Samuɛlə dɔlɔɔ 2:24 - Bible

²⁴ Ńônii, mɛni-ŋai Yâwɛɛ ŋɔnûai da môi é pîlaŋ kâai vé lɛ́lɛ ní.

Yálá laawoo hɛɓɛ (dc)

²⁴ Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.

Yálá laawoo hɛɓɛ

²⁴ Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.

Samuɛlə dɔlɔɔ 2:24 ပူးပေါင်းရင်းမြစ်များ

Tɔɔɓɛlaa dɔlɔɔ 15:26

È sɔnyɔ̂ŋ kɛ̀ Yâwɛɛ ŋɛ́i. È m̀ɛni-ŋai kɛ̀ yɛ̂ɛ berei nɔ́ ǹâŋ è kɛ̀ lai. È gɛ̀ Eezuɛ-ŋai dí pìlaŋ gɔ́ɔ pɔɔi.

Tɔɔɓɛlaa dɔlɔɔ 15:30

È gɛ̀ tí, kpɛ́ni fêi, Zɛroboaŋ è sɔnyɔ̂ŋ kɛ̀ Eezuɛ-ŋai dí pìlaŋ gɔ́ɔ pɔɔi.

Tɔɔɓɛlaa veelɛ 10:31

Kɛ́lɛ Zewu fé Yâwɛɛ, Eezuɛ Ŋɔɣâlai ŋɔtɔ̂ŋ-ŋai mɛi káa ní a ǹíi kélee é zeri góyaŋ ma. Mɛnii è gɛ̀i nya ƃa, vé bôlu tɔ̀ɔ-ni zɔnyɔ̂ŋ-ŋai dîa nyii-ŋai Zɛroboaŋ è gɛ̀ Eezuɛ-ŋai dí dí kɛi.

Lɛɛ gbɔwɔ ɓa 32:21

Nya ƃe Mose è mò Eelɔŋ ma ǹyɛɛi, “Lé ƃé ǹûai dí gɛ̀ a yá ǹyaa ƃa díkɛ, díkɛ sɔnyɔ̂ŋ kɛ́ɛ ŋí kɛi?”

Malasi 2:8

“Kɛ́lɛ káai a zâla láa soŋ-ƃelai ká siɣe bere sã́ai ma. Kásɛŋ-lɛ́ɛi a núu támaa kɛ́ da sɔnyɔ̂ŋ kɛ́. Ka m̀ɛnii kara ŋá gbɛ̀tɛ kámɛni mai.

Maafîu 18:7

Kpalo ƃélaâi ŋ̀éniɛi su-ƃelai dîa yee-laa-maa mɛni ma! Gáa a sɛŋ fɛ̂ɛ yee-laa-maa é pá, kɛ́lɛ, kpalo ƃélaâi ǹúui ma a pâ a nyee-laa-maai!

Gɛlaɠaa 6:3

M̀ɛni ma, ŋánûa, ka núu sã́a lɛ́lɛɛ lɔ́ɔlu mɛi feerɛ kɔ́ri kásama nyíi-ŋai dílaa fɛɛ a M̀ɔlêŋ da tarei, a gɛ́ɛ ku dítɔɔ mɛnii ŋí láa tuɛ.

Korɛntə veelɛ 6:8

a ƃaa kɛ́-maa da ƃaa-kula-maa, a mɛni lɛ́lɛɛ ƃoɔ e pîlaŋ kûa da mɛni nyɔ́mɔɔ ƃoɔ e pîlaŋ kûa; yɛ̂ɛ nuu-pɛlɛ-ƃela, berei máŋ kúkaa la a tɔ̃yâ-ƃelai;

Timote dɔlɔɔ 3:7

fɛ̂ɛ kili-ŋa-sia lɛ́lɛɛ é kɛ́ maa-nuui ti ŋɔkɔlɛ-ma-ƃelai dîa m̀ɛni ma, à wàla kɛ́ ti ǹáa nyɔ́mɔɔ a pâi siâi e píli Dɛ̂ƃele ŋa.

Piɛrə veelɛ 2:18

Kpɛ́ni fêi, díkɛ ƃoo-yoŋka têei nɔ́ a díwoo su kɛ́tɛi. Da nûa líi pene a núu ŋɔkɛ-pere-nyɔŋ maa-sɛŋ-wɛliɛi woli-kpɔlɔ-pere su. Diai da dílii pènei dia ƃa ǹûai da pú díkɛ kùla diai yêei da díɣeniɛi kɛ̀ pere-sii nyɔ́mɔɔ sui.

Zɔ̂ŋ Zaaƃai 1:12

Núu kélee è Demetiɔ maa-sere-faa lɛ́lɛɛ kɛ̀, dɔ̃yâi máŋ é m̀aa-sere-faa lɛ́lɛɛ kɛ́. Kú m̀aa-sere-faa lɛ́lɛɛ kɛ̀ máŋ, ǹyaŋ í gɔ́lɔŋ kúsêre-wooi káa a tɔ̃yâ.

M̀ɛni-lɛɛi 2:20

Kɛ́lɛ, ńdɔɔ̂i yâ nyíŋi mɛni ma, a gɛɛ í nɛnîi Zɛsebɛɛ lɛ̀ɛ naa, nyíi a gbîŋ tòli a Ɣâla ŋɔlóno-kɛ-nuu, gɛ̀ sɛŋ lɛ́ ńyee-mu-ƃelai dîa, gɛ̀ dílii kula a gɛɛ dí wulu-wulu-kɛɛ maa kɔ̂ri dí mii-sɛŋ mii nyíi da gùla a sâla ɣâla-pɔɔkɔ̂ŋ-ŋa diai.

Samuɛlə dɔlɔɔ 2:17

Ǹûai ŋí dísɔnyɔ̂ŋ su è kɛ̀tɛ Yâwɛɛ ŋɛ́i. Dí Yâwɛɛ ŋɔsama-sãai kɛ̀ a dínîa-pere.

Samuɛlə dɔlɔɔ 2:22

Ilai è kɛ̀ a bɔlɔɔ a ŋ̀ánaa gɛ́ m̀ɛni-ŋai mɛ̀ni ǹônii da kâa kɛ̀ gɛ̂i a Eezuɛ-ŋai. È m̀ɛni a gɛ́ɛ da kâa kɛ̀ nyiî a ǹɛyâai kɛ̀ tíi kɛ̂i Yâwɛɛ ŋɔpɛ́rɛi mui.

Samuɛlə dɔlɔɔ 2:23

È mò dîa ǹyɛɛi, “Ka mɛni-ŋai ŋí kɛ̂i lé mɛni ma? M̀ɛni nyɔ́mɔɔ-ŋai kélee ka gɛ̂i nûa da ƃôi ḿâ.