Samuɛlə dɔlɔɔ 12:22 - Bible

²² Ǹuu-namui a kásiɣe zu a ŋɔnûa. A pâi kámɛi kâai a tãi kélee a gɛ́ɛ ǹûai dí ŋɔkɛ́tɛ-laai kâai.

Yálá laawoo hɛɓɛ (dc)

²² Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Yálá laawoo hɛɓɛ

²² Mąąhɔlɔɓo, Yai-Laa hvo pai ɲee kulɔi nwɔ nu huwui mu, gbala ə tɔɔ, naa kɛnɛ̨i. Ɛlɛɛ, ə nɛ̨ɛ̨ a Yai-Laa lii, ə ka kɛ a nwɔ nu huwu.

Samuɛlə dɔlɔɔ 12:22 ပူးပေါင်းရင်းမြစ်များ

Tɔɔɓɛlaa dɔlɔɔ 6:13

Ŋa pâi kɛ̂i Eezuɛ-ŋai sáma, ǹyaŋ fé pâi mbôlu fêi ŋánûai Eezuɛ mì.”

Tɔɔɓɛlaa dɔlɔɔ 8:57

Yâwɛɛ Kúɣâlai é kɛ́ kúkɔlɛ ma yɛ̂ɛ berei è wɔ́lɔ kɛ̀ la kúnâŋ pɔlɔ-ŋai kɔlɛ mai. É gɛ́ vé tèe kûa kpaa é ǹyée kúla kúmu.

Tɔɔɓɛlaa veelɛ 14:27

Nyíi nɔ́ Yâwɛɛ è wɔ́lɔ góno tèe a gɛɛ vé pâi Eezuɛ-ŋai kélee su karâi ŋ̀éniɛi sui, è kpɔŋ maa tɛ̀ɛ Zoai ǹóŋ Zɛroboaŋ pɔ́ é díŋuŋ ma ƃó.

Tɔɔɓɛlaa veelɛ 21:14

Ŋa pâi ńyãa fêi kpîŋ ŋánûai dîɛ nyii-ŋai pâi lɛɛ̂i a dífulu. Ŋa pâi dí tɛɛ̂i díkpɔara-ƃelai pɔ́ nyii-ŋai pâi díyee mɛi ɣâlei dí dílɔii su sãa kélee síɣe.

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípolu tɔɔ m̀a, a pâi ípilii kpɔ́ wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Veerɛi 15:2

Nya ƃe Azaria è lì é mó Asa da Zuda-ƃelai é pɛ́lɛ Bɛŋsimaŋ ŋɔsuui su-ƃelai kélee dîa ǹyɛɛi, “Ka ŋ́oo mɛ́ni. Yâwɛɛ káa kápôlu à kɛ̀ kà kɛ̀ bôlu. À kɛ̀ ka vɛli, ka pâi gâai. Kɛ́lɛ à kɛ̀ ka káyee kùla mu, a pâi ǹyée kulâi ká mu.

Nehemi 9:17

M̀ɛni-ŋai kélee í mò dîai, dí díyee kùla mù. Zûgbɛlɛ-gbɛlɛ mɛni-ŋai da ŋ̀ɛi kɛ́-maa-ŋai í gɛ̀ díŋɛi Ize lɔii sui, dí nìa gélee ma. Dí kɛ̀ a dí wôlii kpɔ́lɔɔ. Dí dí dílaa túɛ-nuu lɛ̀ a gɛɛ é lí a dia pôlu luɛ-laai su Ize lɔii su. Kɛ́lɛ íkaa a su-mɛni lɛ̂ɛ Ɣala. Maloŋ kâa támaa káa íyêei. Ífa ílii ŋwàna a maa félaa. Í wɛli-kɛ-maai su kɛ̂tɛi. M̀ɛnii ŋí ƃé gɛ̀, ífe íyee kula ní dímu.

Mąątɛ̨nɛ̨ 106:8

Kɛ́lɛ è díŋuŋ maa ƃò yɛ̂ɛ berei è góno tèe lai, a gɛɛ é ŋɔwála-walai lɛ́ dîa.

Mąątɛ̨nɛ̨ 94:14

Yâwɛɛ fé pâi ǹyée kulâi ŋɔnûai mu. Vé pâi ǹyée kulâi diai mu díkaa a bɔ́ɔi.

Lɛɛ gbɔwɔ ɓa 32:12

Ƃà nyíŋi kɛ̀, gɛ̀ ní Ize-ŋai da pâi môi a gɛɛ í díkùla Ize a gɛɛ í pá a dia ǹyéei ma í díŋuŋ la píli naa. Ílii maa fáleŋ í ílii ŋáa yéŋ. Ífe pà a mɛni-kpɔlui ŋí ínûai pɔ́.

Azaya 37:35

Ŋa pâi daa-lêei ŋí maa-kɔ̃ɔ̂i, ŋá ŋuŋ-ma ƃó ŋ́gbîŋ mɛni ma da góno têei ŋá gɛ̀ ńyee-mu-nuui Deeƃé yêei.’ ”

Azaya 41:17

“Kpele-wɛ̂li a gôlo-ƃelai da ǹuu doo-mu-ƃelai sòŋ, yá fé naa a gɛ́ɛ dí díkpele la, gɛ̀ ní, ńyãa Eezuɛ Ɣalai, ŋa pâi dífɛli-wôoi mɛnîi, ŋá yá tɛ́ɛ dípɔ. Fé pâi wɔ́lɔ ńyee kulâi dímu.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 43:25

Ŋ́gaa a Ɣâla. Ńyãa ƃa núu su-mɛni lɛ̀ɛ. Ŋa gɛ̀ tí, kpɛ́ni fêi, ŋ́gaa a ńyãa Ɣâla. Ŋa pâi ísu-mɛni lɛɛ̂i zɔnyɔ̂ŋ-ŋai ya gɛ́i m̀ɛni ma.

Azaya 43:7

Díkaa a ŋánûa. Ŋá díkpɛ̀tɛ a gɛ́ɛ díkɛ laa maa tɛ̂ tɛ̀ɛ ḿbɔ.”

Azaya 48:11

M̀ɛni-ŋai ŋa gɛ̂i, ŋa gɛ̂i ńaai mɛni ma. Fé pâi ǹɛɛ̂i naa ƃâa é kúla ḿâ. Fé pâi ǹɛɛ̂i naa kwa núu da kú kpɔ́ŋ ŋáfolo-laai ma. Ŋáfolo-laai káa nɔ́ a ńyãa tɔnɔ ḿbɔɔ.”

Azaya 49:15

Nya ƃe Yâwɛɛ è díwoo su tòo ǹyɛɛ dîai, “Lóŋ-lee da a ǹîa ǹóŋ ma nyii è ŋíni tòo ǹái? À kɛ̀ kpîŋ nɛnî da a pɔ̂ri gɛ̂i tí a ǹóŋ, fé pâi gɛ̂i tí a káa.

Azaya 63:8

Yâwɛɛ è m̀o ǹyɛɛi, “Díkaa a ŋánûa, dífe pâi ḿbɛlɛ̂i.” M̀ɛni ma, è díŋuŋ mâ ƃò,

Ɉeremi 14:21

Íkili-ŋa sía íkono têe-ŋai mɛ̂ni ma. Ífe ípôlu tɔ̀ɔ kûa. Ífe ƃâa kula íkâloŋ see-sɛŋ maa-waai ma. Íkpanaŋ-wooi í gɛ̀ kúyêei, gíli é lɛ́ɛ íŋa, ífe gàra.

Ɉeremi 14:7

Ŋánûai díwɔ̀lɔ dîyɛɛi, ‘Berei kúsɔnyɔ̂ŋ-ŋai da kú lɛ́ lai, Yâwɛɛ, ye kpɔŋ kûa a gɛɛ ǹûai dí kɛ́tɛ-laai káa. Tãi támaa yée-mu, kwa kú pôlu tɔɔ yâ, kú sɔnyɔ̂ŋ kɛ́ a yá.

Ɉeremi 14:9

Lé mɛni ƃé íkaa la yɛ̂ɛ núu ƃé mɛni a kulâi lai, yɛ̂ɛ kɔ-kuluƃa ƃé pɔri fé mì a gɛɛ é kpɔŋ núu mai? Tɔ̃yâ ma, Yâwɛɛ, íkaa kú kɔlɛ ma. Kúkaa a ínûa. Ífe ípôlu tɔ̀ɔ kûa.’ ”

Woolaa 5:20

Í nìa kûa a tãi su kôyaa lé mɛni ma? Kúmaa mɛ̂ni kíli a pâi ŋɔ́nɔ kɛ̂i íŋa?

Izikiɛ 20:14

Kɛ́lɛ ḿve gɛ ni ti a gɛɛ ḿva la ƃâa kula lá ǹáa ma ǹɔii-ŋuŋ ŋai ŋ́ɛi nyii-ŋai ŋ̀gâa ŋ̀gɛ dí kula Ize lɔii sui.

Izikiɛ 20:9

Kɛ́lɛ ḿvé gɛ ni tí. Kpɛ́ni fêi ḿve kɛ́ ni ŋ̀wɛ́li a gɛɛ ŋá ǹáa kara ǹɔii ŋuŋ ŋai ŋ̀ɛi nyii ŋai díkɛ dísamai. Ǹûai ŋí ŋɛ́i ƃe ŋá ŋgono tee naa a gɛɛ ŋa pâi dí kulâi Ize lɔii su.

Malasi 1:2

Yâwɛɛ è mò ŋɔnûai dîa ǹyɛɛi, “Ŋá káwɛlini a tãi kélee.” Kɛ́lɛ dí zu tòo dîyɛɛi, “Ya íwɛli kɛ́ maa lɛ́ léŋ kûa?” Yâwɛɛ è zu tòo ǹyɛɛi “Isɔɔ da Zeeka dí kɛ̀ a lee-kaa tɔnɔ, kɛ́lɛ ŋá Zeeka wɛ́lini da ŋɔkáayɔɔ-ŋai

Maafîu 11:26

Ooei, Ńâŋ, kpɛ́ni fêi, nyíti è kɛ̀ a ínîa-mɛni lɛ́lɛɛ.

Ɉaan 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Lomaŋ 11:1

Gɛ̀ ní ŋa mare-kɛɛ kɛ̂i. Ɣâla a bôlu tɔɔ ŋɔnûai dîa? Ve ti a dɔnɔ kpîŋ! Ńyãa kpîŋ ŋ́gaa a Eezuɛ-nuu, ŋ́gɛ ƃo a Eberaɣɛ̃ɛ ŋɔsuui su-nuui da, ŋ́gɛ ƃo ŋɔ́nɔ a Bɛŋsima ŋɔsii da.

Lomaŋ 11:29

Kpɛ́ni fêi, Ɣâla fa ŋɔsama-sãai da ŋɔtólii siɣe pôlu.

Korɛntə dɔlɔɔ 4:7

Kpɛ́ni fêi, gbɛ̂ɛ ƃa mɛni da kàa íkponôi a dee núu da kpɛni ma? Le sɛŋ ƃe gáa íyeêi ífe zɔlɔ ƃo ni? À kɛ̀ ǹyaŋ í zɔlɔ ƃo, íkaa yoŋka teêi lé mɛni ma yɛ̂ɛ nya ƃe ve kɛ́ ni a sama-sɛŋ?

Ifisiɛŋ 1:12

A gbɛtɛ gíli ŋá a gɛ́ɛ kúai kili-kɛ-zu è kɛ̀ kúyêei Kôrai kponôi a maa-ŋuŋ ku pá a laa-maa-tɛ ŋɔfólo-laai pɔ.

Ifisiɛŋ 1:6

a gɛ́ɛ ku ŋɔfólo-laa ƃɛlɛ-sêei maa tɛ́, nyíi e dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Dutɛrɔnome 14:2

Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 31:17

Da gɛ̀ tí ŋa pâi ńii ŋwânai dîa ŋá ńyee kúla dímu, ŋá ŋ́ɛi sée dîa, ŋá mɛni-kpɔ̂lu ŋánaa láa dîa dí su é kàra. Da pâi díkîe-ni marê kɛ̂i dîyɛɛi, ‘Kúɣâlai fé kúkɔlɛ ƃé m̀ɛni-ŋai ŋí da kɛ̂i la a kúai?’

Dutɛrɔnome 31:6

Ka kálii kpéle ká kɛ́ yɛ̂ɛ kpakolo-ŋa. Káfe yào ká kɛ́ kpɛ̃liŋ. Káɣâlai Yâwɛɛ a pâi kɛ̂i kátuɛ. Vé pâi teêi kâa kpaa máŋ é kámaa sîa too.”

Dutɛrɔnome 31:8

Yáawɛ ǹyaa kpîŋ a pâi kɛ̂i kátuɛ. Vé pâi wɔ́lɔ teêi kâa kpaa é nia kâa. Káfe yào, kálii fé tòo pôlu.”

Dutɛrɔnome 7:6

Kákaa a núu maa waa-ŋa Yâwɛɛ mɛni ma. Káa ƃé a kásiɣe zu a gɛɛ ká kɛ́ a ŋɔnuui gbîŋ-ŋa ɣele ma.

Dutɛrɔnome 9:5

Kátenîŋ-ƃô laai da kátûa sɔŋ-lɛ́lɛɛi mɛni fé Yâwɛɛ a ǹɔii ŋí tɛ̂ɛi la kápɔ. A díkpɛ̂i káŋɛi-tuɛ dítûa-pere yɔŋ mɛ́ni ma. A tela gɛ̂i tí a gɛɛ é ŋɔkono-teei ŋaa-see kɛ́ nyii è gɛ̀ kánâŋ-ni, Eberaɣɛ̃ɛ, Aise da Zeeka díyêei.

Filipə 1:6

Ńaâi kpɔ́ la a gɛ́ɛ ǹúui tíi lɛ́lɛɛ kɔ́ɔ pîlaŋ kákponôi a pâi ǹáa kulâi a Zîsɛ Kôrai pa-tãi.

Hebreu 13:5

Sɛŋ-kao-wɛli fé kɛ̀ káa káfulu-laai su. Zɛŋ nyíi gáa káyêei, kálii é láa mɛni ma. Kpɛ́ni fêi, Ɣâla è mò, nyɛɛi, “Fé pâi wɔ́lɔ têei yâ, kpaa máŋ fé pâi ńyee kulâi ímu.”

Zasua 7:9

À kɛ̀ tí, Keena-ŋai da ǹûai kélee ǹɔii sui da pâi mɛnîi. Gɛ̀ ní da pâi tînanii kûa dí kúpaa. À kɛ̀ tí, gɛ̀ ní ílaa kɛ́tɛi ŋí fé pâi karâi?”

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.