Danîa 7:10 - Bible

¹⁰ Ŋɔŋ è kɛ̀ súlunîi ŋ̀ɛ́i túɛ yɛ̂ɛ yá a kɛ̀ súlunîi. Núu wála támaa dí kɛ̀ tíi kɛ̂i mì. Núu wála puu seêi puu (100,000) dí tɔ̀ɔ ŋ̀ɛ́i túɛ. Dí mɛni-sâa ƃó mɛnii kɔ́ɔ pìlaŋ dí maa kɔlɔ-ŋai lá ƃó.

Yálá laawoo hɛɓɛ (dc)

¹⁰ Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Yálá laawoo hɛɓɛ

¹⁰ Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Danîa 7:10 ပူးပေါင်းရင်းမြစ်များ

Azaya 30:27

Yâwɛɛ ŋɔwála-walai da ŋɔkɛ́tɛ-laai maa tûŋ káa ŋ̀éniei gwaa kélee ma. A ǹíi ŋwàna, ŋɔŋ a têe, maa lurii é ǹɔii mɛi pɛ́lɛ. Ŋ̀óo a núu kèreŋ yɛ̂ɛ ŋɔŋ.

Dutɛrɔnome 33:2

Yâwɛɛ è kùla Sana Yeei mâ, é tɛ́ Idɔŋ mɛi yɛ̂ɛ fólo ŋɔkwaa ponoɔɔi é ŋɔnûai maa pono Paraŋ yeei ma. Ɣâla-taa kela támaa dí kɛ̀ a dítinaŋɔɔ ma, ŋɔŋ-soŋ kɛ́tɛ kɛ́ ƃò ǹáa mii-yee mɛi-pere.

M̀ɛni-lɛɛi 5:11

Ŋá nàa kàa, ŋa ɣâla-taa-kela támaa wóo mɛni dítinaŋɔɔ gâloŋ-see-sɛŋ kɔlɛ ma da vúlu-sãai é pɛlɛ ǹúu-pɔlɔ-ŋai dîa. Díkelee dí kɛ̀ a wála puu támaa seêi wála puu támaa da wála támaa seêi wála támaa.

Mąątɛ̨nɛ̨ 50:3

Kúɣâlai fé m̀ɛi saa ní gɛ́ pà. Ŋɔŋ sôŋ kɛ́tɛ káa dúɛ gɛ́ pà. Fãa kɛ́tɛ tínaŋɔ̂ɔi m̀a.

Mąątɛ̨nɛ̨ 68:17

Tãi Ǹuu-namui è kùla la Sana Yeei ma gɛ́ lì ŋɔkwa maa waai mai, ŋɔkɔ́ kɔ́ keleŋ sia-sãai dí kɛ̀ a wála támaa.

Zûu 1:14

Ǹûai ŋí ƃe máŋ Inɔsi, nyíi kɛ̀ ŋɔsuui-seei mɛi feerɛ su é kúla Adaŋ mai, é dímaa-mɛni ƃò nàa tuɛ, nyɛɛi, “Ka gáa, Kúnuu-namui è pà a Ŋɔɣâla-taa-kelai ŋ̀wála támaa maa waai,

Maafîu 25:31

“Kɛ́lɛ, tãi núu-kpune Ǹóŋ a pâi pâi la ŋɔfólo-laai su da Ŋ̀âla-taa kela-ŋai kéleei, a pâi seêi ŋɔfólo-laai su-kaloŋ-see-sɛŋ ŋá.

Azaya 30:33

Asiria lɔii láa túɛ-nuui kéreŋ kwaa ma kpɛtɛ̂ɛi kóraŋ támaa tɛɛ pôlu ma. Gáa a lóa su-kɛ́tɛ kpóŋ kôyaa, kɔi kɛ́ ƃò a ǹaa lá fɛ́ɛ. Yâwɛɛ a pâi ǹaa fɛ̂ɛi a ǹɛwo, ŋɔŋ su-kɛ́tɛ é tée naa yɛ̂ɛ súluŋ su ŋɔŋ.

Tɔɔɓɛlaa dɔlɔɔ 22:19

Mikâya è lì tuɛ a ŋ̀óo “M̀ɛni ma Yâwɛɛ wóo mɛni: Ŋá Yâwɛɛ kàa seeni ŋɔkâloŋ see-sɛŋ ŋá ŋ̀âla-taa kela-ŋai kélee kɛ́ ƃò tɔɔni dí tínaŋɔɔ ma ǹáa-mii-yee mɛi-pere da gɔɔ-yee mɛi-pere.

Danîa 7:22

Nya ƃe ǹúui gáa ɣele ma wɔ́lɔ-wɔlɔ da wɔ́lɔ-wɔlɔi è m̀ɛnii ŋá tèe Ŋ̀âla Kɛ́tɛi ŋɔnûai mɛni ma. È mò nyɛ̀ɛ tãi a seri a gɛɛ Ɣâla ŋɔnûai dí lɔii loŋ-laa maa wala-wala-sɔlɔ ƃó.

Hebreu 12:22

Kɛ́lɛ, ka pá Zãiyɔŋ Yeei ma da Vulu-laa-Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa-kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

Zakari 14:5

Ka pâi pûi a ŋáyeei ŋɔtiŋ-tiŋ su-pere nyii ǹyéei ŋáa kɔ̀lɛ gîei feerɛ. Ka pâi pûi yɛ̂ɛ berei ká wɔ́lɔ pù la Zuda kaloŋ Uzia ŋɔtãi ma tãi ǹɔii è wɔ́lɔ kpɛ̀liŋ lai. Gɛ̀ ní Yâwɛɛ nyii gáa a Káɣâlai a pâi pâi da ŋɔpôlu-ƃelai kélee.

Danîa 7:26

À kɛ̀ tí, ŋ̀elei su mɛni-saa ƃó-pɛrɛi a pâi ŋɔmɛnii ŋá têei. Da pâi gâloŋ-laai kulâi ǹyêei dí zu-kara.

Hebreu 1:14

Díkelee dífe a tii-kɛ-mɔ̂leŋ-ŋa nyíi-ŋai Ɣâla è dítɛ̀ɛ a gɛɛ dí tíi kɛ́ diai mɛni ma da pâi ƃalo-laa sɔlɔ ƃôi?

M̀ɛni-lɛɛi 11:18

Diai dífe Ɣâla-mɛni wɛ̂li nii dílii è ŋwàna kpɔ́ a ŋánaa, kɛ́lɛ, ílii-ŋwanai è pà, a da zaa-ƃelai dímɛni-ŋa-tee-tãi. Íyee-mu-ƃelai fela fé tãi a seri, diai díkaa a ílono-kɛ-ƃelai, da Ŋ̀âla-ƃelai da diai da yao ílaâi mai, nia-pɛlɛɛ kpaa máŋ núu kpaya-kpaya, Diai ǹɔii su karai, dísu kara tãi a seri.”

Kɔlɔnikɔ Veerɛi 18:18

Makaya è ŋɔ́nɔ mò mà ǹyɛɛi, “Ye íwoli tɔ́ɔ ímɛnii mɛ́ni nyíi Yâwɛɛ a môi. Ŋa Yâwɛɛ káa gɛ́ ƃò see-ni ŋɔkâloŋ see-sɛŋ ŋá ŋâla-taa-ƃelai kélee tínaŋɔɔ ma.

Mąątɛ̨nɛ̨ 18:8

Luri è kùla zũai, ŋɔŋ-leŋ da ŋɔŋ têɣã dí kúla ǹá.

Danîa 12:1

Ŋ̀âla-taa-kelai kɛ̀ zĩ̂ai su-kulai Dania mai, è ŋɔ́nɔ mò m̀a ǹyɛɛi, “Tãi tí ma, Makɔɔ nyii gáa a Ŋ̀âla-taa kéla-ŋai láa túɛ-ƃelai dɔnɔi nyii a ínûai maa kɔ̃ɔi, a pâi pâi. À pà, mɛni kpânaŋ a pâi kulâi ǹûai dîa. A pâi kɛ̂i a mɛni kpânaŋ nyii da fé tá kɛ́ ní é síɣe ǹɔii-ŋûŋ-ŋai kɔ́ɔ pîlaŋ tãi mai. Kɛ́lɛ maa tãi tí ínûai nyii-ŋai dílaa pɔ̃yɛ̂i gɔlɔi sui da pâi ŋuŋ ma ƃô sɔlɔ ƃôi.

Zôo 25:3

Ŋɔkɔkuluƃa-ŋai tâmaai kpɔ́ núu da fa pɔ̂ri dílônoi. Kwaa da mâ káa naa ƃɛ́ Ɣâla ŋɔkwaa ponoɔɔi fé naai?

Mąątɛ̨nɛ̨ 103:21

Káai kélee a ŋ̀wála-wala-ƃelai ŋ̀elei su perei, ka ǹáa maa tɛ́. Káai kélee a ŋɔtíi kɛ́-ƃelai ka ǹîa mɛni kɛ̀i, ka ǹáa maa tɛ́.