Samuɛlə dɔlɔɔ 18:14 - Bible

¹⁴ Yâwɛɛ è kpɔ̀ŋ Deeƃé ma. Deeƃé da ŋɔkɔ-kuluƃa-ŋai dí gɔ́i yée mɛi ɣàle.

Yálá laawoo hɛɓɛ (dc)

¹⁴ Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Yálá laawoo hɛɓɛ

¹⁴ Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Samuɛlə dɔlɔɔ 18:14 ပူးပေါင်းရင်းမြစ်များ

Zɛnɛse 39:23

Mɛni-ŋai kélee Zosɛ è kɛ̀ mɛi, gbini-pɛrɛ lá-nuui fé kɛ́ ní a gbáaŋɔɔ mɛ̀ni ma. Kpɛ́ni fêi, Yâwɛɛ è kɛ̀ Zosɛ pôlu. Mɛnii kélee è ǹyée pù zui, Yâwɛɛ è gɛ̀ é ƃûu ƃó.

Samia Veerɛi 5:10

Deeƃé ŋɔwála-walai su è kɛ̀ nɔ́ kɛ̂tɛi, kpɛ́ni fêi, Yâwɛɛ ŋ̀wála-wala kélee Ɣalai è kɛ̀ gɔlɛ.

Tɔɔɓɛlaa veelɛ 18:7

Yâwɛɛ è kpɔŋ-maa tɛ̀ɛ Ɛsekaya pɔ́. Mɛnii kélee è ǹyée pù zui, è ƃûu ƃò. È tɔ̀ɔ kpîŋ Asiria kaloŋ ma. Vé fáa ní ma a gɛɛ é kɛ́ a ǹyée mu-nuu.

Kɔlɔnikɔ Maa-ŋuŋ 18:13

È ƃûu pù naa gɔ-kuluƃa-ŋai maa mɛ̂ni ma. Idɔŋ-ŋai díkɛ̀ a Gâloŋ Deeƃé yée-mu ƃela. Ǹaa pôlu ma, Yâwɛɛ è gɛ̀ Deeƃé é ŋɔkpɔara-ƃelai kélee yée mɛi ɣále.

Kɔlɔnikɔ Maa-ŋuŋ 18:6

Deeƃé è ŋɔkɔ-kuluƃa-ŋai díƃûu-ŋai da-ni tɔ̀ɔ dílɔii su. Dí ǹaa-ƃela kɛ̀ a ǹyée mu-ƃela, díkɛ ŋuŋ fela-fei tɛ̀ɛ bɔ́. Yâwɛɛ è Deeƃé kɛ̀ é ŋɔkpɔara-ƃelai kélee yée mɛi ɣále.

Kɔlɔnikɔ Veerɛi 17:3

Ǹyaŋ Yâwɛɛ è wɔ́lɔ kɛ̀ Zeosafa pôlu kpɛ́ni fêi tãi è wɔ́lɔ ŋɔtíi kɔ́ɔ pìlaŋ lai, è wɔ́lɔ tùa yɛ̂ɛ berei ǹâŋ Deeƃé è wɔ́lɔ tùa lai. Vé wɔ́lɔ Bêe Ɣala-pɔkɔɔŋ fɛli ní.

Mąątɛ̨nɛ̨ 101:2

Yâwɛɛ, kpɔŋ ḿâ ŋá tɔ̃yâ mɛni kɛ́-pere kɔ́lɔŋ. Lé tãi ƃé ya pâi pâi la ḿbɔ naai? À kɛ̀ tí, ŋa pâi kɛ̂i tɔ̃yâ da teniŋ ƃô mɛni-ŋa kɛ̂i ŋápɛrɛi mu.

Maafîu 1:23

“Ka gáa, nɛnî-kpela tɔnɔ a pâi koo siɣêi é lóŋ-surɔŋ maa sɔlɔ ƃó, nyii da pâi dôlii a Imayuwɛ” (nyii su-kulai ƃa, Ɣâla káa kúkɔlɛ).

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Gɛlaɠaa 18:10

kpɛ́ni fêi, ŋ́gaa íkɔlɛ. Nùu da fa pɔ̂ri ísonîi e mɛni ŋánaa kɛ́ a yá; kpɛ́ni fêi, núu támaa káa ńyêei daai ŋí su.”

Zasua 6:27

Ǹyaŋ Yâwɛɛ è kɛ̀ Zasua kɔlɛ. Zasua maa tûŋ è tàa-taa ǹɔii tí gwaa kélee.

Nwun mąąɓo 1:19

Yâwɛɛ è tɔ̀ɔ ǹûai ŋí pôlu dí ǹyéei lɔii kélee sóŋ. Kɛ́lɛ dífe pɔri ní kɛ̀ diŋ-tiŋ su lɔii ma-ƃelai kpɛ̂i ǹɔii ma, kpɛ́ni fêi, kɔ́ kɔ́-keleŋ-ŋa díkɛ̀ díyêei nyii-ŋai kɛ̀ a gbɛtɛ́ɛ a kɔlii.

Samuɛlə dɔlɔɔ 10:7

M̀ɛni-ŋai ŋí da kɛ̀ a yá, ye m̀ɛnii kélee kɛ́ nyíi pâi kɛ̂i a ǹɛ́lɛɛ ímɛni mai. Ɣâla a pâi kpɔŋ ḿâa tɛɛ̂i ípɔ.

Samuɛlə dɔlɔɔ 16:18

Ŋɔtíi kɛ́-nuu kɛ́tɛi dɔnɔ è mò ma ǹyɛɛi, “Bɛpeleɣɛ̃ɛ nalôŋ tɔnɔ da káa naa da kɛ̀ Zɛse. Ǹóŋ-surɔŋ dɔnɔ a kɔnîŋ ɣale kpɔ́ a ǹɛ́lɛɛ. Gáa a kɔ-kuluƃa líi kpeliɛɛ, ǹɛ́lɛɛ kpɔ́ a ŋ̀ánaa. A lòno nûa pɔ́ a ǹɛ́lɛɛ. Yâwɛɛ káa bôlu.”

Samuɛlə dɔlɔɔ 18:15

Nyíŋi è gɛ̀ Sɔ̂ɔ é yao kpɔ́ Deeƃé ma a dámaa.

Samuɛlə dɔlɔɔ 19:8

Naa pôlu ma, kɔ́ è ŋɔ́nɔ tèe Felesia-ŋai loai. Deeƃé è kɔ̀ kpɔ́ a gbanaŋɔɔ é gɛ́ dí pú pôlu.

Samuɛlə dɔlɔɔ 3:19

Samia è ƃɔ̀lɔ Yâwɛɛ kɛ́ ƃò gɔlɛ ma. Vé wɔ́lɔ ǹɛɛ ní naa Samia wóo é tóo kpɛ́ni-kpɛni.