Amɔsə 8:11 - Bible

¹¹ Kúnuu-namui Ɣâla è mò, ǹyɛɛ, “Ka gáa, ŋ̀elei káa pâi tãi ŋa pâi puru tɛɛ̂i la ǹɔii sui. Ve pâi kɛ̂i a mii-sɛŋ puru, kpaa máŋ kpele-wɛli, kɛ́lɛ a pâi kɛ̂i a Nuu-namui ŋɔwóoi mɛni-puru.

Yálá laawoo hɛɓɛ (dc)

¹¹ Nąmu Yai-Laa yɛ mą: hvólóɠaa kaa pai həlii, gáá pai pulu tooi nɔi nąą kəlee, Hva kɛ a kɔ̨nɔ̨n bulu da ya kpələ wɛli, kɛlaa, a kɛ a Yai-Laa lawoo mɛ̨n bulu.

Yálá laawoo hɛɓɛ

¹¹ Nąmu Yai-Laa yɛ mą: hvólóɠaa kaa pai həlii, gáá pai pulu tooi nɔi nąą kəlee, Hva kɛ a kɔ̨nɔ̨n bulu da ya kpələ wɛli, kɛlaa, a kɛ a Yai-Laa lawoo mɛ̨n bulu.

Amɔsə 8:11 ပူးပေါင်းရင်းမြစ်များ

Kɔlɔnikɔ Veerɛi 15:3

Tãi sukôya yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Mąątɛ̨nɛ̨ 74:9

Kúfe ŋɔ́nɔ zãâ maa waa-ŋai da maa ŋɛi kɛ́ maai da kâai. Ɣâla ŋɔlóno kɛ́-ƃelai da fé ŋɔ́nɔ naa. Núu da fé gɔ́lɔŋ lé tãi ƃé m̀ɛnii ŋí ŋáa a pâi yenîi lai.

Hanwon 29:18

Lɔii nyii kélee Ɣâla ŋɔwóoi fé zui, ǹaa-ƃela da dínîa mɛni kɛ̀, kɛ́lɛ lûwa káa ǹúui ma a Ɣâla ŋɔtɔ̂ŋ mɛi kâai.

Azaya 5:6

Ŋa pâi ǹɛɛ̂i naa galai yée é tɛ́ɛ m̀a. Ḿve pâi ǹaa kpɛtɛ̂i, kpaa máŋ ŋá galai fála naa. Ǹaa a pâi kɛ̂i nɔ́ a m̀ɛi-pɛlɛɛ a tânaŋ da ŋalêŋ kpɔlɔ. Ŋa pâi m̀ôi ŋ̀elei su ma a gɛɛ vé ŋɔ́nɔ nɛ̀ɛ naa tuna é pú naa.”

Izikiɛ 7:26

Mɛni-kpɔ̂lu a pâi kulâi dîa gîe mɛi, tùŋ nyɔmɔɔ támaa é pá dípɔ. Da pâi ŋâla-woo ƃô ƃelai marê kɛ̂i a gɛɛ díɣâla-woo ƃô dîa, kɛ́lɛ ŋ̀âla-wooi a pâi lani díla. Zâla láa-soŋ-ƃelai dífe pâi pɔrii sɛŋ lɛ̂i ǹûai dîa. Ǹúu-pɔlɔ-ŋai dífe pâi kɛ̂i naa a gɛɛ dínûai lia-woo ƃó.

Osia 2:3

À wàla kɛ́ tí, ŋa pâi maa kpôlonii é lɛ́ɛ a gáa kàŋ yɛ̂ɛ berei dí m̀aa sɔlɔ ƃô lai. Ŋa pâi gɛ̂i yɛ̂ɛ fɛ̃ɛ-kpâlaŋ ŋá, gɛɛ yɛ̂ɛ lɔii-kpûa ƃɛ́i yá fé naai, ŋá báa a kpele wɛ̂li.

Mise 3:6

“Ǹɛ́ɛ Ɣâla-woo ƃó-ƃelai, kátãi a kɛ́ kpɛɛ̂i. Kpíni su kɛ́tɛ a pâi toôi kâa nyii káfa pɔ̂ri m̀ɛnii kɔ́lɔnîi pâi kɛ̂i a kaai. Vóloi a pâi liî ka káfa ŋɔ́nɔ mɛni da kélee ŋá kàa. Kpɛ́ni fêi ka ŋánûai kúla bere sã́ai ma.”

Maafîu 9:36

Kɛ́lɛ, tãi è gbɔŋ kàa lai, dímalôŋ è zòŋ. Kpɛ́ni fêi, dí kɛ̀ mɔ̃lɛ̂i, dílaŋɔɔ nɔ yɛ̂ɛ ƃála-ŋa ƃe dímɛi-kaa-nuu fé ma.

Samuɛlə dɔlɔɔ 28:15

Samia è mò Sɔ̂ɔ ma ǹyɛɛi, “Lé mɛni ƃé íkaa nɔ́ la ḿbôlu íkɛ gɛ̀ ŋ́gɛ mu siɣei?” Sɔ̂ɔ ǹyɛɛ m̀ai, “Ŋ́gaa mɛni kpɔ̂lu su. Felesia-ŋai da kɔ̂i ḿbɔ. Ɣâla aâ bôlu tɔ̀ɔ ḿâ. Vé ŋ́oo su toôi a dɔnɔ kpîŋ. Vé kpîŋ ŋ́oo su toôi Ɣâla ŋɔlóno kɛ́-ƃelai da sarâi kpaa máŋ see-woo su. Mɛni ma ŋa ítòli a gɛ́ɛ í m̀ɛnii lɛ́ ḿâ ŋa pɔri gɛ̂i.”

Samuɛlə dɔlɔɔ 28:6

È Yâwɛɛ marê kɛ̀ m̀ɛnii ma a pɔri gɛ̂i. Kɛ́lɛ Yâwɛɛ fé ŋ̀óo su too ní a see-woo su kpaa máŋ a Uliŋ da Tumiŋ, kpaa máŋ a Ɣâla ŋɔlóno kɛ́-nuu da.

Samuɛlə dɔlɔɔ 3:1

Ŋ̀ele-ŋai tí ma Yâwɛɛ fa kâa lòno nɔ́ tí núu da pɔ́ kpaa máŋ é kúla núu da ŋɛ́i seêi pere. Tãi tí ma Samia è kɛ̀ tíi kɛ̂i Yâwɛɛmì Ilai yée mu.