Piɛrə dɔlɔɔ 4:11 - Bible

¹¹ Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-maa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sârai, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ ti.

Yálá laawoo hɛɓɛ (dc)

¹¹ Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Yálá laawoo hɛɓɛ

¹¹ Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 4:11 ပူးပေါင်းရင်းမြစ်များ

Mąątɛ̨nɛ̨ 145:13

Íkâloŋ-laai káa naa wɔ́lɔ-wɔlɔ, ǹyaŋ íkaa a kâloŋ wɔ́lɔ-wɔlɔ. Yâwɛɛ teniŋ ƃôɔɔi ŋɔkono-tee-ŋai kélee su. Ŋɔmaloŋ kâai káa gɛ́-mɛni kélee su.

Azaya 8:20

Kɛ́lɛ díwoo su-too yɛ̂ɛi, “Ka káwoli tɔ́ɔ m̀ɛnii ma Yâwɛɛ a ǹɛ̂i kâai. M̀ɛni-ŋai m̀ɔlêŋ-ŋai da zaa-ƃelai da mò kâai, dífa kákùla mɛnîi.”

Ɉeremi 23:22

Eê kɛ̀ dí kɛ́ ƃò a ńii-su mɛni kɔ́lɔŋɔɔ, gɛ̀ ní dîi pâi ŋáworɛ̂-wooi ƃôi ŋánûai dîa, dí gɛ́ ŋánûai dí díyee kúla ŋwana lɔ̂ɔ-mɛni su, díkpera ŋ̀wana lɔ̂ɔ-tuai kɛ̂i, da gɛ̂i.

Danîa 4:3

A mɛni kpaya-kpaya kɛ́ kûɛ. Wála-wala káa ŋɛi maa-ŋai su a gɛ̀i! Ŋɔkâloŋ-laai káa naa wɔ́lɔ-wɔlɔ da wɔ́lɔ-wɔlɔ. Ŋɔkɛ-naa laai koyaŋ fé ma.

Danîa 4:34

M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Danîa 7:14

Dí wála-wala-laa, ƃaa kɛ́-maa da lɛɛ-yeei-sɛŋ tɛ̀ɛ bɔ́. Sîi kélee ɣele mai dí pɛ̀lɛ gɔ́ɔ mu dí vɛ̀li. Ŋɔkɛ-naa-laai káa naa wɔ́lɔ-wɔlɔ da wɔ́lɔ-wɔlɔ. Núu da fé pâi wɔ́lɔ ŋɔkâloŋ-laai su-karai.

Maafîu 6:13

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

Ɉaan 13:31

Tãi e lì lai, Zîsɛ e mò, ǹyɛɛi, “Núu-kpune Ǹóŋ ŋɔfólo-laai maa a nâa tɛ́, ǹyaŋ Ɣâla ŋɔfólo-laai maa a tɛ́ gbonôi;

Gɛlaɠaa 7:38

Ǹyaa ƃé kɛ̀ Ŋ̀âla-ƃelai sáma vɛ̃ɛ-kpâlaŋ su da Ŋ̀âla-taa kelai nyíi lòno bɔ́ Sana Yeei ma, ǹyaŋ gɛ́ lòno kúnâŋ-ni pɔ́i. Mosei ŋí è mɛni fûlu-ŋa sɔlɔ ƃô a gɛ́ɛ é mó kûa.

Lomaŋ 11:36

Kpɛ́ni fêi, sɛŋ kélee a kûla ǹyêei, ǹyaŋ sɛŋ kélee kɛ́ kpɛ̀tɛ zarâi, sɛŋ kélee kɛ́ ƃo ŋɔ́nɔ a bɔ́ɔ. Ǹyaŋ folo-laa káa mà wɔlɔ-wɔlɔ da wɔlɔ-wɔlɔ. É kɛ́ ti.

Lomaŋ 12:3

Ŋa mò núu kélee ma, m̀ɛlɛ-seei su nyíi dɛɛ̂i ḿbɔi, a gɛ́ɛ káfe kákpîŋ kàa a gɛ́tɛ é tɛ́ɛ berei ma kákaa lai. Kɛ́lɛ, ka kákili ŋá sia a ǹɛ́lɛɛ, yɛ̂ɛ berei Ɣâla a laa-la kɔɔ̂ŋ la núu kélee mɛni mai.

Lomaŋ 16:27

Laa-maa-tɛ̂ é tɛ́ɛ dáre Ɣala tɔnɔi pɔ́ wɔ́lɔ-wɔlɔ da wɔ́lɔ-wɔlɔ Zîsɛ Kôrai sârai! É kɛ́ tí.

Lomaŋ 3:2

Ǹɛ́lɛɛ̂i pere sîi kélee su. M̀aa-ŋuŋ, Ɣâla è ŋɔwóoi lɛ̀ɛ Zûu-ŋai yêei.

Korɛntə dɔlɔɔ 10:31

Mɛni ma, kà mii-sɛŋ mìi, kpaa máŋ kà kákpèle, kpaa máŋ mɛni kélee ka gɛ̀i, ka gélee kɛ́ Ɣâla ŋɔfólo-laai mɛni ma.

Korɛntə dɔlɔɔ 12:4

Ǹyaŋ sama-sɛŋ-sii támaa káa naa, kɛ́lɛ, M̀ɔlêŋ káa nɔ́ tɔnɔɔ;

Korɛntə dɔlɔɔ 3:10

Yɛ̂ɛ berei m̀ɛlɛ-seei káa la nyíi Ɣâla e dɛ̀ɛ ḿbɔ yɛ̂ɛ pɛrɛ-tɔɔ-nuu tareɛ̂i, ŋá bɛ́rɛi pìlaŋ, núu da kpɛni káa dɔɔ̂i. Tɔɔ núu kélee e mɛi káa a berei a bɛ́rɛi tɔɔ̂i lai.

Korɛntə dɔlɔɔ 6:20

dí káyà a kásɔ̃ɔ. Mɛni ma ka pá a folo-laa Ɣâla pɔ

Korɛntə veelɛ 2:17

Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.

Korɛntə veelɛ 9:13

Díi ŋí su-kɔɔ̂ŋɔɔ yée mu, da pâi Ɣâla ŋɔfólo-laai maa tɛ̂i, kpɛ́ni fêi, woo-mɛ̂ni káa káyêei Kôrai ŋɔtuŋ lɛ́lɛɛi mɛni ma, kákɛ ƃɛlɛ-sêe kɛ́ sama-sɛŋ tɛɛ mɛni su dímɛni ma da ǹúu kpeli-ŋai.

Ifisiɛŋ 1:19

da ŋɔkôya-fe-maa wála-wala kɛ́tɛi gáa kúkponôi kúai laa-la káa kúyêei, yɛ̂ɛ berei ŋɔtíi kɛɛi káa la ŋɔwála-wâla kɛ́tɛi sui.

Ifisiɛŋ 4:29

Káfe ǹɛɛ naa lono nyɔ́mɔɔ fe kula kála, kɛ́lɛ, lono nɔ́ a nyíi a lii-laa tɛ̀ɛ núu pɔi, nyíi ǹɛ́lɛɛ̂i mɛnii ka gɛ̂i mɛni mai, a gɛ́ɛ kálono-wooi e lûwa láa diai dîa da káwoo mɛnii.

Ifisiɛŋ 5:20

ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Ifisiɛŋ 6:10

Gbɛɛ ŋái, kákponôi é kpánaŋ Kúnuu-namui kponôi da ŋɔwála-wala-laai ŋɔsu-kpanaŋ.

Filipə 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sârai Ɣâla ŋɔfólo-laai da ŋɔlaa-maa-tɛi mɛni ma.

Filipə 2:11

a gɛ́ɛ ŋɔ́nɔ la-gbɔ kélee e m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Kolosə 4:6

Ka lono-woo é kɛ́ a ǹɛ́lɛɛ, ǹɛ̃ɛ núu wólii yɛ̂ɛ kpolo, a gɛ́ɛ ka berei kɔlɔŋ ka pɔ̂ri núu kélee ŋɔmare-kɛɛ su kulâi lai.

Tɛsalonikə dɔlɔɔ 2:4

kɛ́lɛ, yɛ̂ɛ berei Ɣâla e kúlɛ̀ la a gɛ́ɛ e Duŋ Lɛ́lɛɛi lɛɛ kúyêei, bere nɔ́ ƃe kwa lôno la, kúfa núu-kpune líi làa, kɛ́lɛ, kwa Ɣâla líi làa, nyíi a kúlii-ŋai su kɔ̀ɔŋ.

Timote dɔlɔɔ 1:17

Ŋwɔlɔ-wɔlɔ-Kaloŋ, nyíi va wɔlɔ saai, Ŋ̀âla tɔnɔi, nyíi núu fa gàai, ƃaa kɛ́-maa da fólo-laa dí kɛ́ ma wɔlɔ-wɔlɔ da wɔlɔ-wɔlɔ. É kɛ́ ti.

Timote dɔlɔɔ 6:16

Ɣâla ǹyaa tɔnɔ nɔ́ ƃe va sâa, gáa gwaa-ponoɔi su, nyíi núu fa lɛ̂ɣɛ gɔlɛi. Núu da fé niî Ɣâla káa ní, kpaa máŋ núu da fa pɔri gâai. Bàa-kɛ-maa é lí bɔ é kɛ́ sɛŋ kélee mɛi wɔlɔ-wɔlɔ da wɔlɔ-wɔlɔ. É kɛ́ ti.

Taitɔ 2:1

Kɛ́lɛ, à kɛ̀ a yá, zɛŋ-lɛɛi nyíi gáa a dɔ̃yâ-sɛŋ-lɛɛi, ǹɛ́.

Taitɔ 2:15

Mɛni-ŋai ŋí ƃó, í dília-woo ƃó, í lóno kpɔ́ dípɔ a gbanaŋɔɔ a wala-wala-laa kélee. Ífe nɛ̀ɛ naa núu da é ŋ̀ɛ́i naɣîŋ ímɛi.

Hebreu 13:7

Ka kákili ŋá sia é pîlaŋ kátuɛ-ƃelai dîa nyíi-ŋai Ɣâla ŋɔwóoi ƃò kâai. Ka kákili ŋá sia é pîlaŋ la m̀ɛni ma kɛ̀ a dífulu-laai, ka dílaa-lai pɔ́ɔ kɔɔ̂ŋ.

Hebreu 5:12

Tãi ŋí su kâi pɔ̂ri kɛ̂i a sɛŋ-lɛ-ƃela, kɛ́lɛ, fɛ̂ɛ núu da é Ɣâla ŋɔtɔ̃yâi maa-mɛni lɛ́ kâa gɔ́ɔ pîlanii ŋɔ́nɔ. Fɛ̂ɛ núu è ká ŋákɔ̂ŋ a ŋíni-ya, kɛ́lɛ mii-sɛŋ kpanaŋ fêi.

Zĩi 1:19

Nyíŋi é lɛ́ɛ kákili ŋá, ŋáwɛli-kɛ-maa-ƃelai. Tɔɔ núu kélee é mɛni mɛ́ni a maa félaa, é ǹóno-woo maa kpɛ́ɛ, ǹíi fé ŋwãna a maa félaa.

Zĩi 1:26

À kɛ̀ núu da káa kásama a gbîŋ kàa a Ɣâla-nuu, va ǹɛ́ŋ tɔɔ ǹóno-woo-perêi, kɛ́lɛ, gɛ gbɔɔ̂i pɛ̀lɛ, maa-nuui Ŋɔɣâla-mɛnii káa nɔ́ kpɛ́ni-kpɛni.

Piɛrə dɔlɔɔ 2:12

Ka kátûa-pere lɛ́lɛ Zɛ̃tai-ŋai sáma a gɛɛ tãi da da lòno é pîlaŋ kâa a gɛɛ kákaa a sɔnyɔ̂ŋ-kɛ-ƃela, dí kátii lɛ́lɛɛi káa dí Ɣâla ŋɔfólo-laai maa-tɛ́ a tãi Ɣâla a pâi pâi lai.

Piɛrə dɔlɔɔ 2:5

Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Piɛrə dɔlɔɔ 4:10

Zama-sɛŋ núu kélee a zɔlɔ ƃó tɔnɔ-tɔnɔi, ka tíi kɛ́ la kákîe-ni mì yɛ̂ɛ Ɣâla ŋɔƃɛlɛ-sêe-sii támaai maa-tii kɛ-ƃela.

Piɛrə dɔlɔɔ 4:16

É máŋ kɛ́ tí, à kɛ̀ núu à mɛni-soli kàa yɛ̂ɛ Kôrai-nuu, maa-ŋumɛ fé kɛ́ mà, kɛ́lɛ, tɔɔ é Ɣâla ŋɔfólo-laai maa tɛ́ ǹáai tí mu.

Piɛrə dɔlɔɔ 5:11

Ŋ̀wála-wâlai é kɛ́ a bɔ́ɔ wɔlɔ-wɔlɔ da wɔlɔ-wɔlɔ. É kɛ́ ti.

Zûu 1:25

fólo-laa, kɛ́tɛ-laa, da kpanaŋ-laa, é pɛ́lɛ wala-wala-laa ma dí kɛ́ Ŋ̀âla tɔnɔi ma tãi kélee tuɛ da tãi ŋí su, é pɛ́lɛ wɔlɔ-wɔlɔ ma, Ŋ̀âla tɔnɔi nyíi gáa a Kúƃalo-nuui Kúnuu-namui Zîsɛ Kôrai sârai. É kɛ́ ti.