Piɛrə dɔlɔɔ 4:7 - Bible

⁷ Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

Yálá laawoo hɛɓɛ (dc)

⁷ Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Yálá laawoo hɛɓɛ

⁷ Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Piɛrə dɔlɔɔ 4:7 ပူးပေါင်းရင်းမြစ်များ

Zɛnɛse 19:35

Nya ƃe dí ŋwã̂ai tɛ̀ɛ dínâŋ pɔ́ é gbele ŋɔ́nɔ a gbínii tí. Ǹóŋ guro-te-ɣelei è lì da ǹyaa dí lɔ-pɔ̂rɔŋ kɛ́. La fé kɛ́ ní a gɔ́lɔŋɔɔ tãi da ǹóŋ guro-tei díǹɔ-pɔ̂rɔŋ kɛ̀ lai, da tãi è mu sìɣe lai.

Zɛnɛse 6:13

Ɣâla è mò Nôa ma ǹyɛɛi, “Ŋa gbɛ̀tɛ ŋ́gili ŋa a gɛɛ ŋá fúlu-sãa kélee su kara, kpɛ́ni fêi, ǹɔii láa fɛɛ̂i a díŋwana-lɔɔi. Mɛni ma ŋa pâi dísu karâi.

Ikilisiati 7:2

Ǹɛ̂lɛɛi núu é lí ƃɛ́i nûa da maloŋ-see ƃôi naai é tɛ́ɛ núu liɛ́ɛ ma ƃɛ́i da kúu kɛ́tɛ kɛ̂i naai, kpɛ́ni fêi núu kélee é kɛ́ a gɔ́lɔŋɔɔ a gɛɛ a pâi saâi.

Ɉeremi 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Izikiɛ 7:6

Mɛni-kpɛɛ ŋá a pá! Mɛni-kpɛɛ ŋá a pá kâa. Ká m̀ɛnii gbɛɛ-ŋai a pá. Ká wɔi a nâa kpɛɛ.

Maafîu 24:42

Mɛni ma, ka kámɛi káa, kpɛ́ni fêi, káfe ŋelei kɔlɔŋ Kúnuu-namui a pâi lai.

Maafîu 25:13

Nya ƃe Zîsɛ è m̀o dia nyɛɛi, “Mɛni ma, ka kámɛi káa. Kpɛ́ni fêi, káfe ŋelei kɔlɔŋ kpaa máŋ aƃai núu-kpune Ǹóŋ a pâi pâi lai.”

Lukə 21:34

“Ka kámɛi káa a gɛɛ kálii fé wiɛ a sɛŋ-miɛɛ da lɔɔ-kpeleɛ da vúlu-laai ŋi ŋɔlii-sɛlɛŋ-ŋai a gɛɛ maa-ɣelei ti fé lâa pa la nɔ kàa a maa félaa yɛ̂ɛ ƃáre a bɔara.

Lukə 21:36

5Kɛ́lɛ, ka kámɛi káa a tãi kélee. Ka Ɣâla fɛli a gɛɛ kákponôi e kpanaŋ, ka kula mɛni-ŋai ŋi kélee su pâi, a gɛɛ ka tɔɔ núu-kpune Ǹóŋ ŋɛi.”

Lukə 22:46

Nya ƃe e mò dîa, ǹyɛɛi, “Le ƃe ka nyiî? Ka kámu siɣe, ka Ɣâla fɛli a gɛɛ káfe too su-kɔɔŋ su.”

Lomaŋ 12:12

Ka lii-nɛ̃ɛ kula kákili-kɛ-zui su. Ka kálii kpele mɛni-kpɔ̂lu su. Ka tɔɔ Ɣâla-fɛliɛ su a gbanaŋɔɔ.

Korɛntə dɔlɔɔ 15:24

Gɛ̀ ní gbɛɛ ŋá a nâa pá, tãi a ǹúu mɛi-ƃelai su kàra la da ŋwála-wala-ƃelai, e Ɣâla ŋɔkâloŋ-laai tɛ́ɛ Ɣâla Nàŋ-nuui pɔi.

Korɛntə dɔlɔɔ 7:29

Zu-kulai ƃa, ŋánûa, tãi dí nɛ̀i, zu a nâa kpua; é síɣe tãi ŋí ma e li tuɛ-pere, diai nɛnî káa díyêei, tɔɔ dí díɣeniɛi kɛ́ yɛ̂ɛ nya ƃe nɛnî fe díyêei,

Ifisiɛŋ 6:18

Ka Ɣâla fɛli M̀ɔlêŋ su a tãi kélee a Ɣâla-fɛli pere-sii kélee mare-kɛɛ-pere su. Ka kámɛi káa fɔlɔ-fɔ̂lɔ su, ka Ɣâla marê kɛ́ Ŋ̀âla-ƃelai kélee mɛ̂ni ma.

Filipə 4:5

Tɔɔ núu kélee e kálii-lɛ̂lɛi kɔlɔŋ. Kúnuu-namui a nâa lɛɣɛ.

Kolosə 4:2

Ka kɛ́ nɔ́ Ɣâla fɛlîi a ɣele kélee. Ka kámɛi káa zu a sɛɣɛi-fei.

Timote veelɛ 4:5

À kɛ̀ a yá, tɔɔ a gbanaŋɔɔ a tãi kélee, í tɔ́ɔ mɛni-kpɔlu su, í tíi kɛ́ yɛ̂ɛ Ɣâla-woo táa-taa-nuu, ítii kélee kɛ́ɛ a ǹɛ́lɛɛ.

Taitɔ 2:12

A nɛ̀ kûa a gɛɛ ku kúpôlu tɔɔ Ɣâla-mɛni-kpɔaraa ma da núu ŋɔkɛ-pere-nyɔŋ wɛliɛɛi. Kɛ́lɛ, kútûa a táre-pere, sɔŋ-lɛlɛ-pere da Ɣâla ŋɔtûai kɛ́ɛ ŋ̀éniɛi ŋí sui.

Hebreu 10:25

Kúfe tãi siɣe kúkîe-ni kɔɣɛŋ mɛni ma, yɛ̂ɛ berei núu da-ni da tãi siɣe lai, kɛ́lɛ, kwaa kúkîe-ni fɔlɔ, kpɛ́ni fêi, ka Ŋelei tí kâai gɛ̀ lɛɣɛ.

Hebreu 9:26

Eêi kɛ̀ tí, gɛ̀ ní Kôrai eêi pɔ̂ri mɛni-soli kâai a tãi támaa é síɣe ŋ̀éniɛi kɔ́ɔ pîlaŋ-tãi ma. Kɛ́lɛ, berei gáa lai, è pà nɔ́ zu tɔnɔ a gbanaŋ-woo-kɛɛ pɔlɔi maa-ɣeniɛi kpɛɛ ŋá a gɛɛ é sɔnyɔ̂ŋ kpera a gbîŋ kúlaa a sâla.

Piɛrə dɔlɔɔ 1:13

Mɛni ma ka kákili-ŋa-siai kpɛtɛ ká kɛ́ a káŋuŋ sú séɣeŋɔɔ, ká kákili-kɛ-zui kélee pú m̀ɛlɛ-seei ma nyíi pâi kápɔ a Zîsɛ Kôrai lɛ́-ɣelei.

Piɛrə dɔlɔɔ 3:7

Sinâa, kili-ŋa-sia é kɛ́ kâa a bere tɔnɔi tí é pîlaŋ kánɛyâai dîa a berei ka pɔ̂ri tûai la a diai. Ka ƃaa-kɛ-maa tɛ́ɛ dípɔ, kpɛ́ni fêi, díwala-walai fé seri ní káwɔ̂i pɔ, kpɛ́ni fêi ŋɔ́nɔ, ka dîa-ni kákaa a vulu-laai maa-ƃɛlɛ-sêei sɔlɔ-ƃo-ƃela zu tɔnɔɔ a gɛɛ pɔ́ɔ fé pɛlɛ Káɣâla-fɛliɛɛi ma.

Piɛrə dɔlɔɔ 5:8

Káŋuŋ-su é kɛ́ a zéɣeŋɔɔ, ká kámɛi káa. Dɛ̂ƃele nyíi gáa a kákpɔara-nuui gáa tɛɛ-tɛɛ̂i yɛ̂ɛ yala-sulu ƃe kpéɣêi gɛ núu kɔ̂ri m̀ii mɛni ma.

M̀ɛni-lɛɛi 16:15

Gili é lɛ́ɛ íkili-ŋa Kôrai è mò ǹyɛɛi, “Gáa, ŋa pâi yɛ̂ɛ ŋuma-nuu! Lûwa kâa ǹúui ma gáa a ŋ̀ɛ́i, ŋɔseɣei kɛ́ ƃo ǹyêei a gɛɛ vé kɛ́ a gaŋ dí gbono káai!”