Samuɛlə dɔlɔɔ 17:47 - Bible

⁴⁷ Ǹûai kélee ƃɛ́i da pâi gɔ̂lɔnii a gɛ́ɛ Yâwɛɛ fa ŋɔnûai ŋuŋ-ma ƃò a ƃóa-sɔ̂kpɔ da kpála. A wɔ́lɔ ŋɔkɔ́-ŋai kélee kɔ̀ nɔ́ a ŋɔwála-walai. A pâi kpɔnîi kûa kú káyee mɛi ɣále.

Yálá laawoo hɛɓɛ (dc)

⁴⁷ Nu kpului kpɔ buɔ ŋɛ̨i, gəlee kaa pai laai na, diɛ kɛ ɓɔwa da kpala hvəi Yai-Laa a kɔ́ nɛ̨ɛ̨ la nu ɓa, kɛlaa Yai-Laa ɓə a kɔ́ nąmu, yaa tii ɓə pai ka lɔi ku yee ɲą.»

Yálá laawoo hɛɓɛ

⁴⁷ Nu kpului kpɔ buɔ ŋɛ̨i, gəlee kaa pai laai na, diɛ kɛ ɓɔwa da kpala hvəi Yai-Laa a kɔ́ nɛ̨ɛ̨ la nu ɓa, kɛlaa Yai-Laa ɓə a kɔ́ nąmu, yaa tii ɓə pai ka lɔi ku yee ɲą.»

Samuɛlə dɔlɔɔ 17:47 ပူးပေါင်းရင်းမြစ်များ

Tɔɔɓɛlaa veelɛ 5:15

Da ŋɔnûai dí lène pôlu Ilasa pɔ́naa ŋɔpɛ́rɛi lá. È tɔ̀ɔ ŋɛ́i ǹyɛɛ mai, “Ŋa nâa gɔ́lɔŋ a gɛɛ Ɣâla da kpɛ́ni fé ɣele mâ é kúla Eezuɛ lɔii Ŋɔɣâlai pôlu. Kpera yɛ̂, íyee sée zama-sãai ŋí mu é kúla íyee-mu-nuui yêei.”

Kɔlɔnikɔ Veerɛi 14:11

Gɛ́ɛ tí, Asa è Ŋɔɣâlai Yâwɛɛ tòli ǹyɛɛi, “Yâwɛɛ, núu da fé naa gɛ́ tùa yɛ̂ɛ yá, gɛ́ kpɔŋ mâaa tɛ̀ɛ diai pɔ́ pɔri maa fé díyêei a gɛ́ɛ é kɔ́ ŋ̀wála-wala-ƃelai pɔ. Kpɔŋ kûa, Óo Yâwɛɛ Kúɣâlai, kpɛ́ni fêi yá nɔ́ ƃé kúkili káa yâ, ǹyaŋ kú pà a gɛ́ɛ kúkɔ gɔ́kuluƃa kpulu kɛ́tɛi ŋí pɔ́ ílaai su. Óo Yâwɛɛ, yá nɔ́ ƃa Kúɣâlai, ífe nɛ̀ɛ naa núu-kpune láa é tɛ́ɛ yâ.”

Mąątɛ̨nɛ̨ 46:11

Ŋ̀wála-wâla kélee Yâwɛɛi káa kúkɔlɛ ma. Zeeka Ŋɔɣâlai ƃa kúŋuŋ ma ƃó-nuui.

Azaya 9:7

Ŋɔwála-walai kóyaŋ fé pâi wɔ́lɔ kɛ̂i ma. Lii-sêe a pâi wɔ́lɔ kɛ̂i nɔ́ ŋɔkâloŋ-laai su. Ǹyaa ƃé pâi kɛ̂i Gâloŋ Deeƃé pɔ́ɔ ŋá a kâloŋ. Wôya mɛni da kélee fé pâi kɛ̂i ŋɔkâloŋ-laai su wɔ́lɔ-wɔlɔ da wɔ́lɔ-wɔlɔ. Ǹyaŋ Ŋ̀wála-wâla Kélee Yâwɛɛ ƃé pâi m̀ɛni-ŋai ŋí kélee kɛ̂i dí kɛ́.

Osia 1:7

Kɛ́lɛ ŋa pâi Zuda ŋɔnûai malôŋ kâai. Ŋa pâi díkula-yêei kɛ̂i Ńyãai a Yâwɛɛ Díɣâlai. Fé pâi díkula yêei kɛ̂i a kerâŋ, ƃóa-sɔ̂kpɔ, kɔ́kɔ-soo-ŋa, kpaa máŋ a soo-kɔ kɔ́-ƃela.”

Zakari 4:6

Ŋ̀óoi Yâwɛɛ è mò Zɛrubabɛɛ mai ǹyaa ká ŋí: “Kɔ́kɔ-sãa díwala-wâla-laai kpaa máŋ íwala-wâla-laai fêi, kɛ́lɛ ŋá-mɔ̂leŋ sârai ƃé ƃa pâi nyee-tɛɛ-maai sɔlɔ ƃôi la.

Lomaŋ 8:31

Lé ŋaŋ ƃe kwa pâi m̀ôi e pîlaŋ nyíŋi ma? À kɛ̀ Ɣâla káa kúmɛni ma, gɛ̀ ní gbɛ̂ɛ ƃe dɔɔ̂i kûa?

Lomaŋ 8:37

Kpao, nyíi-ŋai kélee su kútɛɛ̂i yee-tɛɛ maa-ƃela dîa kúwɛli-kɛ-maa-nuui sârai.

Zasua 10:8

Zasua-ni dí lɛ́ɛ pâi liî, Yâwɛɛ è m̀o ma ǹyɛɛ, “Ífe yao Amɔra-ŋai dîa, kpɛ́ni fêi, ŋa díkelee dítɛɛ ípɔ. Dítɔnɔ kpîŋ fé pâi pɔrîi tɔɔ̂i íŋɛ́i.”

Samuɛlə dɔlɔɔ 14:6

Nya ƃe Zonetaŋ è mò ŋɔkɔ́ kɔ́-sãa siɣe-nuui ma ǹyɛɛi, “Pá kú lí Felesia-ŋai ŋí dífe kpɛtɛ níi díƃûui su. Ɣele da Yâwɛɛ a pâi kpɔŋ ḿâa tɛɛ̂i kúpɔ. À kɛ̀ à gɛ̀ tí, gɛ̀ ní sɛŋ da fa pɔri kúkperai díyee mɛi ɣále mɛni ma kûɛ, a nɛ̀ɛ ma kpîŋ kúfe kɛ̀ a kútamaa.”

Samuɛlə dɔlɔɔ 18:17

Ɣele tɔnɔ da Sɔ̂ɔ è mò Deeƃé ma ǹyɛɛi, “À kɛ̀ ƃa kɛ̀ a ílii kpeliɛɛ, í Yâwɛɛ ŋɔkɔ́i kɔ́ mì, ŋa pâi ńoŋ nɛni kɛ́tɛi Mela tɛɛ̂i ípɔ a ínɛnî.” Kɛ́lɛ Sɔ̂ɔ è kɛ̀ gíli ŋá siâi ǹyɛɛi, “Ḿve ŋ̀wɛ̂lii a gɛ́ɛ ńyãa kpîŋ ŋá Deeƃé páa. M̀ɛni ma, ŋa pâi ǹɛɛ̂i naa Felesia-ŋai dí baa.”