Danîa 4:7 - Bible

⁷ Nya ƃe è duɛ mɛni ƃó-ƃelai, dɛli kpɛ́-ƃelai, bóniŋ kɛ́-ƃelai, da dáre-ƃelai dí pà. Dí páai, ŋá mɛnii ƃò dîa ŋá gàa zĩ̂ai sui. Kɛ́lɛ dí ta fé pɔri ní zu-kulâi ḿî.

Yálá laawoo hɛɓɛ (dc)

⁷ Ɓɛlɔwai ŋą́ kɛ la laani ɲə́i gbin ŋą, ɉįi ŋą́ gaa ya ka: «Ŋą́ wulu ta kaa lɔi hąą, gwɛa kpɔ kɛnɛ̨.

Yálá laawoo hɛɓɛ

⁷ Ɓɛlɔwai ŋą́ kɛ la laani ɲə́i gbin ŋą, ɉįi ŋą́ gaa ya ka: «Ŋą́ wulu ta kaa lɔi hąą, gwɛa kpɔ kɛnɛ̨.

Danîa 4:7 ပူးပေါင်းရင်းမြစ်များ

Zɛnɛse 41:24

Nya ƃe gbai-kaŋ kpálaa-ŋai dí gbai-kaŋ kpaya-kpaya lɔ́ɔlu mɛi feerɛi kpèle. Ŋá zee-woo-ŋai ŋí ƃò bóniŋ kɛ́-ƃelai dîa, kɛ́lɛ dítɔnɔ kpîŋ fé pɔ̂ri ní zu kulâi.”

Zɛnɛse 41:8

Maa ɣele-walai tí ǹíi è kɛ̀ sɛ̂lɛnii. Nya ƃe gâloŋ è ŋɔpóniŋ kɛ́-ƃelai da ŋɔtáre-ƃelai kɛ̀ Izei kélee tòli, é zee-wooi ƃó dîa. Kɛ́lɛ díta fé pɔ̂ri ní zu kulâi mì.

Mąątɛ̨nɛ̨ 37:35

Ŋá ŋ̀wana-lɔ̂ɔ ŋánaa-nuu da káa, dɔ́ɔ kpɔ́ ǹûai kélee mɛi yɛ̂ɛ sîda wuru nyii gáa Lɛƃanɔŋ.

Azaya 44:25

Ŋá dɛli kpɛ́-ƃelai ƃòo, ŋá dílii su kɛ́ yùu-yuu. Ŋá táre-ƃela dítarei maa fâlɛŋ. Ŋá ǹɛ́ dîa a gɛɛ dítarei káa a ƃoo tûa.

Izikiɛ 31:3

Kákaa yɛ̂ɛ sîda wurii nyii gáa Lɛƃanɔŋ. Ŋ̀oŋo lɛ̂lɛɛi, ǹinîŋ kɛ́tɛ. Gáa a wúru kôyaa é tɛɛ m̀arâŋ wuru-ŋai kélee dîa.

Danîa 1:4

Ǹyɛɛ mà ǹûai ŋí dí kɛ́ a nyáŋkpa lɛ́lɛɛ-ŋa nyii-ŋai dífe kɔ̃́linii. Díkɛ a dítareɛɛ sɛŋ maa kɔ́ri pere sii kélee su. Díkɛ a díkili-ŋa ponoɔ́ɔ, dímɛni ŋá káa la nɛ̃ɛ. Díkɛ a díkpɛtɛɛ tíi kɛ́ mɛni ma gâloŋ ŋɔtíi kɛ́ pɛrɛi mu. Babelɔŋ sii-wooi lɛ́ dîa da maa mɛ̂ni-pɔ̂lɔ-ŋai.

Danîa 2:10

Dáre-ƃelai dí mò mà dîyɛɛi, “Núu da fé ɣéniɛ nyii a pɔ̂ri m̀ɛnii kɛ̂i yâ môi kûa a gɛɛ ku gɛi. Kâloŋ kɛ́tɛ kpaa máŋ guro-te da fé tá wɔ́lɔ ŋɔtáre-ƃelai, ŋɔpóniŋ kɛ́-ƃela da ŋɔtɛli kpɛ́-ƃelai marê kɛ́ ní mɛni kɛ́ɛ ŋí kɛ́ mɛni ma.

Danîa 2:27

Danîa ǹyɛɛ mai, “M̀ɛnii ya m̀ôi kûa a gɛɛ ku gɛ̂i táre-nuu, póniŋ kɛ́-nuu kpaa máŋ tuɛ mɛni ƃó-nuu fa pɔ̂ri gɛ̂i.

Danîa 2:7

Dí ŋ̀óo su tòo ŋɔ́nɔ dîyɛɛ mai, “Gâloŋ, zee-wooi ƃó íyee mu-ƃelai dîa. Kwa pâi zu-kulâi yɛ̂.”

Danîa 3:8

Ǹaa kɛ́ɛ tíi, Babelɔŋ tare-ƃelai da-ŋa dí pà gâloŋ pɔ́ naa a gɛɛ dí mɛni pɛ́lɛ Zûu-ŋai dîa.

Danîa 4:18

“ ‘Zĩ̂ai tɛ̀ɛ a ńyãa Nɛbukinazai, zu-woo ká ŋí. Mɛni ma Bɛtesazɛ, zĩ̂ai ŋí su-kula ḿî. Táre nuu da fé ƃɛ́ a pɔ̂ri zĩ̂ai ŋí su-kulâi ḿî. Kɛ́lɛ ya pɔ̂ri zu-kulâi ḿî kpɛ́ni fêi, ŋ̀âla maa waa-ŋai dímɔleŋ káa ípôlu.’ ”

Danîa 5:7

È dɛli kpɛ́-ƃelai, bóniŋ kɛ́-ƃelai da dáre-ƃelai, worɛ̂ tɛ̀ɛ. Tãi ǹûai ŋí dí pà lai, è mò dîa ǹyɛɛi, “Ŋ̀óoi ŋí bɔ̃yɛ̂ɛi bɛrɛ-kaŋ ŋí mai, ǹuui pâi ǹônoi ḿî é zu-kula ḿâi, ŋa pâi ƃaa kɛ́-maa tɛɛ̂i maa nuui pɔ́, ŋá yɛkɛ pɔ̃yɛ mu-kpɔluɔɔ tóo m̀a, ŋá gôo yɔlɛ too gɔŋ ma, ŋá tela gɛ́ a ŋ́gɔlɛ ma-nuui veerɛ ɣelei gâloŋ-laai su.”

Danîa 5:8

Nya ƃe dáre-ƃelai kélee dí pà. Kɛ́lɛ da fé pɔri ní ŋ̀óoi ŋí lônoi kpaa máŋ é zu-kula gâloŋ ma.