Tɛsalonikə dɔlɔɔ 5:24 - Bible

²⁴ Ǹúui nyíi kátolîi, zã́âi, ǹyaŋ a pâi gɛ̂i.

Yálá laawoo hɛɓɛ (dc)

²⁴ Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Yálá laawoo hɛɓɛ

²⁴ Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Tɛsalonikə dɔlɔɔ 5:24 ပူးပေါင်းရင်းမြစ်များ

Tɔɔɓɛlaa veelɛ 19:31

Ǹûai da pâi lɛɛ̂i a dífulu Zerusâlɛŋ da Zãiyɔŋ Yeei ma, kpɛ́ni fêi, Yâwɛɛ a gbɛ̀tɛ gíli ŋá a gɛɛ é nyíŋi kɛ́.

Mąątɛ̨nɛ̨ 100:5

Yâwɛɛ sɔŋ lɛ̂lɛɛi, ŋɔwɛli kɛ́-maai kóyaŋ fé ma, ŋɔteniŋ ƃô-laai káa naa é síɣe núu-suu tɔnɔ ma é tóo gbéli ma.

Mąątɛ̨nɛ̨ 138:2

Ŋá ŋ́ɛi pìlaŋ í Ɣâla-pɛrɛ Kɛ́tɛi ma, ŋá ŋ́uŋ maa pîlaŋ, ŋá sɛɣɛi-fei tɛɛ ípɔ. Ŋa pâi ílaa maa tɛ̂i, íwɛli-kɛ maa kpanaŋɔɔi da íteniŋ ƃô-laai mɛ̂ni ma, kpɛ́ni fêi íkɛ̂tɛi ítɔ̂ŋ kpanaŋɔɔ é tɛ́ɛ sɛŋ kélee ma.

Mąątɛ̨nɛ̨ 146:6

nyii ŋ̀elei, ǹɔii, da yúo kpɛ̀tɛi, da zãai nyii-ŋai gáa dí sui. A ŋɔkono-teei kélee ŋ̀aa sèe kɛ̀.

Mąątɛ̨nɛ̨ 36:5

Yâwɛɛ, íwɛli kɛ́ maa kpanaŋɔɔi káa ŋ̀ele-kɔlɔŋ ma, íteniŋ ƃô-laai seriɛɛ ŋ̀ele-kɔlɔŋ ma.

Mąątɛ̨nɛ̨ 40:10

Fé tá ŋ̀uŋ ma ƃô tuŋ lɛ́lɛɛi ŋí loo ní ǹûai dîa. Ŋ́gaa kpɔ́ wɔ́lɔ íteniŋ ƃô-laai da íkpɔŋ mâai maa mɛni ƃôi nûa dîa. Ƃɛ́i kélee ínûai da díŋa tɛ̀ naa mai, ŋa duŋ lɛ́lɛɛi ŋí ƃò dîa, fa ḿɛi sâa.

Mąątɛ̨nɛ̨ 86:15

Óo Ǹuu-namui, íkaa a ŋɛi-maloŋ kâa da wɛli-kɛ-maa Ɣâla. Ílii kpelêɛi, íkɛ ƃò a wɛli-kɛ-maa nuu teniŋ ƃôɔɔ.

Mąątɛ̨nɛ̨ 89:2

Ŋá gɔ́lɔŋ íwɛli kɛ́-maai kɔ́yɛŋ fé ma. Íteniŋ ƃô-laai maa mɛ̂ni káa nɔ́ yɛ̂ɛ ŋ̀ele-kɔlɔŋ. Gáa nɔ́ naa wɔ́lɔ-wɔlɔ da wɔlɔ-wɔlɔ.

Mąątɛ̨nɛ̨ 92:2

kú ŋɔwɔ́lɔ-wɔlɔ wɛli kɛ́-maai maa mɛ̂ni too a wule a ɣele wâla kélee, kú ŋɔtɔ̃yâ-laai maa mɛ̂ni too a wule a kpíni kélee.

Azaya 25:1

Yâwɛɛ, yá ƃa Ŋáɣâlai. Ŋa pâi ƃaa kɛ́-maa tɛɛ̂i ípɔ, ŋá ílaa maa tɛ́. Ya mɛni kpaya-kpayaa mĩli-miliɛɛ támaa kɛ́. M̀ɛni kpaya-kpayaa mĩli-miliɛ-ŋai ŋí káa a m̀ɛnii í gbɛ̀tɛ tãi su-kôyaa tɛɛ pôlu ma.

Azaya 37:32

Ǹûai gbulu-lôŋ a pâi lɛɛ̂i a vúlu Zerusâlɛŋ, gɔ́i pôlu m̀a. Ǹúu kpulu-loŋ nyii-ŋai dífe pâi lɛɛ̂i gɔi sui, da pâi kɛ̂i Zãiyɔŋ Yeei ma da Zerusâlɛŋ gwaa kélee, kpɛ́ni fêi, Ŋ̀wála-wâla kélee Yâwɛɛi a gbɛtɛ gíli ŋá a gɛɛ é gɛ́ tí.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Woolaa 3:23

Ŋɔwɛli kɛ́-maai da ŋɔmaloŋ kâai káa nɔ́ a nina a ɣele kélee. Ŋɔteniŋ ƃô-laai kɛ̂tɛi.

Mise 7:20

Ya pâi ílaa-laai da íwɔlɔ-wɔlɔ da wɔlɔ-wɔlɔ wɛli-kɛ-maai lɛ̂i ínûai dîa yɛɛ berei íwɔlɔ íkono tèe la kúnûa pɔlɔ ŋai, Eberaɣɛ̃ɛ da Zeeka yêei.

Lonon mo 23:19

Ɣâla fa lɛ́ɛ kɛ̀ yɛ̂ɛ berei núu kpune a gɛ̀ lai. Va ǹíi maa fâleŋ yɛ̂ɛ berei núu-kpune a gɛ̀ lai. A ŋɔkono-tee-wooi ŋ̀á-see kɛ̀. Mɛnii a mòi, a ŋ̀á-see kɛ̀.

Maafîu 24:35

Ŋelei da ǹɔii da pâi kpɛɛ̂i, kɛ́lɛ, ŋáwooi fé pâi wɔ́lɔ kpɛɛ̂i.

Ɉaan 1:17

Kpɛ́ni fêi, dí dɔ̂ŋ tɛ̀ɛ Mose sârai, ƃɛlɛ-sêe da tɔ̃yâ è pà Zîsɛ Kôrai sârai.

Ɉaan 3:33

Ǹúui nyii a ǹyée sèe ŋɔsêre-wooi mui, a zìɣe a gbanaŋɔɔ a gɛɛ Ɣâla káa a tɔ̃yâ-Ɣala.

Lomaŋ 8:30

Diai e dísèe díŋuŋ ŋá a maa-ŋuŋ e dítoli máŋ; diai e dítòlii, e díkɛ̀ a tɔ̃yâ-ƃela; diai e díkɛ̀ a tɔ̃yâ-ƃelai, e folo-laa tɛ̀ɛ dípɔ máŋ.

Lomaŋ 9:24

Nyíti su-kulâi ƃa kúa máŋ a kútoli. Kúfe kula ni nɔ́ Zûu-ŋai sama, kɛ́lɛ, kúta-ni dí kula Zɛ̃tai-ŋai sama.

Korɛntə dɔlɔɔ 1:9

Ɣâla sã́âi, nyíi kátòli Ǹóŋ Zîsɛ Kôrai Kúnuu-namui ŋɔkɛ-naai sui.

Korɛntə dɔlɔɔ 10:13

Yee-laa-maa da fe niî pá ní kápɔ nyíi ve niî pá ní núu pɔi. Ɣâla sã́âi, nyíi ve pâi nɛɛ̂i naa yee-laa-maa e pa kápɔ nyíi dɛɛi káwala-walai mai, kɛ́lɛ, tãi yee-laa-maa à pà lai, Ɣâla máŋ a pâi kúkula-perei tɛɛ̂i a gɛ́ɛ pɔ̂ri e kɛ́ káa ka tɔɔ zu.

Galatə 1:15

Kɛ́lɛ, tãi ǹúui ńzee dí lɛ́ɛ pâi ḿaa sɔlɔ ƃôi, e ńdòli la ŋɔƃɛlɛ-sêei sârai,

Dutɛrɔnome 7:9

Ka gɔ́lɔŋ a gɛɛ Káɣâlai Yâwɛɛ káa a Ɣâla. Gáa a kili-kɛ-zu ɣala nyii a ŋɔwɛli-kɛ-maa kono-teei ŋ̀aa-see kɛ̀ núu wála-wala seêi támaa mì nyii-ŋai da ŋ̀wɛli dí kɛ́ ŋɔkono-teei ŋ̀aa-see kɛi.

Tɛsalonikə dɔlɔɔ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Tɛsalonikə veelɛ 2:14

Nyíŋi mɛni ma e kátòli kútuŋ lɛ́lɛɛi sârai a gɛ́ɛ ka Kúnuu-namui Zîsɛ Kôrai ŋɔfólo-laai sɔlɔ ƃó.

Tɛsalonikə veelɛ 3:3

Kɛ́lɛ, Kúnuu-namui sã́âi; a pâi kákponôi kpananîi é kámɛi káa zɔnyɔ̂ŋ-nuui yêei.

Timote veelɛ 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, e gɛ̀ a gbîŋ-nia-mɛnii ŋɔwála-walai da m̀ɛlɛ-seei nyíi e dɛ̀ɛ kúpɔ Zîsɛ Kôrai kponôi a tãi su kôya.

Timote veelɛ 2:13

À kɛ̀ kwà wàla kɛ́ a kusã́a m̀ɛni ma, gáa a núu sã́a, kpɛ́ni fêi, va pɔri ǹyaa kpíŋ maa-sia toôi.

Taitɔ 1:2

Kwa dîa-ni ŋwɔlɔ-wɔlɔ fúlu-laai maa-kili kɛ-zui káa kúyêei nyíi Ɣâla, nyíi va lɛ́ɛ kɛ̀i, è góno tèe la a tãi su kôyai.

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Piɛrə veelɛ 1:3

Ŋɔɣâla-laai su wala-walai a sɛŋ kélee tɛ́ɛ kúpɔ nyíi-ŋai díkaa fúlu-laa da Ɣâla-mɛni kɛ́-mɛni mai, dárei sârai nyíi kùla ǹúui yêei kútòli a gbîŋ-folo-laai da ŋɔkɛ́tɛ-laai.

M̀ɛni-lɛɛi 17:14

Da pâi kɔ́ pɛlɛ̂i M̀ála-loŋ mâ. M̀ála-loŋ a pâi díyee mɛi ɣálêi, kpɛ́ni fêi, gáa a nuu-namu kélee Mɛi-nuu-namu, gɛ ƃo a kâloŋ-ŋa kélee Mɛi-kaloŋ. Diai díkaa gɔlɛi, dítoliɛ̂i, dílɛɛ, dísã́a.”