Zɔ̂ŋ Maa-ŋuŋ 3:5 - Bible

⁵ Ká gɔ̀lɔŋ è pà a gɛɛ é sɔnyɔ̂ŋ siɣe, ǹyaŋ sɔnyɔ̂ŋ fé gbonôi.

Yálá laawoo hɛɓɛ (dc)

⁵ Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Yálá laawoo hɛɓɛ

⁵ Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Zɔ̂ŋ Maa-ŋuŋ 3:5 ပူးပေါင်းရင်းမြစ်များ

Osia 14:2

Ka lí a kpera-fêi-woo Yâwɛɛ pɔ́, kâa, “Kúsɔnyɔ̂ŋ-ŋai kélee su mɛni lɛɛ, í íyee sée kúmɛni lɛ́lɛɛ-ŋai mu. Kwa pâi ílaa maa tɛ̂i yɛ̂ɛ berei kú kúkono tèe lai.

Maafîu 1:21

Ǹyaŋ a pâi lóŋ-surɔŋ maa sɔlɔ ƃôi, nyii ya pâi ǹáa seêi a Zîsɛ, kpɛ́ni fêi, a pâi ŋɔnûai ƃâloi dísɔnyɔ̂ŋ yêei.”

Lukə 23:41

Zã́âi kúmɛni ma; kpɛ́ni fêi, kúkaa kúsɔŋ ŋɔfela-fei sɔlɔ ƃôi; kɛ́lɛ, nalôŋ ŋi fé mɛni nyɔ́mɔɔ da kɛ́ ni.”

Lukə 23:47

Tãi gɔkuluƃa-ŋai mɛi nuui e mɛnii ŋi kàa la é kɛ́i, e laa-maa-tɛ tɛɛ Ɣâla pɔ, ǹyɛɛi, “Tɔ̃yâ ma, nalôŋ ŋi e kɛ̀ a tɔ̃yâ-nuu!”

Ɉaan 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Ɉaan 1:31

Ńyãa kpîŋ fé kɛ́ ni a gɔ́lɔŋɔɔ, kɛ́lɛ, nyiŋi mɛni ƃe ŋá pà ŋ́gɛ batâi kɛ̀ a yá, a gɛɛ é lɛ́ Eezuɛ-ŋai dîa.”

Ɉaan 14:30

Fe pâi ŋɔ́nɔ lônoi kápɔ a zu kôya. Kpɛ́ni fêi, ǹɔii ŋi mɛi-nuui káa pâi. Wala-wala kélee fe ǹyêei ḿɛi;

Ɉaan 8:46

Gbɛ̂ɛ ƃe kásama a pɔ̂ri ǹɛ̂i a gɛɛ ńzɔŋ káa sɔnyɔ̂ŋ su? Ŋà dɔ̃yâi ƃò, le ƃe káfa laa a ńyãai?

Korɛntə veelɛ 5:21

Kpɛ́ni fêi, Kôrai nyíi ve kɛ́ ni a sɔnyɔ̂ŋ kɔ́lɔŋɔɔ̂i, Ɣâla e sɔnyɔ̂ŋ pu mà kúmɛni ma a gɛ́ɛ ku kɛ́ a ǹyaa Ɣâla ŋɔtɔ̃yâ-ƃela Kôrai kponôi.

Timote dɔlɔɔ 1:15

Mɛnii da mòi gáa a tɔ̃yâ. Maa nɛ̃ɛ̂i ku kúyêei see mu a gɛ́ɛ Zîsɛ Kôrai è pà ǹɔii su ƃɛ a gɛ́ɛ é sɔnyɔ̂ŋ-ƃela ƃálo. Ǹyaŋ ńyãa ƃa zɔnyɔ̂ŋ gɛ́tɛ-kɛ-nuu;

Timote dɔlɔɔ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ: E gbîŋ lɛ̀ núu-kpune kɛ-pere su, Ɣâla e fâa Ŋɔmɔ̂leŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é dɛ́ la folo-laa su.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Hebreu 1:3

È Ɣâla ŋɔfólo-laai lɛ̀, gɛ ƃo a Ɣâla kɛ́-perei pɔɔ-ŋa-nuu. A ǹyée kɛ̀ ŋ̀éniɛi ma a ŋɔwala-wala-wooi. Tãi è núu maa-waa-laa la sɔnyɔ̂ŋ mɛni mai, è sèe Ŋ̀âla kɛ́tɛi láa-mii-yee mɛi Ɣâla-taa.

Hebreu 4:15

Kpɛ́ni fêi, zâla láa soŋ-nuui gáa kúyêei vé a zâla láa soŋ-nuui nyíi pɔ̂ri fé mì a gɛɛ é kúmalôŋ káa kúfii-kpɛɛi sui, kɛ́lɛ, gáa a zâla láa soŋ-nuui nyíi su-kɔɔŋ è pà bɔ̀ pere-sii kélee su yɛ̂ɛ kúai. É máŋ kɛ́ tí vé sɔnyɔ̂ŋ kɛ́ ní.

Hebreu 7:26

È kɛ̀ a mɛni lɛ́lɛɛ a gɛɛ fɛ̂ɛ sâla láa soŋ-nuu kɛ́ɛ ŋí é kɛ́ kúyêei, maa waa, zɔŋ fé mà, pɔ́ɔ fé mà, da sɔnyɔ̂ŋ-ƃela díŋa kɔlɛɛ, maa tɛɛ a gɛ́tɛ ŋelei mɛi.

Hebreu 9:26

Eêi kɛ̀ tí, gɛ̀ ní Kôrai eêi pɔ̂ri mɛni-soli kâai a tãi támaa é síɣe ŋ̀éniɛi kɔ́ɔ pîlaŋ-tãi ma. Kɛ́lɛ, berei gáa lai, è pà nɔ́ zu tɔnɔ a gbanaŋ-woo-kɛɛ pɔlɔi maa-ɣeniɛi kpɛɛ ŋá a gɛɛ é sɔnyɔ̂ŋ kpera a gbîŋ kúlaa a sâla.

Hebreu 9:28

bere nɔ ƃe Kôrai nyíi gbîŋ tɛ́ɛ nɔ́ zu tɔnɔ a gɛɛ é núu támaa dísɔnyɔ̂ŋ siɣei, a pâi pâi la a tãi veerɛi. Vé pâi sɔnyɔ̂ŋ mɛni ma, kɛ́lɛ, a pâi diai ƃálôi díkaa m̀aa kpɛnii kpɔ́ a gbanaŋɔɔi.

Piɛrə dɔlɔɔ 1:18

Ka gɔlɔŋ a gɛɛ dí kámaa tèe mɛni kpɛ́ni-kpɛni-ŋai sú nyii-ŋai ká gùla kánâŋ-ni yêei. Dífe kámaa tée ní a zãâi nyíi-ŋai da tɛ̂ɛi, yɛ̂ɛ káne da gôo.

Piɛrə dɔlɔɔ 1:20

Ɣâla è kɛ̀ a gɔ́lɔŋɔɔ nàa túɛ ŋ̀éniɛi kɔ́ɔ pîlaŋ tãi é lɛ́ɛ serii. Kɛ́lɛ, è ǹɛ a tãi gbɛɛ ŋá kámɛni ma.

Piɛrə dɔlɔɔ 2:22

Vé sɔnyɔ̂ŋ kɛ́ ní. Núu-pɛlɛ-woo da kélee máŋ fé kúla ní ǹá.

Piɛrə dɔlɔɔ 2:24

Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Piɛrə dɔlɔɔ 3:18

Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Zɔ̂ŋ Maa-ŋuŋ 1:2

Vúlu-laa è lɛ̀ kûa, kú gáa. Kwa m̀aa-sere-faa kɛ̀, kú ŋwɔlɔ-wɔlɔ fulu-laai mɛni ƃó kâa, nyíi kɛ̀ Nàŋ-nuui pɔ́ naa, ǹyaŋ è ǹɛ kûai,

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 2:1

Nónîi, ŋa mɛnii ŋí pɔ̃yɛɛ̂i kápɔ naa a gɛɛ káfe sɔnyɔ̂ŋ kɛ̀. Kɛ́lɛ, à kɛ̀ núu da à sɔnyɔ̂ŋ kɛ̀, kúmɛi-woo ƃo-nuu káa naa Nàŋ-nuui pɔ́ naa, ǹyaa ƃa dɔ̃yâ-nuui Zîsɛ Kôrai.

Zɔ̂ŋ Maa-ŋuŋ 2:2

Ǹyaa kpîŋ ƃa kúsɔnyɔ̂ŋ maa-sala-sɛŋ. Vé nɔ́ kúa tɔnɔ kúsɔnyɔ̂ŋ mɛni ma, kɛ́lɛ, gáa ǹɔii kélee ŋɔsɔnyɔ̂ŋ mɛni ma.

Zɔ̂ŋ Maa-ŋuŋ 2:29

À kɛ̀ ká gɔlɔŋ a gɛɛ gáa a tɔ̃yâ-nuu, ká gɔlɔŋ a gɛɛ ǹúui kélee a mɛni-sãa kɛ̀i, Kôrai a zɔlɔ ƃo a lóŋ.

Zɔ̂ŋ Maa-ŋuŋ 3:8

Ǹúui a sɔnyɔ̂ŋ kɛ̀i, gáa a Dɛ̂ƃele pɔ́ɔ, kpɛ́ni fêi, Dɛ̂ƃele è sɔnyɔ̂ŋ kɛ̀ é kúla gɔ́ɔ pîlanii. Sâpoi Ɣâla Ǹóŋ è pà lai, nya ƃa a gɛɛ é Dɛ̂ƃele ŋɔtíi su kara.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋɔŋãai,