Timote dɔlɔɔ 5:10 - Bible

¹⁰ Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́, fɛ̂ɛ é kɛ́ a ǹúui a nîa-pɛlɛɛ kula sui, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔlu kaa-ƃelai kûla mɛni-kpɔlu su, gɛ gbîŋ pu tíi lɛ́lɛɛ kɛ́ɛ su pere-sii kélee sui.

Yálá laawoo hɛɓɛ (dc)

¹⁰ hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Yálá laawoo hɛɓɛ

¹⁰ hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Timote dɔlɔɔ 5:10 ပူးပေါင်းရင်းမြစ်များ

Zɛnɛse 18:4

Tɔɔ dí pá a yá loŋ ká kákɔɔ maa wáa, ká káfii tɔ́ɔ ŋ̀úrii mu.

Zɛnɛse 19:2

ǹyɛɛi, “Núu-namela, ŋa kákpera fêi ká pá káyee mu-nuui ŋɔpɛ́rɛi mu ká kákɔɔ maa wáa, ká nyii naa. Ka pâi tínaa liî a ɣele-wala pɛpɛ.” Dí mò ma dîyɛɛi, “Kpao! Kwa pâi nyii berei mâ.”

Zɛnɛse 24:32

Nya ƃe nalôŋ è lɔ̀ bɛ́rɛi mu. Laƃaŋ è zoo-faleŋ-ŋai fûloŋ é kala kpâla tɛɛ nalôŋ pɔ́ da taa-tulɛ kɔnɔŋ zoo-faleŋ-ŋai mɛni ma. È yá tɛ́ɛ ƃɔ́ é gɔ́ɔ ma wáa da ǹúu kpéli-ŋai kɛ̀ bôlui.

Zɛnɛse 43:24

Nalôŋ è pà a ǹûai Zosɛ ŋɔpɛ́rɛi mu, é yá tɛ́ɛ dípɔ dí díkɔɔ ma waa, é mii-sɛŋ tɛɛ díwɛlɛ-sôo-ŋai pɔ́.

Mąątɛ̨nɛ̨ 119:4

Yâwɛɛ, í tɔ̂ŋ-ŋa tɛ̀ɛ kúpɔ, í mó kûa a gɛɛ kú sía a díwoo a teniŋ ƃô pere.

Azaya 1:17

Ka mɛni lɛ́lɛɛ-ŋa kɛ́-pere maa kɔ́ri. Ka gáa a gɛɛ núu kélee ŋɔtɔ̃yâ-laai é lí bɔ́. Káfe fàa ma dí núu da kula maa kɛ́ mɛni da ma nyii zɔŋ fé zui. Ka dee-noŋ-ŋai maa kɔ̃ɔ, ká lóno bɔɔ-nɛyãai mɛni ma.”

Levetekɔ 25:35

“Káai a Eezuɛ-ŋai káta a kòlo va pɔ̂ri gbîŋ mu ka kpɔŋ m̀a ká tûa la a ǹɛ́lɛɛ yɛ̂ɛ berei fɛ̂ɛ ká ŋ̀ɔ̃ya kpaa máŋ ǹɔii ŋuŋ da kpɛni su-ƃela sóŋ la kásamai a gɛɛ ǹyaa máŋ a pɔ̂ri ŋɔɣeniɛi kɛ̂i a ǹɛ́lɛɛ kákɔlɛ ma.

Maafîu 25:17

Bere-sii tɔnɔi tí su, ǹúui nyii dâla wála feerɛi (2,000) sɔlɔ ƃôi, è dâla wála feerɛ sɔlɔ (2,000) ƃó a gêni.

Maafîu 5:16

Tɔɔ kákwaa-ponoɔi é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Lukə 7:38

Gɛɛ kɛ̀ tɔɔ ni gɔ́ɔ pôlu-pere, gɛ wɔlɔi, e pɛlɛ gɔ́ɔ ma yɔɔ̂i a ŋ̀ɛi-ya, gɛ dímaa kɔ̂ɔ a ŋ̀uŋ-leɣa. È ǹá-gbɔ sèe gɔ́ɔ ma, é ŋ̀úru-ya kúŋ nɛ̃ɛi pú gɔ́ɔ ma.

Lukə 7:44

Gɛɛ tínanîi nɛnîi pɔ naai, e mò Samaŋ ma, ǹyɛɛi, “Ya nɛnîi ŋi kâai? Ŋa lɔ̀ ípɛrɛi mu, ífe yá tɛɛ ni ḿbɔ ŋ́gɔɔ mɛni ma, kɛ́lɛ, nɛnîi a ŋ́gɔɔ yɔɔ a ŋ̀ɛi-ya, a dímaa kɔ̂ɔ a ŋ̀uŋ-leɣa.

Gɛlaɠaa 10:22

Dîyɛɛ mài, “Kɔniliɔ, nyíi gáa a ǹɔii ma kpɛ́-ƃelai mɛi-nuui, ƃé kútɛ̀ɛ. Gáa a núu lɛ́lɛɛ, gɛ́ yao Ɣâla ma. Ƃaa kɛ́-maa káa Zûu-ŋai yêei m̀ɛni ma. Ǹyaa ƃé Ɣâla-taa-kela maa waa è mò mà a gɛ́ɛ é ítoli ŋɔpɛ́rɛi lá é íwoo mɛni.”

Gɛlaɠaa 22:12

“Nalôŋ tɔnɔ è kɛ̀ naa, ǹáa ƃé kɛ̀ a Ananaya, nyíi kɛ̀ a Ɣâla mɛni kɛ-nuu yɛ̂ɛ berei dítɔ̂ŋ è kɛ̀ lai. Zûu-ŋai kélee kɛ̀ naai, dí lòno a ǹɛ́lɛɛ é pîlaŋ ma.

Gɛlaɠaa 6:3

M̀ɛni ma, ŋánûa, ka núu sã́a lɛ́lɛɛ lɔ́ɔlu mɛi feerɛ kɔ́ri kásama nyíi-ŋai dílaa fɛɛ a M̀ɔlêŋ da tarei, a gɛ́ɛ ku dítɔɔ mɛnii ŋí láa tuɛ.

Gɛlaɠaa 9:36

Zîsɛ ŋɔpôlu-nuu tɔnɔ è kɛ̀ Zapa nyíi da kâa dòli a Tabitai. Tabita laai ŋí su-kulai ƃa Dɔɔkɔ. Ǹɛnîi ŋí tíi lɛ́lɛ támaa è kɛ̀ gbonôi. È kpɔŋ mâa tɛ̀ɛ núu támaa pɔ́ a tíi kɛ́ɛ su a ǹyée.

Gɛlaɠaa 9:39

Nya ƃe Pitɛ è mù-siɣe da dîa-ni dí lí. Dí seriɛɛ naai, dí lì la loŋpoi su è kɛ̀ laai ni naai. Bɔɔ-nɛyâai kélee dí kɛ̀ tɔ̂ɔni gɔlɛ díkɛ wɔ̀lɔ díkɛ zeɣe-ŋai lɛ̀ Dɔɔkɔ è zɔlɔ dîɛ da dîa-ni díkɛɛ naai.

Lomaŋ 12:13

Ka zãâi tɛ́ɛ Ŋ̀âla-ƃelai pɔ nyíi-ŋai maa-kpaaŋ káa dîa. Ka ŋɛi-pono maa kɔri.

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla e díkpɛ̀tɛ gíli ŋá nàa tuɛ a gɛ́ɛ ku díkɛi.

Kolosə 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa zu kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Timote dɔlɔɔ 2:10

kɛ́lɛ, fɛ̂ɛ dí mɛni lɛ́lɛɛ kɛ́ nyíi ǹɛ́lɛɛ̂i nɛyâa mɛni ma nyíi-ŋai da díkpîŋ tòli a Ɣâla-ƃelai.

Timote dɔlɔɔ 3:2

Fɛ̂ɛ Kôrai-toli-kpɔŋ ŋɔtii-mɛi-nuu é kɛ́ a ǹúui ǹáa lɛ́lɛɛ káa m̀arâa lá, nɛnî tɔnɔ nɔ́ kɛ́ ƃo ǹyêei, gɛ́ gbîŋ mɛi kâa, gíli ŋá ponoɔ, dûa-pere lɛ́lɛɛ, gɛ núu soŋ a ǹɛ́lɛɛ, sɛŋ-lɛ-tare kɛ́ ƃo ǹyêei.

Timote dɔlɔɔ 3:7

fɛ̂ɛ kili-ŋa-sia lɛ́lɛɛ é kɛ́ maa-nuui ti ŋɔkɔlɛ-ma-ƃelai dîa m̀ɛni ma, à wàla kɛ́ ti ǹáa nyɔ́mɔɔ a pâi siâi e píli Dɛ̂ƃele ŋa.

Timote dɔlɔɔ 5:16

À kɛ̀ nɛnîi nyíi laa-la káa ǹyêei ŋɔnûai samai, nyíi-ŋai díkaa a pɔɔ-nɛyaai, tɔɔ e kpɔŋ-ma tɛɛ dípɔ; a gɛ́ɛ vè kɛ̀ a Kôrai-toli-kpɔŋ ŋɔtíi, kɛ́lɛ, gáa a sɛŋ a gɛ́ɛ e kpɔŋ diai dîa díkaa a pɔɔ-nɛyaa kpîŋ-ŋai.

Timote dɔlɔɔ 5:25

Mɛni ma mɛni lɛ́lɛɛ-kɛɛ su ponoɔ̂i máŋ nûa ŋɛi; à kɛ̀ à wàla kɛ́ máŋ a zu ponoɔ ve pâi lɛɛ̂i loo-pere su.

Timote dɔlɔɔ 6:18

Fɛ̂ɛ dí mɛni lɛ́lɛɛ kɛ́, dí kɛ́ a tɔɔ-ƃela tua-pere lɛ́lɛɛ su, díyee é kɛ́ a vuaŋɔɔ dîa sɛŋ kɔlɛɛ su.

Timote veelɛ 1:5

Ítɔ̃yâ laa-la-lai maa-mɛni káa ŋ́gili ŋá, naa-lai nyíi kɛ̀ ílee ŋɔlee Loe kponôi a maa-ŋuŋ da ílee Yune. Tãi ŋí su ńaâi la a gɛ́ɛ gáa íkponôi.

Timote veelɛ 2:21

À kɛ̀ núu a gbîŋ maa waa e gbîŋ kula mɛni fii-kpɛɛ-ŋai ŋí dîa, gɛ̀ ní maa-nuui a pâi kɛ̂i yɛ̂ɛ zɛŋ-foloi gáa mɛni kpanaŋ mɛni mai. Maa-nuui a pâi kɛ̂i a maa waa, gɛ ƃo a tii-kɛ-nuu lɛ́lɛɛ bɛ́rɛ-mɛi-nuui mɛni ma, gbîŋ kpɛtɛɛ tíi lɛ́lɛɛ kélee kɛ-mɛni ma.

Timote veelɛ 3:15

da berei e síɣe íloloŋtãi ma ya gɔlɔ-pɔ̃yɛ maa-waa-ŋai kɔ́lɔŋ la, nyíi-ŋai da pɔri ítenîŋ tɔɔ̂i íƃalo-laai mɛni ma laa-la sârai Zîsɛ Kôrai kponôi.

Timote veelɛ 3:17

a gɛ́ɛ ǹúui gáa a Ɣâla-nuui é kɛ́ a gbɛ́tɛɛ kpɔ́ a ǹɛ́lɛɛ tíi lɛ́lɛɛ kélee mɛni ma.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Taitɔ 2:7

Íkpîŋ lɛ́ pere-sii kélee su a mɛni-lɛ́lɛɛ-kɛɛ ŋɔŋɛ́i kɛ́-maa. Dɔ̃yâai lɛ́ da mɛni-soŋɔɔ a gbanaŋɔɔ ísɛŋ-lɛɛi su.

Taitɔ 3:1

Doo díkili ŋá a gɛɛ dí kɛ́ dímɛi-ƃelai mû da ŋwála-wala-ƃelai, dí kɛ́ a wóo-mɛni-ƃela. Dí kɛ́ a díkpɛtɛɛ tíi lɛ́lɛɛ kélee mɛni ma.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa da kpɔŋ-maa wɛ̀lii. Dífe kɛ̀ nɔ́ yɛ̂ɛ ŋ̀úrii nyíi m̀á fé ŋ̀ái.

Taitɔ 3:8

Ŋ̀óo-ŋai ŋí díkaa a tɔ̃yâ. Ŋa ŋ̀wɛ̂lii a gɛɛ í ŋ̀óo-ŋai ŋí lɛ́ kpɔ́ a gbanaŋɔɔ a gɛɛ diai dí lâai a Ɣâlai, dí díkpîŋ mɛi káa, dí díkpîŋ pú mɛni lɛ́lɛɛ-kɛɛ su. Ŋ̀óo-ŋai ŋí lɛ́lɛɛ̂i kpɔ́ a ŋánaa, dí ƃo a kpɔŋ-maa núu-kpune mɛni ma.

Hebreu 10:24

É lɛ́ɛ kúkili ŋá berei kwa pɔ̂ri wɛli-kɛ-maa pui la kúkîe-ni kponôi da tíi lɛ́lɛɛ kɛɛi.

Hebreu 13:2

Káfe kpera ŋɔ̃yâ sonîi a ǹɛ́lɛɛ, kpɛ́ni fêi, ŋɔ̃yâ soŋɔɔ a ǹɛ́lɛɛ su, núu da-ni da ɣâla-taa-kela-ŋa soŋ a ǹɛ́lɛɛ dítɛ̂i-pere.

Hebreu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sârai. Fólo-laa é kɛ́ ma wɔlɔ-wɔlɔ da wɔlɔ-wɔlɔ. É kɛ́ tí.

Piɛrə dɔlɔɔ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi da da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Piɛrə dɔlɔɔ 4:9

Ká kɛ́ a ŋɔ̃yâ maa-mɛni kɛ-ƃela kákîe-ni mɛni ma, káfe káŋuŋ su-woo saa.

Zɔ̂ŋ Zaaƃai 1:12

Núu kélee è Demetiɔ maa-sere-faa lɛ́lɛɛ kɛ̀, dɔ̃yâi máŋ é m̀aa-sere-faa lɛ́lɛɛ kɛ́. Kú m̀aa-sere-faa lɛ́lɛɛ kɛ̀ máŋ, ǹyaŋ í gɔ́lɔŋ kúsêre-wooi káa a tɔ̃yâ.