Piɛrə dɔlɔɔ 4:13 - Bible

¹³ Kɛ́lɛ, ka lii-nɛ̃ɛ kùla yɛ̂ɛ berei ka Kôrai è mɛni-solii sɔlɔ ƃo lai, a gɛɛ káa máŋ ka lii-nɛ̃ɛ kúla lii-laa é kɛ́ káyêei tãi ŋɔfólo-laai a lɛ́ lai.

Yálá laawoo hɛɓɛ (dc)

¹³ Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Yálá laawoo hɛɓɛ

¹³ Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Piɛrə dɔlɔɔ 4:13 ပူးပေါင်းရင်းမြစ်များ

Azaya 25:9

M̀aa ɣêlei tí, núu-kpune kélee da pâi m̀ôi dîyɛɛi, “Kúɣâlai ká ŋí. Ǹyaa ƃe kwa wɔ́lɔ m̀aa kpɛ̂nii a gɛɛ é kúŋuŋ ma ƃó. Ǹyaa ƃa Yâwɛɛ nyii kúkili tɔɔ̂i mai. Kwaa lii-nɛ̃ɛ kula, kpɛ́ni fêi, a kúŋuŋ ma ƃó.”

Azaya 35:10

Da pâi tɛ̂i Zerusâlɛŋ a lii-nɛ̃ɛ su-kɛ́tɛ. Da pâi kɛ̂i wule-ŋa toôi, díkɛ lâɣi a lii-nɛ̃ɛ pere. Da pâi kɛ̂i lii-nɛ̃ɛ kulâi wɔ́lɔ-wɔlɔ da wɔlɔ-wɔlɔ. Maloŋ tôo-maa da lii-too pôlu fé ŋɔ́nɔ pâi wɔ́lɔ kɛ̂i dîa.

Azaya 51:11

Diai Yâwɛɛ è díŋuŋ ma ƃoi, da pâi lenêi pôlu. Da pâi tɛ̂i Zerusâlɛŋ, díkɛ wule tôo, kâloŋ ƃɔrɔ-ŋa kɛ́ ƃò díŋûa, díkɛ koi-nɛ̃ɛ kula. Dílii fé pâi ŋɔ́nɔ toôi pôlu dí malôŋ see ƃó.

Maafîu 16:27

Núu-kpune Ǹóŋ a pâi pâi a Ŋɔɣâla-taa kela-ŋai Ǹâŋ ŋɔfólo-laai su, gɛ̀ ní, a pâi núu kélee fela fêi tɛi-tɛi ŋɔtii-kɛ-pere ma.

Maafîu 25:21

Nya ƃe ŋɔnuu-namui è mò m̀a, ǹyɛɛi, ‘Í gɛ̀ a ǹɛ́lɛɛ, íkaa a yée-mu-nuu sãa lɛ́lɛɛ. Ya tûa sãa kɛ́ sɛŋ-loŋ mɛi. Ŋa pâi seêi sãâ támaa mɛi. Lɔ́ ínuu-namui ŋɔlii-nɛ̃ɛ su.’

Maafîu 25:23

Ŋɔnuu-namui è mò m̀a, ǹyɛɛi, ‘Í gɛ̀ a ǹɛ́lɛɛ, íkaa a yée-mu-nuu sãa lɛ́lɛɛ. Ya tua sãa kɛ́ sɛŋ-loŋ mɛi. Ŋa pâi íseêi sãâ támaa mɛi. Lɔ́ ínuu-namui ŋɔlii-nɛ̃ɛ su.’

Maafîu 25:31

“Kɛ́lɛ, tãi núu-kpune Ǹóŋ a pâi pâi la ŋɔfólo-laai su da Ŋ̀âla-taa kela-ŋai kéleei, a pâi seêi ŋɔfólo-laai su-kaloŋ-see-sɛŋ ŋá.

Maafîu 25:34

Gɛ̀ ní, gâloŋ a pâi môi diai díkaa ǹáa-mii-yee mɛi-perei dîa, ǹyɛɛi, ‘Ka pá, káai Ńâŋ ŋɔlûwai káa kâai. Ka kɛ́ gâloŋ-laai su nyii gbɛtɛɛ̂i kámɛni ma é síɣe ŋ̀éniɛi kɔ́ɔ-pîlaŋ-tãi mai.

Maafîu 5:12

Kálii é nɛ̃ɛ kpɔ́ a ŋánaa, kpɛ́ni fêi, káfela-fei kɛ́tɛ̂i Ɣâla-taa. Kpɛ́ni fêi, bere nɔ ƃe dí Ɣâla ŋɔlóno-kɛ-ƃelai kpɔ̂ara la, nyii-ŋai kɛ̀ kátuɛi.

Markə 8:38

À kɛ̀ núu da à ŋùmɛ é pîlaŋ ḿâ da ŋáwooi, ŋ̀ulu-wulu kɛ́ɛi da zɔnyɔ̂ŋ ɣéniɛi ŋí su, gɛ̀ ní, ŋ̀elei núu-kpune Ǹóŋ à pà lai, da Ŋ̀âla-taa-kela maa waa-ŋai, Ǹâŋ ŋɔfólo-laai kɛ́ ƃò bôlui, a pâi ŋumɛ̂i é pîlaŋ ǹúui tí ma.”

Lukə 17:30

berei tí nɔ́ ƃé a pâi kɛ̂i la a ŋ̀elei núu-kpune Ǹóŋ maa mɛ̂ni a pâi lɛ̂i lai.

Gɛlaɠaa 16:25

Kɛ́lɛ, gbínii seriɛ zamai, Pɔ̂ɔ da Salɛ dí kɛ̀ Ɣâla fɛlîi díkɛ wule too ma. Pelesinɛ kpeli-ŋai dí díwoli tɔ́ɔ dîa.

Gɛlaɠaa 5:41

Zia-ƃelai kúlaa gbɔŋ sui, dí li a lii-nɛ̃ɛ, kpɛ́ni fêi, Ɣâla a fáa ma a gɛ́ɛ dímaa nɛ̃ɛi kɛ̀ dí mɛni-soli káa a ŋumɛ pere Zîsɛ láai mɛni ma.

Lomaŋ 5:3

É tɛ́ɛ máŋ nyíti ma, kwa lii-nɛ̃ɛ kula kúmɛni-soli káai su, kpɛ́ni fêi, kú gɔ́lɔŋ a gɛ́ɛ mɛni soli-kaa a pâ a lii-kpele,

Lomaŋ 8:17

À kɛ̀ ǹyaŋ kúkaa a ǹônii, kúkaa a pɔɔ-sɛŋ-namela, nya ƃa kwa Kôrai-ni kúkaa a Ɣâla ŋɔpɔɔ-sɛŋ-namela, à kɛ̀ kwà dîa-ni kwà mɛni-soli kàa, a gɛ́ɛ kwà dîa-ni kúfolo-laai maa é tɛ́.

Lomaŋ 8:18

Ǹáâi la a gɛ́ɛ lonii-ma mɛni-solii fe máŋ a sɛŋ ku gɔ́ɔ̂ŋ volo-laai ma nyíi pâi lɛ̂i kûai.

Korɛntə veelɛ 1:5

Kpɛ́ni fêi, à kɛ̀ ku Kôrai ŋɔmɛni-solii dámaa sɔlɔ ƃô, bere nɔ́ ƃe ǹyaŋ kwa pâi ŋa-nɛnɛ támaa sɔlɔ ƃôi la máŋ Kôrai sârai.

Korɛntə veelɛ 1:7

Gili-kɛ-zui gáa kúyêei kámɛni mai, va tumo; kpɛ́ni fêi, ku gɔ́lɔŋ berei ká kúmɛni-solii da sɔlɔ ƃô lai, ka pâi máŋ kúŋa-nɛnɛi da sɔlɔ ƃôi.

Korɛntə veelɛ 4:10

Zîsɛ ŋɔsaai káa kúkponôi a tãi kélee a gɛ́ɛ ŋɔfúlu-laai e lɛ máŋ kúkponôi.

Korɛntə veelɛ 4:17

Kpɛ́ni fêi, tãi kpuai ŋí su-mɛni-kpɔ̂lu-loŋ a wɔlɔ-wɔlɔ folo-laa kɛ́tɛ kpɛtɛ̂i ká mɛni ma, nyíi gɔ̀ɔŋ-maa fe mai.

Filipə 3:10

a gɛ́ɛ ŋa gɔ́lɔŋ da ŋɔmu-siɣe saa-yeei ŋɔwála-walai, ŋa ŋɔmɛni-soli-kaai da sɔlɔ ƃo, ŋá tela kɛ́ yɛ̂ɛ ǹyaa ŋɔsaai su.

Kolosə 1:24

Ŋa nâa lii-nɛ̃ɛ kulâi ŋámɛni-soli-kaai su kámɛni ma. Ŋ́gaa mɛni-solii ŋí ŋ̀aa-see kɛ̂i a ŋ́gbono. Kôrai e mɛni-solii ŋí lɛ̀ɛ naa mî ŋɔkponoi mɛni ma, ǹyaa ƃa Kôrai-toli-kpɔŋ.

Timote veelɛ 2:12

À kɛ̀ kwà mɛni-soli kàa, kwa dîa-ni kwa pâi máŋ kɛ̂i a núu-mɛi-ƃela; à kɛ̀ kwa m̀aa-sia tòo, gɛ̀ ní ǹyaa máŋ a pâi kúmaa-sia toôi;

Piɛrə dɔlɔɔ 1:13

Mɛni ma ka kákili-ŋa-siai kpɛtɛ ká kɛ́ a káŋuŋ sú séɣeŋɔɔ, ká kákili-kɛ-zui kélee pú m̀ɛlɛ-seei ma nyíi pâi kápɔ a Zîsɛ Kôrai lɛ́-ɣelei.

Piɛrə dɔlɔɔ 2:21

Da kátoli nyíŋi ma, kpɛ́ni fêi, Kôrai ǹyaa máŋ è mɛni-soli kàa kámɛni mà, é ŋɔmɛni-kɔɔŋ-maai lɛ́ɛ káyêei, a gɛɛ ká lɛ́ɛ ŋɔtûa-perei su.

Piɛrə dɔlɔɔ 5:1

Mɛni ma ŋa ǹúu-pɔlɔ-ŋai lia-woo ƃôi kásama, ńyãai ŋ́gaa a díƃarâŋ-nuu-pɔlɔ, ŋ́gɛ ƃo ŋɔ́nɔ a Kôrai ŋɔmɛni-soli-kaai maa-sere da vólo-laai pâi lɛ̂i da sɔlɔ ƃo-nuui.

Piɛrə dɔlɔɔ 5:10

Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Zûu 1:24

Ǹúui pɔ̂ri káa mì a gɛɛ é kákɛ káfe tooi, nyíi pɔ̂ri káa mi a gɛɛ é kálɛ ŋɔfólo-laai ŋ́ɛi-tuɛ a lii-nɛ̃ɛ, pɔ́ɔ kélee da fé kɛ̀ kâai,

M̀ɛni-lɛɛi 1:7

Gáa, gáa pâi ɣele-kɔlɔŋ kole-ŋa su, ǹyaŋ ŋɛ́i kélee a pâi gâai diai zɔ̀ɔ a kpálai, ǹyaŋ sîi kélee gáa ǹɔii sui, a pâi wɔ̂lɔi m̀aa mɛ̂ni ma. Bere ƃe a pâi kɛ̂i la. É kɛ́ tí.

M̀ɛni-lɛɛi 1:9

Ńyãa Zɔ̂ŋ, ńyãai ŋ́gaa a káƃarâŋ, ńyãai kwa kâa-ni kwa mɛni-kpɔlu kàa Zîsɛ kponôi, kwa kâa-ni kú Ŋ̀âla-taa kâloŋ laai sɔlɔ ƃo gîe-ma da nii-kpelei gáa kúyêei, dí ńdɛ̀ɛ tîŋ tɔnɔ su da dòli a Pamɔɔi, kpɛ́ni fêi, ŋá Ɣâla wóo ƃò ŋá Zîsɛ maa-sere-faa kɛ́.