Samuɛlə dɔlɔɔ 14:36 - Bible

³⁶ Sɔ̂ɔ è mò ǹûai dîa ǹyɛɛi, “Gbínii a pɛ̀lɛ, kwaa lí kwaa pɛ́lɛ Felesia-ŋai dîa. Kwa pɔri kɔ̂i dípɔ gbínii su kú díkelee páa kú díkɔ̃liŋ kélee síɣe kûɛ.” Ǹûai dîyɛɛ m̀ai, “M̀ɛnii kélee ǹɛ̂lɛɛi a ínîai, kwa pâi gɛ̂i.” Zâla láa soŋ-nuui Aiza è mò dîa ǹyɛɛi, “Ka tɔɔ kú Ɣâla marê kɛ́ é m̀ɛnii kûa kwa pɔri gɛ̂i.”

Yálá laawoo hɛɓɛ (dc)

³⁶ Saulə yɛ diɛ: «Ka gu hvilɛn Filisti nuą pulu gbinįi ŋɛ̨i hu, ka gu lɛɛ di paai, ə lɛɛ la ɉu yələ ə ɓɔ, gu hvo da lɔpee lɛɛ a vulú.» Diɛ mą: «Yii lɔpee a nɛɛ yɛ́, gɛ.» Ɉaláá kulɔ mun yɛ diɛ: «Ka gu lɛɠɛ ɓɛ Yálá ɓa.»

Yálá laawoo hɛɓɛ

³⁶ Saulə yɛ diɛ: «Ka gu hvilɛn Filisti nuą pulu gbinįi ŋɛ̨i hu, ka gu lɛɛ di paai, ə lɛɛ la ɉu yələ ə ɓɔ, gu hvo da lɔpee lɛɛ a vulú.» Diɛ mą: «Yii lɔpee a nɛɛ yɛ́, gɛ.» Ɉaláá kulɔ mun yɛ diɛ: «Ka gu lɛɠɛ ɓɛ Yálá ɓa.»

Samuɛlə dɔlɔɔ 14:36 ပူးပေါင်းရင်းမြစ်များ

Mąątɛ̨nɛ̨ 73:28

Kɛ́lɛ à kɛ̀ à ńyãa, ǹɛ̂lɛɛi núu kɛ́ ƃò a ǹɛɣɛɛ a Ɣâla. Ŋa Ǹuu-namui Yâwɛɛ siɣe a ḿaa kɔ̃ɔ-nuu. Ŋa pâi kɛ̂i gɛ́ mɛni kpaya-kpayai maa mɛ̂ni ƃôi.

Azaya 58:2

Da ḿvɛ̀li a ɣele kélee, díkɛ m̀o a gɛ́ɛ da ŋ̀wɛ̂lii kpɔ́ dí ŋásɛŋ lɛ́ɛi kɔ́lɔŋ, dí sía a ŋátɔ̂ŋ-ŋai wóo yɛ̂ɛ ǹyaa ƃé díkaa a teniŋ ƃô lɔii-ŋuŋ-ŋa nyíi-ŋai dífe tá díyee kùla ní ŋátɔ̂ŋ-ŋai mui. Da m̀ôi a gɛ́ɛ da ŋ̀wɛ̂lii ŋá tɔ̃yâ tɔŋ-ŋa tɛɛ dípɔ a gɛ́ɛ da kɛ̀ ḿvɛlîi, díkɛ gɛ̀ a lii-nɛ̃̂ɛ pere.”

Ɉeremi 6:5

Í mu siɣe kú pɛ́lɛ m̀a a gbínii, kú ŋɔkâloŋ-pɛrɛ-ŋai su kara.”

Malasi 2:7

Gáa a zâla-láa soŋ-ƃelai dítii a gɛɛ dí tɔ̃yâ-mɛni lɛ́ é pîlaŋ Ɣâla ma. Ǹɛ̂lɛɛi ǹûa dí lí dípɔ a gɛɛ dí mɛni maa kɔ́ri é pîlaŋ ńîa-mɛnii ma kpɛ́ni fêi, dia ƃé díkaa a Ŋ̀wála-wâla kélee Ɣalai ŋɔkéla-ŋa.

Lonon mo 27:21

A pâi gíli kɛ̂i zâla láa-soŋ-nuui Ilieza ma nyii pâi ínîa-mɛnii maa kɔ̂rii Uliŋ da Tumiŋ sârai. Berei sîi ŋí ƃé Ilieza a pâi Zasua téniŋ tɔɔ̂i la da Eezuɛ-ŋai kélee dítii maa-mɛni kélee su.”

Zĩi 4:8

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋá kɔ́lɛ̂i.

Zasua 10:19

Kɛ́lɛ káa kpîŋ káfe lɛ̀ɛ tɔɔni naa. Ka kákpɔara-ƃelai kpɛ́ ká dímaa tíyeŋ. Káfe ǹɛɛ naa dí tɛ́ dítaa lêe-ŋai su, kpɛ́ni fêi, Káɣâlai Yâwɛɛ a dítɛɛ kápɔ.”

Zasua 11:14

Zãa sɔ̃ɔ kpanaŋɔɔ-ŋai da daa-tûlɛ-ŋai kɛ̀ daa lêe-ŋai tí sui, Eezuɛ-ŋai dí gélee siɣe a dípɔɔ. Kɛ́lɛ dí vúlu sãai kélee pàa kɛ̀ naai, dítɔnɔ kpîŋ fé lɛ̀ɛ ní.

Samuɛlə dɔlɔɔ 1:23

Ŋɔurɔ̂ŋ ǹyɛɛ m̀ai, “M̀ɛnii kɛ́ í lâai-la ǹɛ̂lɛɛi. Maa-kpɛŋ kɛ́ ǹolôŋ lá é kúla ŋíni ma. Yâwɛɛ é gɛ́ é gɛ́ í íkono-tee ŋ̀aa-see kɛ́ ǹyêei.” Ana è lɛ̀ɛ naa é lɛ́ɛ la zu ǹolôŋ lá é kúla ŋíni ma.

Samuɛlə dɔlɔɔ 11:11

Bôlu ma ɣelei, Sɔ̂ɔ è ŋɔkɔ́ kɔ́-ƃelai ŋáa kɔlɛ gîei saaƃa. Dí pɛ̀lɛ ǹûai dîa ɣele é lɛ́ɛ pâi ƃɔ̂i. Dí pɛ̀lɛ Amɔŋ-ŋai paâi é lɛ́ɛ la zu vóloi maa é láa. Amɔŋ-ŋai gbulu loŋ nɔ́ ƃé pù. Kɛ́lɛ díkɛ̀ a dítaa-taa díkɛ̂i kôya díkîe-ni dîa.

Samuɛlə dɔlɔɔ 14:3

Aiza ƃé kɛ̀ a zâla-laa soŋ-nuui-láa soŋ-nuui. Ŋɔtíi-ŋai dɔnɔ ƃé kɛ̀ gɛ́ Yâwɛɛ wóo su-kula Sɔ̂ɔ ma. Aiza è kɛ̀ a Ikaƃɔ ǹîa nyíi kɛ̀ a Aitɔ ǹóŋ. Aitɔ ǹâŋ láa ƃé kɛ̀ a Feniɣa. Feniɣa ǹyaŋ è kɛ̀ a Ilai ǹóŋ. Ilai ƃé kɛ̀ a Yâwɛɛ ŋɔsâla-laa soŋ-nuui Silo. Ǹûai dífe kɛ́ ní a gɔ́lɔŋɔɔ a gɛ́ɛ Zonetaŋ da ŋɔkɔ́ kɔ́-sãa siɣe-nuui da díloo da lí.