Tɔɔɓɛlaa veelɛ 20:3 - Bible

³ “Yâwɛɛ, ífe nia a gɛɛ ńâai a ƃía, ŋ́gɛ tíi kɛ̀ yɛ̂. Ŋa wɔ́lɔ woo-mɛni kɛ́ yɛ̂ a ńii kélee. Ŋa wɔ́lɔ mɛnii kɛ̂ nyii ƃa nɛ̀ a gɛɛ ǹɛ̂lɛɛi.” Nyíŋi pôlu ma, è wɔ̀lɔ kpɔ́ a ŋánaa.

Yálá laawoo hɛɓɛ (dc)

³ «Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Yálá laawoo hɛɓɛ

³ «Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Tɔɔɓɛlaa veelɛ 20:3 ပူးပေါင်းရင်းမြစ်များ

Zɛnɛse 17:1

Tãi Eberaŋ è kɛ̀ la a kóraŋ buu lɔ́ɔlu mɛi náaŋ káo lɔ́ɔlu mɛi náaŋ, Yâwɛɛ è pà bɔ́ ǹyɛɛ mai, “Ńyãa ƃa Ŋ̀wála-wâla kélee Ɣalai. Ŋ́oo mɛni ítua a zãa ŋɛ́i-túɛ. Í kɛ́ a núu sãa. Ísɔŋ fé kɛ̀ yâ.

Zɛnɛse 5:22

Inɔ è tùa a Ɣâla nîa-pere Mɛtusela maa sɔlɔ ƃóɔɔ pôlu ma a kóraŋ ŋuŋ saaƃa (300) é lóŋ-sinaa da nɛyâa maa sɔlɔ ƃô ŋɔ́nɔ.

Zɛnɛse 5:24

Inɔ è tùa a Ɣâla nîa-pere. È làŋ núu-kpune ŋɛ́i, kpɛ́ni fêi, Ɣâla è zìɣe.

Zɛnɛse 8:1

Kɛ́lɛ Ɣâla fé nia ní Nôa ma da vɛnɛ-sãai é pɛ́lɛ daa tulɛ-ŋai dîa nyii-ŋai da dîa-ni díkelee dí kɛ̀ géleŋ sui. Nya ƃe Ɣâla è fãa kɛ̀ é tɛ́ɛ ǹɔii mɛi, ǹyái é yéŋ.

Tɔɔɓɛlaa dɔlɔɔ 11:4

Saloma pɔlɔɔi, ŋɔnɛyâai dí ǹíi pène é pɛ́lɛ Ɣâla da kpɛ́ni-ŋa fɛliɛɛ ma. Ǹíi fé ŋɔ́nɔ kɛ́ ní a guláa Ŋɔɣâlai Yâwɛɛ mɛni ma, yɛ̂ɛ berei ǹâŋ Deeƃé líi è kɛ̀ a guláa lai.

Tɔɔɓɛlaa dɔlɔɔ 15:14

É máŋ kɛ́ tí, vé ǹûai díɣâla da kpɛ́ni-ŋai fɛli kwaa-ŋai ma kélee su kara ní. Asa líi kélee è kɛ̀ Yâwɛɛ pɔ́-naa pere ŋɔkɛ-ɣeniɛi su.

Tɔɔɓɛlaa dɔlɔɔ 2:4

À kɛ̀ ƃà m̀ɛnii kɛ̂ a pâi m̀ôi yâi, Yâwɛɛ a pâi ŋɔkono-teei ŋaa-see kɛ̂i nyíi è gɛ̀ é pîlaŋ ḿâi, tãi è mò la a gɛ́ɛ ńzuu su nuai da pâi kɛ̂i a kâloŋ-ŋa Eezuɛ lɔii mɛi à kɛ̀ nɔ́ da ŋ̀óo mɛ̀ni dí láa la a dílii kélee da dímɔ̂leŋ kélee.

Tɔɔɓɛlaa dɔlɔɔ 3:6

Saloma è mò ǹyɛɛi, “Ńâŋ Deeƃé íyee mu nuui è kɛ̀ a núu-sãa ǹyaŋ è mɛnii kɛ̀ í mò mai. Mɛ̀ni ƃé í íwɛli-kɛ-maai lɛ̀ la ma, ǹyaŋ íkaa nîi ŋwɛli kɛ́-maai ŋí lɛ̂ia lóŋ-surɔŋ tɛ̀ɛ bɔ́ nyíi gáa nâa a kâloŋ bɔ́ɔ ŋá.

Tɔɔɓɛlaa dɔlɔɔ 8:23

ǹyɛɛi, “Óo Yâwɛɛ, Eezuɛ Ŋɔɣâlai, Ɣâla da kpɛ́ni fé naa yɛ̂ɛ ƃía, Ɣâla-taa ŋ̀elei su-pere kpaa máŋ ǹɔii ma mu-pere. Ƃa íkpanaŋ-wooi mɛi káa í gɛ̀ ínûai yêei, íkɛ íwɛli kɛ́-maai lɛ́ dîa à kɛ̀ da íwoo mɛni dí maa tûa kɛ́ a dílii kélee dí sía íkɔɔ-pɔɔi.

Tɔɔɓɛlaa dɔlɔɔ 8:61

Kɛ́lɛ fɛ̂ɛ káai a ŋɔnûai, ká kálii kélee tɛ́ɛ bɔ́, ká kɛ́ a káteniŋ ƃoɔɔ Kúɣâlai, Yâwɛɛ mì, a gɛ́ɛ ká ŋ̀óo mɛni da ŋɔtɔ̂ŋ-ŋai ká m̀ɛni-ŋai kélee mɛi káa è mò kâai, yɛ̂ɛ berei ká káa sâa gɛ̂i lai.”

Tɔɔɓɛlaa dɔlɔɔ 9:4

À kɛ̀ yá Saloma, yà pâi siâi ŋɛ́i-tuɛ a teniŋ ƃo-pere da lii-lɛlɛ-goi maa tua-kɛɛ yɛ̂ɛ berei ínâŋ Deeƃé è gɛ̀ lai, í m̀ɛni-ŋai kélee kɛ́ yɛ̂ɛ berei ŋá mò la yâi, í ŋátɔ̂ŋ-ŋai kélee mɛi káa a ǹɛ́lɛɛ,

Tɔɔɓɛlaa veelɛ 20:2

Gâloŋ Ɛsekaya è ŋ̀ɛ́i tìnaŋ bɛ́rɛ kâŋ ma pere é Ɣâla fɛli,

Tɔɔɓɛlaa veelɛ 20:4

Azaya è kùla gâloŋ ŋɛ́i gɛ́ lì. Kɛ́lɛ tãi è kɛ̀ pâi serîi la gâloŋ-pɛrɛ kɛ́tɛi ŋɔgalai sámai,

Kɔlɔnikɔ Veerɛi 16:9

Diai kélee da díkili tɔ̀ɔ Yâwɛɛ mai, a ŋɛ́i sìa kpɔ́ ǹɔii gwaa kélee ma gɛ́ dí mɛi kâa gɛ́ dítɔɔ̂i kpanaŋ. Í tùa a ƃoo-pere, mɛni ma kɔ́ fé pâi kpɛɛ̂i ípôlu.”

Nehemi 13:14

Óo Ŋáɣâlai, díi-ŋai kélee ŋa gɛ̂i ípɛrɛi mɛni ma da berei ŋa ífɛli perei púi la pere mai, gélee kíli é lɛ́ɛ íŋa.

Nehemi 13:22

Naa pôlu ma, ŋá m̀o Liiva-ŋai dîa a gɛɛ dí ǹanii wáa dîa, díkɛ pà ziɣãŋ-ŋai lá díkɛ ǹaa mɛi kâa a Vii-tɔɔ-ɣelei kélee núu da fé maa tĩa kàra. Óo ŋá Ɣâlai, ŋ́gili é lɛ́ɛ í ŋá m̀ɛnii ŋí mɛni ma. Íwɛli kɛ́ maai kɛ̂tɛi. Ŋá fúlu-laai maa kɔ̃ɔ.

Nehemi 13:31

Ŋá m̀ɛni-ŋai ŋí kélee kɛ́ pere su sãa. Tãi maa nɛ̃ɛi dí pá la a géreŋ sãa kéreŋ kɔi, tãi maa nɛ̃ɛi dí pa a wîi maa ŋuŋ da tãi maa nɛ̃ɛi dí dísi-sãai m̀á buu ɣele-ŋai ŋáa tɛ́ la gîe mai. Óo ŋá Ɣâlai, m̀ɛnii ŋí kélee é lɛ́ɛ íkili ŋá, í lûwa láa ḿâ.

Nehemi 5:19

Ŋá Ɣâla fɛ̀li a gɛɛ é lûwa láa ḿâ m̀ɛni-ŋai kélee mɛni ma nyii ŋá kɛ̀ gɛ̂i ǹûai mɛni mai.

Zôo 1:1

Nalôŋ tɔnɔ è wɔ́lɔ kɛ̀ naa, ǹáa ƃé kɛ̀ a Zôo. È wɔ́lɔ kɛ̀ a Ɔzi lɔii su nuu. Nalôŋ ŋí a kâa yao Ɣâla ma, kili-tɔɔ maa kɛ́ ƃò ǹyêei.

Zôo 1:8

Yâwɛɛ è Sêtɔŋ marê kɛ̀ ǹyɛɛ mai, “Yâa ŋátii kɛ́-nuui Zôo káa a gɛɛ gáa a núu sã́a, deniŋ ƃôɔɔ é tɛ́ɛ ǹûai kélee dîa ǹɔii ŋí mai? A bôlu tɔɔ mɛni nyɔ́mɔɔ kɛ́ɛ ma gɛ́ yào ḿâ.”

Zôo 16:20

Ḿbarâi nyii-ŋai lônoi ḿaa mɛni mai da ɣɛ́lɛ-maa kulâi ŋ́gbonôi. Ŋa wɔ̂lɔi a gɛɛ Ɣâla é kpɔ́ŋ ḿâ.

Zôo 4:6

Í yao Ɣâla mai a gɛ́ kili-tɔɔ ma kɛ́ ƃò íyêei. Mɛni ma fɛ̂ɛ í íkili tɔ́ɔ Ɣâla ma kili-kɛ-zu kɛ́ ƃò íyêei.

Mąątɛ̨nɛ̨ 102:9

Luu nɔ́ ƃa kɛ́ a ŋ́gɔnɔŋ, ŋ́ɛi-ya kɛ́ yèŋ gɛ́ sùmɔ a ŋ́gbele ya.

Mąątɛ̨nɛ̨ 119:26

M̀ɛni kélee ŋa gɛ́i, ŋá gélee ƃò yâ, ǹyaŋ í ŋ́oo su tòo. Ítɔ̂ŋ-ŋai lɛ́ ḿâ.

Mąątɛ̨nɛ̨ 119:49

Gono-teêi í gɛ̀ ńyãai ŋ́gaa a íyee-mu nuui ńyêei, a kili-kɛ-zu kɛ́ ńyêei.

Mąątɛ̨nɛ̨ 145:18

Yâwɛɛ káa diai kélee da dòlii díkɔlɛ ma, diai da dòli a teniŋ ƃô-perei.

Mąątɛ̨nɛ̨ 25:7

Ńzu mɛ̂ni lɛɛ zɔnyɔ̂ŋ-ŋai da bɔara mɛni ma-ŋai ŋá gɛ̀ tãi ŋá kɛ̀ la a nyáŋkpai. Íwɛli kɛ́ maai da ítûa sɔŋ lɛ̂lɛɛi sarâi, ḿaa mɛ̂ni é lɛ́ɛ íkili ŋá Yâwɛɛ.

Mąątɛ̨nɛ̨ 26:1

Óo Yâwɛɛ, ńziɣe a núui nyii zɔŋ fé mai, kpɛ́ni fêi, ŋa m̀ɛnii kɛ̂ nyii ǹɛ̂lɛɛi, ǹyaŋ ŋa ŋálaa-laai kélee pú yâ.

Mąątɛ̨nɛ̨ 26:3

Íwɛli kɛ́ maa kpanaŋ ƃa ḿɛi kâa, íteniŋ ƃô-laai kɛ́ ńdeniŋ tɔ̀ɔ.

Mąątɛ̨nɛ̨ 32:2

Lûwa káa ǹúui ma nyii Yâwɛɛ a ŋɔsɔnyɔ̂ŋ su mɛ̂ni lɛ̀ɛi, vé wɛ́lini a wôya mɛni da kéleei.

Mąątɛ̨nɛ̨ 39:13

Ye tée ḿâ a gɛɛ ŋá lii-nɛ̃ɛ kula a da loŋ, ŋá lɛ́ɛ pâi saâi.

Mąątɛ̨nɛ̨ 6:6

Ŋa nyîɛi ŋ́gɛ wɔ̀lɔ a kpíni kélee ǹyaŋ kɔlɔ a kpɛɛ ḿâ. Ŋágbìŋ seɣei kélee yɔɔ̂i a ŋ́ɛi-ya.

Mąątɛ̨nɛ̨ 6:7

Maloŋ too maa wɔ̂lɔ a ŋ́ɛi kélee kɛ́ puu-lɛɛ. Ŋ́gbɔara-ƃelai da gɛ́ ŋa lɛɛ wɔ̂lɔi ŋ́ɛi fé ŋɔ́nɔ kwaa kâai a ǹɛ́lɛɛ.

Mąątɛ̨nɛ̨ 89:47

Gɔ́lɔŋ a gɛɛ ŋáfulu-laai su fé ŋɔ́nɔ kôya ní. Í kú kpɛ̀tɛ, kɛ́lɛ kú kɛ̀ ɣeniɛi káa nɔ́ kpɛ́ni-kpɛni.

Mąątɛ̨nɛ̨ 89:50

Gɔ́lɔŋ diai dífe kpáaŋ ní ímɛni mai, da yola kulâi ńyãai a íyee mu-nuui, ŋ́gbonôi. Da woo yɔ̂ŋ támaa pilîi ḿâ, ŋ́gɛ mɔ̀lɛ nɔ́ díyêei.

Azaya 38:14

Ŋ́gɔlɔ è kɛ̀ saâi ḿâ, ŋ́oo ŋá yeŋɔɔ. Ŋá kɛ̀ nyîɣɛi yɛ̂ɛ tòloŋ, ŋ́ɛi fa ŋɔ́nɔ kwaa kâa a ǹɛ́lɛɛ. Ǹuu-namui, ŋ́uŋ ma ƃó í ŋ́gula m̀ɛni-kpɔ̂lui ŋí su.

Azaya 63:11

Nya ƃe tãi pɔlɔ-ŋai nyii kɛ́ a Yâwɛɛ ŋɔtii-kɛ-nuui Mose ŋɔtãi, kíli è tòo díŋa. Dí mare-kɛ̂ɛ kɛ̀ dîyɛɛi, “Mí ƃé Yâwɛɛ nyii wɔ́lɔ ŋɔnûai láa túɛ-ƃelai ŋuŋ mâ ƃò, é díkula yúo sui káa naai? Mí ƃé Yâwɛɛ nyii wɔ́lɔ Ŋɔmɔ̃̂leŋ Maa Waai tɛ̂ɛ ŋɔnûai sámai káa naai?

Ɉeremi 4:2

gɛ̀ ní à kɛ̀ ka káfòo a tɔ̃yâ da teniŋ ƃô pere a ǹáa, gɛ̀ ní ŋ̀éniɛi gwaa kélee a pâi ḿarê kɛ̂i a gɛɛ ŋá lûwa too dîa. À kɛ̀ tí, da pâi ńaa maa tɛ̂i.”

Amɔsə 5:4

Ɣâla Yâwɛɛ è mò Eezuɛ-ƃelai dîa ǹyɛɛi, “Ka ŋ́gɔri ká kɛ́ ɣele ma.

Lukə 1:6

Dífeerɛ dí kɛ̀ a dísɔŋ lɛ́lɛɛ Ɣâla ŋɛi. Dí kɛ̀ Kúnuu-namui ŋɔtɔ̂ŋ da ŋɔlia-woo kpanaŋ-ŋai kélee mɛi kâai, pɔara mɛni ma fé zu.

Ɉaan 1:47

Zîsɛ e Natɛnia kàa gɛ pa bɔ. E m̀aa-mɛni ƃo, ǹyɛɛi, “Ka gáa, Eezuɛ-nuu kpîŋ ká ŋi, nyii pɛlɛ fe gbonôi!”

Korɛntə veelɛ 1:12

Kpɛ́ni fêi, kúyoŋka téɛɛ ká ŋí, kúkili-ŋa-siai m̀aa sêre-faai ƃa a gɛ́ɛ kwa tûa lɛ́lɛɛ kɛ́ ŋ̀éniɛi su a Ɣâla ŋɔmaa-waa-laai da ŋɔtɔ̃yâ laa-lai. Kútûa lɛ́lɛɛi dámaa káa kápɔ-pere. Kúfe gɛ̀ ní a ǹɔii ŋí su-tarei, kɛ́lɛ, ku gɛ a Ɣâla ŋɔƃɛlɛ-sêei.

Hebreu 5:7

Tãi Zîsɛ è kɛ̀ la ŋɔnúu-kpune-kɔlɔi sui, ǹúui pɔ̂ri è kɛ̀ mì a gɛɛ é gúla saa yêei, Zîsɛ è vɛ̀li é gbera fé a ŋ̀óo su kɛ́tɛ a ŋ́ɛi-ya, ǹyaŋ ŋ̀óo è sîŋ sòŋ, kpɛ́ni fêi, yao-maa è kɛ̀ ǹyêei Ɣâla mɛni ma.