Azaya 1:9 - Bible

⁹ Ŋ̀wála-wâla kélee Ɣalai Yâwɛɛ è ǹúui da-ŋa ŋuŋ ma ƃò naa. Eêi wàla kɛ́ tí, dîi Zerusâlɛŋ taa-leei su kàra nɔ́ yɛ̂ɛ berei dí gɛ̀ la a Sodɔŋ da Gomora taa-lee-ŋai su-ƃelai.

Yálá laawoo hɛɓɛ (dc)

⁹ Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Yálá laawoo hɛɓɛ

⁹ Akɛ kɛ, Yai-Laa Mɛ̨nį Kəlee ŋą Hééɓomun, hvo ku kpəli wolo lɛɛ kɛ, yɛ kwəli kɛ yɛ, Sodomə, ku mąą mɛ̨nį ə kɛ yɛ Gomorə.

Azaya 1:9 ပူးပေါင်းရင်းမြစ်များ

Zɛnɛse 18:26

Nya ƃe Yâwɛɛ è mò ma ǹyɛɛi, “A kɛ̀ ŋà tɔ̃yâ-ƃela buu lɔ́ɔlu kàa Sodɔŋ, gɛ̀ ní ŋa pâi naa malôŋ kâai dímɛni ma.”

Zɛnɛse 18:32

Nya ƃe è mò ŋɔ́nɔ ǹyɛɛi, “Óo Kúnuu-namui, ílii fé ŋwâna, ǹyaŋ ŋa pâi lônoi ŋɔ́nɔ. À kɛ̀ tɔ̃yâ-ƃela puu da kɛ̀ naa?” È mò ma ǹyɛɛi, “Fé pâi naa su karâi dɔ̃yâ-ƃela puui mɛni ma.”

Zɛnɛse 19:24

Nya ƃe Yâwɛɛ è Sodɔŋ da Gomora su kâra a kɔni-fãa da ŋɔŋ nyii-ŋai kùla ŋ̀élei sui.

Tɔɔɓɛlaa dɔlɔɔ 19:18

É máŋ kɛ́ tí, ŋa pâi núu wála lɔ́ɔlu mɛi feerɛ lɛɛ̂i a dífulu Eezuɛ diai nyíi dífe pîlaŋ ní díŋume ŋá tɛi-tɛi Bêe ŋɛ́i-tuɛi da diai kélee dífe díla-gbɔ-ŋai see ní mai.”

Tɔɔɓɛlaa veelɛ 19:4

Ɣâla fɛli kú mɛni ma kúai kúkaa nîi a kúfului. Asiria kaloŋ a ŋɔkɔ́-kɔ-ƃelai tɛ́ɛ a gɛɛ é Vúlu-laa ɣala woo-nyɔŋ fé. É kɛ́ a sɛŋ Yâwɛɛ Íɣâlai é ŋoo-nyɔŋ-ŋai ŋí mɛ́ni diai díkaa môi, é tɔ̂ŋ kpɛ́ dîa.”

Azaya 1:8

Zerusâlɛŋ taa-leei nɔ́ ƃé lɛ̀ɛ. Kɛ́lɛ maa mɛ̂ni káa yɛ̂ɛ boo-kpânaŋ da sûa su yeŋkeŋ. Gáa nɔ́ yɛ̂ɛ taa-lêe nyii kɔ-kuluƃa-ŋa da ǹaa pere-lee-ŋai kélee sóŋ.

Azaya 11:11

Maa ɣêlei tí a sèri, Ǹuu-namui ŋɔnûai kélee lɛ̀ɛ Asiria, Ize, Patulo, Itiopia, Elaŋ, Babelɔŋ, Ama da yúo kɔlɛ ma lɔii-kpiniŋ-ŋai mai, a pâi díkulâi naa a ŋɔwála-walai é pá a dia pôlu.

Azaya 11:16

A pâi pere lá-ƃôi Eezuɛ-ŋai mɛ̂ni ma nyii-ŋai kɛ̀ kɔ-sôŋ laa su Asiriai yɛ̂ɛ berei è gɛ̀ la Eezuɛ-ŋai mɛ̂ni ma kɛ̀ Ize lɔii sui.

Azaya 17:6

Núu kpulu-loŋ nɔ́ ƃé pâi lɛɛ̂i Eezuɛ. Naa a pâi lɛɛ̂i nɔ́ yɛ̂ɛ da ɔle kùla ɔle-wuru-ŋa m̀á tɛi-tɛi a lɛ̀ɛ nɔ́ dôŋ su. Ńyãa Yâwɛɛ, Eezuɛ Ŋɔɣâlai ƃé m̀o tí.”

Azaya 24:13

Ǹyaŋ bere nɔ́ ƃé a kɛ̂i la a ǹɔii-ŋûŋ-ŋai kélee ŋ̀éniɛi gwaa kélee. Ǹaa a pâi kɛ̂i yɛ̂ɛ da kpɛ̀ɛ a sí-sãa ƃá kuláa ŋá da gbaŋ su kɔ̀ri.

Azaya 24:6

M̀ɛni ma Ɣâla a ǹɔii náɣaŋ. Zu-ƃela da pâi dísɔnyɔ̂ŋ fela-fêi kɛ̂i. Dɛi-tɛ́i nɔ́ ƃé pâi lɛɛ̂i ǹɔii su.

Azaya 37:4

Tãi ta, Káɣâlai Yâwɛɛ aâ Asiria kaloŋ ŋɔkɔ-kuluƃa-ŋai láa-tuɛ nuui wóo mɛ́ni gɛ́ ɣɛ́lɛ-maa kûla gɛ̀-ɣele mâ Ɣalai kponôi. Tɔ́ɔ Yâwɛɛ Káɣâlai é m̀ɛni-ŋai ŋí mɛ́ni, é ǹuui nyii kélee m̀aa-kula ḿaa-woo-ŋai ŋí ƃoi kúla maa kɛ́. M̀ɛni m̀a, ka Ɣâla fɛli kúnûai nyii-ŋai lɛ̂ɛi, dímɛni ma.”

Azaya 46:3

“Káai a Eezuɛ-ƃelai pù ká kúla gɔ-sôŋ-laai sui, ka káwoli tɔ́ɔ ḿâ. Ńyãa ƃé kákpɛ̀tɛ. Ŋ́gbaaŋɔɔ̂i kámɛni ma é síɣe kámaa sɔlɔ ƃó tãi ma.

Azaya 6:13

À kɛ̀ kpîŋ núu tɔ̂nɔ a lɛ̀ɛ naa, ŋa pâi maa nûui su-karâi. Maa nûui a pâi kɛ̂i nɔ́ yɛ̂ɛ ôo wuru ƃé da mɛi tée maa ŋûmei a lɛɛ tɔɔ̂ni.” (Ŋ̀umei káa yɛ̂ɛ ɣéniɛ nina kɔ́ɔ pîlaii Ɣâla ŋɔnûai mɛni ma.)

Azaya 65:8

Yâwɛɛ è m̀o nyɛɛ, “Núu da fa pɔ̂ri kpɔmɔ-ƃa lɛ́lɛɛ karâi, kɛ́lɛ, da ŋwã̂ai kpɛ̀tɛ la. M̀ɛni ma, ḿve pâi ŋánûai kélee su karâi. Diai da tíi kɛ̀ mîi, ŋa pâi díŋuŋ-mâ ƃôi.

Ɉeremi 23:14

Kɛ́lɛ, ŋa gáa a gɛɛ Ɣâla ŋɔlóno kɛ́-ƃelai díkaa Zerusâlɛŋ díwɔ̂i tɛɛ̂i. Da wulu-wulu kɛ̀, dí kɛ́ lɛ́ɛ kɛ̀. Da kpɔŋ mâa tɛ̀ɛ nûa pɔ́ a gɛɛ dímɛni nyɔ́mɔ kɛ́, a gɛɛ núu da fé kpèra ŋwana lɔ̂ɔ-tua kɛ̂i. Díkelee dísɔŋ nyɔ̂mɔɔi nɔ́ yɛ̂ɛ Sodɔŋ da Gomora-ƃela.

Ɉeremi 42:2

dí mò ḿâ dîyɛɛi, “Kpera yɛ̂ɛ ye m̀ɛnii kɛ́ kûɛ nyíi kwa ŋ̀wɛ̂lii í gɛ̀ kûɛi! Íɣâlai Yâwɛɛ fɛli kûɛ. Vɛli kúa kpulu-loŋ ŋí kwâa lɛɛi kúmɛni ma. Kú wɔ́lɔ kɛ̀ a kútamaa, kɛ́lɛ, kwaâ lɛ̀ɛ nɔ́ a kúkpulu lôŋ yɛ̂ɛ berei ya kúkâai lai.

Ɉeremi 50:20

Ŋ̀elei tí a pà, núu da fé pâi ŋɔ́nɔ sɔnyɔ̂ŋ kɛ̂i Eezuɛ. À kɛ̀ tí, núu da fé ŋɔ́nɔ pâi ŋwana lɔ̂ɔ tua kɛ̂i Zuda, kpɛ́ni fêi, diai ŋá gɛ̀ dí lɛ́ɛ ɣele mai, ŋa pâi dísɔnyɔ̂ŋ su-mɛni lɛɛ̂i. Ńyãa Yâwɛɛ ƃé mò tí.”

Woolaa 3:22

Yâwɛɛ ŋɔwɛli kɛ́-maa kɛ́tɛi kúmɛni mai, góyɛŋ fé ma. Ŋɔmaloŋ kâai kóyɛŋ fé ma.

Woolaa 4:6

Ŋánûai díwɔ̂ mɛni kula maa kɛ́ɛi tɛɛ̂i Sodɔŋ-ƃelai díwɔ̂i ma, nyii Ɣâla è gɛ̀ a dia a m̀aa félaa, núu da fé kɛ́ ní naa é tɔ́ɔ berei.

Izikiɛ 14:22

À kɛ̀ díta a ƃàlo da dínîa-pɛlɛɛ-ŋai dí kúla naa dípa ípɔ naa, ye díkaa. Yá pâi gâai berei díkaa la a ŋwana-lɔ̂ɔ-ƃelai. Gɛ̀ ní, yà pâi gɔ́lɔnîi a gɛɛ ḿve Zerusâlɛŋ kula maa kɛ̂i a fili-pere.

Izikiɛ 6:8

“À kɛ̀ tí, ŋa pâi kákpulu-loŋ lɛɛ̂i ɣele ma. Tãi ka pâi kɛ̂i la ǹɔii-ŋuŋ ŋai tí samai, ká ta-ni da pâi pui mòa-sɔkpɔi yêei a tãi ka pâi liî la lɔii-ŋuŋ da kpɛ́ni ŋa sui.

Zooɛ 2:32

Tãi da a pâi diai pâi Yâwɛɛ láa tôlii, da pâi ƃâloi. Ǹyaŋ diai Zãiyɔŋ Yeei ma da Zerusâlɛŋ nyii-ŋai pûi, yɛ̂ɛ berei Yâwɛɛ è m̀ó lai, da diai lɛ̀ɛ pôlui dia ƃa ǹûai Yâwɛɛ a pâi dítôlii.”

Amɔsə 4:11

“Ŋá káseêi kùla yɛ̂ɛ berei ŋá Sodɔŋ da Gomola kùla lai, ǹyaŋ ká kɛ̀ yɛ̂ɛ da ŋɔŋ-kɔi tuɛ-kpua kula ŋɔŋ ŋá. Berei máŋ e kɛ̀ ti lai, dafe pa ni ḿbɔ́ pôlu.”

Habakukə 3:2

Óo Yâwɛɛ, ŋá m̀ɛnii mɛ́ni é pîlaŋ ítii-kpaya-kpaya-ŋai dîa. M̀ɛni ma ḿbɛlɛ a pû a dámaa ítii-ŋai mɛni ma. Ítii-ŋai lɛ́ góraŋ-ŋai ŋí su. Ítii-ŋai lɛ́ ŋɔ́nɔ góraŋ ŋí su. Ílii ŋwânai su, maloŋ-kâa é kɛ́ naa.

Sofoni 2:9

Nya ƃe Ŋ̀wála-wâla kélee Ɣalai, Eezuɛ-ŋai Díɣâlai è vòo ǹyɛɛi, “Tɔ̃yâ kpîŋ ma, tãi nɔ́ ŋ́gaa la ɣele mai, Môa a pâi kɛ̂i yɛ̂ɛ Sodɔŋ, Amɔŋ-ŋai da pâi kɛ̂i yɛ̂ɛi Gomora, ŋalêŋ kpɔlɔ a pâi kɛ̂i naa da fɛ̃ɛ-kpâlaŋ tee-tee yɛ̂ɛ ƃɛ́i da mii-kpolo kula naai. Ŋánûai nyii-ŋai lɛ̂ɛ a dífului, da pâi ǹaa yée mɛi ɣâlei, dí dísãâi kúla díyêei, dí sée dílɔii ma.”

Maafîu 7:14

Kɛ́lɛ, góraŋ la kuro-teɛ̂i da bere su-kuro-teɛ̂i da lî a núu fulu-laa su, mɛni ma, núu tɛi-tɛi nɔ ƃa tɛ̂ɛ là.

Lomaŋ 9:27

Azaya e laɣi a ŋ̀óo su kɛ́tɛ e pîlaŋ Eezuɛ-ŋai dîa, ǹyɛɛi, “Berei máŋ Eezuɛ lonii támaâi la yɛ̂ɛ yúo ŋɔnɛ̃yai díkpulu-loŋ nɔ́ ƃe pâi ƃálôi;

Lomaŋ 9:29

Yɛ̂ɛ berei Azaya e mò la naa-tuɛ ǹyɛɛi, “Eêi kɛ̀ nuu-kélee-Namui fe nîa-pɛlɛɛ lɛɛ ni kúyêei, gɛ̀ ní, mɛnii kɛ̀ a Sodɔŋ, eêi kɛ̀ a kúa, ku ŋɔnɔ kɛ́ yɛ̂ɛ Gomora.”

Dutɛrɔnome 29:23

A pâi ǹɔii su-karai a kpolo-lîyeŋ da sɔfɔ. Sí-sɛŋ da fé pâi wɔ́lɔ kpɛtɛi naa. Ǹaa a pâi kɛ̂i yɛ̂ɛ Sodɔŋ, Gomora, Adama da Zeboliŋ lɔii-ŋai nyii è naa kàra a lii-ŋwâna perei.

Piɛrə veelɛ 2:6

È Sodɔŋ-taai da Gomora-taai pène a luu é dímɛnii ŋá tée a gɛɛ dísu é kara a gɛɛ é kɛ́ a mɛni-kɔɔŋ-maa diai mɛni ma kɛ̀ pâi kɛ̂i a diai dífe Ɣâla-mɛni wɛ̂linii.

M̀ɛni-lɛɛi 11:8

Dípoma a pâi kɛ̂i laa ni taa-lee kɛ́tɛi sú nyii da dòli pere-sii da su a Sodɔŋ da Izei, zu-pere-lee kɛ́tɛi ma, ƃɛi dí Dínuu-namui kpàmo naa saa-wuru mai.