Azaya 1:4 - Bible

⁴ Káai a Eezuɛ-ƃelai, kpalo-ƃêlaai kâa. Kákaa a sɔnyɔ̂ŋ-ƃela. Kákaa a wôya-ƃela da ŋwana lɔ̂ɔ-ƃela lônii. Kásɔnyɔ̂ŋ a ká ɣíri. Ka káyee kúla Eezuɛ Ŋɔɣâla Maa Waai Yâwɛɛ mu, ka kápôlu tɔɔ m̀a.

Yálá laawoo hɛɓɛ (dc)

⁴ Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Yálá laawoo hɛɓɛ

⁴ Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Azaya 1:4 ပူးပေါင်းရင်းမြစ်များ

Zɛnɛse 13:13

Ǹyaŋ Sodɔŋ-ƃelai dí kɛ̀ a ŋwana-lɔɔ-ƃela. Dí ƃò ŋɔnɔ a sɔnyɔ̂ŋ-ƃela Yâwɛɛ ŋɛ́i.

Tɔɔɓɛlaa veelɛ 21:22

Laa-la fé kɛ́ ní ǹyêei é pîlaŋ Yâwɛɛ ma, Ŋâlai nyii ǹâŋ pɔlɔ-ŋai dí wɔ́lɔ kɛ̀ vɛlîi.

Kɔlɔnikɔ Veerɛi 12:1

Leoboaŋ kɛ́ɛ naa ŋɔkâloŋ-laai a nâa sîŋ sòŋ, da Eezuɛ-ƃelai kélee dí díyee kùla Yâwɛɛ ŋɔtɔ̂ŋ-ŋai mu.

Kɔlɔnikɔ Veerɛi 27:2

Zotaŋ sɔŋ è kɛ̀ a ǹɛ́lɛɛ Yâwɛɛ ŋɛ́i yɛ̂ɛ berei ǹâŋ Uzia è wɔ́lɔ kɛ̀ lai. Kɛ́lɛ Zotaŋ fé wɔ́lɔ lɔ́-ni Ŋ̀âla-pɛrɛ Kɛ́tɛi mu a gɛ́ɛ é kéreŋ sɛŋ kúŋ-nɛɛ kéreŋ naa ŋ̀âla-teƃelei ma yɛ̂ɛ ƃerei ǹâŋ è wɔ́lɔ gɛ̀ lai. Tãi ŋí yée mu, ǹûai díkɛ̀ nɔ́ nîi dítûa-pere nyɔ̂ŋ-ŋai kɛ̂i.

Nehemi 1:7

Kwa sɔnyɔ̂ŋ kɛ́ a yá kpɛ́ni fêi, dɔ̂ŋ í dɛ̀ɛ kúpɔ ítii kɛ́ ǹúui Mose sârai, kú fé kúyee see ní mu.

Mąątɛ̨nɛ̨ 58:3

Ŋ̀wana-lɔ̂ɔ-ƃelai da kúla berei ma a díloloŋ tãi. É síɣe díkwatara tãi ma, da kɛ́ a pilaŋ gɔ́ɔ ma-ƃela díkɛ lɛ́ɛ kɛ̀.

Mąątɛ̨nɛ̨ 71:22

Ŋa pâi kɛ̂i kɔnîŋ ɣâlei, ŋ́gɛ ílaa maa tɛ̀, íteniŋ ƃô-laai mɛ̂ni ma, óo Ŋáɣâlai. Ŋa pâi kɛ̂i kɔnîŋ ɣalêi yâ, ŋ́gɛ laa maa tɛ̂ wule-ŋa too, óo Eezuɛ Ŋɔmaa Wâa Nuu Tɔnɔi.

Mąątɛ̨nɛ̨ 78:40

Díkɛɛ vɛ̃ɛ-kpâlaŋ sui, dí tɔ̀ɔ Ɣâla ma a tãi támaa. Dí gɛ̀ ǹíi é tóo pôlu a tãi támaa!

Mąątɛ̨nɛ̨ 78:41

Dí zu kɔ̀ɔŋ a tãi támaa. Dí gɛ̀ Eezuɛ Ŋɔɣâla Maa Waai líi su é kara-kara dímɛni ma.

Mąątɛ̨nɛ̨ 78:57

Kɛ́lɛ teniŋ ƃô fé kɛ́ ní díyêei. Dí tùa nɔ́ yɛ̂ɛ dínâŋ pɔlɔ-ŋai. Wôya ŋánaa è díkpĩniŋ yɛ̂ɛ kerâŋ wuru.

Mąątɛ̨nɛ̨ 78:8

a gɛɛ dífe kɛ̀ yɛ̂ɛ dínâŋ pɔlɔ-ŋai nyii-ŋai kɛ̀ a dítɔɔ Ɣâla mai. Dílaa-laai su fé kɛ́ ní a gbanaŋɔɔ Ɣâla mɛni ma. Kili-kɛ-zu fé kɛ́ ní díyêei m̀ɛni ma.

Mąątɛ̨nɛ̨ 89:18

Óo Yâwɛɛ, yá ƃa kúmaa kɔ̃ɔ-nuui. Eezuɛ Ŋɔɣâla Maa Waai, yá ƃe kúkâloŋ tɛ̀ɛ kúpɔ.

Lɛɛ gbɔwɔ ɓa 32:7

Yâwɛɛ è mò Mose mà ǹyɛɛi, “Yeŋ ǹyéei kwára. Kpɛ́ni fêi, ínûai í díkùla Ize lɔii sui da ŋumɛ-mɛni kɛ́i.

Azaya 1:23

Í lɔii mɛi-ƃelai da tɔɔ Yâwɛɛ ma. Díwɛli kɛ́-maa ƃelai díkaa a ŋúma-ƃela tee-tee. Yee pɛlɛ ǹá-sɛŋ mɛni wɛ́li káa dîa a ŋ̀ánaa. Dífe kpáaŋ ní bɔɔ-nɛyãai da dee-noŋ-ŋai mɛ̂ni ma. Dífa bɔɔ-nɛyâai dímɛni-saai ƃô a tɔ̃yâ-pere.

Azaya 1:28

Kɛ́lɛ a pâi zɔnyɔ̂ŋ-ƃelai su-karâi da diai da tɔ̂ɔ m̀ai. Diai kélee da díyee kùla m̀ui, a pâi dípaâi.

Azaya 10:6

Ŋá dɛ̀ɛ a gɛɛ é kɔ́ pɛ́lɛ diai dîa ɣâla mɛni fé díŋuŋ sui a gɛɛ é díkɔ̃liŋ kula díyêei é dítaŋ-tâŋ yɛɛ pere lêe ma muluŋ.”

Azaya 12:6

Tɔɔ diai kélee Zãiyɔŋ Yeei mai dí láɣi ɣelêi pere a wule-wôo. Eezuɛ Ŋɔɣâla tɔnɔ maa waai kɛ̂tɛi. Gɛ̂i nɔ́ ƃa ŋɔnûai sáma.”

Azaya 14:20

Núu da fé pâi íloôi, kpɛ́ni fêi, í ínûai pàa í ílɔii su-kara. Íkaa-laai su-ƃela sɔŋ nyɔ́mɔɔ-ŋai da fé pâi lɛɛ̂i ɣéniɛ.

Azaya 29:19

Yâwɛɛ a pâi gɛ̂i lii-nɛ̃ɛ kɛ́ ƃò diai dîa nûa díkɛ̀ lúanii. Eezuɛ Ŋɔɣâla Maa Waai a pâi gɛ̂i gôlo-ƃelai dí kɛ́ lii-nɛ̃ɛ kùla.

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Azaya 30:1

Yâwɛɛ è m̀o ǹyɛɛi, “Kpalo-ƃêlai Zuda lɔii láa túɛ-ƃelai dîa, kpɛ́ni fêi, dí tɔɔ̂i ḿâ. Da mɛni kpɛtɛ́ɛ-ŋa kɛ̀ dífa díŋuŋ ma pìlaŋ a ńyãa. Da lɔii-ŋuŋ da kpɛ́ni-ŋa da mɛni kpɛ̂tɛ díkîɛ-ni loai dífa mò ḿâ. Díkaa nɔ́ niî dísɔnyɔ̂ŋ pûi gîe mɛi.

Azaya 30:15

Ǹuu-namui Yâwɛɛ, Eezuɛ Ŋɔɣâla Maa Waai è m̀o ǹyɛɛi, “Kà láa a ńyãa. Kà gɛ̀ tí, káŋuŋ ma a pâi kɛ̂i a m̀óɔɔ kákponôi kpanaŋɔɔ.” Kɛ́lɛ káfe gɛ̂i tí.

Azaya 30:9

Ǹûai ŋí díkaa nɔ́ tɔɔ̂i Ɣâla ma. Díkaa a lɛ́ɛ-ƃela. Dífa díwoli tɔ̀ɔ Yâwɛɛ ŋɔsɛŋ lɛ́ɛ-ŋai dîa.

Azaya 31:2

M̀ɛnii a gɛ̂i è gɔ́lɔŋ. A gɛ̀ mɛni kpɔ̂lu é láa nûa dîa. A ǹúu sɔŋ nyɔ́mɔɔ-ŋai kula-maa kɛ̂ da diai da tɔ̂ɔ dípôlui.

Azaya 37:23

Gbɛ̂ɛ ƃé ílâai la ya ɣɛ́lɛ maa kulâi gbonôi, íkɛ lóno nyɔ́mɔɔ kɛ̀ mai? Gbɛ̂ɛ ƃé íkɛ̀ lâɣii mai? Gbɛ̂ɛ ƃé íkɛ̀ íŋɛi pilîi la ɣelêi? Ya ƃâa kula ḿâ, Ńyãai a Eezuɛ Ŋɔɣâla Maa Waai.

Azaya 41:14

Yâwɛɛ a m̀ôi ǹyɛɛi, “Eezuɛ-ƃela, berei máŋ ka kuro-têɛɛi lai káfe yào. Ŋa pâi kpɔŋ mâa tɛɛ̂i kápɔ. Ńyãa ƃa Eezuɛ Ŋɔɣâla Maa Waai. Ńyãa ƃé káŋuŋ mâ ƃò.

Azaya 41:16

Ka pâi dífɛ̂ɛi, vãai é lí a dia, dítaa-taa. À kɛ̀ tí, ka pâi lii-nɛ̃ɛ kulâi, kpɛ́ni fêi, ńyãa ƃa Káɣâlai. Gɛ̀ ní, ńyáai a Eezuɛ Ŋɔɣâla Maa Waai ka pâi ńaa ma tɛ̂i.

Azaya 41:20

Ŋa pâi gɛ̂i tí nûa da naa kàa, dí gɔ́lɔŋ a gɛ́ɛ ńyãa Yâwɛɛ ƃé gɛ̀ tí. Da gàa dí gɔ̀lɔŋ da pâi târei zu a gɛ́ɛ ńyãai a Eezuɛ Ŋɔɣâla Maa Waai ƃé gɛ̀ é kɛ́.”

Azaya 5:19

Da kɛ̂ môi dîyɛɛ, “Tɔɔ Eezuɛ Ŋɔɣâlai é m̀ɛnii kɛ́ wɛ̀ a maa félaa. Tɔɔ é ŋɔkono-teei ŋàa-see kɛ́ wɛ̀ a maa félaa a gɛɛ kú nàa káa kúa kpîŋ. Tɔɔ Eezuɛ Ŋɔɣâla Maa Waai é ŋɔmɛni kpɛtɛɛi ŋàa sèe kɛ́. Tɔɔ kú m̀ɛni káa gáa gíli-ŋai.”

Azaya 5:24

M̀ɛni ma, berei kpɔ́ ŋɔŋ a ŋuŋƃe kpâla da kala kpâla kèreŋ lai, bere ƃé Ɣâla a pâi gɛ̂i la a dia. Díkɔɔ a pâi lûlai dímu, díyee é kpála-kpàla dîa. A pâi kɛ̂i tí, kpɛ́ni fêi, da díyee kúla Ŋ̀wála-wâla kélee Yâwɛɛi nyii gáa a Eezuɛ Ŋɔɣâla Maa Waai ŋɔtɔ̂ŋ-ŋai mu.

Azaya 57:17

Ŋá ńii ŋwàna dîa dísɔnyɔ̂ŋ-ŋai mɛ̂ni ma, da dísɛŋ wɛ̂li-tuai, ŋá díkula maa kɛ́, ŋá ńyee kúla dímu. Kɛ́lɛ dí kɛ̀ nɔ́ a díwôlii kpɔ̂lɔɔ, dífa dílii maa fàleŋ, díkɛ nɔ́ díkpɔɔi mɛni-ŋa kɛ̀.

Azaya 58:2

Da ḿvɛ̀li a ɣele kélee, díkɛ m̀o a gɛ́ɛ da ŋ̀wɛ̂lii kpɔ́ dí ŋásɛŋ lɛ́ɛi kɔ́lɔŋ, dí sía a ŋátɔ̂ŋ-ŋai wóo yɛ̂ɛ ǹyaa ƃé díkaa a teniŋ ƃô lɔii-ŋuŋ-ŋa nyíi-ŋai dífe tá díyee kùla ní ŋátɔ̂ŋ-ŋai mui. Da m̀ôi a gɛ́ɛ da ŋ̀wɛ̂lii ŋá tɔ̃yâ tɔŋ-ŋa tɛɛ dípɔ a gɛ́ɛ da kɛ̀ ḿvɛlîi, díkɛ gɛ̀ a lii-nɛ̃̂ɛ pere.”

Azaya 65:11

“Kɛ́lɛ, a pâi kɛ̂i a da kpɛ́ni ká mɛni ma káai ka kápôlu tɔ̀ɔ ḿâ, ka nia Zãiyɔŋ ma nyii gáa a ŋá yée maa waai, kákɛ Gâa-ɣalai da Mɛni-ɣalai fɛ̂li ńyii-ŋai dí káa a ŋ̀âla-ŋai nyii-ŋai da lɔku tɛ̀ɛ núu pɔ́ díkɛ mɛni ŋá teei.

Azaya 65:3

Ŋumɛ fé dîa a dɔnɔ kpîŋ. Díkaa nɔ́ ńii ŋwânai. Díkaa nɔ́ sâla-ŋa kulâi díɣâla fɛli kwaa-ŋai ma, díkɛ kéreŋ-sɛŋ kúŋ-nɛ̃ɛ kèreŋ ŋ̀âla da kpɛ́ni-ŋai díɣâla teƃele-ŋai ma.

Azaya 9:17

M̀ɛni ma, Ǹuu-namui fé pâi ǹɛɛ̂i naa dí yáŋkpa-ŋai da é pú é kúla ǹyêei. Vé pâi máŋ dípɔɔ-nɛyãai da dílônii da ŋɛ́i malôŋ kâai pâi lɛɛ̂i dípôlui. Díkelee díkaa a núu nyɔ́mɔɔ-ŋa. Díkɛ-mɛni kélee da dílono-woo kélee káa a ŋwana lɔ̂ɔ tua tee-tee. É máŋ kɛ́ tí, Yâwɛɛ a pâi kɛ̂i nɔ́ a ǹíi ŋ̀wánaa é lɛ́ɛ la zu é Eezuɛ kula maa kɛ́.

Ɉeremi 15:6

Ka káyee kúla ḿù, ká kápôlu tɔɔ ḿâ. M̀ɛni ma, ŋa pâi ńyee pɛlɛ̂i kâa, ŋá ká kúla maa kɛ́. Ḿvii a nâa kpɛɛ a gɛɛ ŋá káŋɛi malôŋ káa.

Ɉeremi 2:13

Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gáa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Ɉeremi 2:17

Káa kpîŋ ƃé pà a m̀ɛnii ŋí kákpîŋ kâa, kpɛ́ni fêi, ká kápôlu tɔ̀ɔ Yâwɛɛ ma nyíi gáa a Káɣâlai, tãi è kɛ̀ pâi la a káai.

Ɉeremi 2:19

Ka kpɔɔi tua-pere nyɔ̂ŋ a pâi ká kula maa kɛ̂i. Kpɛ́ni fêi káka pôlu tɔ̀ɔ ḿâi, ka pâi mɛni ŋá téɛɛ sɔlɔ ƃôi. Ka pâi gɔ́lɔniî a gɛɛ mɛni nyɔ́mɔɔ da saa da pâi pâi ká pɔ́ à kɛ̀ ka kápôlu tɔ̀ɔ Yâwɛɛ Káɣâlai ma, ǹyaŋ káfa ŋɔ́nɔ yào ḿâa tɛ̀ɛ ḿbɔ. Ńyãai ŋ́gáa a Ŋ̀wála-wâla kélee Yâwɛɛi, ńyãa ƃé mò tí.”

Ɉeremi 2:31

Óo Eezuɛ-ƃela, ka káwoli tɔ́ɔ ŋ́oo ma ńyãai ŋ́gáa a Yâwɛɛ. Ŋ́gáa yɛ̂ɛ fɛ̃ɛ-kpâlaŋ Eezuɛ maa mɛni ma? Vé tí a dɔnɔ kpîŋ. Kpaa ḿve yɛ̂ɛ tuna-ya kpini. Lé mɛni ƃé ká môi la kákɛ ŋuŋ ma ƃô sɔlɔ ƃó, mɛni ma kú fa ŋɔ́nɔ pa pôlu ípɔi?

Ɉeremi 2:33

Ká táreɛɛ kpɔ́ wɛ́li mɛni soŋ a ŋánaa, ŋ̀ulu-wulu kɛ́-nɛyãai dí kɛ̀ sɛŋ maa kɔ̀ri káyêei.

Ɉeremi 2:5

Yâwɛɛ è mò ǹyɛɛi, “Lé mɛni nyɔ́mɔɔ ƃé ŋá gɛ̀ a kánuu-pɔlɔ ŋai? Lé ƃé gɛ̀ dí kɛ̀ dí kɛ̀i kòyaa ḿâi? Díkɛ ɣâla da kpɛ́ni-ŋa fɛ̀li nyíi kɛ̂i fé kɛ́ ní dîai, nyíi gɛ̀ dia kɛ̂i fé kɛ́-ni dîai.

Ɉeremi 32:32

Ŋa pâi gɛ̂i tí Zuda da Zerusâlɛŋ-ƃela dísɔŋ ma, díkâloŋ-ŋai, dílaa túɛ-ƃelai, dísâla-laa soŋ-ƃelai da díɣâla ŋɔlóno kɛ́-ƃelai dîa.

Ɉeremi 50:29

“M̀ó gerâŋ pili-ƃelai dîa dí pɛ́lɛ Babelɔŋ ma. Diai kélee da pɔ̂ri kerâŋ pilîi dí dítɛɛ. Ka tínaŋ daa lêei ma. Káfe ǹɛɛ naa núu da é pú. Ka véla fé m̀ɛnii è gɛ̀i, m̀aa mɛ̂ni ma. Ka tûa la yɛ̂ɛ berei è tùa la a m̀arâai, kpɛ́ni fêi, è ŋɛi-tɛ kɛ̀ a ńyãai a Eezuɛi, Ŋɔmaa-waa ǹúui.

Ɉeremi 51:5

Ǹyãai ŋ́gaa a Ŋ̀wála-wâla-kélee Yâwɛɛi, ḿve niî ḿbôlu tɔ̀ɔ ní Eezuɛ da Zuda-ƃelai dîa, berei máŋ dí sɔnyɔ̂ŋ kɛ̀ là a ńyãa dí lɔii gwaa kéleei. Ŋ́gaa a Eezuɛ Ŋɔɣâla Maa Waai.

Ɉeremi 7:19

Gáa díkili ŋá ńyãa ƃé da ńii ŋwânai? Kpao. Dia kpîŋ ƃé díkaa díkpîŋ kɛ̂i wúlee.

Ɉeremi 7:26

Kɛ́lɛ, dífa díwoli tɔ̀ɔ ḿâ, kpaa dí ŋ́oo mɛni. Kɛ́lɛ da kɛ̂ nɔ́ ŋuŋ-su kpânaŋ kulâi. Da mɛni nyɔ́mɔɔ ŋánaa kɛ́ a tɛɛ dínâŋ pɔlɔ-ŋai dîa.”

Izikiɛ 14:5

Ŋa pâi gɛi tí a gɛɛ ŋá Eezuɛ-ŋai nyii-ŋai ŋ̀âla-pɔɔkɔŋ ŋai da dílii penei kɛ́ dítinaŋ ḿbɔ naa pere.

Izikiɛ 16:33

Sinaa ƃe da sama-sɛŋ tɛ̀ɛ nɛyãa pɔ, kɛ́lɛ yâ ƃe ya sama-sɛŋ tɛɛ ísinaai pɔ a gɛɛ díkula ƃela kélee ma díkɛ pa ípɔ.

Izikiɛ 16:45

Íkaa a ílee ǹóŋ nɛnî, nyii a ŋɔsurɔ̂ŋ da ǹônii kpɔarâi. Íkaa yɛ̂ɛ ílîa nɛyãai dílîa-nɛnî, nyii ŋai da dísinaai da dínîa-pɛlɛɛi kpɔarâi. Kálee ƃe kɛ a Ita, kánâŋ kɛ ƃo a Amɔŋ.

Danîa 9:11

Kúsɔnyɔ̂ŋ-ŋai da gɛ́ ǹaɣâŋ-ŋai da m̀óa-sɔkpɔ mɛni ŋá-teɛɛ-ŋai í bù íyee mu-nuui Mose ŋɔtɔ̂ŋ kɔlɔi sui gélee a pú kúŋûa.

Sofoni 1:6

Ŋa pâi diai su-karâi da kûla ḿbôlui, da diai dífa ŋ́gɔ̀ri kpaa máŋ dí marê kɛ́ a gɛ́ɛ ŋá dímɛi kaai.”

Lonon mo 32:14

Káai a goi nyɔŋ-ƃela nina-ŋai ká kánâŋ-ni tua-perei sìɣe a gɛɛ Yâwɛɛ ŋɔlii-ŋwanai su é kɛ́tɛ Eezuɛ-ŋai dîa.

Maafîu 11:28

Ka pá ḿbɔ, káai kélee ka mɔ̃lɛ̂i, da káai tĩa wiɛɛ káa káyêei. Ǹyaŋ ŋa pâi fii-tɔɔ tɛɛ̂i kápɔ.

Maafîu 23:33

Káai a kali-ŋai, kákaa a kali nyɔ́mɔɔ koi lônii, ka pâi kula-pere kɛ̂i leŋ Dɛ̂ƃele-taa tɔ̂ŋ-kpɛ́-maai su?

Maafîu 3:7

Kɛ́lɛ, tãi è Faresii-ŋai da Sâdusii-ŋai dámaa kàa la díkɛ pa batâi mɛni mai, è mò dîa, ǹyɛɛi, “Káai a kali nyɔ́mɔɔ koi-lonii! Gbɛ̂ɛ ƃe kálîa-woo ƃò a gɛɛ ká pú ǹii-ŋwanai nyíi gáa pâi yêei?

Lomaŋ 8:7

Kpɛ́ni fêi, gili-kɛ-maai gáa núu kpîŋ-tua-perei mɛni mai gáa a Ɣâla kpɔaraa; va lɔ̂ Ɣâla ŋɔtɔ̂ŋ mu, tɔ̃yâ ma va pɔ̂ri kɛ̂i;

Korɛntə dɔlɔɔ 10:22

Kwa kɔ́i a gɛ́ɛ ku Kúnuu-namui kɛ́ e tólo? Kúkpanaŋɔɔ̂i e tɛ́ɛ mà?

Dutɛrɔnome 29:25

Ǹyaŋ a pâi díwoo su toôi ǹyɛɛi, ‘Ŋa gêi tí, kpɛ́ni fêi, da díyee kúla ŋákpanaŋ-wôo-ŋai mu, ńyãai a dínâŋ-ni Díɣâlai. Ŋá díkùla Ize ŋá pá a dia ŋá dɔ̂ŋ-ŋai ŋí tɛ́ɛ dípɔ.

Dutɛrɔnome 31:16

È mò Mose mà ǹyɛɛi, “Yaâ pá liî ínûa pɔlɔ-ŋai pɔ́. Ǹûai ŋí da pâi tínanîi ɣâla da kpɛ́ni-ŋai pɔ́ naa pere. Dia ƃa ŋ̀âla-ŋai nyii-ŋai díkaa ǹɔii su da liî naai. Da pâi díyee kulâi ḿû da gbanaŋ-wooi ŋá gɛ̀ díyêei.

Dutɛrɔnome 32:19

“M̀ɛnii ŋí ƃé Yâwɛɛ è gàa gɛ́ ǹíi ŋwana. Ǹônii-sinaai da ǹónii-nɛyãai dí gɛ̀ ǹíi é ŋwána dîa.

Dutɛrɔnome 32:5

Nûa da wôya tua támaa kɛ́ la. Dítûa-pere nyɔ̂ŋ a gɛ́ dífe ŋɔ́nɔ a Yâwɛɛ ǹônii. Díkaa a wôya-ƃela. Díkaa a núu-sûu sɔŋ nyɔ́mɔɔ ŋá ŋánaa. Dítûa-pere fé sãa-ni.

Kolosə 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa mɛni-solii ŋí ŋ̀aa-see kɛ̂i a ŋ́gbono. Kôrai e mɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

M̀ɛni-lɛɛi 18:5

Kpɛ́ni fêi, ŋɔsɔnyɔ̂ŋ-ŋai mɛi kóyâi é seri ŋ̀ele-kɔlɔŋ ma. Ǹyaŋ ŋɔŋwana-lɔ̂ɔ-ŋai maa-mɛni káa Ɣâla kíli ŋá.

Nwun mąąɓo 10:10

Eezuɛ-ŋai dí wɔ̀lɔ Yâwɛɛ ma dîyɛɛi, “Yá ƃa Kúnuu-namui. Kɛ́lɛ kwa tɔɔ yâ. Yá ƃa Kúɣâlai, kɛ́lɛ kwa kpera ífɛlîi kúkɛ Bêe ɣalai fɛ̀li.”