Samuɛlə dɔlɔɔ 22:2 - Bible

² Nûa da kpɛ́ni-ŋa dí pà bɔ́-naa máŋ. Ǹûai ŋí da-ŋa líi è kɛ̀ a doɔ́ɔ pôlu, da-ni dí ƃò mɛni kpɔ̂lu su kpa kɛ́ ƃò da-ŋa dîa. Deeƃé è nâa kɛ̀ a dílaa túɛ-nuu. Kpakolo ŋuŋ náaŋ ƃé kɛ̀ ǹyée mu.

Yálá laawoo hɛɓɛ (dc)

² Nuąi kpɔ mɛ̨nį ə kɛ di wəli pulu, nuąi kpɔ kwələ ə kɛ diɛ, da nuąi di kwəi hvo kɛ nɛ̨ɛ̨li, di di ɲąąkpɔn gwɛlɛ, ə kɛ aa di nwun nąmu. Nuą tii di kɛ a nu nwun nąąn (400).

Yálá laawoo hɛɓɛ

² Nuąi kpɔ mɛ̨nį ə kɛ di wəli pulu, nuąi kpɔ kwələ ə kɛ diɛ, da nuąi di kwəi hvo kɛ nɛ̨ɛ̨li, di di ɲąąkpɔn gwɛlɛ, ə kɛ aa di nwun nąmu. Nuą tii di kɛ a nu nwun nąąn (400).

Samuɛlə dɔlɔɔ 22:2 ပူးပေါင်းရင်းမြစ်များ

Samia Veerɛi 17:8

Usai è mò ŋɔ́nɔ ma ǹyɛɛi, “Í gɔ́lɔŋ ínâŋ da ŋɔkɔ-kuluƃa-ŋai díwala-walai, dílii ŋŋwánaa yɛ̂ɛ dítala ƃé da ǹônii kùla ǹyêei. É kúla nyíŋi pôlu ínâŋ táreɛɛi kɔ́ kɔ́-mɛni su. Vé pâi fâai ma da ŋɔkɔ-kuluƃa-ŋai dí nyíi kwa tɔnɔ ma.

Samia Veerɛi 5:2

Sɔ̂ɔ kɛ́ɛ a kâloŋ kúmɛi, ǹyaa ƃé kɛ̀ Eezuɛ-ŋai láa túɛ kɔ́ kɔ́-mɛni su. Yâwɛɛ è góno tèe íyêei ǹyɛɛi, ‘Ya pâi kɛ̂i ŋánûai mɛi kâai Eezuɛ. Ya pâi kɛ̂i a kâloŋ Eezuɛ lɔii mɛi.’ ”

Tɔɔɓɛlaa veelɛ 20:5

Yâwɛɛ è dɛ̀ɛ pôlu Ɛsekaya pɔ́ naa a ŋorɛ̂-wooi ŋí, “Ɛsekaya, íkaa a ŋánûai Eezuɛ láa-tuɛ nuu, ǹyaŋ Ńyãa ƃa Yâwɛɛ Ɣâla nyii ínâŋ pɔlɔi Deeƃé è kɛ̀ vɛ̀lîi. Ŋa ífɛli-wooi mɛ́ni, ǹyaŋ ŋa íkaa íkɛ wɔ̀lɔ ḿâ. Ŋa pâi íƃâloi a gɛɛ fólo saaƃa a tɛ̀ɛ ƃa pâi pɔrîi liî ŋápɛrɛ kɛ́tɛi lá a gɛɛ í ḿvɛli naa.

Tɔɔɓɛlaa veelɛ 4:1

Ɣâla ŋɔlóno kɛ́-ƃela kpului su-nuui dɔnɔ ŋɔpɔɔ-nɛnîi è wɔ̀lɔ Ilasa ma ɣelêi pere ǹyɛɛi, “Ḿbɔ̂ŋ nyii kɛ̀ a íyee-mu-nuui a saa, ǹyaŋ í gɔ́lɔŋ a gɛɛ è kɛ̀ a Yâwɛɛ ŋɔtíi lɛ́lɛɛ kɛ́ nuu. Kɛ́lɛ nâloŋ tɔnɔ nyii è wɔ́lɔ kpà sòŋ yêei, aâ pá a gɛɛ é ńônii-sinaa feerɛi síɣe a ŋɔluɛ-ŋa a ŋɔkpâi kpɛɛ̂i.”

Hanwon 31:6

Kpele-sɛŋ kpanaŋ tɛɛ diai pɔ́ da saa yêe tɛ̂i, ŋwã̂ai tɛɛ diai pɔ́ mɛni kpɔ̂lu a pâ dípɔi.

Maafîu 11:12

E síɣe Batâi-kɛ-nuui Zɔ̂ŋ ŋɔtãi ma é seri sâa ma Ɣâla ŋɔkâloŋ-laai a pâ a wala-wala, ǹyaŋ ŋwála-wala-ƃelai da díyee sèe mu.

Maafîu 11:28

Ka pá ḿbɔ, káai kélee ka mɔ̃lɛ̂i, da káai tĩa wiɛɛ káa káyêei. Ǹyaŋ ŋa pâi fii-tɔɔ tɛɛ̂i kápɔ.

Hebreu 2:10

Kpɛ́ni fêi, è kɛ̀ a mɛni lɛ́lɛɛ Ɣâla mɛni ma nyíi sɛŋ kélee káa ɣele ma maa-mɛni ma da nyíi gɛ̀ a gɛɛ sɛŋ kélee é kɛ́ ɣele ma a báa a ǹônii támaa fólo-laa sui, fɛ̂ɛ é díƃalo-laa kpɛtɛ-nuui kɛ́ a maa waa mɛni-soli káa sârai.

Nwun mąąɓo 11:3

Gɛ́ɛ tíi, Zafita è pù é lí é sée Too lɔii kpiniŋ su. Naa ƃé da ŋ̀aa kpɛɛ ma-sinaai da-ŋa dí pili naa lawoi-laai díkɛ lì a too-ma kɛ́ɛ.

Nwun mąąɓo 18:25

Daŋ suui su-sinaai dí mò Maka ma dîyɛɛi, “À kɛ̀ ífe wɛ̂lii zinâai ŋí dí dílii ŋwána yâ, ka dîa-ni ká kɔ́, íla tɛ́. À wàla kɛ́ tí, da pâi ípaâi ka íkaayɔɔ-ŋai kélee.”

Samuɛlə dɔlɔɔ 1:10

Ana líi è kɛ̀ a doɔ́ɔ pôlu a ŋ̀ánaa gɛ́ wɔ̀lɔ gɛ́ Yâwɛɛ fɛli.

Samuɛlə dɔlɔɔ 22:3

Deeƃé è kùla Adulaŋ-kɔni woloi su é lí Meepa-taai su nyíi kɛ̀ Môa lɔii su. Naa ƃé è lòno naa Môa Kaloŋ pɔ́ ǹyɛɛ m̀ai, “Ye kpera yɛ̂ nɛ̀ɛ naa ńâŋ da ńee dí pá ƃɛ́ ípɔ-naa dí lɛ́ɛ naa é lɛ́ɛ la zu ŋá m̀ɛnii káa Ɣâla a pâi gɛ̂i ḿîi.”

Samuɛlə dɔlɔɔ 23:13

Nya ƃe Deeƃé da ŋɔkɔ-kuluƃa ŋuŋ lɔ́ɔlu mɛi dai dí pɛ̀lɛ lì ƃɛ́i-ŋai dí kɛ̀ wɛ̂lii lai a tɛɛ-ŋa. Sɔ̂ɔ è mɛ̀ni a gɛ́ɛ Deeƃé a kula Keila. È gbɛ̀tɛ a gɛ́ɛ vé lɛ̀ɛ bôlu.

Samuɛlə dɔlɔɔ 25:13

Deeƃé è mò ŋɔkɔ-kuluƃa-ŋai dîa ǹyɛɛi, “Kákélee ka káƃoa-sɔ̂kpɔ-ŋai síɣe.” Díkelee dí díƃoa-sɔ̂kpɔ-ŋai pili dí kpãai. Kpakolo ŋuŋ feerɛ è lɛ̀ɛ pôlu a gɛ́ɛ dí m̀ûui mɛi káa. Kɛ́lɛ Deeƃé da kpakolo ŋuŋ náaŋ dí lì.

Samuɛlə dɔlɔɔ 30:6

Deeƃé líi è tòo pôlu a ŋ̀ánaa, kpɛ́ni fêi, ǹûai díkɛ̀ ŋ̀wɛ̂lii dí zɔ̀ɔ a kɔni. Díkelee díkɛ̀ kpɔ́ a dílii ŋwánaa dílônii-sinaai da dílônii-nɛyãai mɛni ma. Kɛ́lɛ Yâwɛɛ, Deeƃé Ŋɔɣâlai è wála-wala tɛ̀ɛ bɔ́.

Samuɛlə dɔlɔɔ 9:16

“Ŋaâ gáa berei ŋánûai da mɔ̃lɛi lai. Ŋaâ díwoo mɛni berei da kpɔŋ ḿâa wɛ̂lii lai. Tínaa ɣele à kɛ̀ ŋí, ŋa pâi naloŋ tɔnɔ tɛɛ̂i nyíi pâi kulâi Bɛŋsima ŋɔsuui su. A pâi ŋánûai ŋuŋ ma ƃôi é díkula Felesia-ŋai yée mu. Ŋa ŋ̀wɛ̂lii í ɔle wulɔ pú ŋ̀ûa é nɛ́ a gɛ́ɛ ǹyaa ƃé pâi kɛ̂i a dílaa túɛ-nuu.”