Azaya 2:8 - Bible

⁸ Dílɔii láa fɛ̂ɛi a ɣâla-pɔkɔɔŋ támaa. Da zãai fɛ̂li nyii-ŋai dia kpîŋ dí díkpɛ̀tɛ a díyeei.

Yálá laawoo hɛɓɛ (dc)

⁸ Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Yálá laawoo hɛɓɛ

⁸ Nɔi laahvɛɛi a haliɠaa, ɉɛnŋaa tii diɛ kpinįi di bɛli a di yee, diɛ kwɛli hvilɛn mą.

Azaya 2:8 ပူးပေါင်းရင်းမြစ်များ

Tɔɔɓɛlaa dɔlɔɔ 16:7

Nyíŋi pôlu ma, Yâwɛɛ è worɛ̂-woo tɛ̀ɛ a ŋɔlóno kɛ́-nuui Anani ǹóŋ Zewu é pîlaŋ Baasa ma da ŋɔkáa-laai su-ƃelai nyɔ́mɔɔ-ŋai mɛni ma è gɛ̀ ǹyaa Yâwɛɛ ŋɛ́i. M̀ɛni-ŋai ŋí dí gɛ̀ é ǹíi ŋwána ma. Nyíŋi è gɛ̀ gɛ́ ƃò yɛ̂ɛ Zɛroboaŋ ŋɔkáa-laai su-ƃelai. M̀ɛni-ŋai ŋí dia tɔnɔ nɔ́ fé gɛ́ ƃò yɛ̂ɛ Gâloŋ Zɛroboaŋ, kɛ́lɛ, è Zɛroboaŋ ŋɔkáa-laai su-ƃelai su-kàra.

Tɔɔɓɛlaa veelɛ 17:10

Dí ɣâla-pɔkɔŋ-ŋa fɛli kwaa-ŋa ma kpɛ̀tɛ da kɔni Ɣâla-teƃele-ŋa ǹyée-ŋai ma da ŋ̀úru kpaya-kpayai niniŋ mu ŋâla-pɔkɔŋ Asira fɛli mɛni ma.

Tɔɔɓɛlaa veelɛ 17:16

Eezuɛ-ƃelai dífe díwoli tɔ̀ɔ ní dɔ̂ŋ-ŋai dîa nyii Yâwɛɛ Díɣâlai è dɛ̀ɛ dípɔi. Dí niŋa-loŋ pɔkɔɔŋ feerɛ kpɛ̀tɛ díkpîŋ mɛni ma a kɔli a gɛɛ díkɛ vɛ̀li. Dí wúru kôya tɔ̀ɔ ŋâla-pɔkɔŋ Asira fɛli mɛni ma. Dí kɛ̀ máŋ bɛ̂mɛlɛŋ-kao-ŋai fɛlîi da Bêe ɣala-pɔkɔŋ.

Kɔlɔnikɔ Veerɛi 27:2

Zotaŋ sɔŋ è kɛ̀ a ǹɛ́lɛɛ Yâwɛɛ ŋɛ́i yɛ̂ɛ berei ǹâŋ Uzia è wɔ́lɔ kɛ̀ lai. Kɛ́lɛ Zotaŋ fé wɔ́lɔ lɔ́-ni Ŋ̀âla-pɛrɛ Kɛ́tɛi mu a gɛ́ɛ é kéreŋ sɛŋ kúŋ-nɛɛ kéreŋ naa ŋ̀âla-teƃelei ma yɛ̂ɛ ƃerei ǹâŋ è wɔ́lɔ gɛ̀ lai. Tãi ŋí yée mu, ǹûai díkɛ̀ nɔ́ nîi dítûa-pere nyɔ̂ŋ-ŋai kɛ̂i.

Azaya 17:8

Gili-kɛ-zui díyêei díɣâla teƃele-ŋai mɛni mai da fé ŋɔ́nɔ pâi lɛɛ̂i díyêei. Laa-la fé pâi ŋɔ́nɔ kɛ̂i díyêei díkpîŋ kpɛtɛ ɣâla-ŋai mɛni ma. Ƃɛ́i-ŋai da díɣâlai Asira pɔɔkɔ̂ŋ kpaa máŋ ƃɛ́i-ŋai da díkereŋ sãa kuŋ nɛ̃ɛ ŋa kèreŋ naai da ƃɛlɛ fé ŋɔ́nɔ pâi lɛɛ̂i díkoi.

Azaya 26:13

Óo Yâwɛɛ Kúɣâlai, wála-wala-laa da kpɛ́ni-ŋa da wɔ́lɔ kɛ́ kú mɛi. Kɛ́lɛ yá nɔ́ ƃé kú íkɔlɔŋ a Yâwɛɛ.

Azaya 37:19

da m̀aa lɔii-ŋuŋ ŋai díɣâla-ŋai kéreŋ, kpɛ́ni fêi, dífe kɛ́ ní a ɣâla-ŋa, kɛ́lɛ díkɛ a wuru da kɔni nyii nûa dí díkpɛ̀tɛ a díyeei.

Azaya 40:19

Vé yɛ̂ɛ ɣâla-pɔkɔɔŋ nyii ŋ̀úru-saa nuui a gbɛ̀tɛ, gôo kpɛtɛ-nuui é gôo pú m̀a, é dɔɔ káne mɛi.

Azaya 41:29

Wála-wala fé da yêei. Dífa pɔ̂ri mɛni da kélee kɛ̂i. Díkaa nɔ́ a ɣâla-pɔkɔɔŋ kpɛ́ni-kpɛni-ŋa.”

Azaya 57:5

Ká kɛ̀ nyiî a ǹɛyâai ôo wuru-ŋai mu ƃɛ́i ka káɣâla-pɔkɔɔŋ-ŋai fɛ̂li naai. Ka kɛ̂ kálônii kulâi naa a sâla gɔni-wôlo-ŋai su ǹyée-ŋai loai.

Ɉeremi 1:16

Ŋa pâi ŋánûai kula-maa kɛ̂i díŋwana-lɔ̂ɔi mɛ̂ni ma. Kpɛ́ni fêi, da dípôlu tɔɔ ḿâ. Da sâla kula ɣâla da kpɛ́ni-ŋa dîa, dí kɛ̀ díkpîŋ kpɛtɛ-sãai fɛ̀li a díɣâla.

Ɉeremi 11:13

Kpɛ́ni fêi, káai kákaa Zudai, káɣâla-ŋai tâmaai yɛ̂ɛ berei kátaa lêe-ŋai díkaa lai. Ká ŋumɛ ɣâla-teƃele-ŋai ká dɔ̀ɔ Bêe ɣalai mɛni mai, dâmaai yɛ̂ɛ bere-ŋai díkaa Zerusâlɛŋ.

Ɉeremi 2:28

“Ŋ̀âla-ŋai ká dí kpɛ̀tɛ kákpîŋ mɛni mai, dîa kɔ̂ɔ? Ka ǹɛɛ naa díka ŋuŋ ma ƃó tãi kákaa la mɛni kpɔ̂lu sui. Káai a Zuda-ƃelai, ɣâla támaa káa káyêei yɛ̂ɛ berei kátaa-lee-ŋai káa lai.

Osia 12:11

Sɔnyɔ̂ŋ káa niî Gilia lɔii su. Ǹaa-ƃela kélee su a pâi karâi. Díkaa niî niŋa-sîrɛ-ŋa kulâi a sâla Geega taa-leei su, ǹyaŋ dísâla kula kwaa-ŋai ma ɣala teƃele-ŋai da pâi wôloi dí táa-tâa.”

Osia 13:2

Ǹyaŋ díkaa nɔ́ niî sɔnyɔ̂ŋ kɛ̂i, dí kɛ́ díkpîŋ díkpɛtɛ sãai fɛ̂li, nyii dí gbɛ̀tɛ a kánei díkɛ mò dîyɛɛi, “Sâla kùla dîa,” ǹûai díkɛ díla-gbɔ sèe dîa.

Osia 14:3

Asiria lɔii fa pɔ̂ri wɔ́lɔ kúkulâi mɛnîi, ǹyaŋ kú kɔ́kɔ-soo-ŋai dí fé pâi kú maa kɔ̃ɔi. Kúfe pâi ŋɔ́nɔ kúkpɛtɛ-sãai tôlii a kúɣâla. Tee-loŋ a maloŋ kâa sɔlɔ ƃô ísârai.”

Osia 8:6

Káne ɣale-nuu ƃé gbɛ̀tɛ ǹyaŋ vé a Ɣâla. Niŋa-loŋ pɔkɔɔŋ gáa Sameriai da pâi doôi dí ŋ̀ólo.

Mise 5:12

Ŋa pâi dísale kaŋ-ŋai su karâi, dí tɛli-kpɛ-ƃelai dífe pâi ŋɔ́nɔ tɛli kpɛ̂i dí mɛni ma.

Gɛlaɠaa 17:16

Gɛ́ɛ dímaa kpɛnii Atɛŋ, ǹíi è sòli goi, kpɛ́ni fêi, è ɣâla da kpɛ́ni támaa kàa naa.

Dutɛrɔnome 4:28

Ǹyaŋ naa ƃé ka pâi kɛ̂i tíi kɛ̂i naa wúru da kɔni-ŋa dîɛ nyii-ŋai núu-kpune-ŋa dí díkpɛ̀tɛ a Ɣâla pɔkɔɔŋ-ŋai, nyii-ŋai dífa kwaa kâai, dífa mɛni mɛ̂ni, dífa mii-sɛŋ mìi kpaa máŋ dí sɛŋ kúŋ mɛnii.

M̀ɛni-lɛɛi 9:20

Núu-kpune kpeli-ŋai, nyíi-ŋai dífe dípaa ni a mɛni-kpɔlu-sii saaƃai ŋí, dífe dílii pene ni dítii-ŋai dí gɛ̀i mɛ̂ni mà, kpaa máŋ dífe kpera ni nyînaŋ nyɔ́mɔɔ-ŋa fɛliɛ ma da ŋ̀âla-pɔɔkɔ̂ŋ-ŋai nyíi-ŋai díkpɛtɛ a gôo, káne, ƃara, kɔni, da wurii, nyíi-ŋai dífa kwaa kâa, kpaa máŋ dífa mɛni mɛ̂ni, kpaa máŋ dífa siai.