Azaya 3:5 - Bible

⁵ Nûa da pâi kɛ̂i díkîe-ni lúanîi. Kpakolo-ŋa da pâi tɔɔ̂i díkîe-ni dîa. Ǹyaŋkpa-ŋai dífe ŋɔ́nɔ pâi ƃaa-kɛ maa tɛɛ̂i ǹúu-pɔlɔ-ŋai pɔ́. Bilaŋ-gɔ́ɔ ma-ƃelai dífe ŋɔ́nɔ pâi kɛ̂i ƃaa-kɛ maa tɛɛ̂i dítɛɛ-maa-ŋai pɔ́.

Yálá laawoo hɛɓɛ (dc)

⁵ Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Yálá laawoo hɛɓɛ

⁵ Nuą kaa pai kɛi hvaa pɛlɛi di kee ɓa, nu kəlee yɛ pɛlɛ ɉeeyɔwɔ ɓa, lolokolo yɛ tɔɔ hulɔgolo la, nu kpoloon yɛ tɔɔ nu ɓɛlɛmąą la.

Azaya 3:5 ပူးပေါင်းရင်းမြစ်များ

Tɔɔɓɛlaa veelɛ 2:23

Ilasa è kùla naa é lí Bɛtɛ. Gɛ́ɛ siâi berei ma gɛ́ lii, sinâa-nɛyaa da-ni dí kùla taa tɔ̂nɔ su dí kɛ́ ɣɛ́lɛ maa kûla gbonôi. Dí mò mà dîyɛɛi, “Kula ƃɛ́ í lí a íŋûa kpulaŋ, kula ƃɛ́ í lí a íŋûa kpulaŋ.”

Azaya 1:4

Káai a Eezuɛ-ƃelai, kpalo-ƃêlaai kâa. Kákaa a sɔnyɔ̂ŋ-ƃela. Kákaa a wôya-ƃela da ŋwana lɔ̂ɔ-ƃela lônii. Kásɔnyɔ̂ŋ a ká ɣíri. Ka káyee kúla Eezuɛ Ŋɔɣâla Maa Waai Yâwɛɛ mu, ka kápôlu tɔɔ m̀a.

Azaya 11:13

À kɛ̀ tí, gɛ̀ ní, Eezuɛ fé ŋɔ́nɔ pâi tólo kulâi Zuda ma, Zuda ǹyaŋ fa kɛ̂ a Eezuɛ kpɔara lɔii.

Azaya 19:2

Yâwɛɛ a m̀ôi ǹyɛɛi, “Ŋa pâi gɛ̂i Ize-ƃelai dí tɔ́ɔ díkîe-ni dîa. Káa-laa tɔnɔ su-ƃela da pâi kɛ̂i kɔ̂i díkîe-ni pɔ́. Kóli tɔnɔ su-ƃela da pâi kɛ̂i kɔ̂i díkîe-ni pɔ́. Taa-lêe-ŋa su-ƃela díkɛ kɔ̀ díkîe-ni pɔ́. Kâloŋ lɔii-ŋuŋ-ŋa láa túɛ-ƃela dí tɔ́ɔ díkîe-ni dîa.

Azaya 9:18

Ŋwana lɔ̂ɔ káa yɛ̂ɛ ɣalêŋ-kpɔlɔ kéreŋ ŋɔŋ. Gáa yɛ̂ɛ ŋɔŋ à kɛ̀ wolâ kérenîi, luri kɛ́ tɛ̀.

Ɉeremi 22:17

Kɛ́lɛ sɛŋ kɔ́riɛɛ a fili-pere nɔ́ ƃé íŋɛi káa ma, íkɛ nûa pàa nyii-ŋai dísɔŋ fé dîai, íkɛ ǹûai sôŋ a ŋwana lɔ̂ɔ-pere.

Izikiɛ 22:12

Núu da ni da yèe-pɛlɛ-na sɛŋ kao sòŋ a gɛɛ dí núu paa. Dí ta ni díkɛ geni pɛlɛ dísɛŋ kaoi ŋai dîa tài da kpa pili la diai. Ŋ̀wála-wâla kélee Yâwɛɛi è mò ǹyɛɛ, “Ká-tua-pere-ŋai ŋí a gɛ́ ká nîa mâ Ńyãai ŋgáa a Ŋ̀wála-wâla kélee Ɣâlai ƃé mò tí.”

Levetekɔ 19:32

“Ka ƃaa kɛ-maa tɛ́ɛ kánuu pɔlɔ-ŋai pɔ́, ka yao mâ, Ńyãa ƃa Yâwɛɛ.

Amɔsə 4:1

“Basãŋ niŋa-ŋai káai kákaa Sameria-yeei sui, ka ŋ́óoi ŋi mɛni, káai ka gôlo-ƃelai luaŋ, diai kpɔŋ-maa wɛ̂lii kakɛ́ dímɔ̃lɛ, kakɛ́ mò kasinâai dia, ‘Ka pá a kpele-sɛŋ ku gbele!’

Mise 3:11

Ǹúu-ŋuŋ túɛ-ƃelai da yee-pɛlɛ-ǹá sɛŋ sòŋ dímɛni-sâa ƃóɔɔi su. Zâla láa soŋ-ƃelai da dɔ̂ŋ lɛ̀ sɛŋ mɛni ma, ǹɛ́ɛ ɣala-woo ƃó-ƃelai díkɛ tuɛ-mɛni ƃò a lɛ́ɛ sɛŋ-kao mɛni ma. É máŋ kɛ́ tí, díkili tɔɔ̂i nɔ́ Yâwɛɛ ma dîyɛɛi, “Yâwɛɛ káa kúkɔlɛ, mɛni da kélee fa pɔ̂ri kɛ̂i a kûa.”

Mise 7:2

Tɔ̃ya-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Zakari 11:6

M̀ɛni ma Yâwɛɛ è mò ǹyɛɛ, “Fé pâi ŋɔ́nɔ núu-kpune malôŋ kâai ǹɔii ma ƃɛ́. Gáa, ŋa pâi gɛ̂i núu-kpune é mɛni-sôli káa díkîɛ-ni yêei, dí mɛni-sôli káa dímɛi káa-ƃelai yêei dí ŋɔ́nɔ gáa gâloŋ yèei. Ǹɔii a pâi karâi, ǹyaŋ fé pâi núu tɔnɔ kpîŋ kula yêei kɛ̂i.”

Malasi 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋáa tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Maafîu 26:67

Nya ƃe dí díla-ya pù ŋ̀ɛ́i, dí dua, ǹúui da-ni dí ǹókwa a díyee,

Markə 14:65

Da-ni dí kɛ̀ nâa díla-ya pûi Zîsɛ ma, dí ŋ̀ɛi mɛi pɛlɛ díkɛ dùa, dîyɛɛ m̀ai, “Ǹɛ́ kûa a gɛ́ɛ íkaa a Ɣâla ŋɔlóno-kɛ-nuu!” Bɛ́rɛ mɛi-kaa-ƃelai dí zòŋ díkɛ bɔrɛ.

Lukə 22:64

nya ƃe dí ŋɛi ɣìri, dí m̀arê kɛ̀, dîyɛɛi, “M̀ó kûa! Gbɛ̂ɛ ƃe ti ílokwâi?”

Zĩi 2:6

Kɛ́lɛ, ka ƃâa kula gôlo-nuui ma. Dɔɔ-ƃelai dífa káluaŋ? Dia fa pa a káa kôti sui?

Zĩi 5:4

Ka gáa, diai da tíi kɛ̀ kákpâlaŋ ŋái, dífela-féi nyíi ka ǹɛɛ pôlu wôya-pere sui, da wɔ́lɔ̂i a díwoo sú kɛ́tɛ. Ǹyaŋ dii-kɛ-ƃelai wɔ́lɔ-woo a lɔ́ Ŋ̀wála-wâla kelee-Namui wólii.