Azaya 2:3 - Bible

³ Núu támaa da pâi pâi dîyɛɛi, “Ka pá kwáa lí Yâwɛɛ ŋɔyéei tôŋ su. Ka pá kwáa lí Zeeka Ŋɔɣâlai Ŋɔpɛ́rɛi mu. Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia. Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai. Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ. Zãiyɔŋ Yeei ma ƃé a lôno naa ŋɔnûai pɔ́.”

Yálá laawoo hɛɓɛ (dc)

³ Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Yálá laawoo hɛɓɛ

³ Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 2:3 ပူးပေါင်းရင်းမြစ်များ

Ɛstɛrə 9:27

Mɔdikai è ŋ̀ele feerɛi ŋí mɛi káa mɛni pɔ̃yɛ kɔlɔ ma é gɛ́ a tɔ̂ŋ a gɛɛ Zuda lonii kélee díkɛ́ sìa a ŋ̀óo a kóraŋ kélee da pâi díyee seêi Zuda-ŋai dítûa-perei mui.

Mąątɛ̨nɛ̨ 102:23

Yâwɛɛ a gɛ́ kɔlɔ a kpɛɛ ḿâ, ŋ́gɛ ƃò niî a núu ŋûnu. A gɛ́ ŋáfulu-laai su a kpua.

Mąątɛ̨nɛ̨ 110:2

Yâwɛɛ a pâi gɛ̂i íwala-wala-laai é seri Zãiyɔŋ, ǹyɛɛi, “Ya pâi nâa kɛ̂i íkpɔara-ƃelai mɛi.”

Mąątɛ̨nɛ̨ 119:171

Ŋá pâi kɛ̂i nɔ́ ílaa-maa tɛ̂i, kpɛ́ni fêi ya ítɔ̂ŋ-ŋai lɛ̀ ḿâ.

Mąątɛ̨nɛ̨ 122:1

Ńii è kɛ̀ nɛ̃ɛ̂i a tãi dí kɛ̀ la ḿâ, “Kú lí Yâwɛɛ ŋɔpɛ́rɛi mui.”

Mąątɛ̨nɛ̨ 48:1

Yâwɛɛ kɛ̂tɛi. Gɛ̂tɛi, fɛ̂ɛ nûa dí ǹáa ma tɛ́ kpɔ́ a ŋ̀ánaa Ɣâla ŋɔtaa-lee kɛ́tɛi su ǹyée maa waai ma.

Azaya 1:26

À kɛ̀ tí, ŋa pâi gɛ̂i ímɛni-saa ƃó-ƃelai díkɛ a nûa sãa-ŋa yɛ̂ɛ berei dí kɛ̀ la a bɔlɔɔi, ŋá dílîa-woo ƃo kɛ́-ƃelai kɛ́ yɛ̂ɛ berei díkɛ̀ la a gɔ́ɔ pîlanii. Nyíŋi pôlu ma, nûa da pâi ítôlii a daa-lêei nyíi zu-ƃela díkaa a teniŋ ƃô da tɔ̃yâ-ƃela.”

Azaya 11:10

Da pâi kâloŋ da maa sɔlɔ ƃôi Gâloŋ Deeƃé ŋɔsuui su a ɣele tɔ̂nɔ da. A pâi kɛ̂i a ŋɛi-kɛ-maa maa kɛ́tɛ ǹɔii ŋuŋ-ŋai kélee mɛni ma. Ǹɔii ŋuŋ-ŋai kélee su-ƃela da pâi díŋa tɛ̂i m̀a Deeƃé ŋɔtaa-leei su dí ƃaa-kɛ-maa tɛɛ bɔ́.

Azaya 19:23

Tãi tí a sèri, laoi-laa pere lá a pâi ƃôi Ize-ƃelai da Asiria-ŋai loai. Asiria-ƃelai da pâi kɛ̂i pɔrîi liî Ize, Izi-ƃelai dia máŋ díkɛ pɔri liî Asiria lɔii su. Ǹɔii ŋuŋ feerɛi ŋí su-ƃela da pâi kɛ̂i Yâwɛɛ fɛlîi gîe ma.

Azaya 28:9

Da kɛ̂ díŋuŋ su-woo saâi é pîlaŋ ḿâ. Da kɛ̂ m̀ôi dîyɛɛi, “Ɣâla ŋɔlóno kɛ́-nuui tí a gbîŋ kâai yɛ̂ɛ gbɛ̂ɛ? Gbɛ̂ɛ ƃé gbáaŋɔɔ̂i ŋɔworɛ̂-wooi mɛ̂ni mai? Ŋɔworɛ̂-wooi káa nɔ́ zia-lonii mɛni ma nyii-ŋai díkaa-ƃela da dítɛ nɔ́ gbìŋ ŋá a ninai.

Azaya 44:5

“Ǹúui da-ŋa da pâi kɛ̂i yoŋka têei dîyɛɛi, ‘Yâwɛɛ pɔ́ɔ ƃa ńyãa.’ Da-ŋa dí díkpîŋ tóli a Zeeka ŋɔsuui su nuui da. Da-ŋa da pâi Yâwɛɛ láa pɔ̃yɛ̂ɛi díyee ma a tɛɛ-ŋa. Da-ŋa da pâi díkpîŋ tôlii a Eezuɛ-ƃela.”

Azaya 56:5

gɛ̀ ní, ŋa pâi ŋɛi kɛ́-maa sɛŋ da tɔɔ̂i ŋápɛrɛi mu a gɛɛ nûa da gàa, ímaa mɛ̂ni kíli é lɛ́ɛ díkili ŋá é tɛ́ɛ la nîa-pɛlɛɛ támaa maa sɔlɔ ƃóɔɔ ma. Ímaa mɛ̂ni kíli fé pâi kpɛɛ̂i nûa kíli ŋá.”

Azaya 56:7

“Ŋa pâi pâi a káa ŋáyee maa waai Zãiyɔŋ ma, ŋá gɛ́ lii-sêe kɛ́ ƃò káyêei ḿvɛli pɛrɛi mu. Géreŋ sâla-ŋai ka pâi gulâi ŋáteƃelei ma da zama-sãai ka pâi pâi la ŋápɛrɛi mui, ŋa pâi ńyee seêi dímu. Nûa da pâi Ŋápɛrɛi tôlii a ɣâla fɛli kwaa ma núu kélee mɛni ma.”

Azaya 60:3

Lɔii-ŋuŋ-ŋa da pâi pâi íkwaa ponoɔɔi ma. Kâloŋ-ŋa da pâi pâi dí gwaa ponóɔɔ kɛ́tɛi káa bîlaŋɔɔi yâi.

Azaya 65:11

“Kɛ́lɛ, a pâi kɛ̂i a da kpɛ́ni ká mɛni ma káai ka kápôlu tɔ̀ɔ ḿâ, ka nia Zãiyɔŋ ma nyii gáa a ŋá yée maa waai, kákɛ Gâa-ɣalai da Mɛni-ɣalai fɛ̂li ńyii-ŋai dí káa a ŋ̀âla-ŋai nyii-ŋai da lɔku tɛ̀ɛ núu pɔ́ díkɛ mɛni ŋá teei.

Azaya 66:20

Da pâi kánûai kélee kulâi ǹɔii-ŋûŋ-ŋai su dí ńzama a dîa. Da pâi pâi a dia ŋáyee maa waai ma Zerusâlɛŋ. Da pâi kɛ̂i soo-ŋa, mûu-ŋa, da soo-fáleŋ-ŋa mɛi. Da pâi kɛ̂i kɔ́kɔ keleŋ-ŋa su da géleŋ-ŋai núu a ŋ̀alai. Da pâi kɛi nɔ́ pâi a dîa yɛ̂ɛ berei Eezuɛ-ƃelai da pâ la a m̀ii-sã̂a sama-sãai sɛŋ-fôlo maa-waa-ŋa su Ŋápɛrɛ Kɛ́tɛi mui.

Ɉeremi 12:16

Tãi tɔnɔ da dí wɔ́lɔ Bêe ɣâlai fɛli-pere lɛ̀ ŋánûai dîa díkɛ dífòo a ǹáa. Kɛ́lɛ à kɛ̀ da ŋánûai díɣâla fɛli-perei maa kɔ̂ri a ǹɛ́lɛɛ, díkɛ dífòo a ńaa dîyɛɛi, ‘À kɛ̀ nɔ́ Yâwɛɛ káa ɣele ma a tɔ̃yâ,’ gɛ̀ ní, ŋa pâi díkɛ̂i kɛ̂i m̀a ŋánûai sáma.

Ɉeremi 26:18

“Tãi Maka nyíi kùla Morɛsɛ taa-leei sui è wɔ́lɔ kɛ̀ la a ɣâla ŋɔlóno kɛ́-nuui, maa tãi tí Ɛsekaya ƃé wɔ́lɔ kɛ̀ a gâloŋ Zuda lɔii mɛi. Nya ƃe Maka è mò ǹûai dîa ǹyɛɛ, ‘M̀ɛnii Ŋ̀wála-wâla kélee Yâwɛɛ è mòi ká ŋí: Da pâi Zerusâlɛŋ siniî yɛ̂ɛ núu ƃé kwaa sîi. Ǹaa a pâi kɛ̂i yɛ̂ɛ da kɔni ŋáa tɛ̀ gîe ma. À kɛ̀ tí, ǹyéei nyíi Ŋ̀âla-pɛrɛ Kɛ́tɛi tɔɔ̂i mai, a pâi kɛ̂i a lɔɔ pûŋ.’

Ɉeremi 31:6

Tãi káa pâi, maa tãi tí, ziɣãŋ-mɛi káa nuui a pâi tóli ƃôi a ɣelêi pere Ifiraŋ yee-ŋai ma ǹyɛɛi, ‘Ka pá kwáa lí Zãiyɔŋ Kúɣâlai Yâwɛɛ pɔ.’ ”

Izikiɛ 40:2

Ɣâla è ńzîɣe zĩ̂a su é lí a ńyãa Eezuɛ lɔii su. È ńzèe yée kɛ́tɛ tɔnɔ tôŋ su. Tãi ŋá ńduɛ pere kàa lai, ǹaa è kɛ̀ yɛ̂ɛ taa lêe tɔnɔ.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Mise 4:2

Núu támaa da pâi pâi dîyɛɛi, “Ka pá kwáa lí Yâwɛɛ ŋɔyéei tôŋ su. Ka pá kwáa lí Zeeka Ŋɔɣâlai Ŋɔpɛ́rɛi mu. Ǹaa ƃé a pâi m̀ɛni-ŋai lɛ̂i naa kûa a gɛ́ɛ kú sía a dia. Nyíŋi ƃé pâi gɛ̂i kú kúɣeniɛi kɛ́ yɛ̂ɛ berei a ŋ̀wɛ̂lii lai. Kɛ́lɛ Yâwɛɛ ŋɔsɛŋ lɛ́ɛi a kûla Zerusâlɛŋ. Zãiyɔŋ Yeei ma ƃé a lôno naa ŋɔnûai pɔ́.”

Maafîu 7:24

“Mɛni ma, ǹúui kélee a ŋ́oo-ŋai ŋí mɛni é díkɛ̂i, móloŋɔɔ̂i táre-nuu ma, nyii ŋɔpɛ́rɛi tɔ̀ɔ kɔni ŋái.

Lukə 11:28

Kɛ́lɛ, è mò, ǹyɛɛi, “Ooei, kɛ́lɛ, é tɛ́ɛ nyíŋi ma, lûwa káa dîa diai da Ɣâla ŋɔwóoi mɛ̀ni, díkɛ ǹaai kɛi!”

Lukə 24:47

Ǹyaŋ à kɛ̀ ti, ǹáa su lii-pene da sɔnyɔ̂ŋ su-mɛni-lɛɛ a pâi ƃôi sii-ŋa kélee ma, gɔ́ɔ e pîlaŋ Zerusâlɛŋ.

Ɉaan 4:22

Ka zɛŋ fɛ̀li nyii káfe gɔ́lɔŋ, kɛ́lɛ, kwa zɛŋ fɛ̀li nyii ku gɔ́lɔŋ, kpɛ́ni fêi, ƃalo-laa a kùla Zûu-ŋai yêei.

Ɉaan 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Gɛlaɠaa 1:8

Kɛ́lɛ, ka pâi wála-wala sɔlɔ ƃôi a tãi M̀ɔlêŋ Maa Waai a pâ la kápɔi. Ka pâi kɛ̂i a ŋásere-ŋa Zerusâlɛŋ, Zuda gwaa kélee, da Sameria, é too máŋ ǹɔii koyâŋ ma.”

Gɛlaɠaa 10:33

Nya ƃe ŋá íworɛ̂ tɛ̀ɛ kpɔ́ a maa félaa, ǹyaŋ í gɛ̀ kpɔ́ a ǹɛ́lɛɛ í pa. M̀aa mɛni ma kúkelee kúkaa ƃɛ́ Ɣâla ŋɛ́i-tuɛ a gɛ́ɛ kú m̀ɛni-ŋai mɛni Ɣâla a m̀ó yâi.”

Lomaŋ 10:18

Kɛ́lɛ, ŋa mare-kɛɛ kɛ̂i, dífe mɛni ni? Tɔ̃yâ ma, dí mɛ̀ni; kpɛ́ni fêi, “Ŋ̀âla-woo ƃo-ƃelai wóo a seri ǹɔii gwaa kélee, díwoo a seri ǹɔii kóyaŋ ma.”

Dutɛrɔnome 33:19

Zɛbulɔŋ da Isaka dísuui su-ƃelai da pâi ǹûai ŋáa tɛ̂i ma dí tɔ̃yâ sala kula. Da dítɔɔ-sãai sɔlɔ ƃô dípɔni tɔɔ̂i su da gɛ̀ yúo ma lɔii-ŋuŋ-ŋa sui.”

Dutɛrɔnome 6:1

“Ŋ̀óo-ŋai da dɔ̂ŋ-ŋai ká ŋí Káɣâlai Yâwɛɛ è dɛ̀ɛ ḿbɔ a gɛɛ ŋá ǹɛ́ kâa ka m̀ɛi káa ǹɔii su ka liî naa Zɔdiŋ Ya-leei pôlui,

Zĩi 1:25

Kɛ́lɛ, ǹúui a dɔ̃yâ-tɔŋ su kàa va kpera mai, nyíi gáa a ŋuŋ-maa-ƃo-tɔŋ, berei vé la a mɛni-nuui nyíi a niai, kɛ́lɛ, gɛ ƃo a maa-tii kɛ́-nuui, da pâi lûwa lâai ma ŋɔtûa-perei su.