Azaya 9:3 - Bible

³ Yâwɛɛ, yaâ ǹɔii-ŋûŋ-ŋai su-ƃelai kɛ́ díkɛ ƃûu ƃò, díkɛ lii-nɛ̃ɛ kùla. Dílii lâai, díkɛ lii-nɛ̃ɛ kùla m̀ɛni-ŋai mɛni ma ƃa gɛi, yɛ̂ɛ nûa ƃé lii-nɛ̃ɛ kulâi sí-sãa ƃá kula kûu ma, kpaa máŋ yɛ̂ɛ nûa ƃé kɔ́ su-kula yeei sãa ŋákɔlɛ̂i díkîe-ni loai.

Yálá laawoo hɛɓɛ (dc)

³ Mąąhɔlɔɓo, nuwɔ laai di kɛ ɉu, gbɔn kɛ di mɔ̨nɔ̨ɓomun ɲəi, yɛ di kɛlɛ la di pulu, Yáá yiliɠaai kəlee hu yali, yɛ bələi wɔlɔ Ə́ gɛ la a Madian nuą.

Yálá laawoo hɛɓɛ

³ Mąąhɔlɔɓo, nuwɔ laai di kɛ ɉu, gbɔn kɛ di mɔ̨nɔ̨ɓomun ɲəi, yɛ di kɛlɛ la di pulu, Yáá yiliɠaai kəlee hu yali, yɛ bələi wɔlɔ Ə́ gɛ la a Madian nuą.

Azaya 9:3 ပူးပေါင်းရင်းမြစ်များ

Nehemi 9:23

Í gɛ̀ dísuui su-ƃelai dí támaa yɛ̂ɛ bɛ̂mɛlɛŋ-kao-ŋai. Í pà a dia ǹɔii ma í íkono tèe la dínâŋ pɔ̂lɔ-ŋai yêei.

Zôo 12:23

Ɣâla a gɛ̀ núu-suu-ŋa tɔɔ̂i é kpanaŋ, é ŋɔ́nɔ gɛ́ dí kɛ́ a fii kpɛ̂ɛ-ƃela. À gɛ̀ díƃûu ƃó, é ŋɔ́nɔ gɛ́ díkôlo.

Mąątɛ̨nɛ̨ 107:38

A gɛ̀ nûa dí nîa-pɛlɛɛ maa sɔlɔ ƃó a dámaa, é lûwa láa dítaa tulɛ-ŋai dîa.

Mąątɛ̨nɛ̨ 119:162

Ńii nɛ̃ɛ̂i íkono-tee-ŋai mɛ̂ni ma, ńii nɛ̃ɛ kpɔ́ yɛ̂ɛ núu a tɔɔ-sãa kɛ́tɛ sìɣe toôi.

Mąątɛ̨nɛ̨ 4:7

Ǹii-nɛ̃ɛi yâa dɛɛ ḿbɔi, dɛɛ̂i kpîŋ kúkpɔara-ƃelai díwɔ̂i ma tãi mii-sãa támaa è kɛ̀ la díyêei da ŋwã̂ai.

Azaya 10:26

Ńyãa, Ŋ̀wála-wâla kélee Yâwɛɛ ŋa pâi dílôkwai yɛ̂ɛ berei ŋá gɛ̀ la a Mediaŋ-ŋai Ore kɔnii mai. Ŋa pâi Asiria kula maa kɛ̂i yɛ̂ɛ berei ŋá Ize kula maa kɛ̂ lai.

Azaya 12:1

Ya pâi wule toôi Yâwɛɛ ma a ɣele da yɛ̂ɛ m̀ai, “Yâwɛɛ, ŋa sɛɣɛ-fêi tɛɛ̂i ípɔ, kpɛ́ni fêi ílii fé ŋɔ́nɔ ŋwána ní ḿâ, ya ŋ́aa nɛnɛ.

Azaya 14:5

Yâwɛɛ a zɔnyɔ̂ŋ kaloŋ-ŋai díwála-walai kúla díyêei, a díkâloŋ wuru-ŋai su ɣále.

Azaya 25:9

M̀aa ɣêlei tí, núu-kpune kélee da pâi m̀ôi dîyɛɛi, “Kúɣâlai ká ŋí. Ǹyaa ƃe kwa wɔ́lɔ m̀aa kpɛ̂nii a gɛɛ é kúŋuŋ ma ƃó. Ǹyaa ƃa Yâwɛɛ nyii kúkili tɔɔ̂i mai. Kwaa lii-nɛ̃ɛ kula, kpɛ́ni fêi, a kúŋuŋ ma ƃó.”

Azaya 26:15

Óo Yâwɛɛ, ya ǹɔii-ŋuŋ su-kɛtɛ. Ya gɛ́ zu a kɛ̂tɛ m̀éla kélee ma. M̀ɛnii ŋí a gɛ́ ƃaa kɛ́-maa támaa a kɛ́ yâ.

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 35:2

Vɛ̃ɛ-kpâlaŋ-ŋai da ǹɔii kpâlaŋ-ŋai da pâi kɛ́i wule-ŋa toôi díkɛ lii-nɛ̃ɛ kùla a zu-kɛ́tɛ. Gwaa-ŋai ŋí ma a pâi kɛ̂i a ǹɛ́lɛɛ yɛ̂ɛ Lɛƃanɔŋ Yee-ŋai ma. Ǹɔii a pâi kɛ̂i a ǹɛ́lɛɛ gwaa-ŋai ŋí ma Kamɛɛ Yeei da Sarɔŋ tiŋ-tiŋ su. Ǹaa-ƃelai kélee da pâi Yâwɛɛ ŋɔfólo-laai kâai, dí Ɣâla ŋɔkɛ́tɛ-laai kɔ́lɔŋ da ŋɔwála-walai.

Azaya 54:1

Zerusâlɛŋ, íkaa nɔ́ yɛ̂ɛ kpóma nɛ̂ni. Kɛ́lɛ wule tóo, í koi-nɛ̃ɛ kula. Ya pá nîa-pɛlɛɛ támaa maa sɔlɔ ƃôi é tɛ́ɛ ǹɛnîi ma da bɔ̂ŋ díkaa niî tûai.

Azaya 55:12

“Ka pâi kulâi Babelɔŋ a lii-nɛ̃ɛ, ka lí lii-sêe su. Ǹyée kpaya-kpayai da bɛlɛ-pɛlɛɛi da pâi kɛ̂i wule-ŋa toôi. Ŋ̀úru-ŋai dia máŋ da pâi kɛ̂i díyee ŋá lôkwai a lii-nɛ̃̂ɛ pere.

Azaya 61:10

M̀ɛnii Yâwɛɛ è gɛ̀i Zerusâlɛŋ a m̀aa koi-nɛ̃ɛ kula. Zerusâlɛŋ a m̀aa ɣíri yɛ̂ɛ nɛnî ƃé liî surɔ̂ŋ kulâi. Ɣâla a Zerusâlɛŋ m̀aa ɣíri a ƃálo-laa da yee-tɛɛ maa lâa.

Azaya 61:7

Káŋumɛi da káƃaa-kûla-maai da pâi kpɛɛ̂i. Ka pâi seêi ká kpɔɔi lɔii su, kátɔɔ-laai su é kɛ́tɛ gîei feerɛ. Koi-nɛ̃̂ɛ a pâi kɛ̂i kâa wɔ́lɔ-wɔlɔ.

Azaya 65:14

Ŋá tíi kɛ́-ƃelai da pâi wule toôi a lii-nɛ̃̂ɛ pere, kɛ́lɛ ka pâi wɔ̂lɔi a lii-too pôlu pere kásɛŋ-sôli maai su.

Azaya 65:18

Ka kɛ́ a kálii-nɛ̃ɛ, ká kɛ́ koi-nɛ̃̂ɛ kùla ŋ̀éniɛ ninai su wɔ́lɔ-wɔlɔ da wɔ́lɔ-wɔlɔ. Lii-nɛ̃̂ɛ a pâi Zerusâlɛŋ ninai ŋa pâi gbɛtɛ̂i láa fɛ̂ɛi. Ǹyaŋ diai pâi kɛ̂i naai, da pâi kɛ̂i koi-nɛ̃̂ɛ kulâi.

Azaya 66:10

Ka Zerusâlɛŋ ka lii-nɛ̃ɛ kula káai daa-lêei ŋí wɛ́linii, ka lii-nɛ̃ɛ kula m̀ɛni ma! Ka lii-nɛ̃ɛ kula ka dîa-ni loníi ma, káai kélee kɛ̀ m̀aa malôŋ see-ƃôi!

Ɉeremi 31:7

Yâwɛɛ è mò ǹyɛɛ, “Ka lii-nɛɛ wule too Eezuɛ ma, nyíi gáa a ǹɔii-ŋuŋ-ŋai gɛ́tɛi. Ka laa-maa-tɛ wule too, ‘Yâwɛɛ a ŋɔnûai ƃálo. Diai kélee lɛ̀ɛi, a díŋuŋ-ma ƃó.’

Osia 4:7

“Berei nɔ́ káai a zâla láa-soŋ-ƃelai ka tâmai lai, bere nɔ́ ƃé kákaa sɔnyɔ̂ŋ kɛ̂i la a ńyãa. Ŋa pâi káƃaa-kɛ-maai kɛ̂i a ŋumɛ.

Levetekɔ 26:13

Ńyãa ƃa Káɣâlai Yâwɛɛ. Ŋá kákùla Ize lɔii su ŋá pá a káa a gɛɛ káfe ŋɔ́nɔ kɛ̀ luɛ-laa su. Ŋ̀wála-wâla-laai kɛ̀ kásonîi ŋá ŋ̀áa yèŋ ŋá gɛ́ kákula ǹɔii su ka kɛ siai, kákoôŋ tɔɔ kâa.”

Zakari 10:8

“Ŋa pâi dítôli, ŋá pá a dia. Ŋa díŋuŋ maa ƃôi, ǹyaŋ da pâi kɛ̂i a dítamaa yɛ̂ɛ berei dí kɛ̀ la a bɔlɔi.

Zakari 2:11

Maa tãi tí su lɔii-ŋûŋ támaa da pâi pâi Yâwɛɛ pɔ́ dí kɛ́ a ŋɔnûa. A pâi kɛ̂i kúsama, ǹyaŋ ka pâi gɔ́lɔnîi a gɛɛ ǹyaa ƃé ńdɛ̀ɛ kápɔ-naa.

Zakari 8:23

Maa ɣêle-ŋai tí su, núu puu da pâi kulâi lɔii-ŋûŋ kélee su dí Zuda-nuu tɔnɔ ŋɔyokpoi wóŋ sóŋ dîyɛɛi, ‘Kwa káa-ni kwa liî, kpɛ́ni fêi, kwa mɛni a gɛɛ Ɣâla káa kápôlu.’ ”

Lukə 11:22

kɛ́lɛ, ŋɔyee-tɛ̂ɛ-maa-nuu é máŋ pá bɔ́ é kɔ́ bɔ́, ǹyée a tɛ̀ɛ mà, a ŋɔkɔ́-kɔ-sãai kélee sìɣe nyii a gíli pù mai, é ǹyée ŋa-sãai ŋáa kɔ́lɛ.

Gɛlaɠaa 8:8

Lii-nɛ̃ɛ kɛ́tɛ è kɛ̀ daai tí su.

Filipə 4:4

Ka lii-nɛ̃ɛ kula Kúnuu-namui kponôi a ɣele kélee; ŋa ŋɔ́nɔ m̀ôi káa a gɛ́ɛ ka lii-nɛ̃ɛ kula.

Piɛrə dɔlɔɔ 1:8

Ǹúui káfe niî gáa níi, ka ŋ̀wɛ̂lii. Berei máŋ káfe gaâi la tãi ŋí su, kɛ́lɛ, kalaâi lai. Ka lii-nɛ̃ɛ su kɛ́tɛ kúla nyíi ǹáa fɛɛ̂i kpɔ́ a folo-laa a ŋánaai.

Nwun mąąɓo 5:3

Kâloŋ-ŋa, ka káwoli tɔ́ɔ! Káai a ǹuu láa túɛ-ƃelai, ka káwoli tɔ́ɔ! Ŋa pâi pêle kɛ̂i, ŋá wule tóo Eezuɛ-ŋai Díɣâlai Yâwɛɛ ma.

Nwun mąąɓo 7:22

Gidiɔŋ ŋɔkɔ-kuluƃa-ŋai kɛ́ɛ da díturuii fɛ́ɛi, Yâwɛɛ è gɛ̀ Mediɛŋ kɔ kɔ́-ƃelai dí pɛ́lɛ kɔ̂i díkîe ni pɔ́ a ƃóa-sɔkpɔ-ŋa. Diai lɛ̂ɛ a dífului, dí pù dí lí Zarɛtaŋ pere dí tɛ́ɛ naa dí lí kpɔ́ Bɛɛ-sita é lɛ́ɛ la zu dí seri Ebɛɛ Meola, Taba lɔii kpiniŋ kɔlɛ.

Nwun mąąɓo 8:12

Gɛ́ɛ tí, Midiɛŋ Kaloŋ feerɛi Zeƃa da Zamuna dí pù. Kɛ́lɛ Gidiɔŋ è lɛ̀ɛ kpɔ́ dí pôlu é lɛ́ɛ la zu é dí sóŋ. M̀ɛnii ŋí è gɛ̀ díkɔ-kuluƃa-ŋai kélee dí yao kpɔ́ a ŋ̀ánaa.

Samuɛlə dɔlɔɔ 30:16

È berei kùla a Deeƃé é lí la Amɛlɛka-ŋai pɔ́-naa. Dí kɛ̀ a dítaa-taa díkɛ̀ lii-nɛ̃ɛ kùla, díkɛ lɔɔ kpêle, díkɛ dílaa mii, kpɛ́ni fêi, zãai dí zìɣe Felesia-ŋai da Zuda-ŋai dílɔii sui zu è kɛ̀ a gɛ́tɛ.