Timote dɔlɔɔ 3:15 - Bible

¹⁵ à kɛ̀ ḿba-mɛnii à tòo pôlu, ká gɔ́lɔŋ berei ka pɔri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Yálá laawoo hɛɓɛ (dc)

¹⁵ Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Yálá laawoo hɛɓɛ

¹⁵ Kɛlaa, ə mą kɛ və́ pa li ɉa, bələi mąąnɛ̨ɛ̨ ə́ túwɔ́ la Yálá ŋą pɛlɛ́i mu, yáá bələ kɔlɔn, yai a Yálá hvúlúmąą ŋą kpɔn, a tɛ̨ą hąątíliin da tɔɔbulu.

Timote dɔlɔɔ 3:15 ပူးပေါင်းရင်းမြစ်များ

Tɔɔɓɛlaa dɔlɔɔ 2:2

“Ńzaa tãi a nâa seri. Ílii-kpêle í tɔ́ɔ a gbanaŋɔɔ.

Tɔɔɓɛlaa dɔlɔɔ 2:4

À kɛ̀ ƃà m̀ɛnii kɛ̂ a pâi m̀ôi yâi, Yâwɛɛ a pâi ŋɔkono-teei ŋaa-see kɛ̂i nyíi è gɛ̀ é pîlaŋ ḿâi, tãi è mò la a gɛ́ɛ ńzuu su nuai da pâi kɛ̂i a kâloŋ-ŋa Eezuɛ lɔii mɛi à kɛ̀ nɔ́ da ŋ̀óo mɛ̀ni dí láa la a dílii kélee da dímɔ̂leŋ kélee.

Tɔɔɓɛlaa veelɛ 19:4

Ɣâla fɛli kú mɛni ma kúai kúkaa nîi a kúfului. Asiria kaloŋ a ŋɔkɔ́-kɔ-ƃelai tɛ́ɛ a gɛɛ é Vúlu-laa ɣala woo-nyɔŋ fé. É kɛ́ a sɛŋ Yâwɛɛ Íɣâlai é ŋoo-nyɔŋ-ŋai ŋí mɛ́ni diai díkaa môi, é tɔ̂ŋ kpɛ́ dîa.”

Kɔlɔnikɔ Maa-ŋuŋ 22:13

À kɛ̀ tí, ya pâi mɛni lɛ́lɛɛ sɔlɔ ƃôi à kɛ̀ ya ímɛi kâa, í dɔ̂ŋ nyíi Yâwɛɛ è wɔ́lɔ dɛ̀ɛ Mose pɔ́ Eezuɛ-ŋai mɛni mai mɛi káa. Kɛ́ a ítɔ̂ɔi kpanaŋɔɔ ílii kpeliɛɛ. Ílii fé tòo pôlu kpaa máŋ í yao.

Mąątɛ̨nɛ̨ 42:2

Gɛ̀-ɣele ma Ɣalai, ímaa mɛ̂ni gbáaŋ káa ḿâ. Lé ɣele ƃé ŋa pâi ŋ́ɛi lâai la yâi?

Mąątɛ̨nɛ̨ 84:2

Ŋa ŋ̀wɛ̂lii nɔ́ ŋ́gɛ ƃò m̀u. Yâwɛɛ Ŋɔpɛ́rɛ Kɛ́tɛi maa mɛ̂ni káa ńii su a ŋ̀ánaa. Ŋà kɛ̀ naa, ŋa kɛ̂ wule toôi ŋ́gɛ koi-nɛ̃ɛ kùla, gɛ-ɣele ma Ɣalai mɛni ma.

Ɉeremi 1:18

Ŋaâ sâa íkponôi kpanaŋ yɛ̂ɛ taa-lêe nyíi m̀aa tínaŋɔ̂ɔi a siɣãŋ. Íkaa sâa yɛ̂ɛ kɔli nyíi dɔɔ̂i. Íkaa yɛ̂ɛ ƃara pɛ̂rɛ-kaŋ nyíi dɔɔ̂i Zuda kaloŋ-ŋai díyee-mu-ƃelai, zâla láa-soŋ-ƃelai, da diai kélee díkaa ǹɔii sui dîa.

Ɉeremi 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Ɉeremi 23:36

M̀ɛni ma dífe ŋɔ́nɔ wɔ́lɔ mò dîyɛɛ, ‘Yâwɛɛ ŋɔkpîrii,’ kpɛ́ni fêi, à kɛ̀ núu da a mò tí, gɛ̀ ní ŋa pâi ŋáworɛ̂-wooi kɛ̂i a kpîri m̀ɛni ma. Ǹûai da Díɣâlai wóo ŋá ƃɔ́, nyíi gáa a gɛ̀-ŋ̀ele ma Ɣalai, Ŋ̀wála-wâla kélee Yâwɛɛi.

Danîa 6:26

Ŋa dɛɛ̂i ŋákâloŋ lɔii-kpiniŋ su gwaa kélee a gɛɛ núu kélee é yao Danîa Ŋɔɣâlai ma é ŋumɛ-mâa tɛ́ɛ bɔ́. Ǹyaa ƃa Gɛ-ɣele-ma Ɣalai. Gáa naa wɔ́lɔ-wɔlɔ da wɔ́lɔ-wɔlɔ. Núu da fa pɔ̂ri ŋɔkâloŋ-laai su karâi. Ŋɔkɛ-mɛi-laai kóyaŋ fé ma.

Osia 1:10

É máŋ kɛ́ tí, Eezuɛ-ƃelai da pâi kɛ̂i yɛ̂ɛ Yúo ma ŋãya nyii núu fa pɔ̂ri gɔɔ̂nii, kpaa máŋ é ǹónoi. Ƃɛ̂i dí mò naa dîa, “Káfe a ŋánûai,” da pâi dí tôlii nâa a “Gɛɣele-ma ɣalai ǹônii.”

Maafîu 16:16

Samaŋ Pitɛ è ŋ̀óo su tòo, ǹyɛɛi, “Íkaa a Kôrai, nyii gáa a Vulu-laa-ɣalai Ǹóŋ.”

Maafîu 18:18

“Ŋá tɔ̃yâ ƃói kâa, sɛŋ kélee ka ŋìri ŋ̀éniɛi ŋí sui, a pâi kɛ̀i a ŋiriɛɛ Ɣâla-taa. Sɛŋ kélee ka vùloŋ ŋ̀éniɛi ŋí sui, a pâi kɛ̀i a vúloŋɔɔ Ɣâla-taa.

Ɉaan 1:17

Kpɛ́ni fêi, dí dɔ̂ŋ tɛ̀ɛ Mose sârai, ƃɛlɛ-sêe da tɔ̃yâ è pà Zîsɛ Kôrai sârai.

Ɉaan 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 18:37

Pâle e m̀arê kɛ̀, ǹyɛɛi, “Gɛ̀ ní kâloŋ ƃa yá, Kɛrɛ̂e?” Zîsɛ e zu tòo, ǹyɛɛi, “Ya mò a gɛɛ ŋ́gaa a kâloŋ. Nyiŋi mɛni ƃe dí ńzɔlɔ ƃô la, nyiŋi mɛni ƃe ǹyaŋ ŋa bá kɛ̀ ǹɔii su, a gɛɛ ŋá dɔ̃yâi maa-sere-faa kɛ́. Núu nyii kélee gáa dɔ̃yâi mai a ŋ́oo mɛni.”

Ɉaan 6:69

ǹyaŋ kwa láa la kwa gɔ̀lɔŋ a gɛɛ ƃia ƃe íkaa a Ɣâla Ŋɔnúu Maa Waai.”

Gɛlaɠaa 1:2

é lɛ́ɛ la zu dí dɛ́ ɣelêi. É lɛ́ɛ pâi tɛ̂i ŋ̀elei su, è bàma ŋɔsia-ƃelai dîa M̀ɔlêŋ Maa Waai sârai, nyíi-ŋai a wɔ́lɔ dísiɣei.

Gɛlaɠaa 14:15

“Nûa, ka nyíŋi kɛ̂i lé mɛni ma? Kúa máŋ kúkaa a nuu-kpune-ŋa yɛ̂ɛ káa, kú ƃò kásama. Kúkaa ƃɛ́ a gɛ́ɛ kú Duŋ Lɛ́lɛɛi ƃó kâa a gɛ́ɛ ká kápôlu tɔɔ mɛni folo-ŋai ŋí dîa ka pá Gɛ-ɣele-ma Ɣalai pɔ́. Ǹyaa ƃé ŋ̀elei kpɛ̀tɛ da ǹɔii, ǹyái da zãai kélee dísui.

Lomaŋ 3:2

Ǹɛ́lɛɛ̂i pere sîi kélee su. M̀aa-ŋuŋ, Ɣâla è ŋɔwóoi lɛ̀ɛ Zûu-ŋai yêei.

Lomaŋ 9:26

“Ǹyaŋ gwaa tɔnɔi ti ma ƃɛi dí mò naa dîa, dîyɛɛi, ‘Káfe a ŋánûai,’ da pâi dítolîi naa a ‘vulu-laa-Ɣalai ǹônii.’ ”

Korɛntə dɔlɔɔ 10:32

Káfe Zûu-ŋai líi soli, kpaa máŋ Gurii-ŋai, kpaa máŋ Ɣâla-toli-kpɔŋ,

Korɛntə dɔlɔɔ 3:16

Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Korɛntə veelɛ 3:3

Ka nɛ̀ a gɛ́ɛ ká káa a kɔlɔ nyíi kùla Kôrai yêei kú dɛɛi. Gɔlɔi ŋí fé pɔ̃yɛ ní a kɔlɔ-ya, kɛ́lɛ, bɔ̃yɛɛ̂i a vúlu-laa Ɣalai Ŋɔmɔ̂leŋ, vé pɔ̃yɛ ní kɔni-ƃêla ma, kɛ́lɛ, bɔ̃yɛɛ̂i núu-kpune líi su.

Korɛntə veelɛ 6:16

Le-mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔɔkɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi; yɛ̂ɛ berei Ɣâla e mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Korɛntə veelɛ 6:7

a dɔ̃yâ-wooi, a Ɣâla ŋɔwála-wala-laai; a tɔ̃yâ laa-la ŋɔtii-kɛ-sãai laa mii yee da kɔɔ yee mɛi mɛni ma;

Galatə 2:9

Dí m̀ɛlɛ-seei kàa Ɣâla e dɛ̀ɛ ḿbɔi. Tãi dí nyíŋi kélee kàa lai, Zĩi da Sîfa é pɛ́lɛ Zɔ̂ŋ ma, nyíi-ŋai kɛ̀ a núu-tuɛ-ƃela kpanaŋɔɔ-ŋai, dí díyêei sèe kúmu a gɛ́ɛ ku li Zɛ̃tai-ŋai pɔ naa, dîa-máŋ dí li diai pɔ naa dífe kpɛtɛ níi;

Galatə 3:1

Óo káƃoɔɔ̂i káai a Galesia-ŋai! Gbɛ̂ɛ ƃe wúlu kɛ̀ kâa, káai dí Zîsɛ-kpamo-mɛnii ƃò káŋɛi pono ŋái?

Ifisiɛŋ 4:21

À kɛ̀ ká ŋ̀óo mɛ̀ni e sɛŋ lɛ kâa yɛ̂ɛ berei tɔ̃yâ káa la Zîsɛ kponôi,

Dutɛrɔnome 31:23

Yâwɛɛ è mò Nuŋ ǹóŋ Zasua ma ǹyɛɛi, “Ílii kpéle íkɛ yɛ̂ɛ kpakolo. Yá ƃé pâi liî a Eezuɛ-ŋai gono-tee lɔii su. Ŋa pâi kɛ̂i íkɔlɛ.”

Dutɛrɔnome 5:26

Núu-kpune nenɛ̂ ƃé a tá gɛ-ɣele ma Ɣalai wóo mɛ́ni gɛ́ lòno bɔ́ ŋ̀óo kɛ́ kùla ŋɔŋ su maa nuui é lɛ́ɛ ɣele ma yɛ̂ɛ berei a kɛ́ la a kúai?

Kolosə 1:5

Kálaa-lai da káwɛli-kɛ-maai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Tɛsalonikə dɔlɔɔ 1:9

Kpɛ́ni fêi, berei ka káyee sèe la kúmu a ǹɛ́lɛɛi dia kpîŋ dí m̀ɛni ƃò da berei ka káyee kùla la ɣâla-pɔɔkɔŋ-ŋa maa-mɛnii su ka tinaŋ dɔ̃yâ-Ɣalai da vulu-laa-Ɣalai pɔ́pere a gɛ́ɛ ka tíi kɛ́ mì,

Timote dɔlɔɔ 3:14

Kili-kɛ-zu káa ńyêei a gɛ́ɛ ŋá pá kápɔ a maa-félaa, kɛ́lɛ, ŋ́gaa deniŋ-tɔɔ mɛni-ŋai ŋí pɔ̃yɛɛ̂i kápɔ naa a gɛ́ɛ

Timote dɔlɔɔ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ: E gbîŋ lɛ̀ núu-kpune kɛ-pere su, Ɣâla e fâa Ŋɔmɔ̂leŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é dɛ́ la folo-laa su.

Timote dɔlɔɔ 3:2

Fɛ̂ɛ Kôrai-toli-kpɔŋ ŋɔtii-mɛi-nuu é kɛ́ a ǹúui ǹáa lɛ́lɛɛ káa m̀arâa lá, nɛnî tɔnɔ nɔ́ kɛ́ ƃo ǹyêei, gɛ́ gbîŋ mɛi kâa, gíli ŋá ponoɔ, dûa-pere lɛ́lɛɛ, gɛ núu soŋ a ǹɛ́lɛɛ, sɛŋ-lɛ-tare kɛ́ ƃo ǹyêei.

Timote dɔlɔɔ 3:5

kpɛ́ni fêi, à kɛ̀ núu a wala pɔ̂ri gbîŋ-pɛrɛi mu-ƃelai mɛi káâi a ǹɛ́lɛɛ, a pɔri Ɣâla ŋɔtóli-kpɔŋ mɛi-kaa-pere kɛ̂i leŋ?

Timote dɔlɔɔ 4:10

Nyíŋi mɛni ma kúkaa tíi kɛ̂i kúkɛ kɔ kpɔ́ a gbanaŋɔɔ, kpɛ́ni fêi, kwa kúkili-kɛ-zui pu gɛ-ɣele-ma-Ɣalai ma, nyíi gáa a núu kélee Ƃalo-nuui, é tela kɛ́ kpɔ́ a diai laa-la káa díyêei.

Timote dɔlɔɔ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔri gâai. Bàa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Timote veelɛ 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Timote veelɛ 2:20

Zɛŋ-folo-ŋai díkaa pɛ́rɛ kɛ́tɛ mui, gélee nɔ́ fé gbɛtɛ̂i a gôo da káne. Da-ni kpɛtɛ̂i máŋ a wuru da pɔrɔ. Da-ni díkaa mɛni kpanaŋ mɛni ma, da-ni dí ƃo mɛni fii-kpɛɛ mɛni ma.

Hebreu 10:21

tãi nɔ́ ŋɔ́nɔ sâla láa soŋ-nuu kɛ́tɛ káa la kúyêei Ɣâla ŋɔpɛ́rɛi mɛi,

Hebreu 12:22

Kɛ́lɛ, ka pá Zãiyɔŋ Yeei ma da Vulu-laa-Ɣalai ŋɔtaa-lee kɛ́tɛi, ǹyaa ƃa Zerusâlɛŋ nyíi gáa a Ɣâla-taai. Ka seri ŋ̀âla-taa-kela-kpɔŋ kɛ́tɛ ma nyíi-ŋai dí ŋá tɛ̀ díkîe ma kúu kɛ́-mɛni ma.

Hebreu 3:12

M̀arâai, ka kámɛi káa, à wàla kɛ́ tí mɛni nyɔ́mɔɔ a pâi kɛ̂i kákponôi, líi nyíi ve a laa-la-lii é kɛ́ kákoi, nyíi pâi kákɛ̂i ká kásu kula Vulu-laa-Ɣalai mai.

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Zasua 3:10

Ǹyɛɛ dîai, ‘É síɣe sâa ma ka pâi gɔ́lɔniî a gɛ́ɛ gɛ-ɣele-ma Ɣalai káa kásama, ǹyaŋ vé pâi fɛɣɛ̂i Keena-ŋai, Ita-ŋai, Iva-ŋai, Pɛriza-ŋai, Giga-ŋai Amɔra-ŋai da Zɛbusa-ŋai kpɛ̂i kátuɛ.

Piɛrə dɔlɔɔ 2:5

Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Piɛrə dɔlɔɔ 4:17

Kpɛ́ni fêi, mɛni-ŋa-tee-tãi a pá a gɛɛ gɔ́ɔ é pîlaŋ Ɣâla ŋɔpɛ́rɛi-mu-ƃelai dîa, ǹyaŋ à kɛ̀ gɔ́ɔ à pîlaŋ kûa, gɛ̀ ní le ƃe pâi kɛ̂i a diai dífa díwoli tɔ̀ɔ Ɣâla ŋɔtuŋ lɛ́lɛɛi mai?

M̀ɛni-lɛɛi 7:2

È kɛ̀ tí, ŋá Ɣâla-taa-kela da kpɛni kàa é kúla voloi kulâi-pere, vulu-laa-Ɣâlai ŋɔkɔlɔ lá tɛ-sɛŋ kɛ́ ƃo ǹyêei. È Ŋ̀âla-taa-kela náaŋ tòli a ŋ̀óo su kɛ́tɛ, nyíi-ŋai dí wala-wala tɛ̀ɛ dípɔ a gɛɛ dí sɛŋ sóli ǹɔii ma da ǹyúoi,

Samuɛlə dɔlɔɔ 17:26

Deeƃé è gɔ-kuluƃa-ŋai kɛ̀ tɔɔni gɔlɛi m̀arê kɛ̀ ǹyɛɛi, “Lé ƃé núu a pâi zɔlɔ ƃôi a kɛ̀ a Felesia nuui ŋí pàa é kpéra kúnûai larânii? Felesia naloŋ kpɛ́ni-kpɛnii tí. Vé fúlɔi máŋ kpɛtɛ ní. A gbîŋ kâai yɛ̂ɛ gbɛ̂ɛ a pɔri kɛ̂i Ɣâla ŋɔkɔ́ kɔ́-ƃelai maa fooi!”

Samuɛlə dɔlɔɔ 17:36

Galôŋ, ŋa yala-sulu da dítala támaa páa a bere sîi ŋí. Ǹyaŋ ŋa pɔri Felesia naloŋ kpɛ́ni-kpɛnii ŋí vé kpɛtɛ níi paâi a bere sîi tɔnɔi ŋí, nyíi a gɛ-ɣele ma Ɣalai ŋɔkɔ́ kɔ́-ƃela maa fôoi!