Azaya 22:2 - Bible

² Daa-lêei gwaa kélee káa nɔ́ wúlee. Ǹaa kélee káa nɔ́ yóo-yoo, ǹûai kélee kponôi kɛ́ kpɛ̃̀liŋ dîa. Lé kpîŋ ƃé kɛ́i ǹíi-nɛ̃ɛ taa-leei ŋí su nyíi naa-ƃela da tɛ̂i díkɛ yèŋ a ɣele kéleei? Núu támaa poma a lâani naa nyii-ŋai dífe dípaa ní a ƃóa-sɔkpɔi. Ǹûai ŋí dí sàa gɔ́i su kɛ́lɛ dífe kɛ́ ní gɔ́i da kɔ̂i.

Yálá laawoo hɛɓɛ (dc)

² Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Yálá laawoo hɛɓɛ

² Kaa daa kwəi tin gulɔ lɔ, nu kəlee yɛ gɛ lɔ ɲɛnɛ̨ɛ̨ ɉuwu-ɉuwu, daa kəlee ə ɓo kwəinɛ̨ɛ̨ hu, lə ɓə kɛ? Ə́ wɔ nuąi daa haa, di hvo haa li a kɔ-kɔ-ɓɔwa laa pɔɔ, di hvo di paa li kɔ́ hu.

Azaya 22:2 ပူးပေါင်းရင်းမြစ်များ

Azaya 10:4

Da pâi kápaâi kɔ́ su, kpaa máŋ dí kásoŋ a kɔsôŋ-ŋa. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Azaya 23:7

Taya taa-leei nɔ́ ƃé ŋí nyíi dí wɔ́lɔ dɔ̀ɔ kóraŋ su-kôya tɛɛ pôlu ma nyii nûa da kâa kɛ̀ lii-nɛ̃ɛ kulâi zui? Daa-lêei ƃé ŋí zu-ƃelai dí wɔ́lɔ lì yúo m̀éla-ŋa ma a gɛɛ dí taa-lêe da kpɛ́ni-ŋa tɔɔ naai?

Azaya 32:13

Kala nyɔ́mɔɔ-ŋa da kpɛtɛ naa, ǹaa kélee a kɛ́ a ɣalêŋ kpɔlɔ-ŋa. Ka wɔ́lɔ ká taa-lêei mɛ̂ni ma nyii ká kɛ̀ naa kákɛ lii-nɛ̃̂ɛ kulai.

Azaya 32:14

Núu da fé pâi lɛɛ̂i gâloŋ-pɛrɛi mu. Ǹaa a pâi lɛɛ̂i kpɛ́ni-kpɛni. Dímaa kɔ̃ɔ lɔii-ŋuŋ-ŋai da ziɣãŋ-ŋai dí tínaŋɔɔ̂i daa-lêei mai, gélee su a pâi karâi. Ǹaa a pâi kɛ̂i a fɛnɛ-sãa kɛ̂i da taa-tûlɛ-ŋa láa miî.

Azaya 37:33

“M̀ɛnii ŋí ƃé Yâwɛɛ è m̀o é pîlaŋ Asiria kaloŋ ma ǹyɛɛi, ‘Vé pâi tɛ̂i daai ŋí su a dɔnɔ kpîŋ, kpaa máŋ é tɔ̃a tɔ̂nɔ pili naa. Kɔkuluƃa tɔnɔ kpîŋ nyii kpála ŋá-ɣale kɔli-kalaŋ káa ǹyêei, vé pâi lɛɣɛ̂i daa-lêei ŋí kɔlɛ ma. Dífe pâi siɣãŋ da tɔɔ̂i dí dîiŋ ziɣãŋ ma a gɛ́ɛ dí tɛ́ m̀ɛi.

Azaya 37:36

Maa kpînii tí, Yâwɛɛ è ŋɔkélai dɔnɔ tɛ̀ɛ Asiria-ŋai díƃûui su. È díkɔ-kɔkuluƃai ŋɔwála ŋuŋ tɔ̂nɔ pôlu buu lɔ́ɔlu mɛi saaƃa káo lɔ́ɔlu (185,000) pàa. Bôlu ma ɣele ƃɔ́ɔi, díƃûui láa è kɛ̀ a vɛ́ɛ a poma-ŋa.

Ɉeremi 14:18

Ŋà lì gbâlaŋ ŋá, ŋà ǹûai nyíi-ŋai lɛ̀ɛ gɔ́i sui poma kâa naa. Ŋà lì daai su, ǹûai nyíi-ŋai saâi a purui, ŋa dípoma kâa naa. Ɣâla ŋɔlóno kɛ́-ƃelai da zâla láa-soŋ-ƃelai da dítii-ŋai kɛ̂i, kɛ́lɛ dífe m̀ɛnii kɔ́lɔŋ da gɛ̂i.”

Ɉeremi 38:2

Yâwɛɛ aâ mó ǹyɛɛ, “Ǹúui nyíi pâi lɛɛ̂i Zerusâlɛŋ, a pâi lɛɛ̂i kɔ́ su, puru, kpaa máŋ kɔlɔ-fela é baa. Kɛ́lɛ, ǹúui nyíi pâi liî é gbîŋ tɛɛ Babelɔŋ-ŋai pɔ́i, dífe pâi baâi, kɛ́lɛ a pâi lɛɛ̂i ɣele ma.”

Ɉeremi 52:6

Góraŋ tɔnɔi tí ŋɔɣáloŋ ǹáaŋ ŋɔfólo lɔ́ɔlu mɛi náaŋ ɣele, ǹûai kɛ́ɛ díkɔnɔ̃ŋ a kpɛɛi, puru è kɛ̀ dípaâi.

Woolaa 1:1

Zerusâlɛŋ lâai léŋ ŋí a vóloi, nyii ǹáa è kɛ̀ a vɛ́ɛ a núui? A kɛ́ léŋ ŋí yɛ̂ɛ pɔɔ-nɛnii, ǹyaai kɛ̀ a gɛ́tɛ ǹɔii-ŋûŋ-ŋai sámai? Ǹyaai kɛ̀ a kâloŋ-nɛni ǹɔii-ŋûŋ-ŋai mɛni mai, aâ kɛ́ a luɛ.

Woolaa 2:20

Óo Yâwɛɛ, kúmalôŋ káa. Gbɛ̂ɛ ƃé ya tá tûa la a bere sîi kɛ́ɛ ŋíi? Gáa, ǹɛyâai da díkpɔɔi lonii miî. Da zâla láa soŋ-ƃelai da Ɣâla ŋɔlóno-ƃelai paâi ŋ̀âla fɛli kwaa-ŋai ma.

Izikiɛ 22:5

Ǹɔii-ŋuŋ ŋai dílɛɣɛ̂ɛi a kaai, da nyii-ŋai dí kɛ̂i koyâai kâai da pâi ɣɛlɛ-maa kulâi kákponoi. Kpɛ́ni fêi, nuui kélee dí kásɔnyɔ̂ŋ da káŋwana-lɔɔ tuai kɔ́lɔŋ.

Sofoni 2:15

Nyíŋi ƃé kɛ̀ a daa-lêei nyii kɛ̀ dɔɔ́, maa tínaŋɔɔ a siɣãŋ, lii-nɛ̃̂ɛ kɛ́ ƃò ǹaa-ƃelai dîa, dí kɛ́ mò dîyɛɛ, “Itɔɔi kɛ̂tɛi é tɛ́ɛ daa kpéli-ŋai dîa.” Ká gáa berei káa ǹaa è la a vólo é kɛ́ a lɔɔ-sûa-ŋa kɛ̂i! Núui kélee a tɛ̂ɛ nàai, fɛ̂ɛ é ŋuŋ kpɛ́mɛŋ.