Amɔsə 5:2 - Bible

² “Eezuɛ nyii da dòli a nɛnî-kpelai, a saa. Ǹyaŋ ve pâi ŋɔ́nɔ mu siɣêi. Gáa laa ni ǹɔii ma, núu da fe é m̀u siɣe.”

Yálá laawoo hɛɓɛ (dc)

² Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Yálá laawoo hɛɓɛ

² Israɛlə nuą kaa yɛ nɛ̨ɛ̨gbɛla yii hvo hulɔnu mɛ̨nį hu kɔ́lɔn, aa too yɛ a haa, gbɔɔ-kpɔɔ lɔi ɓa, hvo kɛa pai muhəɠəi, nu hvo nwɔ̨nɔ̨ ɲəi yii a muhəɠə.

Amɔsə 5:2 ပူးပေါင်းရင်းမြစ်များ

Tɔɔɓɛlaa veelɛ 15:29

Tãi Pika è kɛ̀ la a kâloŋ Eezuɛ lɔii mɛi, Asiria kaloŋ Tigila Pileza è pà é kɔ́ pɛ́lɛ ma, é daa-ŋai ŋí síɣe, Izɔŋ, Ebɛ-Bɛmaaka, Zanôa, Kedɛ da Azɔ. È ǹɔii kpîniŋ-ŋai ŋí sìɣe máŋ, Gilia, Galalii da Nɛfɛtɛli. È Eezuɛ-ƃelai kùla gwaa-ŋai tí ma é lí a dia a kɔ-soŋ-ŋa.

Tɔɔɓɛlaa veelɛ 17:16

Eezuɛ-ƃelai dífe díwoli tɔ̀ɔ ní dɔ̂ŋ-ŋai dîa nyii Yâwɛɛ Díɣâlai è dɛ̀ɛ dípɔi. Dí niŋa-loŋ pɔkɔɔŋ feerɛ kpɛ̀tɛ díkpîŋ mɛni ma a kɔli a gɛɛ díkɛ vɛ̀li. Dí wúru kôya tɔ̀ɔ ŋâla-pɔkɔŋ Asira fɛli mɛni ma. Dí kɛ̀ máŋ bɛ̂mɛlɛŋ-kao-ŋai fɛlîi da Bêe ɣala-pɔkɔŋ.

Azaya 14:21

Núu paa-ƃela da díkpîŋ kpɛtɛ ísuui su-ƃelai paa mɛ̂ni ma. Da pâi ílônii paâi ísɔnyɔ̂ŋ da zɔnyɔ̂ŋ ínûa pɔlɔ-ŋai dí gɛ̀i mɛ̂ni. Dítà fé pâi lɛɛ̂i ɣele ma a gɛɛ é tínaa kɛ́ lɔii-ŋuŋ da mɛi kpaa máŋ é taa-lêe da tɔɔ.”

Azaya 24:20

Ǹɔii a pâi kɛ̂i díkɛ̂i tàka-taka yɛ̂ɛ lɔɔ kpele-nûu, gɛ́ làa-laa bɛ̂rɛ ma yɛ̂ɛ fãa a sèe pɛ́rɛ ma. Ǹɔii ŋɔsɔnyɔ̂ŋ a wuyɛ ma a ŋánaa. A pâi toôi ǹyaŋ vé ŋɔ́nɔ pâi mu siɣêi.

Azaya 3:8

Kpalo a ƃéla Zerusâlɛŋ ma. Zuda kɛ́ wòlo. Ǹaa-ƃela kélee tɔɔ̂i Yâwɛɛ ma a díwoo da dítûa-pere. Da wóo nyɔ́mɔɔ-ŋa ƃò é pîlaŋ Yâwɛɛ ǹyaa kpîŋ m̀a.

Azaya 37:22

Yâwɛɛ a môi Sinakari ma ǹyɛɛi, ‘Zerusâlɛŋ taa-leei su-ƃelai dífe íwɛli-ni. Díkaa ɣɛ̂lɛi yâ. Zerusâlɛŋ taa-leei su-ƃelai da díŋuŋ kpɛ́mɛnîi a yá díkɛ ɣɛ́lɛ maa kûla íkponôi a tãi ya kɛ̂ pûi lai.

Azaya 43:17

È kɔ-kuluƃa kpulu su-kàra nyíi-ŋai kɛ̀ soo-ŋa mɛi, da soo sia-kêleŋ-ŋai sui. Díkelee dí tòo da fé pɔri ní m̀u-siɣêi. Díkelee dí nìiŋ yɛ̂ɛ da ŋɔŋ lìiŋ.

Ɉeremi 14:17

Yâwɛɛ è ŋɔ́nɔ mò ḿâ a gɛɛ ŋá lóno ǹûai pɔ́ ńyɛ̃ɛi, “Tɔ́ɔ ŋ́ɛi-ya é pú a kpíni da fólo, nyíi gɔ̃yɛŋ fé kɛ̀ ma. Kpɛ́ni fêi da ŋánûai ŋwána kpɔ́ a ŋánaa. Pala kɛ́tɛ kɛ́ ƃò dîa.

Ɉeremi 18:13

Yâwɛɛ è mò ǹyɛɛi, “Ǹɔii-ŋuŋ-ŋai kélee marê kɛ́. M̀ɛnii sîi ŋí da a tá kɛ́ a bɔlɔ? Eezuɛ-ƃelai da mɛni nyɔ́mɔɔ kɛ́tɛ kɛ́!

Ɉeremi 2:27

Káai kélee mò a gɛɛ wúru káa a kánâŋ, kɔni kɛ́ ƃò a káleei, ƃâa a pâi kulâi kâa. M̀ɛnii ŋí a pâi kɛ̂i kpɛ́ni fêi, ká kápôlu tɔ̀ɔ ḿâ, káfe tínani ḿbɔ naa-pere. Kɛ́lɛ, tãi ka kɛ̂ la mɛni kpɔ̂lu sui, m̀aa tãi ƃé ka tînaŋ la ḿbɔ naa-pere kákɛ m̀arê kɛ a gɛɛ ŋá káŋuŋ ḿâ ƃó.

Ɉeremi 31:4

Ŋa pâi gɛ̂i ká kɛ́ a ká kɛ́-pere pɔlɔi. À kɛ̀ tí, gɛ̀ ní ka pâi ká nyɛ́ŋ-nyɛŋ-ŋai siɣêi ká kɛ́ mã̀la a koi-nɛɛ-pere.

Ɉeremi 4:20

Mɛni kpɔ̂lu káa nɔ́ mɛni kpɔ̂lu pôlu. Ǹɔii a lɛɛ a bûŋ. Ŋáƃûui a wólo a maa félaa. Dí seɣe-ŋai kɛ̀ a zɛ̂lɛŋɔɔ berei sui, a fála a gbûa-kpûa

Ɉeremi 50:32

Kálɔii-ŋuŋ ŋɛ́i tɛ̂ɛi, ǹyaŋ a pâi gɔ́ɔ tuâi é tóo. Ǹyaŋ núu da fé pâi kɛ̂i naa é mù siɣe. Ŋa pâi ŋɔŋ toôi kátaa lêei ma, ŋá kákɔ̃liŋ kélee kpɔ́ su-kara.”

Ɉeremi 51:64

Mó yɛ̂ɛ, ‘M̀ɛnii ŋí ƃé pâi kɛ̂i a Babelɔŋ. A pâi yenîi ǹyái káo ma. Ǹyaŋ vé ŋɔ́nɔ pâi tɛ̂i pôlu. Kpɛ́ni fêi Yâwɛɛ a pâi zu karâi.’ ” M̀ɛnii Zɛlemaya è mòi gbɛɛ-ŋái ká ŋí.

Ɉeremi 8:4

M̀ó dîa yɛ̂ɛ Yâwɛɛ ǹyɛɛi, “À kɛ̀ núu a tòo, a pɔ̂ri mù siɣêi pôlu. À kɛ̀ núu a làŋ, a pɔ̂ri lenêi pôlu.

Ɉeremi 9:21

Ka gáa, saa a tɛ́ kúwôna-ŋai lá. A lɔ́ kúkâloŋ pɛrɛ-ŋai mu. A kúnîa-pɛlɛɛ-ŋai paâi daai su, gɛ́ kúsia-a-nina ŋai pàa ǹɔ́ɔ-kpalaŋ-ŋai ŋá.

Ɉeremi 9:9

À kɛ̀ tí, gɛ̀ ní ḿva pɔ̂ri díkula maa kɛ̂i m̀ɛni-ŋai ŋí mɛ̂ni ma? Ŋá pɔ̂ri ŋ̀áa têei. À kɛ̀ tí, ḿva pɔ̂ri tɔɔ̂i ǹɔii-ŋuŋ kɛ́ɛ ŋí ma?”

Woolaa 2:13

Óo Zerusâlɛŋ, ŋáwɛli kɛ́-maa taa-leei, yɛ̂ɛ ŋá kɛ́ lé yâ? Ŋa pɔ̂ri íŋanɛnɛ pere kɛ̂i léŋ? Núu da fé tá mɛni-soli káa ní ŋí. Ímɛni kpɔ̂lui su kɛ̂tɛi yɛ̂ɛ yúo. Gbɛ̂ɛ ƃa pɔ̂ri kpɔŋ mâa tɛɛ̂i ípɔi?

Osia 14:1

Óo Eezuɛ-ƃela, ka pá pôlu Káɣâlai Yâwɛɛ pɔ́, kpɛ́ni fêi, kásɔnyɔ̂ŋ a gɛ́ ka too.

Osia 6:2

Fólo feerɛ a tɛ̀ɛ a pâi kúƃâloi, vóloi zaaƃa ɣelei é kúmu siɣe, kú kɛ́ ɣele ma ŋ̀ɛi túɛ.

Amɔsə 8:14

Diai da dífòo Asima ma nyii gáa Sameria, díkɛ m̀ó, dîyɛɛi, ‘Óo Daŋ, íɣâlai káa ɣele ma,’ Dîyɛɛ, ‘Óo Bɛɛsiba, ímɛi-kaa-ɣalai káa ɣele mai,’ da pâi toôi, dífe pâi ŋɔ́nɔ dímu siɣêi pôlu.”

Amɔsə 9:11

Maa-ɣelei tí ŋa pâi Deeƃé ŋɔpɛ́rɛi siɣêi ŋá dɔɔ, nyii doɔ̂i, ŋá bɛ́ŋ pɛ́lɛ, ŋá mu siɣe ŋá dɔɔ yɛ̂ɛ berei è wɔ́lɔ kɛ̀ a dɔɔ́ lai,