Azaya 7:1 - Bible

¹ Gâloŋ Eeɣa è wɔ́lɔ kɛ̀ a Gâloŋ Uzia ǹóŋ-surɔ̂ŋ Zotaŋ ǹóŋ. È wɔ́lɔ kɛ̀ a kâloŋ Zuda lɔii mɛi. Tãi è wɔ́lɔ kɛ̀ la a kâloŋ, kâloŋ feerɛ dí kɔ́ pɛ̀lɛ Zerusâlɛŋ taa-leei ma, kɛ́lɛ díyee fé pɔri ní m̀a. Gâloŋ-ŋai ŋí ƃé kɛ̀ a Siria Kaloŋ Lesiŋ, da Limalia ǹóŋ Peka nyíi kɛ̀ a kâloŋ Eezuɛ lɔii mɛi a maa tãi tí.

Yálá laawoo hɛɓɛ (dc)

¹ Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Yálá laawoo hɛɓɛ

¹ Ɓɛlɔwai Yotamə lon Akazə ə kɛ la a tɔɔmun, Oziasə yɛ ɓo a Ɉuda tɔɔmun, ɛlɛɛ, Resin yɛ ɓo a Aramə tɔɔmun, Remaliahu lon Peka yɛ ɓo a Israɛlə tɔɔmun, di li kɔ́ pɛlɛi Ɉerusalɛmə taa ɓa; kɛlaa di hvo pɛli ɉon ɉii.

Azaya 7:1 ပူးပေါင်းရင်းမြစ်များ

Tɔɔɓɛlaa veelɛ 15:25

Limalia ǹóŋ Pika ƃé kɛ̀ a gâloŋ Pikaia ŋɔkɔ-kuluƃa-ŋai mɛi-nuu kɛ́tɛi. Kɛ́lɛ è gbɛ̀tɛ gíli ŋá a gɛɛ é gâloŋ páa. È Gilia kɔ-kuluƃa-ŋai buu lɔ́ɔlu sìɣe é lí a dia Sameria. Dí pɛ̀lɛ Gâloŋ Pikaia ma dí bàa da Aago é pɛ́lɛ Arie ma gâloŋ-pɛrɛ kɛ́tɛi mu. Pika è gâloŋ Pikaia pàa é gbîŋ kɛ́ a kâloŋ bɔ́ɔ ŋá.

Tɔɔɓɛlaa veelɛ 15:27

Tãi Zuda kaloŋ Azaria è kɛ̀ la ŋɔkâloŋ-laai su a kóraŋ buu feerɛi, Pika è gbîŋ kɛ̀ a kâloŋ Eezuɛ. Pika ŋí ǹâŋ láa ƃɛ́ kɛ̀ a Limalia. È kɛ̀ a kâloŋ Eezuɛ lɔii mɛi a ɣáloŋ tɔnɔ. Zeeɛ́ɛ è kɛ̀ Sameria.

Tɔɔɓɛlaa veelɛ 15:37

Ŋ̀ele-ŋai tí su, Yâwɛɛ è pɛ̀lɛ Siria Kaloŋ Leziŋ da Eezuɛ kaloŋ, Lemalia ǹóŋ Pika tɛɛ̂i a gɛɛ dí kɔ́ pɛ́lɛ Zuda lɔii ma.

Tɔɔɓɛlaa veelɛ 16:1

Tãi Eezuɛ kaloŋ Pika è kɛ̀ la ŋɔkâloŋ-laai su a kóraŋ puu káo lɔ́ɔlu mɛi feerɛi, dí Eɣa kɛ̀ a kâloŋ Zuda. Eɣa ŋí ǹâŋ láa ƃɛ́ kɛ̀ a Zotaŋ.

Tɔɔɓɛlaa veelɛ 16:5

Siria Kaloŋ Leziŋ da Eezuɛ kaloŋ Pika dí pà dí kɔ́ pɛ́lɛ Zerusâlɛŋ ma dí tínaŋ naa ma. Kɛ́lɛ dífe pɔri ní Eɣa ǹyée mɛi ɣâlei.

Azaya 1:1

Ŋ̀orɛ̂-woo-ŋai gáa gɔlɔi ŋí sui, Ɣâla è dɛ̀ɛ Zuda da Zerusâlɛŋ-ƃelai pɔ́. È ŋ̀áa lɛ̀ Emɔ ǹóŋ Azaya ma zĩ̂a su. Ɣâla è ŋ̀orɛ̂-woo-ŋai ŋí tɛ̀ɛ ǹûai ŋí pɔ́naa a Gâloŋ Uzia, Zotaŋ, Eeɣa da Ɛsekaya-ni díkâloŋ-laai kɛ́ tãi ma a tɛɛ-ŋa.

Azaya 8:6

“Zuda-ƃelai ŋí da díyee kúla ḿû ńyãai ŋ́gaa yɛ̂ɛ Siloa ya-ɣɛli-ŋai nyii-ŋai da ɣîliŋ a gɔlɔ saa mai. Da gbɛtɛ̂i a gɛɛ dí pá Gâloŋ Lesiŋ da Gâloŋ Peka pɔ́ naa kpɔŋ mâa mɛni ma.

Azaya 9:11

Yâwɛɛ a pâi ŋɔ́nɔ gɛ̂i díkpɔara-ƃelai dí díkpîŋ kpɛtɛ kámɛni ma a gɛɛ dí kɔ́ tóo dîa.

Izikiɛ 27:16

Ǹûai kùla Siriai, dí kápɔni-sãai da ká sãâi dámaa yà. Díka pɔni-sãai maa fâleŋ a kɔni-sɔ̃ɔ kpanaŋɔɔ-ŋa, seɣe kpɔ̂lu mu tɛiɣiɛɛ, seɣe palaa, seɣe nɛnɛ-fɛfɛ, é pɛ́lɛ kɔni sɔ̃ɔ kpanaŋɔɔ nyii da kɛ̂ ma ɛmɔlɔɔ.

Osia 1:1

Ŋ̀orɛ̂-wooi ká ŋí nyii Yâwɛɛ è dɛ̀ɛ Bɛɛri ǹóŋ Osia pɔ́. È kɛ̀ a tãi Uzia, Zotaŋ, Eeɣa da Ɛsekaya-ni dí kɛ̀ la a kâloŋ-ŋa Zuda lɔii su. Tãi ŋí ƃé Zɛoasi ŋ̀óŋ Zɛroboaŋ è kɛ̀ la a kâloŋ Eezuɛ lɔii sui.

Mise 1:1

Ŋ̀óo-ŋai ká ŋí Yâwɛɛ è mò Maka mai. Maka è kɛ̀ a Morɛsɛ taai su nuu. Ŋ̀orɛ̂-wooi ŋí è kɛ̀ a bîlaŋɔɔ Sameria da Zerusâlɛŋ dîa. Yâwɛɛ è ŋ̀orɛ̂-wooi ŋí tɛ̀ɛ a tãi Zotaŋ, Eeɣa da Ɛsekaya dí kɛ̀ la a kâloŋ-ŋa Zuda lɔii su a tɛɛ-ŋai.