Amɔsə 9:11 - Bible

¹¹ Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,

Yálá laawoo hɛɓɛ (dc)

¹¹ Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Yálá laawoo hɛɓɛ

¹¹ Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Amɔsə 9:11 ပူးပေါင်းရင်းမြစ်များ

Zôo 1:10

Ya Zôo da ŋɔnûai dí gɔ̃liŋ kélee mɛi kâai. Ya lûwa láa m̀ɛnii kélee ma nyii a gɛ̂i. Ya gɛ́ ŋɔtaa-tulɛ-ŋai da poo da ǹɔii láa fɛ́ɛ.

Mąątɛ̨nɛ̨ 143:5

Ŋ̀ele-ŋai da tɛ̀ɛi díkili a too ŋá. Ŋa ŋ́gili-ŋa sìa é pîlaŋ m̀ɛni-ŋai dîa ya gɛ̂i, ítûa-pere-ŋai kíli a tôo ŋá.

Mąątɛ̨nɛ̨ 80:12

Kɛ́lɛ í m̀aa kóli sãai kùla naa lé mɛni ma? Ya gɛ̀ tɛɛ-a-pere ƃela líi a kpele mà. Da kɛ̀ tɛɛ̂i da kɛ̂ m̀á da-ŋa ŋûmai ŋ̀á.

Mąątɛ̨nɛ̨ 89:40

Ya ziɣãŋ-ŋai wólo daa-leei ma, naa a lɛɛ fóŋkpoŋ.

Azaya 16:5

À kɛ̀ tí, núu tɔnɔ a pâi kulâi Gâloŋ Deeƃé ŋɔsuui su é kɛ́ a kâloŋ Môa-ŋai mɛi. Ŋɔkâloŋ-laai kɔ́ɔ a pâi pîlanii a wɛli-kɛ́-maa kpanaŋɔɔ. A pâi ŋɔnûai mɛi kâai a tɔ̃yâ da teniŋ-ƃô pere. A pâi gɛ̂i tɔ̃yâ-laa mɛni kɛ́ ƃò naa núu kélee mɛni ma.

Azaya 5:5

“Ŋa pá nɛɛ̂i naa ká m̀ɛnii kɔ́lɔŋ ŋa pâi gɛ̂i a ŋá kpɔmɔ kpâlaŋ. Gbakii dínaŋɔ̂ɔi m̀ai, ŋa pâi ŋ̀ôlo-wôloi. Fɛnɛ-sãa da pâi kɛ̂i dílaa miî naa díkɛ ǹaa tàŋ-taŋ.

Azaya 58:12

Ka pâi kátaa pîleŋ-ŋai tɔɔ̂i pôlu. Ka pâi dítɔɔ̂i yɛ̂ɛ berei dí wɔ́lɔ kɛ̀ la bɔlɔi. À kɛ̀ tí, nûa da pâi kákɔlɔnîi a ǹûia dísĩɣaŋ-ŋai tɔ̂ɔ pôlu, díbɛrɛ-ŋai tɔ́ɔ zui.”

Azaya 63:11

Nya ƃe tãi pɔlɔ-ŋai nyii kɛ́ a Yâwɛɛ ŋɔtii-kɛ-nuui Mose ŋɔtãi, kíli è tòo díŋa. Dí mare-kɛ̂ɛ kɛ̀ dîyɛɛi, “Mí ƃé Yâwɛɛ nyii wɔ́lɔ ŋɔnûai láa túɛ-ƃelai ŋuŋ mâ ƃò, é díkula yúo sui káa naai? Mí ƃé Yâwɛɛ nyii wɔ́lɔ Ŋɔmɔ̃̂leŋ Maa Waai tɛ̂ɛ ŋɔnûai sámai káa naai?

Azaya 65:9

Ŋa pâi lûwa lâai Eezuɛ-ŋai nyii-ŋai kùla Zuda ŋɔsuui sui. Gɛ̀ ní ǹɔii gáa ǹyée kpaya-kpayai mai, a pâi lɛɛ̂i a dílônii pɔɔ. Ǹûai nyii-ŋai ŋá dísìɣe zu, da tíi kɛ̂i ḿîi, da pâi seêi naa.

Ɉeremi 18:9

Kɛ́lɛ, à kɛ̀ ŋà mò a gɛɛ ŋa pâi lɔii-ŋuŋ da ŋɔkâloŋ-laai su kpananiî, ŋá dɔ́ɔ,

Ɉeremi 30:9

À kɛ̀ tí, gɛ̀ ní da pâi kɛ̂i tíi kɛ̂i ḿî, ńyãai ŋ́gaa a Yâwɛɛ nyíi gáa a Díɣâlai. Da pâi kɛ̂i tíi kɛ̂i Deeƃé ŋɔsuui mî nyíi ŋa pâi gɛ̂i a díkâloŋ.

Ɉeremi 46:26

ŋá dítɛɛ ǹûai ŋ̀wɛ̂lii dí dípâai pɔ́. Ŋa pâi dí tɛɛ̂i Babelɔŋ kaloŋ Nɛbukinaza pɔ́ da ŋɔkɔ-kuluƃa-ŋai. Kɛ́lɛ, ǹaa lòŋ a kɛ̀ tí, ǹûai da pâi ŋɔ́nɔ seêi pôlu Ize, yɛ̂ɛ berei è kɛ̀ la a bɔlɔɔi. Ńyãa Yâwɛɛ ƃé mò tí.

Woolaa 5:21

Óo Yâwɛɛ, kúŋuŋ ma ƃó kú pá pôlu ŋɔ́nɔ ípɔ. Kúɣele kûu-ŋai kɛ́ yɛ̂ɛ berei dí kɛ̀ la a bɔlɔi.

Izikiɛ 17:24

Ŋ̀úru-ŋai kélee da pâi gɔlɔni a gɛɛ ńyãa ƃa nuu-namui. Ŋa ŋuru koyaa-koyâai pɔŋ ŋá ŋuru pɛlɛɛ-pɛlɛɛi kɛ́ dí ƃɔlɔ dí koyaa. Ŋa ŋuru-ŋunu ŋai kɛ́ díkpala ŋá ŋuru-kpala ŋai kɛ díkɛ a dí ŋunu. Ńyãai a Yâwɛɛi, ńyãa ƃe mò tí. Ŋa pâi m̀ɛnii ŋá mòi ŋ̀aa sèe kɛ̂i.”

Izikiɛ 36:11

Ŋa pâi gɛ̂i ǹûai da daa-tulɛ-ŋai dítama. Ka pâi tâmai é tɛ́ɛ bɔlɔi ma. Ka pâi nîa-pɛlɛɛ támaa sɔlɔ ƃôi. Ŋa pâi ǹɛɛ̂i naa ká kɛ́ ǹɔii ma yɛ̂ɛ berei ká kɛ̀ la naa a bɔlɔi. Ŋa pâi tûai a káa a ǹɛ́lɛɛ é tɛɛ bɔlɔi ma. À kɛ̀ tí, gɛ̀ ní ká pâi gɔ̂lɔnii a gɛɛ Ńyãa ƃa Yâwɛɛ.

Osia 3:5

Kɛ́lɛ tãi a pâi tãi Eezuɛ-ŋai da pâi tínanîi la Yâwɛɛ pɔ́-pere nyii gáa a Díɣâlai, da Deeƃé nyii kɛ̀ a díkâloŋ. Gɛ̀ ní da pâi yaôi Yâwɛɛ ma, dí ƃɛlɛ-see lɛ́lɛɛ-ŋa sɔlɔ ƃó ǹyêei.

Abdiasə 1:17

“Kɛ́lɛ ǹúu da-ni da pâi pûi dí li Zãiyɔŋ yeei ma, nàa a pâi kɛ̂i a kwaa maa waa. Ǹyaŋ Zeeka ŋɔsuui su-ƃelai da pâi seêi ŋɔ́nɔ ǹɔii ma nyii gáa a dínua pɔlɔ-ŋa pɔɔi.”

Mise 5:2

Yâwɛɛ è mò ǹyɛɛi, “Óo Bɛpeleɣɛ̃ɛ Ɛfata, yáai Ifiraŋ lɔii-kpiniŋ sui, íkaa a daa kuro-tei dɔnɔ Zuda taa-ŋai sáma, kɛ́lɛ ǹaa ƃé ǹúu-ŋuŋ túɛ-nuui a pâi kulâi naa Eezuɛ mɛni ma nyii ŋɔnûa pɔlɔ-ŋai dísuu kɔ́ɔ a wɔ́lɔ pìlaŋ kpɔ́ a tãi su kôyai.”

Mise 7:11

Zerusâlɛŋ-ƃela, daa-lêei ŋɔsiɣãŋ tɔɔ tãi a pâi. Tãi tí ma kálɔii-kpîniŋ su a pâi kɛ̂tɛi.

Mise 7:14

Yâwɛɛ, ínûai í dílɛi, dí mɛi káa yɛ̂ɛ berei ƃála-mɛi-kaa nuu a ŋɔƃála-ŋai mɛi kâa lai. Berei máŋ díkaa la kwa kôya ma vɛ̃ɛ-kpâlaŋ sui, lɔii lɛ́lɛɛ káa díkɔlɛ ma. Tɔɔ dí lí dísee Basãŋ da Gilia lɔii lɛ́lɛɛ-ŋai ma yɛ̂ɛ berei dí wɔ́lɔ gɛ̀ lai.

Mise 7:8

Óo kúkpɔara-ƃela, káfe lii-nɛ̃ɛ kùla kú mɛi tãi kwa tòo lai, kpɛ́ni fêi kwa pâi kú siɣêi. Kúkaa kpíni su, kɛ́lɛ Yâwɛɛ a pâi kɛ̂i a kú kwaa ponoɔɔi.

Zakari 12:7

“Ǹyaŋ Yâwɛɛ è mò a gɛɛ a pâi gɔ́ nɛ̃ɛ̂i Zuda-ƃelai dîa a maa-ŋuŋ a gɛɛ Deeƃé ŋɔpɛ́rɛi mu-ƃelai da Zerusâlɛŋ-ƃelai dífe yoŋka tèe Zuda-ƃelai mɛi.

Zakari 14:10

À kɛ̀ tí ǹɔii gáa Zerusâlɛŋ-taai kwára-perei, é síɣe Géba é lí Limɔŋ a pâi kɛ̂i a tiŋ-tiŋ ŋá. Kɛ́lɛ Zerusâlɛŋ a pâi lɛɛ̂i nɔɔ ǹyéei ma é síɣe Bɛŋsima ŋɔgêtii lá é lí geti pɔlɔi lá, é lí zônoŋ su-getii lá, é kúla Ananɛ Ŋɔyeŋkêŋ lá é lí gâloŋ ŋɔŋwã̂ai-kpɛtɛ teei lá.

Zakari 6:12

M̀ó mà a gɛɛ Ŋ̀wála-wâla kélee Yâwɛɛ a môi ǹyɛɛi, ‘Nalôŋ da dòli a Ŋ̀oŋoi a pâi ƃɔlɔ̂i ƃɛ́i gáa naai, ǹyaŋ a pâi Yâwɛɛ Ŋɔpɛ́rɛi tɔɔ̂i.

Lonon mo 24:18

A pâi ŋɔkpɔara-ƃelai yée mɛi ɣalêi Idɔŋ. É dílɔii kɛ́ a gɔ̂liŋ. A pâi kɛ̂i nɔ́ a ŋwala-walaa.