Amɔsə 2:11 - Bible

¹¹ Ŋá Ɣâla ŋɔlóno kɛ́-ƃela kùla kálônii sáma, ŋá ká nyaŋkpa-ŋai da-ni tɛɛ Ɣâla pɔ́. Vé tí, káai a Eezuɛ-ƃelai?

Yálá laawoo hɛɓɛ (dc)

¹¹ Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Yálá laawoo hɛɓɛ

¹¹ Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Amɔsə 2:11 ပူးပေါင်းရင်းမြစ်များ

Tɔɔɓɛlaa dɔlɔɔ 17:1

Tisibi-nuui Ilaiza nyíi kùla Tisibi Gilia lɔii sui è mò Gâloŋ Eɣa ma ǹyɛɛi, “Nyíi nɔ́ Yâwɛɛ, Eezuɛ Ŋɔɣâlai káa ɣele mai, nyíi ŋ́gaa tíi kɛ̂i mìi, lúu kpaa máŋ tuna fé pâi pûi kóraŋ kpɛ́-kpɛɛ yée mu fɛ̂ɛ nɔ́ ŋá mò a gɛ́ɛ é kɛ́ tí.”

Tɔɔɓɛlaa dɔlɔɔ 18:4

Zɛsebɛɛ kɛ́ɛ Yâwɛɛ ŋɔlóno kɛ́-ƃelai paâi, Obadia è Ɣâla ŋɔlóno kɛ́-ƃelai ŋuŋ tɔnɔ sìɣe é díloo kɔni wolo feerɛ su, dɔnɔ núu buu lɔ́ɔlu, gɛ́ mii-sɛŋ tɛ̀ɛ dípɔ da yá naa.)

Tɔɔɓɛlaa dɔlɔɔ 19:16

Wúlɔ pú máŋ Niŋsi ǹóŋ Zewu ŋûa í zee a kâloŋ Eezuɛ mɛi í wúlɔ pú Safa ǹóŋ Ilaisa ŋûa nyíi kùla Ebɛɛ Meolai í zee ípɔɔ ŋá a Ɣâla ŋɔlóno kɛ́-nuu.

Tɔɔɓɛlaa dɔlɔɔ 20:13

Ǹaa kɛ́ɛ tí, Ɣâla ŋɔlóno kɛ́-nuui è pà Eezuɛ kaloŋ Eɣa pɔ́-naa ǹyɛɛ m̀ai, “M̀ɛnii ká ŋí Yâwɛɛ a m̀ôi ǹyɛɛi, ‘Ƃa Bɛŋ-Ada ŋɔkɔ-kûluƃa kpulu kɛ́tɛi ŋí kâai? Ŋa pâi dítɛɛ̂i ípɔ í díyee mɛi ɣále sâa. À kɛ̀ tí, gɛ̀ ní ƃa pâi gɔ̂lɔnîi a gɛ́ɛ ńyãa ƃa Yâwɛɛ.’ ”

Tɔɔɓɛlaa dɔlɔɔ 20:35

Yâwɛɛ wóo ma, Ɣâla ŋɔlóno kɛ́-ƃelai dílônii dɔnɔ è mò m̀arâŋ-nuui ma ǹyɛɛi, “Ŋ́wana a íƃoa-sɔkpɔi.” Kɛ́lɛ ǹyaŋ m̀arâŋ-nuui fé fáa ní ma.

Tɔɔɓɛlaa dɔlɔɔ 20:41

Ɣâla ŋɔlóno kɛ́-nuui è ŋ̀ɛi mɛi ɣiri seɣei kùla ŋ̀ɛ́i mɛi a maa félaa. Eezuɛ kaloŋ è gàa é gɔ́lɔŋ a gɛ́ɛ gáa a Ɣâla ŋɔlóno kɛ́-ƃelai dɔnɔ.

Tɔɔɓɛlaa dɔlɔɔ 22:8

Eezuɛ kaloŋ è Zeosafa wóo su tòo ǹyɛɛ m̀ai, “Nalôŋ tɔnɔ káa niî naa nyíi kwa pɔri tɛɛ̂i gbonôi a gɛ́ɛ kú Yâwɛɛ marê kɛ́, kɛ́lɛ fé ŋ̀wɛ̂li ní kpɛ́ni fêi, va tuɛ mɛni ƃò a ǹɛ́lɛɛ é pîlaŋ mâ fɛ̂ɛ nɔ́ mɛni nyɔ́mɔɔ a tãi kélee. Ǹyaa ƃa Imila ǹóŋ Mikâya.” Zeosafa è zu tòo, “Gâloŋ fé mò tí.”

Tɔɔɓɛlaa veelɛ 17:13

È kɛ̀ tí, Yâwɛɛ è ŋɔlóno-ƃelai da ŋɔworɛ̂-woo ƃó-ƃelai tɛ̀ɛ a gɛɛ dí Eezuɛ da Zuda-ƃelai lia-woo ƃò a ŋ̀óo-ŋai ŋí. “Ńyãa, Yâwɛɛ ŋa môi kâa a gɛɛ ká kpéra mɛni nyɔ́mɔɔ-ŋa kɛ́ɛ ma, ká pɛ́lɛ ŋátɔ̂ŋ-ŋai mɛi káa ma da ŋásɛŋ-lɛɛ-ŋai! Ŋá wɔ́lɔ dítɛ̀ɛ kánuu-pɔlɔ-ŋai pɔ́, ǹyaŋ ŋá mò ŋátii-kɛ-ƃelai dîa nyii-ŋai kɛ̀ a ŋálono-kɛ-ƃelai a gɛɛ dí mó kâa, káa máŋ.”

Tɔɔɓɛlaa veelɛ 6:1

Ɣâla ŋɔlóno-kɛ nuu-kpului su-ƃelai dí mò Ilasa ma dîyɛɛi, “Ƃɛ́i kwa koyâŋ naai, naa kuro têi a ŋánaa.

Kɔlɔnikɔ Veerɛi 36:15

Yâwɛɛ nyíi gáa a dínâŋ ni Díɣâlai è wɔ́lɔ lono dípɔ ŋɔlono-kɛ-ƃelai sarâi a tãi támaa. Kpɛni fêi, ŋɔnûai maloŋ è kɛ ma da ŋɔpɛ́rɛi.

Ɉeremi 11:21

Nya ƃe Yâwɛɛ è ŋ́oo su tòo é pîlaŋ ǹûai díkaa Anatɔi nyíi-ŋai kɛ̀ ŋ̀wɛ̂lii dí ḿbaa dîa ǹyɛɛi, “Ífe ɣâla-woo ƃò dîa Yâwɛɛ láai su, ya gɛ̀ tí, da pâi í paâi.”

Ɉeremi 2:31

Óo Eezuɛ-ƃela, ka káwoli tɔ́ɔ ŋ́oo ma ńyãai ŋ́gáa a Yâwɛɛ. Ŋ́gáa yɛ̂ɛ fɛ̃ɛ-kpâlaŋ Eezuɛ maa mɛni ma? Vé tí a dɔnɔ kpîŋ. Kpaa ḿve yɛ̂ɛ tuna-ya kpini. Lé mɛni ƃé ká môi la kákɛ ŋuŋ ma ƃô sɔlɔ ƃó, mɛni ma kú fa ŋɔ́nɔ pa pôlu ípɔi?

Ɉeremi 2:5

Yâwɛɛ è mò ǹyɛɛi, “Lé mɛni nyɔ́mɔɔ ƃé ŋá gɛ̀ a kánuu-pɔlɔ ŋai? Lé ƃé gɛ̀ dí kɛ̀ dí kɛ̀i kòyaa ḿâi? Díkɛ ɣâla da kpɛ́ni-ŋa fɛ̀li nyíi kɛ̂i fé kɛ́ ní dîai, nyíi gɛ̀ dia kɛ̂i fé kɛ́-ni dîai.

Ɉeremi 26:11

Nya ƃe zâla láa-soŋ-ƃelai da ɣâla ŋɔlóno kɛ́-ƃelai dí mò gâloŋ-ŋai da ǹûai kɛ̀ naai dîa dîyɛɛi, “Fɛ̂ɛ Zɛlemaya a sàa, kpɛ́ni fêi è ɣâla-woo ƃò a gɛɛ da pâi Zerusâlɛŋ su karâi nyíi kákaa a maa sêre-ŋai.”

Ɉeremi 7:25

É síɣe tãi ma kánâŋ pɔlɔ-ŋai díwɔ́lɔ kùla la Izei é tóo sâai ma, ŋa wɔ́lɔ kɛ́ nɔ́ ŋálono kɛ́-ƃelai tɛɛ̂i dípɔ naa a tãi kélee.

Woolaa 4:7

Ŋɔnyáŋkpa-ŋai dí kɛ̀ fôloi é tɛ́ɛ yee fũa ma, dí kɛ́ kòle é tɛ́ɛ niŋa ŋini-ya ma. Dí kɛ̀ a díkɔlɔi ponoɔɔ, díwala-walaa, díkpono kɛ́ fòlo yɛ̂ɛ kɔni sɔ̃ɔ kpanaŋɔɔ.

Mise 2:6

Ǹûai dí mò ḿâ dîyɛɛi, “Ífe Ɣâla ŋɔwóoi ƃò kûa. Ɣâla fé pâi kúŋumɛi.

Gɛlaɠaa 4:18

Dí dítòli dí m̀o dîa a gɛ́ɛ dífe ŋɔ́nɔ lòno, kpaa máŋ dí sɛŋ lɛ́ Zîsɛ láai su.

Gɛlaɠaa 5:28

ǹyɛɛ dîai, “Kú mò kâa a gbanaŋɔɔ a gɛ́ɛ káfe sɛŋ lɛ̀ ǹáai ŋí su. Ka gáa, ka Zerusâlɛŋ láa fɛ́ɛ a kásɛŋ-lɛɛi, kákɛ ŋ̀wɛli a gɛ́ɛ ká ǹalôŋ ŋí saa mɛni lɛɛ kûa.”

Gɛlaɠaa 7:51

“Wolii-kpɔlɔ-ƃela, káai Ɣâla fé kálii su, kpaa máŋ káfa ŋ̀óo mɛnii, ka tɔɔ M̀ɔlêŋ Maa Waai ŋɔtíi tuɛ a tãi kélee. Berei kánâŋ-ni dí tùa lai, bere nɔ́ ƃé kákaa tuâi la.

Dutɛrɔnome 18:18

Ŋa pâi dítɔnɔ siɣêi zu ŋá gɛ́ a ŋálono kɛ́-nuu yɛ̂ɛ yá. Ŋa pâi ŋ́oo pûi ǹá. M̀ɛnii kélee ŋa pâi bûi ǹái a pâi môi dîa.

Samuɛlə dɔlɔɔ 19:20

Sɔ̂ɔ è kɔ-kuluƃa kpulu loŋ tɛ̀ɛ naa a gɛ́ɛ dí Deeƃé sóŋ dí pá la pôlu. Dí lì Lama dí Samia káa gɛ́ ƃò a Ɣâla ŋɔlóno kɛ́-ƃelai mɛi nuu. Ǹûai ŋí dí kɛ̀ Ɣâla ŋɔwóoi ƃôi. Gɛ́ɛ tíi, Ɣâla ŋɔmɔ̂leŋ è pà gɔ-kuluƃa-ŋai mɛi, dîa máŋ dí pɛ́lɛ Ɣâla woo ƃôi.

Samuɛlə dɔlɔɔ 3:20

Eezuɛ-ƃelai kélee dí gɔ̀lɔŋ a gɛ́ɛ Samia è kɛ̀ a Yâwɛɛ ŋɔlóno kɛ́-nuu kpîŋ, é kúla ǹɔii m̀éla dɔnɔ ma é tóo gbéli ma.