Azaya 26:3 - Bible

³ Yâwɛɛ, yâ lii-see tɛ̀ɛ diai pɔ́ dí lâai a yá, díkili tɔɔ yâi.

Yálá laawoo hɛɓɛ (dc)

³ Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Yálá laawoo hɛɓɛ

³ Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Azaya 26:3 ပူးပေါင်းရင်းမြစ်များ

Kɔlɔnikɔ Maa-ŋuŋ 5:20

Dí díkili tɔ̀ɔ Ɣâla ma gɔ́i ŋí su. Nya ƃe Ɣâla è dífɛli-wooi mɛ̀ni é kpɔ́ŋ dîa dí Agiri-ŋai, Zɛtu-ŋai, Nafisi-ŋai, Noda-ŋai da díkpɔŋ mâaa-ƃelai kélee yée mɛi ɣále. Dí ǹûai ŋí ní yée mɛi ɣâle, kpɛ́ni fêi, Ɣâla è kɛ̀ dípôlu gɔ́i ŋí su.

Kɔlɔnikɔ Veerɛi 13:18

Maa ɣelei tí, Eezuɛ-ŋai díwala-wala-laai su è sàa, kɛ́lɛ Zuda-ŋai dí Eezuɛ-ŋai yée mɛi ɣâle kpɛ́ni fêi, Zuda-ŋai dí díkili tɔ̀ɔ dínâŋ-ni Díɣâlai Yâwɛɛ ma.

Kɔlɔnikɔ Veerɛi 16:8

Itiopia-ŋai da Lebia-ŋai díkɔ-kuluƃa-ŋai dífe kɛ́-ni a díwala-walaa díkpulu kɛ́tɛɛ, kɔ́ kɔ́-keleŋ-ŋa da soo kɔkɔ-ƃela támaa dífe kɔ́ pɛlɛ ní yâ tãi í íkili tɔɔ la Yâwɛɛ mai é íŋuŋ ma ƃó, é íkula díyêei?

Mąątɛ̨nɛ̨ 119:165

Diai kélee ítɔ̂ŋ wɛ́li káa diai, lii-see káa dîa, dítɔɔ̂i kpanaŋɔɔ, ǹyaŋ sɛŋ da fé naa ńyii a pɔ̂ri gɛ̂i dí tóo.

Mąątɛ̨nɛ̨ 125:1

Diai dí kíli tɔɔ̂i Yâwɛɛ mai, díkaa yɛ̂ɛ Zãiyɔŋ yêei, nyii va pɔ̂ri wɔ́lɔ tûmoi, kpaa máŋ é kúla dɔɔ̂i.

Mąątɛ̨nɛ̨ 9:10

Diai dí ílaa kɔ́lɔŋ dia ƃa dílaa-lai pù íkponôi. Núu da a pà ípɔ óo Yâwɛɛ, ífa íyee kùla maa nûui mu.

Azaya 12:2

Ɣâla, yá nɔ́ ƃé ŋ́gili káa yâ ŋ́uŋ ma ƃó mɛni ma. Ŋa pâi lâai a yá, ǹyaŋ yao da kélee fé pâi kɛ̂i ŋ́gbonôi sɛŋ da mɛni ma. Yá, Ɣâla Yâwɛɛ, yá nɔ́ ƃa ŋ́gbonôi kpanaŋ íkɛ wála-wala tɛ̀ɛ ḿbɔ. Yá nɔ́ ƃa ŋ́uŋ ma ƃó-nuu.

Azaya 26:12

Óo Yâwɛɛ, lûwa láa kúkɛ mɛni kélee dîa díƃûu ƃó. M̀ɛni lɛ́lɛɛ-ŋai kélee kwa zɔlɔ ƃôi da kûla ísɔŋ lɛ̂lɛ tuai su.

Azaya 27:5

À kɛ̀ gbɔara-ƃelai da kɛ̀ ŋ̀wɛ̂lii ŋá dímaa kɔ̃ɔ dí pá ḿbɔ lii-see pere su. Díkɛ a díkpîŋ kpɛtɛɛ lii-see mɛni ma. Dí pá ḿbɔ lii-see pere su.”

Azaya 31:1

Kpalo-ƃêlaai diai dîa da lì Ize kpɔŋ mâa mɛni mai. Díkili tɔɔ̂i Ize ŋɔkɔ́ kɔ́-soo-ŋai dîa, gɔ́ kɔ́-keleŋ-ŋai da díkɔ kɔ́-ƃelai. Dífe láa ní a Yâwɛɛ, Eezuɛ Ŋɔɣâla Maa Waai. Dífa fúlɔi máŋ m̀arê kɛ̀ kpɔŋ mâa mɛni ma.

Azaya 32:17

Mɛi-kâa laa lɛ́lɛɛ mɛni da lii-sêe da pâi kɛ̂i ǹɔii su. A pâi kɛ̂i tí, kpɛ́ni fêi, nûa da pâi kɛ̂i tɔ̃yâ da teniŋ-ƃô mɛni-ŋa kɛ̂i a díkîe-ni.

Azaya 32:18

Ɣâla ŋɔnûai dífe pâi ŋɔ́nɔ kɛ̂i lii-sɛ̂lɛŋ su. Díŋuŋ ma a pâi kɛ̂i a m̀óɔɔ díkɛ ƃò lii-sêe su.

Azaya 42:19

Núu da fé naa ŋ̀ɛi púɔɔ yɛ̂ɛ ŋátii kɛ́-nuui. Núu da fé naa ŋ̀óli tíniŋɔɔ yɛ̂ɛ ŋákelai ŋá dɛ̀ɛi. Gbɛ̂ɛ ƃé ŋ̀ɛ́i pûɔɔi yɛ̂ɛ ǹúui nyii ŋá zìɣe zui, kpaa máŋ ŋ̀ɛ́i púɔɔ yɛ̂ɛ ńyãa Yâwɛɛ ŋátii kɛ́-nuui?

Azaya 42:6

“Ńyãa ƃa Yâwɛɛ. Ŋaâ ísiɣe zu a gɛ́ɛ í pá a teniŋ ƃô-laa ŋ̀éniɛi su. Ŋa wála-wala tɛɛ ípɔ, ŋ́gɛ ímɛi kâa. Ŋa pâi kpanaŋ-woo kɛ̂i ŋánûai yêei ísarâi, ŋá kwaa ponóɔɔ tɛ́ɛ ǹɔii-ŋai pɔ́ ísârai.

Azaya 48:2

Ka m̀ôi a yoŋka pere a gɛ́ɛ Zerusalɛɛŋ taa-lee maa waai su lonii ƃa káa. Kákili tɔɔ̂i Eezuɛ Ŋɔɣâlai Yâwɛɛ ma. Ǹáa ƃa Ŋ̀wála-wâla kélee Yâwɛɛ.

Azaya 49:8

Yâwɛɛ è m̀o ŋɔnûai dîa ǹyɛɛi, “Káŋuŋ ma ƃó ɣelei a seri, ŋa pâi káŋuŋ ma ƃôi. Ŋa pâi káŋɛi malôŋ kâai, ŋá ŋ́oli tɔ́ɔ káwɔlɔ-wooi ma ŋá kpɔ́ŋ kâa. Ŋa pâi kámaa kɔ̃ɔ̂i, ŋá kámaa kpɛ́ pere sîi kélee su. Ŋa pâi gɛ̂i tí, kpɛ́ni fêi, ŋá ŋ́gono tèe káyêei. Ŋa pâi liî a káa pôlu kálɔii ma nyíi ǹaa è wɔ́lɔ lɛ̀ɛ a vóloi.

Azaya 50:1

Yâwɛɛ è m̀o ǹyɛɛi, “Gáa kákili ŋá a gɛ́ɛ ŋá kákpɛ̀ yɛ̂ɛ surɔ̂ŋ a ŋɔnɛnîi lɛ̂ɛ? À kɛ̀ tí, gɛ̀ ní, dáa-lâa kɔlɔi ŋá dɛ̀ɛ kápɔi, ǹyaa kɔɔ? Kpaa máŋ gáa kákili ŋá a gɛ́ɛ ŋá kátɛ̀ɛ a sɛ́ɣɛ-sãa diai pɔ́ díkpa káa ḿâi? Kpao, kásɔnyɔ̂ŋ maa luɛ-laa ƃé kákaa zu. M̀ɛni nyɔ́mɔɔ-ŋai ká gɛ̀, da nyíi-ŋai ka gɛ̂i maa luɛ-laa ká ŋí ka zui.

Azaya 50:10

Gbɛɛ-ni ƃé kásama da yâo Yâwɛɛ ma, díkɛ díwoli tɔ̀ɔ ŋɔtíi kɛ́-ƃelai dîai? Gbɛ̂ɛ-ni ƃé kásama díkaa kpînii dífa kwaa ponóɔɔ kàai? Tɔɔ dí láa a Yâwɛɛ, dí díkili tɔ́ɔ Ɣâla ma.

Azaya 66:12

Yâwɛɛ ǹyɛɛ, “Ŋa pâi gɛ̂i í ƃûu ƃó a zu kôyaa. Ǹɔii-ŋuŋ-ŋai su tɔɔ-sãai da pâi kɛ̂i pâi ípɔ yɛ̂ɛ yá nyii ɣilîŋ nii, va kpâlai. Ya pâi kɛ̂i yɛ̂ɛ lôloŋ ƃé ǹee è ŋwɛ̂lini, gɛ́ ŋákɔ̂ŋ, gɛ́ ǹaa ńyee tɔ̃ɔ̂i gɛ́ lí la.

Ɉeremi 39:18

Ŋa pâi ímɛi kâai. Dífe pâi ípaâi. Ífulu-laai a pâi lɛɛ̂i íyêei a ífela-fei, kpɛ́ni fêi, í íkili tɔ̀ɔ ḿâ. Ńyãa Yâwɛɛ ƃé mò tí.”

Danîa 3:17

À kɛ̀ Ŋ̀âlai kwa tíi kɛ̂i mii a pâi kúkulâi ŋ̀ɔŋ kpɔ̂lui su, a pâi kúlâi íyêei, óo Gâloŋ!

Danîa 3:28

Gâloŋ è mò dîa nyɛ̀ɛi, “Laa maa-tɛ é tɛ́ɛ Káɣâlai pɔ́ ka kula ŋ̀ɔŋ kpɔ̂lui sui. È ŋɔkélai tɛ̀ɛ é káŋuŋ ma ƃó ká kúla ŋ̀ɔŋ kpɔ̂lui su. Ká làa la. Ká ŋ́oo pìli. Káfe fáa ní a gɛɛ ka ŋáɣâlai fɛ́li. Ká fàa ma a gɛɛ ká sáa é tɛ́ɛ la ɣâla da kpɛ́ni fɛliɛɛ ma fɛ̂ɛ nɔ́ Káɣâlai.

Danîa 6:23

Gâloŋ líi è nɛ̃ɛ é ŋ̀óo tɛ́ɛ a gɛɛ dí Danîa kula ǹyala-sulu loai su. Tãi dí gùla la naai, pɔ́ɔ da fé kɛ́ ní gɔlɔ ma, kpɛ́ni fêi, è kɛ̀ a ǹáa a Ŋɔɣâlai.

Mise 5:5

ǹyaŋ a pâi pâi a lii-sêe. Tãi Asiria-ŋai da pâi pâi la gɛɛ dí kúlɔii síɣe, dí kú maa kɔ̃ɔ kwaa-ŋai ma siɣei, kwa pâi núu láa túɛ-ƃela lɔ́ɔlu mɛi feerɛ siɣêi da kɔ́-kaloŋ lɔ́ɔlu mɛi saaƃa dí tɔɔ kútuɛ kú kɔ́ dípɔ.

Ɉaan 14:27

“Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Ɉaan 16:33

Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Filipə 4:7

Ŋ̀âla-lii-sêei, nyíi dɛɛ̂i táre kélee mai, a pâi kálii mɛi kâai, da kákili, Kúnuu-namui Zîsɛ Kôrai sârai.