Piɛrə dɔlɔɔ 5:8 - Bible

⁸ Káŋuŋ-su é kɛ́ a zéɣeŋɔɔ, ká kámɛi káa. Dɛ̂ƃele nyíi gáa a kákpɔara-nuui gáa tɛɛ-tɛɛ̂i yɛ̂ɛ yala-sulu ƃe kpéɣêi gɛ núu kɔ̂ri m̀ii mɛni ma.

Yálá laawoo hɛɓɛ (dc)

⁸ 'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Yálá laawoo hɛɓɛ

⁸ 'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Piɛrə dɔlɔɔ 5:8 ပူးပေါင်းရင်းမြစ်များ

Ɛstɛrə 7:6

Ɛtɛ è ŋ̀óo su tòo ǹyɛɛ mai, “Emaŋ nalôŋ ŋí ƃe. Gáa a kúmaa wûlu-nuu, kúkpɔara-nuu da kúmaa nɔ̃́ɔ-nuu.” Emaŋ è gâloŋ da Ɛtɛ dí ŋɛ́i kàa kpɔ́ sĩ́i é yao kpɔ́ a ŋánaa.

Zôo 2:2

Nya ƃe Yâwɛɛ è m̀arê kɛ̀ ǹyɛɛ mai, “Mí ƃé ya kulâi naai?” Sêtɔŋ è Yâwɛɛ wóo su tòo ǹyɛɛ mai, “Ńgaa nɔ́ sia-siai, ŋ́gɛ tɛ̀ ŋ́gɛ yèŋ ǹɔii gwaa kélee ma.”

Mąątɛ̨nɛ̨ 104:21

Ǹyala-sulu-ŋai da kɛ̀ díkɔnɔŋ kɔ̂rii, da kɛ̂ kpêɣei, díkɔnɔŋ nyii Ɣâla è dɛ̀ɛ dímɛni mai.

Mąątɛ̨nɛ̨ 109:6

Wôya mɛni saa ƃó-nuu tɛɛ é ŋ́gbɔara-nuui ŋɔmɛnii ŋá tée. Tɔɔ gbɔara-ƃelai dɔnɔ é mɛni lɛ́ɛ m̀a

Hanwon 19:12

Kâloŋ ŋɔlii-ŋwana káa yɛ̂ɛ yala-sulu kpéɣe-woo, kɛ́lɛ à kɛ̀ ǹíi lâai íyêei, gáa yɛ̂ɛ lúu a pù sí-sɛŋ ma.

Hanwon 20:2

Kâloŋ ŋɔlii-ŋwana káa yɛ̂ɛ yala-sulu kpéɣe-woo. Ƃà ǹíi ŋwàna, ƃa íkpîŋ ŋuŋ lá píli.

Hanwon 28:15

Ŋwana-lɔɔ kaloŋ nyii gáa gôlo-ƃelai mɛi, gáa yɛ̂ɛ yala-sulu kpeɣeɛɛ kpaa máŋ ditala nyii puru káa mai.

Azaya 50:8

ŋ́uŋ ma ƃó-nuui káa ŋ́gɔlɛ. Gbɛ̂ɛ ƃa pɔ̂ri kɔ̂i ḿbɔi? M̀aa nuui é m̀u-siɣe wɛ̂ é tɔ́ɔ, kwa ǹyaa kú lí mɛni-saa ƃó-pɛrɛ lá, é ńzɔŋ ƃó.

Ɉeremi 2:15

Eezuɛ ŋɔkpɔara-ƃelai da kpêɣei mɛi yɛ̂ɛ yala-sulu. Da kpêɣei kpɔ́ m̀ɛi a díwoo su kɛ́tɛ. Ŋɔlɔii a lɛɛ a vólo, da naa kélee kéreŋ, naa lɛɛ a pîleŋ ŋá.

Ɉeremi 51:38

Babelɔŋ-ƃelai da pâi kpêɣei yɛ̂ɛ yala-sulu, dí kɔ̃ɔŋ su-woo kɛ́ tɛ̀ yɛ̂ɛ yala-sulu lònii.

Izikiɛ 19:7

È dítaa-ŋai wólo nyii ŋai kɛ́ a dímaa tinaŋɔɔi, é dílɛɛ a pileŋ ŋa. É ǹɔii su ƃelai maa yao a tãi a kâa kɛ kpeɣei lai.

Izikiɛ 22:25

Eezuɛ laa-tuɛ ƃelai díkaa yɛ̂ɛ yala-sulu ƃe kpeɣei gɛ gɔnɔŋ fala-fala. Da ǹûai dífulu laai su kara. Da dísɛŋ-kaoi da dí kɔ̃lîŋ kélee siɣe. Da nɛnî támaa kɛ́ da lɛɛ a pɔɔ-nɛnî Zerusâlɛŋ.

Danîa 6:24

Gâloŋ è mò a gɛɛ diai kélee pà a Danîa sɔŋ, dí dípili ǹyala-sului loai su, da dínɛyâai é pɛ́lɛ dílônii dîa. Dí díkelee pìli naa. Dí piliɛɛ ǹóai sui, dí lɛ́ɛ pâi serîi ǹóai kpɔ́ŋ ma, ǹyala-sulu-ŋai dí dísu tée-tee a gbua-kpua.

Osia 11:10

“Da pâi pîlanii ḿbôlu ńyãa Yâwɛɛ. Ŋa pâi kpêɣei yɛ̂ɛ yala-sulu. Oweei, ŋa pâi kpêɣei, ǹyaŋ ńônii da pâi kɛ̂i kpɛ̃linii dí kɛ́ kùla vóloi liî-pere.

Osia 13:8

Ŋa pâi pɛlɛ̂i dîa yɛ̂ɛ berei ditala a pɛ̂lɛ la sɛŋ da ma nyii a ǹônii siɣei. Ŋa pâi dísu-tee-têei ŋá dímii yɛ̂ɛ yala-sulu.

Zooɛ 3:16

Yâwɛɛ wóo káa tɛ̂i Zãiyɔŋ Yeei ma. Ŋ̀óo kɛ́ kùla Zerusâlɛŋ, ŋ̀ele-kɔlɔŋ da ǹɔii díkɛ kpɛ̃lîŋ. Kɛ́lɛ Yâwɛɛ káa a ŋɔnûai mɛi káa-nuu, dɔɔ̂i kpanaŋɔɔ ŋɔnûai Eezuɛ-ŋai mɛni ma.

Amɔsə 1:2

Emɔ è mò ǹyɛɛi, “Kúnuu-namui kpéɣe-woo è kùla Zãiyɔŋ, ŋ̀óo é kúla Zerusâlɛŋ. Ǹyaŋ gala ŋûnu lɔii a pâi wɔ̂lɔi, Kamɛɛ Yeei tôŋ é kpála.”

Amɔsə 3:4

Yala-sulu a pɔ̂ri kpêɣei wolâi, à kɛ̀ vé niî sua soŋ ní? Yala-sulu-loŋ wóo a tɛ̂ kpɛ́ni, à wàla seŋ da soŋ?

Amɔsə 3:8

Yala-sului a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Zakari 11:3

Ka ǹúu-mɛi-ƃela wɔ́lɔ-wôo mɛni, kpɛ́ni fêi, dínîa kɛ̂i su a kara!

Zakari 3:1

Yâwɛɛ è zâla láa-soŋ-nuu kɛ́tɛi Zasua lɛ̀ ḿâ. È kɛ̀ tɔɔ̂ni Ŋ̀âla-taa-kelai kɔlɛ. Nya ƃe Sêtɔŋ è kɛ̀ tɔɔ̂ni Zasua kɔlɛ gɛ́ zɔŋ kɔ̂ri.

Maafîu 13:39

Gbɔara-nuui nyii a dísîi, ǹyaa ƃa Dɛ̂ƃele. Ǹyaŋ wîi-tee-tãi ƃa ŋ̀éniɛi kpɛɛ ŋá. Wîi-tee-ƃelai ƃa Ŋ̀âla-taa-kela-ŋai.

Maafîu 24:42

Mɛni ma, ka kámɛi káa, kpɛ́ni fêi, káfe ŋelei kɔlɔŋ Kúnuu-namui a pâi lai.

Maafîu 25:41

Gɛ̀ ní, a pâi ŋɔnɔ m̀ôi diai díkaa gɔɔ-yee mɛi-perei dîa, ǹyɛɛ diai, ‘Ka siɣe ŋ́gɔlɛ. Kpalo-ƃelai kâa. Ka lí ŋ̀ɔ́lɔ-wɔlɔ-ŋɔŋ su nyii gbɛtɛɛ̂i Dɛ̂ƃele da ŋɔkéla-ŋai mɛ̂ni mai.

Maafîu 4:1

Nya ƃe M̀ɔlêŋ è lì a Zîsɛ vɛ̃ɛ-kpâlaŋ su a gɛ́ɛ Dɛ̂ƃele é ǹyée láa mà.

Maafîu 4:11

Nya ƃe Dɛ̂ƃele è nâa sìɣe gɔlɛ. Ɣâla-taa-kela-ŋa dí pá bɔ díkɛ tíi kɛ̂ mì.

Markə 4:15

Ǹûai da-ŋa díkaa yɛ̂ɛ zí-sɛŋ kao-ŋai da too berei mai. Da ŋ̀óoi m̀ɛni, kɛ́lɛ, Sêtɔŋ a pâ a maa félaa é gɛ́ ŋ̀óoi kúla díwolii.

Lukə 21:34

“Ka kámɛi káa a gɛɛ kálii fé wiɛ a sɛŋ-miɛɛ da lɔɔ-kpeleɛ da vúlu-laai ŋi ŋɔlii-sɛlɛŋ-ŋai a gɛɛ maa-ɣelei ti fé lâa pa la nɔ kàa a maa félaa yɛ̂ɛ ƃáre a bɔara.

Lukə 21:36

5Kɛ́lɛ, ka kámɛi káa a tãi kélee. Ka Ɣâla fɛli a gɛɛ kákponôi e kpanaŋ, ka kula mɛni-ŋai ŋi kélee su pâi, a gɛɛ ka tɔɔ núu-kpune Ǹóŋ ŋɛi.”

Lukə 22:31

“Samaŋ, Samaŋ, gáa, Sêtɔŋ a mare-kɛɛ kɛ́ a gɛɛ e kásoŋ, a gɛɛ e káfɛɛ yɛ̂ɛ mɔlɔŋ,

Ɉaan 8:44

Ká kùla kánâŋ Dɛ̂ƃele kponôi, ǹyaŋ ka ŋ̀wɛ̂lii a gɛɛ ká kánâŋ nîa mɛnii kɛ́. E kɛ̀ a núu-paa-nuu a maa-ŋuŋ. Ǹyaŋ ŋɔmɛni fe tɔ̃yâ pôlu. Kpɛ́ni fêi, tɔ̃yâ kélee da fe gbonôi. A lɛ́ɛ kɛ̀, a lôno nɔ ŋɔkɛ-perei su, kpɛ́ni fêi, gáa a lɛ́ɛ-nuu, gɛ ƃo ŋɔ́nɔ a lɛ́ɛ ǹâŋ.

Korɛntə veelɛ 2:11

a gɛ́ɛ Sêtɔŋ ŋɔwála-walai fè kɛ̀ kúmɛi; kpɛ́ni fêi, ku ŋɔkili-ŋa-sia nyɔ́mɔɔi kɔ́lɔŋ.

Ifisiɛŋ 4:27

Kpaa máŋ káfe tãi tɛɛ Dɛ̂ƃele pɔ.

Ifisiɛŋ 6:11

Ka Ɣâla ŋɔkɔ-kɔ-sãai kélee tóo káa a gɛ́ɛ pɔ̂ri é kɛ́ kâa ka tɔɔ Dɛ̂ƃele ŋɔwôya-tua-pere-ŋai dîa.

Timote dɔlɔɔ 2:15

E máŋ kɛ́ ti, à kɛ̀ nɛnî à kɛ̀ nɔ́ laa-la su, wɛli-kɛ-maa, da maa-waa-laa é pɛ́lɛ ƃaa kɛ́-maa ma, gɛ̀ ní a pâi ƃálôi tãi a kɛ̂ lóŋ maa sɔlɔ ƃôi lai.

Timote dɔlɔɔ 2:9

a gɛ́ɛ máŋ fɛ̂ɛ ǹɛyâai dí dímaa ɣíri ƃaa kɛ́-maa-pere su da táre a zeɣe-ŋai nyíi-ŋai dísɔ̃ɔ fé kpanaŋ ni, dífe díŋuŋ lâa dí gôo too dîa, kpaa máŋ kɔyɛ̂ŋ-mɛni kpanaŋɔɔ, kpaa máŋ seɣe sɔ̃ɔ kpanaŋɔɔ,

Timote dɔlɔɔ 3:11

Nɛyâai máŋ fɛ̂ɛ dí díkpîŋ mɛi kaa, dífe kɛ̀ a laa-karaa-ƃela, kɛ́lɛ, dí kɛ́ a nuu sãa-ŋa mɛni kélee su.

Timote dɔlɔɔ 3:2

Fɛ̂ɛ Kôrai-toli-kpɔŋ ŋɔtii-mɛi-nuu é kɛ́ a ǹúui ǹáa lɛ́lɛɛ káa m̀arâa lá, nɛnî tɔnɔ nɔ́ kɛ́ ƃo ǹyêei, gɛ́ gbîŋ mɛi kâa, gíli ŋá ponoɔ, dûa-pere lɛ́lɛɛ, gɛ núu soŋ a ǹɛ́lɛɛ, sɛŋ-lɛ-tare kɛ́ ƃo ǹyêei.

Timote veelɛ 4:17

Kɛ́lɛ, Kúnuu-namui e tɔ̀ɔ ŋ́gɔlɛ e wála-wala tɛɛ ḿbɔ a gɛ́ɛ ŋa ŋɔwóoi ƃó kpɔ́ a ǹáa fɛ́ɛ, a gɛ́ɛ Zɛ̃tai-ŋai kélee dí m̀ɛni. Mɛni ma Kúnuu-namui e ŋ́gùla ǹyala-sului lá.

Taitɔ 1:8

Kɛ́lɛ, fɛ̂ɛ é kɛ́ a ǹúui a nûa sòŋ a ǹɛ́lɛɛi, mɛni lɛ́lɛɛ-kɛɛ wɛ̂li-nuu, ǹúui gíli káa ǹyêei, tɔ̃yâ-nuu, núu maa wâa, da ǹúui a gbîŋ mɛi kâai.

Taitɔ 2:12

A nɛ̀ kûa a gɛɛ ku kúpôlu tɔɔ Ɣâla-mɛni-kpɔaraa ma da núu ŋɔkɛ-pere-nyɔŋ wɛliɛɛi. Kɛ́lɛ, kútûa a táre-pere, sɔŋ-lɛlɛ-pere da Ɣâla ŋɔtûai kɛ́ɛ ŋ̀éniɛi ŋí sui.

Taitɔ 2:2

Núu pɔlɔ-ŋai dí díkpîŋ su soŋ, dí kɛ́ a mɛni-soŋ-ƃela a gbanaŋɔɔ, díkili é kɛ́ díyêei. Dí kɛ́ a tɔ̃yâ-ƃela laa-la su, wɛli-kɛ-maa su, da fɔlɔ-fɔlɔ su.

Taitɔ 2:4

a gɛɛ dí sɛŋ lɛ́ ǹɛnî kpela-ŋai dîa dí dísinâai wɛ́li da dínîa-pɛlɛɛi.

Taitɔ 2:6

Ǹyaŋ-kpa-ŋai lia-woo ƃó a gɛɛ dí díkpîŋ mɛi káa bere-sii tí su.

Zĩi 4:7

Mɛni ma ka kákpîŋ tɛ̀ɛ Ɣâla pɔ́. Ka tɔ̂ɔ Dɛ̂ƃelei mâ, gɛ̀ ní a pâi pûi é siɣe kápôlu.

Piɛrə dɔlɔɔ 1:13

Mɛni ma ka kákili-ŋa-siai kpɛtɛ ká kɛ́ a káŋuŋ sú séɣeŋɔɔ, ká kákili-kɛ-zui kélee pú m̀ɛlɛ-seei ma nyíi pâi kápɔ a Zîsɛ Kôrai lɛ́-ɣelei.

Piɛrə dɔlɔɔ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

M̀ɛni-lɛɛi 12:10

Nya ƃe ŋá wóo su kɛ́tɛ mɛ̀ni Ɣâla-taa, nyɛɛi, “Kúɣâlai ŋɔƃálo-laai, ŋɔwala-wala-laai, ŋɔkâloŋ-laai, da Kôrai ŋɔwala-wala-laai da nâa pá. Kpɛ́ni fêi, ǹúui a mɛni pɛ̂lɛ kú-ƃarâa diai, da dòo ǹɔii mâ, nyíi a mɛni pɛ̂lɛ dîa a fólo da kpíni Kúɣâlai ŋ́ɛi-tuɛi.

M̀ɛni-lɛɛi 12:12

Mɛni ma lii-nɛ̃ɛ kùla, Óo Ɣâla-taa ka diai díkaa dísui! Kɛ́lɛ, kpalo ƃélaâi kâa, Óo lɔii da yúo, kpɛ́ni fêi, Dɛ̂ƃele a yeŋ kápɔ naa lii-ŋwana kɛ́tɛ su. Kpɛ́ni fêi, è gɔlɔŋ a gɛɛ ŋɔtãi sú kpuâi!”

M̀ɛni-lɛɛi 12:9

Dí ǹyao-maa-sua kɛ́tɛi tòo ǹɔii ma, nyíi gáa a gali pɔlɔi nyíi da dòli a Dɛ̂ƃele da Sêtɔŋ. Gáa a ǹɔii kélee pɛlɛ-nuu. Dí dòo ǹɔii mâ da ŋɔkéla-ŋai kélee.

M̀ɛni-lɛɛi 20:10

Dɛ̂ƃele, nyíi dípɛ̀lɛi, da pâi bilîi ŋɔŋ kɛ́tɛi su da sɔɔfɔi nyíi gáa yɛ̂ɛ poai, ƃɛi zuai da Ŋ̀âla-maa-wôya lono-kɛ-nuui dí kɛ̀ naai, ǹyaŋ nàa ƃe da pâi kɛ̂i naa, díkɛ maa-pêne sɔlɔ ƃô a fólo da kpíni wɔlɔ-wɔlɔ da wɔlɔ-wɔlɔ.

M̀ɛni-lɛɛi 20:2

È ǹyao-maa-suai sôŋ, nyíi kɛ̀ a ŋwɔlɔ-wɔlɔ-kálii. Ŋwɔlɔ-wɔlɔ-kálii ŋí ƃe kɛ̀ a Dɛ̂ƃele, nyíi ǹáa è kɛ̀ a Sêtɔŋ, é ŋ̀iri kóraŋ wála tɔnɔ (1,000) mɛni ma,

Nwun mąąɓo 14:5

Gɛ́ɛ tíi, Saŋsiŋ, ǹâŋ da ǹee dí lì Tiŋna taai su. Dí kɛ́ɛ tɛɛ̂i gbɔmɔ-kpalaŋ su Tiŋna kɔlɛ mai, yala-sulu tɔnɔ è kɛ̀ kpêɣei gɛ́ pà dîa.