Tɛsalonikə dɔlɔɔ 4:3 - Bible

³ Kpɛ́ni fêi, Ɣâla ŋɔnîa-mɛnii ká ŋí a gɛ́ɛ ka kɛ́ a maa-waa-ƃela a gɛ́ɛ ka kasu kula wulu-wulu-kɛɛ ma,

Yálá laawoo hɛɓɛ (dc)

³ Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Yálá laawoo hɛɓɛ

³ Yálá liiɓa ɓaa, ká mąąhəɠə mɛ̨nį, ɛlɛɛ, ká ká yee kulɔ mąąliɓi túwɔ́ hu.

Tɛsalonikə dɔlɔɔ 4:3 ပူးပေါင်းရင်းမြစ်များ

Mąątɛ̨nɛ̨ 143:10

Yá ƃé íkaa a Ŋáɣâlai, ítûa-pere lɛ́ ḿâ a gɛɛ ŋá sía la. Ye ḿɛi káa a ǹɛ́lɛɛ í ḿbîlaŋ pere lɛ́lɛɛ ma.

Mąątɛ̨nɛ̨ 40:8

Óo Ŋáɣâlai, ŋá ŋ̀wɛ̂lii ŋá ínîa mɛni kɛ́. M̀ɛnii ya ǹɛ ḿâi fa ǹia da ma. Ŋa gélee lâai kɛ̀ ŋ́gili ŋá.”

Levetekɔ 15:18

À kɛ̀ surɔ̂ŋ a lɔ̀-pɔrɔŋ a nɛnî, fɛ̂ɛ dífeerɛŋɔɔ dí díwaa, ǹyaŋ dífe pâi kɛ̂i a dímaa waa é lɛ́ɛ la zu ɣele-wulii é kɛ́.

Maafîu 12:50

Kpɛ́ni fêi, ǹúui a Ńâŋ nîa-mɛnii kɛ̀ nyii gáa Ɣâla-taai, maa-nuui ƃa ńêɣe, kpaa ńzaaƃɔlɔ kpaa ńee.”

Maafîu 15:19

Kpɛ́ni fêi, núu líi su ƃe kili-ŋa-sia nyɔ́mɔɔ-ŋa da kûla naa, núu-paa-mɛni, wulu-wulu-kɛɛ, goyaŋ-wulu-wulu-kɛɛ, ŋuma-mɛni, wôya-sere-faa-kɛ́ɛ, da tɛ-ŋɛi-kɛ́ɛ a Ɣâla.

Maafîu 5:32

Kɛ́lɛ, ŋa m̀ôi kâa, ǹúui kélee a ŋɔnɛnîi lɛ̀ɛ mɛni da kpɛni ma é kúla wulu-wulu kɛ́ɛ pôlui, maa-nuui tí a gɛ̀ ŋɔnɛnîi é wulu-wulu kɛ́. Ǹyaŋ ǹúui kélee a ǹɛnîi nyíi ŋɔsurɔ̂ŋ a ǹɛɛ̂i kula a ŋɔnɛnii, maa-nuui tí a wulu-wulu kɛ́.

Maafîu 7:21

“Diai kélee da kɛ́ mâ, ‘Kúnuu-namui, Kúnuu-namui,’ díkelee dífe pâi liî Ŋ̀âla-taa kâloŋ-laai su, fɛ̂ɛ ǹúui a Ńâŋ nîa-mɛni kɛ̀ nyii gáa Ɣâla-taai.

Markə 3:35

Ǹúui a Ɣâla nîa-mɛni kɛ̀i ǹyaa ƃé gáa a ńêɣe-surɔŋ, ńêɣe-nɛni kpaa máŋ ńee.”

Ɉaan 4:34

Zîsɛ e mò dîa, ǹyɛɛi, “Ŋámii-sɛŋ ƃa a gɛɛ ŋa ǹúui ǹîa mɛni kɛ́ nyii ńdɛ̀ɛi, ŋá ŋɔtíi kɛ́ ŋá gbɛɛ.

Ɉaan 7:17

núu da kélee à ŋ̀wɛli e Ɣâla ǹîa mɛni kɛ́, ǹyaŋ a pâi gɔ́lɔnîi, à kɛ̀ ŋámɛni-lɛɛi a kulâi Ɣâla yêei, kpaa à kɛ̀ ŋ́gaa lônoi a ḿgbɔɔ̂i-wala-wala.

Gɛlaɠaa 15:20

Kɛ́lɛ, fɛ̂ɛ kú kɔlɔ pɔ̃yɛ dîɛ a gɛ́ɛ dífe díyee pù mɛni kélee su nyíi ɣâla da kpɛni-ŋa da garai, dífe tela díyee pu wulu-wulu kɛ́ɛ su. Dífe fɛnɛ-sɛŋ da zua da mìi nyíi dí gáo ɣàlei kpaa máŋ dí sua da ŋãa mii.

Gɛlaɠaa 15:29

Káfe káyee pu sɛŋ kélee mɛni su nyíi da gùla a sâla ɣâla da kpɛni-ŋa diai. Káfe fɛnɛ-sɛŋ kɔ̃liŋɔɔ da zua da mii, káfe tela ŋãa da mii, káfe wulu-wulu kɛ̀. À kɛ̀ kà káyee kùla nyíŋi kélee su, ka pâi mɛni lɛ́lɛɛ kɛ̂i. Kásɛɣɛ.”

Gɛlaɠaa 20:32

Ǹyaŋ ŋa kátɛɛ Ɣâla pɔ́ da ŋɔƃɛlɛ-see wooi. Pɔri káa mì a gɛ́ɛ é káƃɔlɔ kámɔ̂leŋ su, é ŋɔ́nɔ kákɛ a pɔɔ-sɛŋ mɛi-ƃela diai kélee sáma dímaa waâi.

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 1:29

Dí kɛ̀ sɔnyɔ̂ŋ sii támaa kɛ̂i, ŋ̀wana-lɔ̂ɔ, sɛŋ maa-lii téɛɛ, da ŋɛi-kpala, tólo, núu paá, yeli tɔ́ɔ, núu pɛlɛɛ, kpɔara da ƃo a laa-ƃo kɛ́ɛ.

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Lomaŋ 6:22

Kɛ́lɛ, ká nâa kùla sɔnyɔ̂ŋ ŋɔwála-walai mu ka kɛ́ a Ɣâla ŋɔnûa. M̀ɛni lɛ́lɛɛ ƃa ka nâa kɛ́ a Ɣâla pɔ́ɔ, nyaŋ mɛni lɛ́lɛɛi pâi kulâi nyíŋi su kámɛni mai nya ƃa wɔ́lɔ-wɔlɔ fulu-laai.

Korɛntə dɔlɔɔ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Korɛntə dɔlɔɔ 7:2

Kɛ́lɛ, kpɛ́ni fêi, su-kɔɔŋ a pâ núu pɔ wulu-wulu kɛ́ mɛni mai, m̀aa nɛɛ̂i surɔ̂ŋ tɛi-tɛi kélee e gbîŋ-nɛni kula, nɛnî tɛi-tɛi kélee e gbîŋ-surɔŋ kula.

Korɛntə veelɛ 12:21

Ŋ́gaa yáôi a gɛ́ɛ ŋà pà ŋɔ́nɔ Ŋáɣâlai a pâi ḿaa yenîi káŋɛi. Ǹyaŋ tãi da fɛ̂ɛ ŋá wɔ́lɔ diai da sɔnyɔ̂ŋ kɛ́ a maa-ŋuŋ dámaa mɛni ma, nyíi-ŋai dífe niî dípôlu tɔ̂ɔni mɛni-maa-liƃiɛ-ŋa dia, wulu-wulu kɛ́ɛ, da wolii-kpɔlɔ, nyíi-ŋai da m̀aa kɔ́rii.

Galatə 5:19

Ǹyaŋ núu ŋɔkɛ-pere-nyɔŋ ŋɔtíi-ŋai su ponoɔ̂i. Dia ƃa, wulu-wulu-kɛɛ, núu kɛ́ɛ maa fe waa ni, wolii-kpɔlɔ,

Ifisiɛŋ 5:17

Maa-mɛni ma káfe ƃoo. Kɛ́lɛ, ka táre Kúnuu-namui ŋɔnîa-mɛnii su.

Ifisiɛŋ 6:6

Káfe nuu-ŋɛi-woo mɛni kɛ̀ nɔ́ a dia. Káfè kɛ̀ nɔ́ a núu lii-laa-ƃela. Kɛ́lɛ, ka kɛ́ yɛ̂ɛ Kôrai yée-mu-ƃela, ká kɛ́ Ɣâla nia-mɛni kɛ̀ é kúla kálii su.

Kolosə 1:9

Mɛni ma é síɣe tãi ma ku mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa e fɛɛ a ŋɔnîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Kolosə 3:5

Mɛni ma ǹɔii su-mɛni-ŋai díkaa kákponôi ka dí-páa, dîa ƃa wulu-wulu kɛ́ɛ, mɛni maa liƃiɛ, tua-pere-nyɔŋ maa-sɛŋ wɛliɛ, kili-ŋa-sia nyɔ́mɔɔ, da sɛŋ maa-lii teɛɛ, nyíi gáa a ɣâla da kpɛni fɛliɛɛi.

Kolosə 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài e fàa kâa. Gáa tɔ̂ɔni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ka tɔɔ kpɔ́ a gbanaŋɔɔ ka Ɣâla ŋɔnîa-mɛnii kélee kɔlɔŋ a ǹɛ́lɛɛ.

Tɛsalonikə dɔlɔɔ 4:2

Kpɛ́ni fêi, ka berei kɔ́lɔŋ ku kátenîŋ tɔ̀ɔ la Kúnuu-namui Zîsɛ sârai.

Tɛsalonikə dɔlɔɔ 4:4

a gɛ́ɛ núu kélee é berei kɔ́lɔŋ a pɔ̂ri nɛnî kulâi la gbîŋ mɛni ma maa-waa-laa su da ƃaa kɛ́-maai,

Tɛsalonikə dɔlɔɔ 5:18

ka sɛɣɛi-fei tɛɛ mɛni-sii kélee su; kpɛ́ni fêi, nyíŋi káa a Ɣâla ŋɔnîa-mɛni kámɛni ma Zîsɛ Kôrai kponôi.

Tɛsalonikə dɔlɔɔ 5:23

Nii-see-Ɣalai ǹyaa kpîŋ é kámaa wáa pere-sii kélee su; sɔnyɔ̂ŋ fè kɛ̀ kámɔ̂leŋ ma da kákponôi a Kúnuu-namui Zîsɛ Kôrai pá-tãi.

Tɛsalonikə veelɛ 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ ku sɛɣɛi-fei tɛɛ Ɣâla pɔ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa-ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Hebreu 10:36

Kpɛ́ni fêi, fɛ̂ɛ lii-kpele é kɛ́ káyêei a gɛɛ ka Ɣâla nia-mɛni kɛ́ ka ŋɔkono-teei sɔlɔ ƃo.

Hebreu 12:16

Ka gáa a gɛɛ núu da kélee fé kɛ̀ a goyaŋ-wulu-wulu kɛ-nuu, kpaa máŋ núu da kélee fé kɛ̀ a ǹúui Ɣâla-mɛni fé ǹíi sú yɛ̂ɛ Isɔɔ, nyíi ŋɔpɔɔ-sɛŋ kɔlɛ mii-sɛŋ miî tɔnɔ kpéŋ pôlui.

Hebreu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sârai. Fólo-laa é kɛ́ ma wɔlɔ-wɔlɔ da wɔlɔ-wɔlɔ. É kɛ́ tí.

Hebreu 13:4

Tɔɔ nɛnî-kula-mɛni é kɛ́ a ƃaa-kɛ-maa pere-sii kélee su. Nɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Piɛrə dɔlɔɔ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔ̂leŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe dí támaa káyêei.

Piɛrə dɔlɔɔ 4:2

a gɛɛ vé ŋɔfúlu-laai kpéli kɛ̀ gbonôi a núu ŋɔkɛ-pere-nyɔŋ maa-sɛŋ-wɛliɛi ŋɔ́nɔ, kɛ́lɛ, é kɛ́ a Ɣâla nia-mɛni.

Zɔ̂ŋ Maa-ŋuŋ 2:17

Ŋ̀éniɛi a tɛɛ̂i da ŋɔsu-sɛŋ-wɛliɛi kélee. Kɛ́lɛ, ǹúui a Ɣâla nîa-mɛni kɛ̀i, a pâi kɛ̂i naa wɔlɔ-wɔlɔ da wɔlɔ-wɔlɔ.

M̀ɛni-lɛɛi 21:8

Kɛ́lɛ, à kɛ̀ a ǹyao-ƃelai, da diai laa-la fé díyêei, diai díliƃiɛ̂i, à kɛ̀ a ǹúu-paa-ƃelai, da ŋwulu-wulu kɛ́-ƃelai, da ŋwulu-ƃelai, da ŋâla-pɔɔkɔ̂ŋ fɛli-ƃelai, da nɛ̃ɛ-ƃelai kélee, díwɔ̂i a pâi kɛ̂i a ŋɔŋ kɛ́tɛi su, nyíi sɔɔfɔ káa zui, nyíi gáa yɛ̂ɛ pôa kɛ́tɛi, ǹyaŋ zaai veerɛ-ɣelei ká ŋí.”

M̀ɛni-lɛɛi 22:15

Diai da mɛni maa faleŋ, tɛli-kpɛ́-ƃela, wulu-wulu kɛ́-ƃela, núu-paa-ƃela, ɣâla-pɔɔkɔ̂ŋ fɛli-ƃela, da diai kélee dí wôya-mɛni wɛ́li ni, díkɛ maa kɔ̂rii díkaa daa-leei ŋɔsiɣaŋ pôlu pere.