Korɛntə dɔlɔɔ 9:16 - Bible

¹⁶ Kpɛ́ni fêi, à kɛ̀ ŋà Duŋ Lɛ́lɛɛi ƃò, gɛ̀ ní sâpo kélee fe naa yoŋka tée mɛni ma. Kpɛ́ni fêi, gáa a sɛŋ fɛ̂ɛ nɔ́ ŋá gɛ́. Kpalo ƃélaâi mâ à kɛ̀ ŋà wàla Duŋ Lɛ́lɛɛi ƃo!

Yálá laawoo hɛɓɛ (dc)

¹⁶ Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Yálá laawoo hɛɓɛ

¹⁶ Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Korɛntə dɔlɔɔ 9:16 ပူးပေါင်းရင်းမြစ်များ

Azaya 6:5

Nya ƃe ŋá mò ńyɛ̃̂ɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Ɉeremi 1:17

M̀ɛni ma, ye ímu siɣe, í lî ím̀ɛnii ŋa pâi m̀ôi yâi í gélee ƃó dîa. Ífe yào a dɔnɔ kpîŋ, a wàla kɛ́ tí, ŋa pâi gɛ̂i íyao kpɔ́ a ŋánaa a tãi ya pâi kɛ̂i la dísamai.

Ɉeremi 20:7

Yâwɛɛ, í ḿbɛ̀lɛ, ŋ́gili-ŋa é tɛi. Íwala-walaai é tɛ́ɛ ḿâ. Íyee a tɛ̀ɛ ḿâ. Ǹûai kélee da ɣɛ́lɛ-maa kulâi ŋ́gbonôi. Da lɛ̂ɛ ɣɛ̂lɛi ḿâ é lɛ́ɛ la zu ɣele wûlii é kɛ́.

Ɉeremi 20:9

Kɛ́lɛ, à kɛ̀ ŋà mò, “Ŋa pâi niâi Yâwɛɛ ma, ḿve ŋɔ́nɔ lòno é pîlaŋ ǹáa ma.” Gɛ̀ ní íwooi a kɛ̂ yɛ̂ɛ ŋɔŋ ƃé ŋ́gereniî ŋ́gbonôi. Ŋa kɔ̂ a gɛɛ ŋá ńii maa sóŋ, kɛ́lɛ pere kélee da fa kɛ̂ naa.

Amɔsə 3:8

Yala-sului a kpèɣe, gbɛ̂ɛ ƃé vé pâi yaôi? Ɣâla Yâwɛɛ a lóno, gbɛ̂ɛ ƃé vé pâi ŋ̀óo su kulâi?”

Amɔsə 7:15

Kɛ́lɛ Ɣâla Yâwɛɛ è ŋ́gùla ŋaƃála-ŋai túɛ, ǹyɛɛ ḿâi, ‘Lí í tuɛ mɛ̂ni ƃó ŋánûai Eezuɛ-ŋai dîa.’

Maafîu 25:16

Nya ƃe ǹúui nyii dâla wála lɔ́ɔlui (5,000) sɔlɔ ƃôi, è pɔni-tɔ̀ɔ la a maa felaa é dâla wála lɔ́ɔlu (5,000) sɔlɔ ƃó a gêni.

Lukə 9:62

Zîsɛ è mò ma, ǹyɛɛi, “Núu da fa pɔ̂ri díi-kɛ-kɔlii sonîi é bôlu-pere káa, pɔ̂ri é kɛ́ mì a gɛɛ é kɛ́ a Ɣâla ŋɔkâloŋ-laai su-nuu da.”

Gɛlaɠaa 4:20

Kɛ́lɛ, kúfa pɔ̂ri kperâi lônoi é pîlaŋ m̀ɛnii ma kwa gâai da nyíi kwa mɛnii.”

Gɛlaɠaa 9:15

Kɛ́lɛ, Kúnuu-namui è mò mà, ǹyɛɛ, “Lí, kpɛ́ni fêi, gáa a ǹúui ŋa ǹɛ́ a ŋátii kɛ́-nuui dɔnɔ a gɛ́ɛ é lí a ǹáa Zɛ̃tai-ŋai sáma, gâloŋ-ŋai da Eezuɛ-ƃelai.

Gɛlaɠaa 9:6

Kɛ́lɛ, ímu siɣe í li daai su. Da pâi m̀ɛnii ƃôi yâ ya pâi gɛ̂i.”

Lomaŋ 1:14

a nɛ̃ɛ ma kpîŋ é kɛ́ a Gurii-nuu kpaa ǹúui vé a Gurii-nuui, Kwíi-nuu kpaa ǹúui vé a Kwíi-nuui.

Lomaŋ 15:17

Gɛ̀ ní, sâpo káa ńyêei Zîsɛ Kôrai kponôi a gɛ́ɛ ńii é nɛ̃ɛ ŋɔtíi mɛni ma Ɣâla mi.

Lomaŋ 4:2

Dîi Eberaɣɛ̃ɛ kɛ̀ a tɔ̃yâ-nuu ŋɔtíi sârai, gɛ̀ ní mɛni da eêi pɔ̂ri kɛ̂i naa é yoŋka tée la, kɛ́lɛ, Ɣâla ŋɛ́i fêi.

Korɛntə dɔlɔɔ 4:15

Kpɛ́ni fêi, berei máŋ sɛŋ-lɛ-ƃela wála támaa káa la káyêei Kôrai kponôi, kánâŋ-ni dífe tama ni. Kpɛ́ni fêi, ŋá kɛ̀ a kánâŋ Zîsɛ Kôrai kponôi Duŋ Lɛ́lɛɛi sârai.

Korɛntə dɔlɔɔ 9:12

À kɛ̀ gáa a sɛŋ a gɛ́ɛ núu da kpɛni-ŋa dí mɛni-ŋai ŋí dámaa sɔlɔ ƃó káyêei, gɛ̀ ní kúa máŋ ve a sɛŋ a gɛ́ɛ ku dámaa sɔlɔ ƃó e tɛɛ díwɔ̂i ma? É máŋ kɛ́ ti, kúfe niî zãâi sɔlɔ ƃo ni nyíi-ŋai gáa a sɛŋ fɛ̂ɛ ku dísɔlɔ ƃôi, kɛ́lɛ, kwa kúlii kpèle mɛni kélee su kúfa Kôrai ŋɔtuŋ lɛ́lɛɛi perêi kpaaŋ.

Korɛntə dɔlɔɔ 9:14

Bere tɔnɔi ti nɔ́ ƃe Kúnuu-namui e mò la a gɛ́ɛ diai kélee da Duŋ Lɛ́lɛɛi ƃôi, dí dífulu-laai kɛ́ Duŋ Lɛ́lɛɛi sârai.

Korɛntə veelɛ 2:12

Tãi ŋá pà la Toroɛ Kôrai ŋɔtuŋ lɛ́lɛɛi ƃó mɛni mai, dí gbôŋ lá ƃò ńduɛ Kúnuu-namui kponôi;

Kolosə 4:17

Ka m̀ó Asipɔ ma, “É lɛ́ɛ íkili ŋá í díi kɛ́ nyíi Kúnuu-namui e dɛ̀ɛ ípɔi.”

Samuɛlə dɔlɔɔ 12:23

À kɛ̀ ŋà kpèra Ɣâla fɛlîi kámaa mɛni ma, gɛ̀ ní ŋá Ǹuu-namui wóo píli! Ŋa pâi berei lɛ̂i kâa a ɣele kélee nyíi a pɔri gɛ̂i kátûa a ǹɛ́lɛɛ.