Azaya 2:12 - Bible

¹² Ŋ̀elei tí ƃé Ŋ̀wála-wâla kélee Yâwɛɛi a pâi ŋ̀wála-wala-ƃelai kélee yée mɛi ɣâlei la, é ǹyoŋka-ƃelai da ŋ̀ɛi-tɛ-ƃelai ŋáa yéŋ.

Yálá laawoo hɛɓɛ (dc)

¹² Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Yálá laawoo hɛɓɛ

¹² Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Azaya 2:12 ပူးပေါင်းရင်းမြစ်များ

Samia Veerɛi 22:28

Ya dîai ŋuŋ ma ƃò da tûa a maa yêŋ perei, íkɛ zu-mɛni kɛ̂tɛ-ƃelai maa yêŋ.

Zôo 24:1

Ŋ̀wála-wâla kélee Ɣalai fé nîi tãi kpɛtɛ ní a gɛɛ é ŋ̀wana-lɔ̂ɔ-ƃelai dí mɛnii ŋá tée. Lé mɛni ƃé bôlu-ƃelai dífe nîi gáa ní gɛ́ zɔnyɔ̂ŋ-ƃelai dí mɛnii ŋá tèei?

Mąątɛ̨nɛ̨ 131:1

Óo Yâwɛɛ, ŋa ńyee kula ŋá ŋɛi-tɛ̂-tuai mu, ŋá ḿbôlu tɔɔ ŋá wôya tua-ŋai ma. Ŋ́gili fé tɔɔ ní mɛni kpaya-kpaya-ŋa dîa, kpaa máŋ mɛni mĩli-mĩliɛɛ ŋaa ma.

Mąątɛ̨nɛ̨ 18:28

Óo Yâwɛɛ, Ŋáɣâlai, yá ƃa kwaa ponoɔɔ tɛ̀ɛ ḿbɔ. Íkwaa ponoɔɔi a ḿaa pôno.

Mąątɛ̨nɛ̨ 37:13

Kɛ́lɛ Yâwɛɛ a kɛ̀ nɔ́ ɣɛ̂lɛi dîa, kpɛ́ni fêi, dísu kara ɣelei maa fé ŋɔ́nɔ kôya ní.

Mąątɛ̨nɛ̨ 94:2

Óo ǹɔii ŋɔmɛni ŋá tée Ɣalai, ímu-siɣe, í ǹyoŋka-ƃelai féla fé dítûa-perei ma.

Hanwon 16:5

Ɣâla Yâwɛɛ ŋɛ́i seɛɛ̂i tɛ-ŋɛi kɛ́-nuu ma, vé pâi pûi ŋɔtɔ̂ŋ-kpɛ-maai yêei.

Azaya 10:12

Ǹuu-namui è m̀o ǹyɛɛi, “Ŋà kpɛ̀ɛ ǹûai kula-maa kɛ̂i Zãiyɔŋ Yeei ma da Zerusâlɛŋ, ŋa pâi Asiria kaloŋ kula maa kɛ̂i ŋɔyoŋka tuai da ŋɔsu-mɛni kɛ̂tɛi mɛ̂ni ma.”

Azaya 10:33

Ka gáa, Ǹuu-namui Ŋ̀wála-wâla kélee Yâwɛɛ a pâi Asiria kɔ-kuluƃa-ŋai su tée-têei yɛ̂ɛ da wúru woŋo tèe ma. Diai díwala-walai, a pâi dímaa yenîi. Diai dítɛ̂ɛi-ɣelei, a pâi díyenîi.

Azaya 13:11

Yâwɛɛ è m̀o ǹyɛɛi, “Ŋa pâi mɛni kpɔ̂lu lâai ǹɔii ma ŋá zu-ƃela kélee kula-maa kɛ́ díŋwana-lɔ̂ɔ tua-ŋai mɛni ma. Diai díŋɛi tɛɛ̂i, ŋa pâi dí maa yenîi. Diai díŋwana-lɔ̂ɔi, díŋɛi tɛ́ɛi, ŋa pâi dí kula maa kɛ̂i.

Azaya 13:6

Malôŋ é tóo kâa, kpɛ́ni fêi, Ŋ̀wála-wâla kélee Yâwɛɛ ŋɔmɛni kula-maai ŋ̀ele a kɛ́ lɛɣɛ̂i.

Azaya 13:9

Yâwɛɛ ŋɔmɛni ŋá-tee ɣelei a pâi. Gáa a mɛni kpɔ̂lu su-kɛ́tɛ ɣele. A pâi m̀ɛni nyɔ́mɔɔ kɛ́-ƃelai su-karâi ǹɔii ma. A pâi gɛ̂i ǹɔii ma é lɛ́ɛ a fɛ̃ɛ-kpâlaŋ.

Azaya 14:15

Kɛ́lɛ, gáa ya nâa kɛ́ saa-taa ǹɔii mu pere póŋ-poŋ.

Azaya 23:9

Yâwɛɛ, Ŋ̀wála-wâla kélee Ɣalai ƃé mɛni kpɛtɛ́ɛi ŋí kɛ̀. È gɛ̀ tí a gɛɛ é ǹyoka-ƃelai díyoŋka tuai kpéra, é ƃâa kula dîa.

Azaya 24:21

Maa ɣêlei tí, Yâwɛɛ a pâi ŋ̀ele-kɔlɔŋ su wala-wala-ƃelai da ǹɔii ma-ƃela láa túɛ-ƃelai kula maa kɛ̂i.

Azaya 24:4

Tuna fé ŋɔ́nɔ pûi. Ǹɔii a kpála, zu-sãa kélee da saa.

Azaya 40:23

A ǹúu láa túɛ-ƃelai díwala-wala laai kûla díyêei, é díkɛ kpɛ́ni-kpɛni.

Azaya 42:15

Ŋa pâi ǹyée pɛlɛ-pɛlɛɛi da gbaya-kpayai wôloi. Ŋa pâi gɛ̂i gala-ŋai da ŋ̀úru-ŋai kélee dí kpála. Ŋa pâi nyá-ŋai kélee kpâlai, ǹaa é kɛ́ a fɛ̃ɛ-kpâlaŋ, ǹya-ɣɛ̂li pɛlɛɛi kélee dí kpála.

Azaya 5:15

Ƃaa kûla-maa a pâi sɛ̂lɛnii núu-kpune ma. Ŋume a pâi yoŋka-ƃelai paâi.

Azaya 61:2

A ńdɛɛ a gɛ́ɛ ŋá Yâwɛɛ ŋɔkóraŋ lɛ́lɛɛi maa tûŋ too. Ŋ̀elei a seri, Yâwɛɛ a pâi pâi ŋɔnûai ŋuŋ-ma ƃó mɛ̂ni ma, é díkpɔara ƃelai yée mɛi ɣalei. A ńdɛɛ a gɛ́ɛ diai wɔ́lɔi, ŋá díŋa nɛnɛ,

Ɉeremi 12:9

Ŋ́gɔ̃̂liŋ fé yɛ̂ɛ ŋɔni nyíi a maraŋ ŋɔni mii. Ŋɔni mii ŋɔ̂ni da kpɛ́ni-ŋa da pá da tínaŋ ma. Lí í vɛnɛ-sãai kélee pú gîe ma, í pá a dia a gɛɛ dí ŋ́gɔ̂liŋ kélee míi.

Ɉeremi 13:9

“Bere ƃé ŋa pâi Zuda da Zerusâlɛŋ ŋáa yeniî la dí su mɛni kɛ̂tɛi mɛni ma.

Ɉeremi 30:7

Mɛni kpɔ̂lu ɣele maa pɔlɔ-pɔlɔɔ káa pâi. Ŋ̀elei ŋí gɔɔŋ-maa fé ma. A pâi kɛ̂i a lii-too pôlu tãi ǹûai mɛ̂ni ma. Kɛ́lɛ dífe pâi lɛɛ̂i zu.”

Ɉeremi 46:10

Ŋ̀wála-wâla kélee Ɣalai Yâwɛɛ ŋɔɣelei ká ŋí. Sâa ƃé a pâi mɛni kula maa kɛ̂i la. Sâa ƃé a pâi ŋɔkpɔara-ƃelai kula maa kɛ̂i la. Ŋɔƃóa-sɔ̂kpɔi a pâi dímiî é lɛ́ɛ lá zu é péla. A pâi díŋãa kpelêi é lɛ́ɛ la zu ǹíi é láa. Sâa ƃé Ŋ̀wála-wâla kélee Yâwɛɛ a pâi sâla kulâi la a diai da tôo ǹyée mui yá ŋûa-pere, Yufeletii Ya-leei kɔlɛ mai.

Ɉeremi 50:31

“Babelɔŋ-ƃela, káŋɛi tɛ̂ɛi. M̀ɛni ma, ńyãa, Ŋ̀wála-wâla kélee Yâwɛɛ, ńdɔɔ̂i kâa! Tãi aâ seri a gɛɛ ŋá kákula maa kɛ́.

Izikiɛ 13:5

Dífa lí ƃɛi-ŋai ziaŋ a wólo naai, kpaa máŋ díziaŋ ŋai tɔ́ɔ dí dínaŋ Eezuɛ-ŋai dîa a dímaa kɔ̃ɔ sɛŋ a tãi kɔ́ a pa lai kpaa máŋ tãi Yâwɛɛ ŋɔɣelei a pá lai.

Danîa 4:37

“Mɛni ma, ńyãa Nɛbukinaza, ŋa ŋ̀elei su Kaloŋ láa ma tɛ̂i a ŋ̀ánaa, ŋ́gɛ ŋɔkɛ́tɛ-laai mɛ̂ni ƃò a gbanaŋɔɔ. Ŋa gɛ̂i tí, kpɛ́ni fɛ̂i, dûa-pere kélee lɛ̂lɛɛi gɛ́ mɛni kélee kɛ̀ a tɔ̃yâ-pere. Ǹyaŋ ǹúui kélee a gbîŋ su-mɛni kɛ̀tɛi, a maa-nuui ŋáa yèŋ.”

Amɔsə 5:18

Kpalo ƃêlai kâa káai Ɣâla Yâwɛɛ ŋɔɣelei wɛ̂lii! Ka ŋ̀elei ŋí wɛ̂lii lé-mɛni ma? Gáa a kpíni, vé a kwaa-ponoɔ.

Mise 2:3

M̀ɛni ma, Yâwɛɛ è mò ǹyɛɛi, “Ka gáa, ńdɔɔ̂i kâa. Ŋa mɛni nyɔ́mɔɔ kpɛtɛ̂i kámɛni ma nyii káŋuŋ fé pâi kulâi zui. Káfe pâi ŋɔ́nɔ siâi a yoŋka-pere kpɛ́ni fêi, a pâi kɛ̂i a mɛni kpɔ̂lu ɣele.

Mise 5:11

Ŋa pâi dítaa-lêe-ŋai wôloi da dí siɣãŋ-ŋai.

Sofoni 1:16

A pâi kɛ̂i a kɔ́-kɔ tûru fɛ́ɛ ɣêle, kɔ́-kɔ-ƃela díkɛ làɣi tãi da kɔ́ pɛ̀lɛ la daa-lêe-ŋai dîa nyii-ŋai dímaa tínaŋɔ̂ɔi a siɣãŋ-ŋai yeŋkêŋ kôyaa-ŋa díkɛ ƃò naai.

Sofoni 3:11

Maa ɣêlei tí dífe pâi íŋumɛ̂i ímɛni nyɔ́mɔɔ-ŋai ƃa gɛ́ a ńyãai m̀ɛni ma, kpɛ́ni fêi, ŋa pâi ǹyoŋka ƃela kpɛ́ni-kpɛni-ŋai kulâi kásama, ǹyaŋ yoŋka-nuu fé ŋɔ́nɔ pâi kɛ̂i ŋáyee maa waai ma.

Malasi 4:1

Ŋ̀wála-wâla Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i.

Malasi 4:5

“Kɛ́lɛ Yâwɛɛ ŋɔmɛni-kpɔ̂lu-kula ɣêle-kuu kɛ́tɛi é lɛ́ɛ pâi pâi, ŋa pâi Ɣâla ŋɔlóno kɛ́-nuui Ilaiza tɛɛ̂i.

Maafîu 23:12

Ǹúui kélee a gbîŋ kɛ̀tɛi da pâi maa yenîi. Ǹúui kélee a gbîŋ maa yêŋ, da pâi gɛ̂i a núu kɛ́tɛ. [

Lukə 14:11

Kpɛ́ni fêi, ǹúui kélee a gbîŋ kɛ̀tɛi, maa a pâi yenîi. Kɛ́lɛ, ǹúui à gbîŋ maa yêŋ, a pâi kɛ̂i a gɛ́tɛ.”

Korɛntə dɔlɔɔ 5:5

Ka nalôŋ ŋí tɛ́ɛ Sêtɔŋ pɔ a gɛ́ɛ gbîŋ-tua-pere-nyɔŋ su e kara, a gɛ́ɛ ƃálo-laa é kɛ́ ŋɔmɔ̂leŋ yêei a Kúnuu-namui Zîsɛ ŋɔɣelei.

Tɛsalonikə dɔlɔɔ 5:2

Kpɛ́ni fêi, kákelee ká gɔ́lɔŋ a ǹɛ́lɛɛ a gɛ́ɛ Kúnuu-namui ŋɔɣelei a pâi pâi nɔ́ a kpini yɛ̂ɛ ŋúma-nuu.

Zĩi 4:6

Kɛ́lɛ, Ɣâla a ƃɛlɛ-sêe támaa tɛ̀ɛ; mɛni ma Ŋ̀âla-kɔlɔi a mò, nyɛɛi, “Ɣâla tɔɔ̂i ǹyoŋka-ƃelai dîa, gɛ ƃɛlɛ-sêe tɛɛ maa-yeŋ-ƃelai pɔ.”