Azaya 11:4 - Bible

⁴ Kɛ́lɛ, ŋɔmɛni-teɛɛi a pâi kɛ̂i a tɔ̃yâ mɛni ŋá-teɛɛ ǹuu doo mu-ŋai mɛni ma. A pâi diai maa kɔ̃ɔi pɔ̂ri mâa fé dîɛi. A pâi mɛni nyɔ́mɔɔ kɛ́-ƃela kula maa kɛ̂i, díkelee dísaa.

Yálá laawoo hɛɓɛ (dc)

⁴ A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Yálá laawoo hɛɓɛ

⁴ A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 11:4 ပူးပေါင်းရင်းမြစ်များ

Samia Veerɛi 8:15

Deeƃé è kâloŋ-laa kɛ̀ Eezuɛ lɔii gwaa kélee ma. È ŋɔnûai mɛi kàa a tɔ̃yâ da teniŋ-ƃo pere su.

Zôo 15:30

Vé pâi pûi gbínii yêei. A pâi kɛ̂i yɛ̂ɛ wúru, ǹyaŋ ŋɔŋ a pâi ŋ̀owo kérenii. Ɣâla a pâi vɛ̂ɛi a ǹɛ̂wo.

Zôo 4:9

Ɣâla è nɛ̂wo pù dîa dísaa. È dífɛ̀ɛ díkelee dílaŋ.

Mąątɛ̨nɛ̨ 110:2

Yâwɛɛ a pâi gɛ̂i íwala-wala-laai é seri Zãiyɔŋ, ǹyɛɛi, “Ya pâi nâa kɛ̂i íkpɔara-ƃelai mɛi.”

Mąątɛ̨nɛ̨ 18:8

Luri è kùla zũai, ŋɔŋ-leŋ da ŋɔŋ têɣã dí kúla ǹá.

Mąątɛ̨nɛ̨ 2:9

Ya pâi díyee mɛi ɣâlei a kɔli sɔ̂kpɔ. Ya pâi dísu-karâi yɛ̂ɛ núu a pɔrɔ leɣi wòlo-wolo.”

Mąątɛ̨nɛ̨ 76:10

Ya gɛ̀ núu à kɛ̀ a ǹíi ŋwánaa, é ílaa maa tɛ́. Diai dífa sâa ílii ŋwânai sui, da íɣele kûu maa waa-ŋai mɛi kâa.

Azaya 1:17

Ka mɛni lɛ́lɛɛ-ŋa kɛ́-pere maa kɔ́ri. Ka gáa a gɛɛ núu kélee ŋɔtɔ̃yâ-laai é lí bɔ́. Káfe fàa ma dí núu da kula maa kɛ́ mɛni da ma nyii zɔŋ fé zui. Ka dee-noŋ-ŋai maa kɔ̃ɔ, ká lóno bɔɔ-nɛyãai mɛni ma.”

Azaya 13:11

Yâwɛɛ è m̀o ǹyɛɛi, “Ŋa pâi mɛni kpɔ̂lu lâai ǹɔii ma ŋá zu-ƃela kélee kula-maa kɛ́ díŋwana-lɔ̂ɔ tua-ŋai mɛni ma. Diai díŋɛi tɛɛ̂i, ŋa pâi dí maa yenîi. Diai díŋwana-lɔ̂ɔi, díŋɛi tɛ́ɛi, ŋa pâi dí kula maa kɛ̂i.

Azaya 14:30

Yâwɛɛ a pâi kɛ̂i ŋɔnûai nyii-ŋai díkaa a kôlo-ƃelai mɛi kâai díŋuŋ ma ƃóɔɔ, díkɛ díkɛ ɣéniɛi kɛ̀ lii-sêe su. Kɛ́lɛ a pâi gɛ̂i puru ŋánaa é káai a Felesia-ŋai ká páa. Kátà fé pâi lɛɛ̂i ɣele ma.

Azaya 16:5

À kɛ̀ tí, núu tɔnɔ a pâi kulâi Gâloŋ Deeƃé ŋɔsuui su é kɛ́ a kâloŋ Môa-ŋai mɛi. Ŋɔkâloŋ-laai kɔ́ɔ a pâi pîlanii a wɛli-kɛ́-maa kpanaŋɔɔ. A pâi ŋɔnûai mɛi kâai a tɔ̃yâ da teniŋ-ƃô pere. A pâi gɛ̂i tɔ̃yâ-laa mɛni kɛ́ ƃò naa núu kélee mɛni ma.

Azaya 2:4

Ǹuu-namui a pâi mɛni su kpɛtɛ̂i núu támaa loai. A pâi mɛni su kpɛtɛ̂i ǹɔii-ŋuŋ wála-wala-ŋai sáma. Da pâi díkɔ-kɔ ƃoa-sɔkpɔ-ŋai ɣalêi a kwaa sí kali. Da pâi díkpala-ŋai ɣalêi a mɔlɔŋ tée ƃoa-ŋa. Lɔii-ŋuŋ da fé ŋɔ́nɔ pâi kɔ́ pɛlɛ̂i m̀arâŋ lɔii-ŋuŋ ma. Dífe pâi ŋɔ́nɔ kɔ́-kɔ pere ma kɔ̂rii.

Azaya 26:6

À kɛ̀ tí, diai kɛ̀ mɔ̃lɛ̂i daa-leei ŋí su-ƃela yée mui, da pâi kɛ̂i sia-siai naa díkɛ naa taŋ-taŋ a díkɔɔ.

Azaya 29:19

Yâwɛɛ a pâi gɛ̂i lii-nɛ̃ɛ kɛ́ ƃò diai dîa nûa díkɛ̀ lúanii. Eezuɛ Ŋɔɣâla Maa Waai a pâi gɛ̂i gôlo-ƃelai dí kɛ́ lii-nɛ̃ɛ kùla.

Azaya 3:14

Yâwɛɛ aâ pá mɛnii ŋá têei. A pâi ǹúu-pɔlɔ-ŋai da ǹúu láa túɛ-ƃelai dímɛnii ŋá têei. A dísɔnyɔ̂ŋ ƃôi dîa ǹyɛɛi, “Káa ƃé ŋágbɔmɔ-kpalaŋ su kàra, ká gôlo-ƃelai kɔ̃liŋ kélee síɣe a kápɔɔ.

Azaya 30:28

Dúɛ-pere fãai káa yɛ̂ɛ ya-ɣîliŋ su-kpanaŋɔɔ nyíi a dɛɛ̂i kɔ̀ɔ yɛ̂ɛ da kwaa ma kɔ̀ɔ a tɛ̃́lɛŋ. A ǹyoŋka lɔii-ŋuŋ-ŋai su kàra da dímɛni kpɛtɛ́ɛ nyɔ́mɔɔ-ŋai kélee.

Azaya 30:31

Asiria-ŋai da Yâwɛɛ wóo mɛ̀ni dí ŋɔmɛni kula-maai kíli kɔ́lɔŋ, yao támaa a pâi pâi díkɔlɔ̂i.

Azaya 30:33

Asiria lɔii láa túɛ-nuui kéreŋ kwaa ma kpɛtɛ̂ɛi kóraŋ támaa tɛɛ pôlu ma. Gáa a lóa su-kɛ́tɛ kpóŋ kôyaa, kɔi kɛ́ ƃò a ǹaa lá fɛ́ɛ. Yâwɛɛ a pâi ǹaa fɛ̂ɛi a ǹɛwo, ŋɔŋ su-kɛ́tɛ é tée naa yɛ̂ɛ súluŋ su ŋɔŋ.

Azaya 32:1

Kâloŋ tɔnɔ da a pâi pâi a ɣele da. A pâi kâloŋ-laa kɛ̂i a ƃɛlɛ pêre. A pâi ŋɔnûai mɛi kâai a teniŋ-ƃô pere. Ŋɔtíi kɛ́-ƃela kpaya-kpayai da pâi tíi kɛ̂i a teniŋ-ƃô-pere

Azaya 32:7

Ǹúui ŋɔtárei fé seri ní zui, káa a núu nyɔ́mɔɔ, gɛ́ mɛni nyɔ́mɔɔ sii támaa kɛ̀. A gôlo-ƃelai su kàra a ŋɔlɛ́ɛ mɛni-ŋai, va ǹɛɛ naa dí dítɔ̃yâi sɔlɔ ƃó.

Azaya 33:22

Yâwɛɛ ƃa kúkâloŋ da kúmɛni ŋá-tee nuui. Ǹyaa ƃé a tɔ̂ŋ kpɛ̀tɛ kúmɛni ma. A pâi kúŋuŋ ma ƃôi.

Azaya 40:7

Kala a kpâla, wúru-poa kɛ́ fɔ̃ya a tãi Yâwɛɛ a pâi fãa tɛɛ̂i la é dí fɛ́ɛi. Nûa dífulu-laai su kpuâi nɔ́ yɛ̂ɛ kala.

Azaya 49:2

È ŋ́gbɛ̀tɛ, é ḿaa kɔ̃ɔ é gɛ́ ŋ́oo ŋá liɛɛ yɛ̂ɛ ƃóa-sɔ̂kpɔ. È ḿɛi pɛ̂lɛ a ǹyée é ḿaa kɔ̃ɔ. È ŋ́gɛ̀ yɛ̂ɛ tɔ̃a ŋá-seneɛɛ, ŋ́gbɛtɛɛ tíi kɛ́ mɛni ma.

Azaya 61:1

Ŋ̀wála-wâla kélee Yâwɛɛi Ŋɔmɔ̃̂leŋ káa ḿbôlu. A ńziye zu a ńdɛɛ, a gɛ́ɛ ŋá dùŋ lɛ́lɛɛi ƃô gôlo-ƃelai dîa, diai dílii toɔɔ̂i pôlui, ŋá díŋa nɛnɛ, diai díkaa kɔ-sôŋ laa sui, ŋá díŋuŋ-mâ ƃó túŋ tòo, diai díkaa kpini-pɛrɛ mui ŋá dí maa-tee.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Ɉeremi 33:15

Maa tãi tí ma, ŋa pâi kâloŋ lɛ̂i é kula Deeƃé ŋɔsuui su nyíi pâi kɛ̂i a teniŋ ƃô nuui. Gâloŋ kpîŋ a pâi tûai a teniŋ ƃô da tɔ̃yâ-laa pere ǹɔii gwaa kélee ma.

Ɉeremi 5:28

da dílaa mîi, díkpaya-kpaya. Díŋwana lɔ̂ɔ tua-ŋai kɔ̃́yɛŋ fé ma. Dífa tûa a dee-loŋ-ŋai a teniŋ ƃô pere, kpaa dítûa a zã́a a diai díkaa mɔ̃lɛi.

Osia 6:5

M̀ɛni ma ŋa ŋálono kɛ́-ƃelai tɛ̂ɛ a gɛɛ dí kália-wôo ƃó a gbanaŋɔɔ a gɛɛ ŋa pâi ká su karâi, ǹyaŋ ŋámɛni ŋá téɛɛi a pâi pâi yɛ̂ɛ ɣele-ƃɔɔ.

Sofoni 2:3

Ka tínaŋ Yâwɛɛ pɔ́ káai kálii maa yeŋɔɔ̂i ǹɔii sui, káai kà ŋɔtɔ̂ŋ mɛi kâai, ká mɛni sãa kɛ́. Ka ká maa yéŋ Yâwɛɛ ŋɛ́i-tuɛ tãi da ka pɔ̂ri kɛ̂i a káloɔɔ a Yâwɛɛ ŋɔlii-ŋwâna ɣelei.

Malasi 4:6

A pâi pâi a ǹóŋ-kaa-sinaai da dílônii gîe ma ŋɔ́nɔ. À wàla kɛ́ tí fɛ̂ɛ ŋa pá ŋá kálɔii su kara.”

Maafîu 11:5

Ŋ̀ɛi-pu-ƃelai ŋɛ́i láa káa ƃôi. Gɔɔ-pu-ƃelai díkɛ sia. Gbôdo-ƃelai díkɛ ƃalo. Ŋ̀oli-tínîŋ-ƃelai díkɛ mɛni mɛ̂ni. Zaa-ƃelai da dímu siɣe saa yêei, díkɛ Duŋ Lɛ́lɛɛi ƃo gôlo-ƃelai dîa.

Maafîu 5:5

Lûwa káa diai dîa dílii maa yeŋɔɔ̂i, kpɛ́ni fêi, dîa ƃe dípɔɔ ƃa ǹɔii.

Gɛlaɠaa 9:1

Sɔ̂ɔ è gbɛ̀tɛ ǹíi su a gɛ́ɛ é Kúnuu-namui ŋɔpôlu-ƃelai páa. È lì zâla láa soŋ-nuu kɛ́tɛi pɔ́ naa

Korɛntə veelɛ 10:1

Ńyãa Pɔ̂ɔ, ńyãa kpîŋ ŋa môi káa Kôrai ŋɔmaa-yêŋ da ŋɔsɔŋ-lɛ̂lɛi sârai, ŋà kɛ̀ ká ŋɛ́i ḿaa yeŋɔɔ̂i, kɛ́lɛ, ŋà wàla kɛ́ ká ŋɛ́i, ńii kpelêɛi!

Galatə 5:23

maa-yeŋ, da núu kpîŋ mɛi káa; ǹyaŋ tɔ̂ŋ fe nyíi-ŋai ŋí dîa.

Tɛsalonikə veelɛ 2:8

Ɣâla a pâi ŋ̀wana-lɔ̂ɔ-nuui lɛ̂i, Kúnuu-namui Zîsɛ é bàa a Ǹɛ̃wo, é zu kara a ŋɔpâi.

Taitɔ 3:2

Dífe mɛni nyɔ́mɔɔ ƃò é pîlaŋ núu da kélee ma. Dífe díyee pìli laa-saa-mɛni su. Dí kɛ́ a núu sɔŋ lɛ́lɛɛ-ŋa. Dí ƃaa-kɛ-maa lɛ́lɛɛ lɛ́ núu kélee ma.

Zĩi 3:13

Gbɛ̂ɛ ƃe dáreɛ̂i gɛ́ mɛni ŋá kàa kásamâi? Tɔɔ é ŋɔtíi lɛ́ ŋɔfúlu-laa lɛ́lɛɛi su maa-yeŋ-pere su, nyíi a kûla táre sui.

M̀ɛni-lɛɛi 1:16

Pɛmɛlɛŋ-kao lɔ́ɔlu mɛi feerɛ è kɛ̀ ǹáa-mii-yee ŋá. Ƃóa-sɔkpɔ ŋá kɛ́ɛ gwaa feerɛ ma kɛ́ ƃo ǹá. Ŋ̀ɛi kɛ́ fòlo yɛ̂ɛ vóloi à kɛ̀ toôi kpɔ́ a gbanaŋɔɔ.

M̀ɛni-lɛɛi 19:11

È kɛ̀ tí, ŋá Ɣâla-taa káa ǹá ƃóɔ. Ka gáa, soo kole è kɛ̀ naa! Ǹúui kɛ̀ see ni bôlui ǹáa ƃa Sã́a-laa da Tɔ̃yâ-laa. A mɛni ŋá tèe gɛ́ kɔ́ kpɛ̀ tɔ̃yâ-laa su.

M̀ɛni-lɛɛi 19:15

Ƃóa-sɔ̂kpɔ ŋá liɛɛ a kûla ǹá a gɛɛ é ǹɔii-ŋûŋ-ŋai yée-mɛi ɣale la. Ǹyaŋ a pâi dímɛi kâai a kɔli-tuaŋ. A pâi gbɔmɔ-ƃai tánîi Ŋ̀wála-wâla kélee-Ɣalai ŋɔlii-ŋwâna kpɔmɔ-ƃa táŋ-loai su.

M̀ɛni-lɛɛi 2:16

Mɛni ma ílii pene. À wàla kɛ́ tí, ŋa pâi pâi ípɔ a maa félaa ŋá kɔ́ pɛ́lɛ dîa a m̀óa-sɔkpɔ̂i gáa ńai.