Piɛrə dɔlɔɔ 2:5 - Bible

⁵ Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Yálá laawoo hɛɓɛ (dc)

⁵ Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Yálá laawoo hɛɓɛ

⁵ Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Nįį hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:5 ပူးပေါင်းရင်းမြစ်များ

Tɔɔɓɛlaa dɔlɔɔ 7:11

M̀ɛi-pere è kɛ̀ a kɔni lɛ́lɛɛ-ŋa, dísu tee-teɛɛ yɛ̂ɛ berei dítii kɛ́ perei è kɛ̀ lai da sîda wuru kpono-ŋa maa kɛ́ɛ nɛ̃ɛ-nɛ̃ɛ.

Mąątɛ̨nɛ̨ 141:2

Íyee sée ŋá ɣâla fɛli wooi mu yɛ̂ɛ kéreŋ-sɛŋ kúŋ nɛ̃ɛ nyii da dɛ̀ɛ ípɔ. Tɔɔ ŋà ńyee tɛ̀ ɣelêi, é kɛ́ yɛ̂ɛ zâlai da gùla yâ a ɣele wûlii.

Mąątɛ̨nɛ̨ 50:14

Ka sɛɣɛ-fei tɛ̀ɛ ḿbɔ a kásâla sama-sãai ḿɛ̂ni ma. Ká zãai nyii kélee ká kákono-tee lai, tɛ́ɛ ḿbɔ ńyãai a Ŋ̀âla Kɛ́tɛi.

Mąątɛ̨nɛ̨ 50:23

Sɛɣɛ-fei tɛ̂ɛ ƃé gáa a zãâi nyii a ƃaa-kɛ ma tɛ̂ɛ ḿbɔ. Tɔ̃yâ ma ŋa pâi diai kélee da díwoli tɔ̂ɔ ḿâi ŋuŋ-ma ƃoi.”

Lɛɛ gbɔwɔ ɓa 19:6

Ka pâi kɛ̂i a ŋalɔii-ŋuŋ su-ƃela nyii-ŋai pâi tíi kɛ̂i mî yɛ̂ɛ sâla láa-soŋ-ƃelai. Ka pâi kɛ̂i a ŋánûa maa-waa-ŋa. Ŋóo-ŋai ŋí ƃé í m̀ó ǹûai dîa.”

Hanwon 9:1

Táre è ŋɔpɛ́rɛi tɔ̀ɔ, é mù-kɔɔ làa kɛ́ lɔ́ɔlu mɛi-feerɛ.

Azaya 61:6

Da pâi ká tôlii a Yâwɛɛ ŋɔsâla láa-soŋ ƃela, Ɣâla ŋɔtíi kɛ́-ƃela. Ka pâi ǹɔii-ŋûŋ-ŋai dítɔɔ-sãai ŋàa-nɛ̃̂ɛ kulâi, ká kɛ́ yoŋka tèe a gɛ́ɛ díkaa a ká pɔ́ɔ.

Azaya 66:21

Ŋa pâi díta-ni kɛ̂i a sâla láa-soŋ ƃela-ŋa da Liiva-ŋa.

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Malasi 1:11

Nûa da sála-sɛŋ kúŋ nɛ̃ɛ kèreŋ ḿî ǹɔii gwaa kélee, díkɛ sâla lɛ́lɛɛ kùla ḿî nyii a ńii laai. Díkelee da ŋumɛ-mâa tɛ̀ɛ ḿbɔ!

Lomaŋ 12:1

Mɛni ma ŋa kálîa-woo ƃôi, ŋánûa, Ɣâla ŋɔmaloŋ-kaai su, a gɛ́ɛ ka kákponôi tɛ́ɛ a fulu-laa sala-sɛŋ maa waa nyíi a Ɣâla líi làai. Mɛni ma, berei ŋí ƃé ya pɔ̂ri pɛlɛ̂i la Ɣâla kɔ́ɔ mu.

Lomaŋ 15:16

a gɛ́ɛ ŋá kɛ́ a Zîsɛ Kôrai ŋɔtii-kɛ-nuu Zɛ̃tai-ŋai dîɛi. Ŋa tíi kɛ̀ Zɛ̃tai-ŋai dîɛ yɛ̂ɛ Ɣâla ŋɔsâla láa soŋ nuui ŋɔtuŋ lɛ́lɛɛi mɛni ma a gɛ́ɛ Ɣâla e ǹyée see dímu yɛ̂ɛ sâla-sãa nyíi-ŋai M̀ɔlêŋ Maa Waai a dímaa wáai.

Korɛntə dɔlɔɔ 3:16

Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Korɛntə dɔlɔɔ 3:9

Kpɛ́ni fêi, kúkaa a Ɣâla ŋɔtii-kɛ-ƃela gîe ma; kákaa a Ɣâla ŋɔkpâlaŋ, ká ƃò a ŋɔpɛ́rɛ.

Korɛntə dɔlɔɔ 6:19

Káfe gɔ́lɔŋ a gɛ́ɛ kákponôi káa a Ɣâla-pɛrɛ M̀ɔlêŋ Maa Waai mɛni ma kákponôi, nyíi ka zɔlɔ ƃô Ɣâla yêei? Kápɔɔ fa káa kpîŋ;

Korɛntə veelɛ 6:16

Le-mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔɔkɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi; yɛ̂ɛ berei Ɣâla e mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Galatə 6:10

Mɛni ma, tãi pɔ̂ri-maa káa la kúyêei, kwaa ku mɛni lɛ́lɛɛ kɛ́ núu kélee mi, é tela kɛ́ a diai díkaa a naa-lai su-ƃela-kpului.

Dutɛrɔnome 18:2

Lɔii fé pâi kɛ̂i díyêei díƃarâai sáma. Yâwɛɛ ƃa díkɔ̃liŋ yɛ̂ɛ berei è góno tèe la díyêei.

Filipə 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sârai Ɣâla ŋɔfólo-laai da ŋɔlaa-maa-tɛi mɛni ma.

Filipə 2:17

À kɛ̀ máŋ da ŋ́ãa pù zâla-sɛŋ ma nyíi gáa a kálaa-lai da kátii kɛ́ɛ Ɣâla mɛni mai, ńii nɛɛ̂i kwa ka-ni ku kɛ́ lii-nɛ̃ɛ kula kúkelee.

Filipə 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ka dɛ̀ɛ a Ipɛfɔlɔdaitɔi, ŋa zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla e ǹyée see mu lii-laa sui.

Kolosə 3:17

Mɛni kélee ka gɛ̀ a káwoôi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Timote dɔlɔɔ 3:15

à kɛ̀ ḿba-mɛnii à tòo pôlu, ká gɔ́lɔŋ berei ka pɔri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Hebreu 3:6

Kɛ́lɛ, Kôrai è kɛ̀ a núu sã́a Ɣâla ŋɔpɛ́rɛi mɛi yɛ̂ɛ ǹóŋ. Ǹyaŋ kúa ƃa ŋɔpɛ́rɛi à kɛ̀ kwa kúlaa-lai sôŋ a gbanaŋɔɔ é seri gɔ̃yɛŋ ma da kúlii-nɛɛi kúkili-kɛ-zui su.

Piɛrə dɔlɔɔ 2:9

Kɛ́lɛ, kákaa a lɛ́-nuu-suu, ka ƃo a sâla láa soŋ-nuu-suu kɛ́tɛ, ka ƃo a lɔii-ŋuŋ maa waa, ka ƃo a Ɣâla kpîŋ-nua, a gɛɛ ǹúui kákùla kpíni sú é pá a káa ŋɔkwaa-ponoɔ kɛ́tɛ lɛ́lɛɛi sui, ka ŋɔtûa-pere kɛ́tɛ lɛ́lɛɛ-ŋai maa-mɛni ƃó.

Piɛrə dɔlɔɔ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-maa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sârai, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ ti.

Piɛrə dɔlɔɔ 4:17

Kpɛ́ni fêi, mɛni-ŋa-tee-tãi a pá a gɛɛ gɔ́ɔ é pîlaŋ Ɣâla ŋɔpɛ́rɛi-mu-ƃelai dîa, ǹyaŋ à kɛ̀ gɔ́ɔ à pîlaŋ kûa, gɛ̀ ní le ƃe pâi kɛ̂i a diai dífa díwoli tɔ̀ɔ Ɣâla ŋɔtuŋ lɛ́lɛɛi mai?

M̀ɛni-lɛɛi 1:6

nyíi kâloŋ-laa kɛ̀ kúmɛni mai, é kúkɛ a Ŋɔɣâlai da Ǹâŋ ŋɔsâla láa soŋ-ƃelai, folo-laa da núu-mɛi-laa é kɛ́ ǹyêei wɔlɔ-wɔlɔ da wɔlɔ-wɔlɔ. É kɛ́ tí.

M̀ɛni-lɛɛi 20:6

Lûwa da maa-waa-laa kâa ǹúui ma nyíi gáa a m̀u-siɣe saa-yeei maa-ŋuŋ maa-nuui dai! Maa-ƃelai tí, saa ŋɔwála-wâlai fé dímɛi, kɛ́lɛ, da pâi kɛ̂i a Ɣâla da Kôrai dísâla láa soŋ-ƃela, da Kôrai ni dí kɛ-mɛi-laa kɛ́ kóraŋ wála tɔnɔ (1,000) yée mu.

M̀ɛni-lɛɛi 3:12

Ǹúui a yee-tɛɛ-maa kɛ̂i, ŋa pâi gɛ̂i a Ŋáɣâlai ŋɔkwaa maa waai soŋ-kɔni. Va wɔ́lɔ ŋɔ́nɔ kùla mu, ǹyaŋ ŋa pâi Ŋáɣâlai láa pɔ̃yɛ̂i maa-nuui ma da Ŋáɣâlai ŋɔtaai nyíi da dòli a Zerusâlɛŋ ninai, nyíi kùla Ŋáɣâlai yêei Ɣâla-taai, da ńyãa kpîŋ ńaa ninai.

M̀ɛni-lɛɛi 5:10

Ya díkɛ a Kúɣâlai ŋɔkâloŋ-laai su-ƃela da ŋɔsâla láa soŋ-ƃela kpaya-kpaya, ǹyaŋ da pâi kɛ̂i ǹɔii mɛi.”