̀ɛni-ŋai í mò a gɛɛ dí gɛ́i, dífe dɔnɔ kpîŋ kɛ́ ní. Zɛŋ ƃé gɛ̀ íkɛ m̀ɛni kpɔ̂lui ŋí làa dîa.

Danîa 6:10

Tãi Danîa è gɔ̀lɔŋ la a gɛɛ da m̀ɛnii ŋí maa tɔ̂ŋ pɔ̃yɛ kɔlɔ mai, è tɛ̀ ŋɔpɛ́rɛi ŋ̀elêi-pere ƃɛ́i ǹaa wona-ŋai lá è kɛ̀ a m̀óɔɔ Zerusâlɛŋ perei. È pìlaŋ ŋ̀úgbe ŋá é Ɣâla fɛli. A kâa gɛ̀ tí gîei saaƃa fólo ma gɛ́ sɛɣɛi-fei tɛ̀ɛ Ɣâla pɔ́ yɛ̂ɛ berei a kâa gɛ̀ la a bɔlɔi.

Danîa 9:3

Nya ƃe ŋá luu sia ḿâ ŋá maloŋ tôo-maa seɣe too ḿâ ŋá suŋ-siɣe ŋá tínaŋ Ǹuu-namui Ɣâla pɔ́ naa pere ŋá vɛli a gbanaŋɔɔ.

Lukə 1:72

a gɛɛ e maloŋ-kaa lɛ Kúnuu-pɔlɔ-ŋai dîa a gɛɛ ŋɔkono-tee kpanaŋɔɔ maa waai kíli e lɛɛ díŋa,

Lomaŋ 8:28

Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Dutɛrɔnome 5:10

Kɛ́lɛ ŋa diai kélee wɛ̀li dí ŋ́wɛlinii dí kɛ́ ŋátɔ̂ŋ-ŋai mɛi kâai.

Dutɛrɔnome 7:12

“À kɛ̀ ka káwoli tɔ̀ɔ dɔ̂ŋ-ŋai dîa ká sía a díwoo, gɛ̀ ní ŋ̀óo mii Káɣâlai Yâwɛɛ da kánâŋ-ni dí gɛ̀i a pâi lɛɛ̂i dɔɔ̂i.

Dutɛrɔnome 7:21

Káfe yào dîa, kpɛ́ni fêi, Káɣâlai nyii kásamai, gɛ̂tɛi, maa mili-miliɛɛ.

Dutɛrɔnome 7:9

Ka gɔ́lɔŋ a gɛɛ Káɣâlai Yâwɛɛ káa a Ɣâla. Gáa a kili-kɛ-zu ɣala nyii a ŋɔwɛli-kɛ-maa kono-teei ŋ̀aa-see kɛ̀ núu wála-wala seêi támaa mì nyii-ŋai da ŋ̀wɛli dí kɛ́ ŋɔkono-teei ŋ̀aa-see kɛi.

Zĩi 1:12

Lûwa káa ǹúui ma a ǹíi kpèle su-kɔɔŋ yêei, kpɛ́ni fêi, à tɔ̀ɔ zu-kɔɔŋ tí su, gɛ̀ ní a pâi fulu-laa ŋɔkâloŋ-ƃɔrɔi sɔlɔ ƃôi, nyíi Ɣâla a góno tée la diai yêei dí ŋ̀wɛli ni.

Zĩi 2:5

Ka káwoli tɔ́ɔ, ŋáwɛli-kɛ-maa-ƃelai. Ɣâla fé gôlo-ƃelai lɛ́ ní ŋ̀éniɛi ŋí su a gɛɛ dí tɔɔ laa-la su dí kɛ́ a Gâloŋ-laai sɔlɔ-ƃo-ƃela, nyíi è maa-kono-tee kɛ̀ diai yêei dí ŋ̀wɛli ní?