Zɔ̂ŋ Maa-ŋuŋ 5:6 - Bible

⁶ Zîsɛ Kôrai è pà yá da ŋãa sârai. Yá tɔnɔ nɔ́ fêi, kɛ́lɛ, è pà yá da ŋãa sârai.

Yálá laawoo hɛɓɛ (dc)

⁶ Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

Yálá laawoo hɛɓɛ

⁶ Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Nįį-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Nįį kaa a tɛ̨ą.

Zɔ̂ŋ Maa-ŋuŋ 5:6 ပူးပေါင်းရင်းမြစ်များ

Izikiɛ 36:25

Ŋa pâi yá lɛ́lɛɛ kpɛmɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa wâai ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa wâai ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Levetekɔ 17:11

Fúlu-sɛŋ kélee ŋɔfúlu-laai káa ŋ̀ãa su. Maa mɛni ƃé ŋa dɛ̀ɛ la kápɔ a gɛɛ ká sâla kula la ŋ̀âla-teƃelei ma kásɔnyɔ̂ŋ su mɛni lɛ̂ɛ mɛ̂ni ma. Ŋãa nyii gáa a fúlu-laai a sɔnyɔ̂ŋ siɣe.

Zakari 9:11

Yâwɛɛ ǹyɛɛi, “À kɛ̀ a yá, yɛ̂ɛ berei ŋá ŋãa-sâlaŋ maa kôno tèe kɛ̀ la íyêei, ŋa pâi íkɔ-sôŋ-ŋai ŋuŋ ma ƃôi dí kúla ǹóai su ƃɛ́i yá fé naai.

Maafîu 26:28

Kpɛ́ni fêi, ŋ́ãai ká ŋí, Gbanaŋ-woo Kɛɛ (Ninai) mɛni ma, nyii a pú núu támaa mɛni ma sɔnyɔ̂ŋ su-mɛni-lɛɛ mɛni mai.

Maafîu 3:16

Zîsɛ kɛ́ɛ Zɔ̂ŋ a ŋɔbatâi kɛ́i, è kùla ǹyái su a maa félaa. Nya ƃe ŋele-kɔlɔŋ lá è ƃò mì, è Ɣâla Ŋɔmɔ̂leŋ kaa gɛ yeŋ yɛ̂ɛ tòloŋ é sée ma.

Markə 14:24

È m̀o dîa ǹyɛɛi, “Ŋ́ãai ká ŋí, Gbanaŋ-woo Kɛɛ Ninai mɛni ma, nyii a pá núu támaa mɛni ma.

Lukə 22:20

Nya ƃe maa-pere tɔnɔi ti su dí kpɛɛ dílaa miî, e kpele-kɔ̂ɛɛ siɣe, ǹyɛɛi, “Gbele-kɔɛi ŋi káa a Gbanaŋ-woo Kɛɛ Ninai ŋ́ãai su nyii a pú ka-mɛni ma.]

Ɉaan 14:17

Ǹyaa ƃa Dɔ̃yâ-Mɔleŋ kpîŋ, nyii ǹɔii fa pɔ̂ri zɔlɔ ƃôi. Kpɛ́ni fêi, va gàa, kpaa máŋ é gɔ́lɔŋ. Kɛ́lɛ, ká gɔ́lɔŋ. Kpɛ́ni fêi, gáa kákɔlɛ ǹyaŋ a pâi kɛ̂i kákponôi.

Ɉaan 14:6

Zîsɛ e mò ma, ǹyɛɛi, “Ńyãa ƃa berei, dɔ̃yâi, da vulu-laai; núu da fa pâ Nàŋ-nuui pɔ fɛ̂ɛ ńzârai.

Ɉaan 15:26

“Kɛ́lɛ, Gbɔŋ-ma-nuui à pà, nyii ŋa pâi dɛɛ̂i kápɔ é kúla Nàŋ-nuui yêei, Dɔ̃yâ-Mɔleŋ ǹyaa kpîŋ, nyii kulâi Nàŋ-nuui yêei, ǹyaa ƃe pâi ḿaa-sere-faa kɛ̂i;

Ɉaan 16:13

Dɔ̃yâ-mɔleŋ à pà, a pâi kátenîŋ tɔɔ̂i dɔ̃yâi kélee su. Kpɛ́ni fêi, ve pâi lônoi a gbɔɔ̂i-woo. Kɛ́lɛ, nyiŋi kélee a mɛ̀nii, a pâi m̀ôi ǹyaŋ a pâi zɛŋ lɛ̂i káa gáa pâi.

Ɉaan 3:5

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a ǹyái da Mɔleŋ, à wàla kɛ́ ti, va pɔ̂ri liî Ɣâla ŋɔkâloŋ-laai su.

Ɉaan 4:10

Zîsɛ e ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa-ya tɛɛ̂i ípɔ.”

Ɉaan 4:14

kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Ɉaan 6:55

Kpɛ́ni fêi, núu káa a mii-sɛŋ kpîŋ, ŋãai kɛ́ ƃo a kpele-sɛŋ kpîŋ.

Gɛlaɠaa 8:36

Díkɛɛ liî, dí kùla yá da ma. Nya ƃe ǹalôŋ e mò, ǹyɛɛ, “Ƃɛ káa. Yá ká ŋí! Le ƃa pɔ̂ri ŋábatâi-mɛnii kperâi?” [

Lomaŋ 3:25

Ɣâla è nɛ̀ a zu ponoɔɔ a gɛ́ɛ é sâla kula a ŋ̀ãai a gɛ́ɛ dí zɔlɔ ƃó laa-la su. Ɣâla è nyíŋi kɛ̀ a gɛ́ɛ e ŋɔtɔ̃yâ laa-lai lɛ́, kpɛ́ni fêi, è tèe sɔnyɔ̂ŋ pɔlɔ-ŋa dîa Ŋɔɣâla lii-kpelei su.

Ifisiɛŋ 1:7

Kwa ŋuŋ-ma-ƃo sɔlɔ ƃô gbonôi ŋɔŋãai sârai, nyíi zu-kulai ƃa kútɔ̂ŋ karaai ŋɔsu-mɛni-lɛɛi, yɛ̂ɛ berei ŋɔƃɛlɛ-sêei su kɛ́tɛ̂i lai,

Kolosə 1:4

kpɛ́ni fêi, kwa kálaa-lai maa-mɛni mɛni Zîsɛ Kôrai kponôi da ŋwɛli-kɛ-maai gáa káyêei Ŋ̀âla-ƃelai kélee mɛni mai.

Timote dɔlɔɔ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ: E gbîŋ lɛ̀ núu-kpune kɛ-pere su, Ɣâla e fâa Ŋɔmɔ̂leŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é dɛ́ la folo-laa su.

Taitɔ 3:5

è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Hebreu 10:29

Káfe gɔ́lɔŋ a gɛɛ ǹúui a Ɣâla Ǹóŋ kpɔ̀ara é gbanaŋ-woo-kɛɛi maa-ŋãai kara, nyíi maa waai, é tela Mɔ̂leŋ ŋumɛ nyíi a ƃɛlɛ-sêe tɛ̂ɛi, ŋɔtɔŋ-kpɛ́-maai kɛ́tɛ̂i é tɛ́ɛ nyíŋi ma?

Hebreu 12:24

Ka pá Zîsɛ pɔ nyíi gáa a kúloa-nuu kwa Ɣâla-ni gbanaŋ-woo-kɛɛ ninai mɛni ma da ŋãa kpɛmɛŋɔɔi nyíi a lôno a ǹɛ́lɛɛ é tɛ́ɛ Ebɛɛ ŋãa mai.

Hebreu 13:20

Ǹii-see-Ɣalai nyíi Zîsɛ Kôrai kùla saa yêei é pá la pôlu a ŋwɔlɔ-wɔlɔ kpanaŋ-woo-kɛɛi maa-ŋãai, nyíi gáa a m̀ála-ŋai mɛi-kaa-nuu kɛ́tɛi,

Hebreu 9:14

Kôrai, nyíi maa waai è gbîŋ tɛ̀ɛ Ɣâla pɔ Ŋwɔlɔ-wɔlɔ-Mɔleŋ sârai, ŋɔŋãai a pâi kálii maa waai a ǹɛ́lɛɛ é tée nyíti ma é kákula kátûa-pere-nyɔŋ pɔlɔ-ŋai sú a gɛɛ ka tíi kɛ́ Gɛ-ɣele-ma-Ɣâlai mi.

Hebreu 9:7

Kɛ́lɛ, loŋpoi zu-pere ŋɔi su, zâla láa soŋ-nuu kɛ́tɛi nɔ́ ƃa lî naa. A lî nɔ́ naa tɔnɔɔ kóraŋ tɔnɔ su. Va lî naa kpɛ́ni-kpɛni, fɛ̂ɛ é lí a ŋãa, nyíi a gula a sâla gbîŋ mɛni ma da ǹûai dísɔnyɔ̂ŋ.

Piɛrə dɔlɔɔ 1:2

nyíi-ŋai Ɣâla Nàŋ-nuui è dílɛ̀ é díkɔlɔŋ a nàa túɛ é dímaa wáa a Mɔ̂leŋ a gɛɛ dí Zîsɛ Kôrai wóo mɛ́ni ŋɔŋãai é kpɛ́mɛŋ dîa. Ƃɛlɛ-sêe da lii-sêe dí támaa káyêei.

Piɛrə dɔlɔɔ 3:21

Batâi, nyíi gáa nɔ́ yɛ̂ɛ m̀ɛnii ŋí, a nâa kámaa wáa, zu-kulâi fa kákponôi líƃi a kpɛ̂ɛ mà, kɛ́lɛ, gáa a kúliɛ Ɣâla pɔ́ a gɛɛ é kúkili-ŋa-siai maa waa Zîsɛ Kôrai ŋɔmu-siɣe saa-yeei sârai,

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 4:10

Dɔ̃yâ-wɛli-kɛ-maai kpîŋ fa a gɛɛ kú Ɣâla wɛ́li ni. Kɛ́lɛ, dɔ̃yâ-wɛli-kɛ-maai kpîŋ ƃa Ɣâla è kúwɛli ni. Ǹyaŋ è Ǹóŋ tɛ̀ɛ a gɛɛ é kɛ́ a kúsɔnyɔ̂ŋ maa-sala-sɛŋ.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋɔŋãai,

M̀ɛni-lɛɛi 5:9

Ǹya ƃe dí kɛ̀ wule nina toôi, díyɛɛi, “Ímaa nɛɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.