Amɔsə 2:10 - Bible

¹⁰ Ńyãa ƃe kákùla Ize lɔii su ŋá tɔ́ɔ kátuɛ vɛ̃ɛ-kpâlaŋ su a kóraŋ buu-náaŋ a gɛɛ ká Amorai-lɔii sɔlɔ ƃó.

Yálá laawoo hɛɓɛ (dc)

¹⁰ Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Yálá laawoo hɛɓɛ

¹⁰ Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Amɔsə 2:10 ပူးပေါင်းရင်းမြစ်များ

Nehemi 9:21

Góraŋ buu náaŋ dí gɛ̀ vɛ̃ɛ kpâlaŋ sui, í dímɛi kâa. Sɛŋ da ƃalâŋ fé too ní dîa. Seɣe fé saa ní dîa, díkɔɔ fé tela soli-ni.

Mąątɛ̨nɛ̨ 95:10

Dí tɔ̀ɔ ḿâ a kóraŋ buu náaŋ. Nya ƃe ŋá m̀o ńyɛɛ, ‘Díkaa a ŋánûa, kɛ́lɛ dífe ḿbôlu. Dífe siâi a ŋátɔ̂ŋ-ŋai wóo.’

Lɛɛ gbɔwɔ ɓa 12:51

Ǹyaŋ Yâwɛɛ è Eezuɛ-ŋai kélee kùla Ize lɔii su díkpulu mâ a maa ɣelei tí.

Lɛɛ gbɔwɔ ɓa 20:2

“Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Lɛɛ gbɔwɔ ɓa 3:8

Ŋa pá a gɛɛ ŋá díkula Ize-ŋai yêei ŋá pá a dia lɔii kɛ́tɛ lɛ́lɛɛ su ƃɛ́i Keena-ŋai díkaa naa da Ita-ŋai, Amɔra-ŋai, Pɛriza-ŋai, Iva-ŋai, é pɛ́lɛ Zɛbusa-ŋai dîa.

Ɉeremi 2:6

Dífe kɛ́ ní dîɛ Yâwɛɛ kɔɔ, berei ŋá díkula yêei kɛ̀ la Izei, ŋá tɛ́ɛ a dia vɛ̃ɛ-kpâlaŋ sui, ǹɔii nyíi fɛ̃ɛ-kpâlaŋ da lóa-ŋa díkaa naai, ǹɔii nyíi yá fé zui, nyíi mɛni nyɔ́mɔ káa zui, ǹɔii nyíi núu da fa tɛ̂ɛ zui, ǹɔii nyíi núu da fa sêe zui.

Izikiɛ 20:10

“M̀ɛni ma, ŋá díkula Ize lɔii su ŋá pá a dîa ǹɔii pûŋ su ƃɛɛi ǹûai dífe kɛ̀ ní naai.

Amɔsə 3:1

Eezuɛ-lonii, ka káwoli tɔ́ɔ ŋ́óoi ma ŋa môi a kaláai, nyii ŋa môi a kasuu kélee láa, nyii ŋá gùla Ize lɔii sui:

Amɔsə 9:7

Ɣâla Yâwɛɛ è mò ǹyɛɛi, “Óo Eezuɛ-ƃela, ka Itiopia-ƃelai káfe nɔ́ ŋ́ɛi a núu tɔ̂nɔ? Fé Eezuɛ-ŋai kula ní Ize lɔii su, ŋá Felesia-ŋai kúla Kulîi, ŋá Siria-ŋai kúla Kîɛ?

Mise 6:4

Ŋá kákùla Ize lɔii su ŋá káŋuŋ maa ƃó luɛ-laa su. Ŋá Mose, Eelɔŋ da Miriaŋ tɛ̀ɛ a gɛɛ dítɔɔ ká túɛ.

Lonon mo 13:32

Ǹûai ŋí dífe tɔ̃yâ koraŋ-ƃo too ní Eezuɛ-ŋai dîɛ ǹɔii mɛni ma dí lì zu kâai. Dí mò dîyɛɛi, “Ǹɔii kú sìa zu zu-kaa mɛni mai va pɔ̂ri sí-sɛŋ kpɛtɛ̂i a gɛɛ kpîŋ é zu-ƃelai ŋá kɔ́ŋ. Ǹûai kú díkaa naai díkelee díyee-la mu-seɛɛi.

Lonon mo 21:25

Eezuɛ-ŋai dí Amona-ŋai dítaa-ŋai kélee sìɣe da Ɛsibɔŋ é pɛ́lɛ gbânaŋ-ŋai kélee dîa dí sée dísu.

Lonon mo 32:13

Yâwɛɛ líi è ŋwàna Eezuɛ-ŋai dîa é díkɛ dí sía vɛ̃ɛ-kpâlaŋ su a kóraŋ buu náaŋ é lɛ́ɛ la zu diai kélee sɔnyɔ̂ŋ kɛ̀ Yâwɛɛ ŋ̀ɛ́i-tuɛi dí sáa.

Gɛlaɠaa 13:18

È dímɛi kàa a kóraŋ buu náaŋ vɛ̃ɛ-kpâlaŋ su.

Gɛlaɠaa 7:42

Ɣâla è tìnaŋ é bôlu fé dîɛ é dílɛɛ naa a gɛ́ɛ dí ŋ̀áloŋ fɛli, bɛmɛlɛŋ-kao-ŋai, da vóloi nyíi-ŋai díkaa ŋ̀elei sui, yɛ̂ɛ berei bɔ̃yɛɛ̂i la Ɣâla ŋɔlóno kɛ́-ƃelai díkɔlɔi su, ǹyɛɛi, ‘Eezuɛ-ƃelai kélee, káfe taa-tulɛ kula ḿâ a sâla da sâla da kpɛni-ŋa góraŋ buu náaŋ yée mu vɛ̃ɛ-kpâlaŋ su?

Dutɛrɔnome 1:39

“Nya ƃe Yâwɛɛ è mò kúkelee kûa ǹyɛɛi, ‘É kúla nyíŋi pôlu kánîa-pɛlɛɛi nyii-ŋai ká kɛ̀ gâai da pâi dísonîi káyêei, nyii-ŋai dífe mɛni nyɔ́mɔɔ da ǹɛ́lɛɛ loai kɔ́lɔŋ ƃé pâi liî naa. Ŋa pâi naa tɛɛ̂i dípɔ, dí kɛ́ naa.

Dutɛrɔnome 2:7

“Yâwɛɛ a lûwa láa kâa m̀ɛnii su ka gɛ̂i. È m̀ɛnii kɔ́lɔŋ ká tɛ̀ɛ zu vɛ̃ɛ-kpâlaŋ sui. Góraŋ buu náaŋ ká gɛ̀ naa è kɛ̀ kákɔlɛ. Sɛŋ da gôlo fé tòo ní kâa.

Zasua 13:4

Ǹɔii nyíi-ŋai gáa niî naa ziɣe mɛ̂ni mai dia ƃa Keena-ŋai dílɔii kélee da Meara taa-leei nyíi gáa a Sidɔŋ-ŋai dílɔii, é tóo Afɛ lɔii ma é seri Amɔra-ŋai dílɔii ŋɔkoyaŋ-perei ma,

Zasua 24:8

Ŋá pà a káa Amora-ŋai dílɔii su Zɔdiŋ Ya-leei m̀élai nyíti ma. Dí kɔ́ pɛ̀lɛ kâa, kɛ́lɛ ŋá dítɛ̀ɛ kápɔ ká díyee mɛi ɣále, ká dílɔii sîɣe a kápɔɔ. Ŋá dípâa ŋá díkula káŋɛi-tuɛ ká kɛ́ɛ pâi dîai.