Piɛrə dɔlɔɔ 2:9 - Bible

⁹ Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Yálá laawoo hɛɓɛ (dc)

⁹ Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Yálá laawoo hɛɓɛ

⁹ Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 2:9 ပူးပေါင်းရင်းမြစ်များ

Mąątɛ̨nɛ̨ 106:5

a gɛɛ ŋá díkaa díkɛ ŋɔ́nɔ ƃûu ƃò. Ǹyaŋ à kɛ̀ tí, kwa dîa-ni kwa pâi kɛ̂i lii-nɛ̃ɛ kulâi gîe ma, kwa dîai díkaa a ípɔɔ kúkɛ ílaa maa tɛ̀ gîe ma.

Mąątɛ̨nɛ̨ 118:27

Yâwɛɛ káa a Ɣâla. Zɔŋ lɛ̂lɛɛi kúmɛni ma. Ka gúui kɔ́ɔ pîlaŋ, ká tóu laa soŋ káyee ŋá ka kɛ̀ sìa, ka kɛ́ lì ŋ̀âla-tebelei ma pere.

Mąątɛ̨nɛ̨ 135:4

È Zeeka da Eezuɛ-ŋai sîɣe zu a ǹyaa kpîŋ ŋɔnûa.

Mąątɛ̨nɛ̨ 22:30

Núu-kpune kélee a pâi Nuu-namui fɛlîi. Da pâi m̀aa mɛni ƃôi dílônii dîa.

Mąątɛ̨nɛ̨ 33:12

Lûwa káa diai dîa Díɣâlai ƃa Yâwɛɛi. Lûwa káa diai dîa Yâwɛɛ a ǹyée sée dímu a ŋɔnûai.

Mąątɛ̨nɛ̨ 73:15

Ŋà m̀ɛni sîi-ŋai ŋí ƃò, gɛ̀ ní fé kɛ́ ní tûai yɛ̂ɛ ínûai da.

Azaya 26:2

Ka ziɣãŋ-ŋai díkpôŋ-ŋai lá-ƃo, ǹɔii-ŋuŋ ŋí zu-ƃela teniŋ-ƃoɔɔ̂i dí lɔ́ naa.

Azaya 41:8

“Kɛ́lɛ Eezuɛ-ŋa, kákaa a ŋátii kɛ́-ƃela. Kákaa a ŋáwɛli kɛ́ maa nuui Eberaɣɛ̃ɛ ŋɔsuui su-ƃela. Ŋá kásìɣe zu a gɛ́ɛ ká kɛ́ a ŋátii kɛ́-ƃela.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 44:1

Yâwɛɛ ǹyɛɛi, “Óo Zeeka, ŋátii kɛ́-nuui, íwoli tɔ́ɔ ḿâ, Eezuɛ-ƃela, káai ŋá ká sìɣe zu a ŋánûai.

Azaya 61:6

Da pâi ká tôlii a Yâwɛɛ ŋɔsâla láa-soŋ ƃela, Ɣâla ŋɔtíi kɛ́-ƃela. Ka pâi ǹɔii-ŋûŋ-ŋai dítɔɔ-sãai ŋàa-nɛ̃̂ɛ kulâi, ká kɛ́ yoŋka tèe a gɛ́ɛ díkaa a ká pɔ́ɔ.

Azaya 62:12

Da pâi kátôlii a “Ɣâla Ŋɔnûa Maa Waa-ŋai.” “Ǹûai Yâwɛɛ A Díŋuŋ Ma Ƃói.” Da pâi Zerusâlɛŋ taa-leei ŋí láa seêi a “Ɣâla Ŋɔwɛli Kɛ́-maa Taa-leei.” “Daa-lêei Nyii Ɣâla Fé Ǹyée Kula Ní Mui.”

Azaya 66:21

Ŋa pâi díta-ni kɛ̂i a sâla láa-soŋ ƃela-ŋa da Liiva-ŋa.

Azaya 9:2

Diai kɛ̀ siâi kpînii, daâ kwaa ponoɔ́ɔ su-kɛ́tɛ káa. Diai kɛ̀ lɔii kpíniɛɛ maa pɔlɔ-pɔlɔɔ sui, díkaa nâa kwaa ponoɔ́ɔ kɛ́tɛ su.

Malasi 3:17

Ŋ̀wála-wâla kélee Yâwɛɛ a môi ǹyɛɛi, “Da pâi kɛ̂i a ḿbɔɔ kpîŋ-kpiŋ, ŋ̀ele-kûui ŋa pâi pâi lai. Ŋa pâi dímalôŋ kâa yɛ̂ɛ berei ǹaŋ-nuui a ǹóŋ malôŋ kàa la nyii a tíi kɛ̀ mìi.

Maafîu 4:16

ǹûai nyii-ŋai kɛ̀ sêe ni kpînii, dí kwaa ponoɔ kɛ́tɛ kàa, nyii-ŋai kɛ̀ see ni saa-taa kpíni su da ŋɔninîŋ mui, kwaa-ponoɔ a kula a dia.”

Maafîu 5:16

Tɔɔ kákwaa-ponoɔi é fólo ǹûai ŋ́ɛi-tuɛ a gɛɛ dí kátii lɛ́lɛɛi káa, dí Kánâŋ ŋɔfólo-laai maa tɛ́ nyii gáa Ɣâla-taai.

Lukə 1:79

a gɛɛ e kwaa-ponoɔ tɛɛ dípɔ diai díkaa see ni kpini da saa-ninîŋ sui, e kúsia-pere lɛ kûa lii-sêe-pere su.”

Ɉaan 17:19

Ŋa ŋ́gbîŋ maa wâa dímɛni ma a gɛɛ dia máŋ dímaa é wáa tɔ̃yâ su.

Gɛlaɠaa 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Gɛlaɠaa 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Gɛlaɠaa 26:28

Nya ƃe Agulepa e mò Pɔ̂ɔ ma, ǹyɛɛi, “Ya ŋ̀wɛ̂lii í ŋ́gɛ ŋá kɛ́ a Kôrai-nuu tãi kpua yée mu!”

Lomaŋ 9:24

Nyíti su-kulâi ƃa kúa máŋ a kútoli. Kúfe kula ni nɔ́ Zûu-ŋai sama, kɛ́lɛ, kúta-ni dí kula Zɛ̃tai-ŋai sama.

Korɛntə dɔlɔɔ 3:17

À kɛ̀ núu da à Ɣâla ŋɔpɛ́rɛi su kàra, Ɣâla a pâi zu karâi. Kpɛ́ni fêi, Ɣâla ŋɔpɛ́rɛi maa waâi, ǹyaŋ maa-pɛrɛi ti ƃe kákaa la.

Ifisiɛŋ 1:14

M̀ɔlêŋ Maa Waai ƃa nɛ̀ nàa tuɛ a gɛ́ɛ kwa pâi kúpɔɔ-sɛŋ sɔlɔ ƃôi Ɣâla yêei, ku lɛ́ɛ pâi zɔlɔ ƃôi. Mɛni ma kwa ǹáa maa tɛ̂ ŋɔfólo-laai mɛni ma.

Ifisiɛŋ 1:6

a gɛ́ɛ ku ŋɔfólo-laa ƃɛlɛ-sêei maa tɛ́, nyíi e dɛ̀ɛ kúpɔ a dámaa Ŋɔwɛli-kɛ-maa Loŋ kponôi.

Ifisiɛŋ 3:21

maa-nûui tí ƃé vólo-laai é tɛ́ɛ bɔ́ Kôrai tóli-kpɔŋ su da Zîsɛ Kôrai núu kélee mɛni ma wɔ́lɔ-wɔlɔ da wɔlɔ-wɔlɔ. É kɛ́ tí.

Dutɛrɔnome 10:15

È kánâŋ-ni wɛ̀li a ŋánaa. Mɛni ƃé a ká kɛ́ la ǹɔii-ŋûŋ-ŋai kélee mɛi yɛ̂ɛ berei gáa la sâai.

Dutɛrɔnome 14:2

Kpáni fêi, kákaa a maa wâa-ƃela Yâwɛɛ ŋɛ́i-tuɛ. Aâ kásiɣe zu núu-kpune kélee sáma ŋ̀éniɛi su a gɛɛ ká kɛ a gbîŋ ŋɔnûa.

Dutɛrɔnome 18:2

Lɔii fé pâi kɛ̂i díyêei díƃarâai sáma. Yâwɛɛ ƃa díkɔ̃liŋ yɛ̂ɛ berei è góno tèe la díyêei.

Dutɛrɔnome 4:20

Kɛ́lɛ Yâwɛɛ è ká kùla m̀ɛni-kpɔlui su Ize é pá a káa é kákɛ a gbɔ́ɔi ŋɔnûa. Ǹyaŋ bere ƃé gáa la sâa.

Dutɛrɔnome 7:6

Kákaa a núu maa waa-ŋa Yâwɛɛ mɛni ma. Káa ƃé a kásiɣe zu a gɛɛ ká kɛ́ a ŋɔnuui gbîŋ-ŋa ɣele ma.

Filipə 3:14

Ŋa kɔ̂i a gɛ́ɛ ŋa seri mɛnii ma gáa ŋ́gili ŋái, a gɛ́ɛ ŋa maa pui sɔlɔ ƃo gáa Ŋ̀âla-taa-tolii mɛni ma nyíi Ɣâla a m̀ôi a kua Zîsɛ Kôrai kponôi.

Kolosə 1:13

A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Timote veelɛ 1:9

nyíi kúƃàlo é kútoli a tóli maa waai. Ve gɛ̀ ní a kútii ŋɔwala-walai, kɛ́lɛ, e gɛ̀ a gbîŋ-nia-mɛnii ŋɔwála-walai da m̀ɛlɛ-seei nyíi e dɛ̀ɛ kúpɔ Zîsɛ Kôrai kponôi a tãi su kôya.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Piɛrə dɔlɔɔ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔ̂leŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe dí támaa káyêei.

Piɛrə dɔlɔɔ 2:5

Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Piɛrə dɔlɔɔ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-maa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sârai, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ ti.

M̀ɛni-lɛɛi 1:6

nyíi kâloŋ-laa kɛ̀ kúmɛni mai, é kúkɛ a Ŋɔɣâlai da Ǹâŋ ŋɔsâla láa soŋ-ƃelai, folo-laa da núu-mɛi-laa é kɛ́ ǹyêei wɔlɔ-wɔlɔ da wɔlɔ-wɔlɔ. É kɛ́ tí.

M̀ɛni-lɛɛi 20:6

Lûwa da maa-waa-laa kâa ǹúui ma nyíi gáa a m̀u-siɣe saa-yeei maa-ŋuŋ maa-nuui dai! Maa-ƃelai tí, saa ŋɔwála-wâlai fé dímɛi, kɛ́lɛ, da pâi kɛ̂i a Ɣâla da Kôrai dísâla láa soŋ-ƃela, da Kôrai ni dí kɛ-mɛi-laa kɛ́ kóraŋ wála tɔnɔ (1,000) yée mu.

M̀ɛni-lɛɛi 5:10

Ya díkɛ a Kúɣâlai ŋɔkâloŋ-laai su-ƃela da ŋɔsâla láa soŋ-ƃela kpaya-kpaya, ǹyaŋ da pâi kɛ̂i ǹɔii mɛi.”

Samuɛlə dɔlɔɔ 12:22

Ǹuu-namui a kásiɣe zu a ŋɔnûa. A pâi kámɛi kâai a tãi kélee a gɛ́ɛ ǹûai dí ŋɔkɛ́tɛ-laai kâai.