Korɛntə dɔlɔɔ 6:2 - Bible

² Káfe gɔ́lɔŋ a gɛ́ɛ Ŋ̀âla-ƃelai da pâi ŋ̀éniɛi ŋɔmɛnii ŋá teêi? À kɛ̀ ka pâi ŋ̀éniɛi ŋɔmɛnii ŋá teêi, pɔ̂ri fe pâi kɛ̂i kâa a gɛ́ɛ ka mɛni-fii-kpɛɛ-ŋai kélee ŋá tee.

Yálá laawoo hɛɓɛ (dc)

² Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Yálá laawoo hɛɓɛ

² Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Korɛntə dɔlɔɔ 6:2 ပူးပေါင်းရင်းမြစ်များ

Mąątɛ̨nɛ̨ 49:14

Díkaa yɛ̂ɛ ƃála-ŋa. Saa ƃa dímɛi káa-nuu, gɛ́ díteniŋ tɔ̀ɔ m̀olôŋ su. Deniŋ ƃô-ƃelai da pâi kɛ̂i siâi díƃolôŋ mɛi a ɣele-wala díkpono kɛ́ ƃò ǹɔii mu pere póŋ-poŋ gɛ́ lùla m̀olôŋ su saa táa.

Danîa 7:18

Kɛ́lɛ Ŋ̀âla Kɛ́tɛi ŋɔtíi kɛ́-ƃela pɔlɔ maa waa-ŋai ƃé pâi gâloŋ laa-ŋai ŋí sɔlɔ ƃôi gɛ́ ƃò díyêei wɔ́lɔ-wɔlɔ da wɔlɔ-wɔlɔ.”

Danîa 7:22

Nya ƃe ǹúui gáa ɣele ma wɔ́lɔ-wɔlɔ da wɔ́lɔ-wɔlɔi è m̀ɛnii ŋá tèe Ŋ̀âla Kɛ́tɛi ŋɔnûai mɛni ma. È mò nyɛ̀ɛ tãi a seri a gɛɛ Ɣâla ŋɔnûai dí lɔii loŋ-laa maa wala-wala-sɔlɔ ƃó.

Zakari 14:5

Ka pâi pûi a ŋáyeei ŋɔtiŋ-tiŋ su-pere nyii ǹyéei ŋáa kɔ̀lɛ gîei feerɛ. Ka pâi pûi yɛ̂ɛ berei ká wɔ́lɔ pù la Zuda kaloŋ Uzia ŋɔtãi ma tãi ǹɔii è wɔ́lɔ kpɛ̀liŋ lai. Gɛ̀ ní Yâwɛɛ nyii gáa a Káɣâlai a pâi pâi da ŋɔpôlu-ƃelai kélee.

Maafîu 19:28

Nya ƃe Zîsɛ è mò dîa, ǹyɛɛi, “Ŋa tɔ̃yâ ƃoi kâa, tãi núu-kpune Ǹóŋ a pâi seêi la gâloŋ-see-sɛŋ ŋá ŋɔfólo-laai su, vulu-laa ninai sui, káai ka kákaa ḿbôlui, káa máŋ ka pâi seêi kâloŋ-see-sɛŋ puu kao feerɛ ŋá, kakɛ Eezuɛ-ŋai dísuu puu kao féerɛi dímɛni ŋá tee.

Lukə 22:30

A gɛɛ ka kálaa miî, ka kápele ŋáteƃelei ma ŋákâloŋ-laai su. Ká see kâloŋ-see-sɛŋ-ŋa ŋá. Ká Eezuɛ-sii puu kao feerɛ-ŋai dímɛni ŋá tee.

Lomaŋ 6:16

Káfe gɔ́lɔŋ a gɛ́ɛ à kɛ̀ kà kákpîŋ tɛ̀ɛ núu da pɔ́ a yɛ̂ɛ woo mɛni luɛ-ŋa, gɛ̀ ní kákaa a ǹúui tí ka ŋ̀óo mɛnii ŋɔluɛ-ŋa? Kákaa a sɔnyɔ̂ŋ ŋɔluɛ-ŋa nyíi a kákɛ̀ kásaai, kpaa máŋ kákaa a woo mɛni ŋɔluɛ-ŋa nyíi a kákɛ̀ a tɔ̃yâ-ƃelai.

Korɛntə dɔlɔɔ 1:20

Dare-nuui kɔɔ? Gɔlɔ-pɔ̃yɛ-nuui kɔɔ? Ŋ̀éniɛi ŋí su yeli-tɔɔ-nuui kɔɔ? Diai da díkpîŋ kula a tare-ƃela ǹɔii ŋí sui, Ɣâla fe gɛ̀ ní dí kɛ́ a ƃoo-ƃela?

Korɛntə dɔlɔɔ 1:21

Kpɛ́ni fêi, berei Ɣâla ŋɔtárei káa lai, ŋ̀éniɛi su-ƃelai dífe Ɣâla kɔlɔŋ ni táre sui, Ɣâla líi lâai a gɛ́ɛ diai laa-la káa díyêei, a díƃalo kúƃoo-Ɣâla-wooi sârai.

Korɛntə dɔlɔɔ 6:4

A kɛ̀ mɛni kɛɛ-ŋai ti da kɛ̀ káyêei, fɛ̂ɛ ká dílaa diai ŋɛi dítɔɔ̂i fe ma Kôrai-toli-kpɔŋ su lé mɛni ma?

Korɛntə veelɛ 4:18

Kpɛ́ni fêi, kúkili fe zãâi dîa nyíi-ŋai kwa díkaâi, kɛ́lɛ, kúkili káa zãâi dîa nyíi-ŋai kúfa díkaâi; kpɛ́ni fêi, zãâi kwa díkaâi da pâi tɛɛ̂i, kɛ́lɛ, zãâi kúfa díkaâi díkaa nɔ́ naa wɔlɔ-wɔlɔ.

Tɛsalonikə dɔlɔɔ 3:13

a gɛ́ɛ é kálii su kpanaŋ kámaa e waa kásɔŋ fè kɛ̀ kâa Kúnâŋ Ɣâla ŋɛi a tãi Kúnuu-namui Zîsɛ da ŋɔnûai da kɛ̂ pâi lai.

M̀ɛni-lɛɛi 20:4

Ǹaa pôlu mà, ŋá kâloŋ-see-sãa kàa, ǹyaŋ diai kɛ̀ see ni díŋai, dia ƃe kɛ̀ a ǹûai dí wala-wala-laa tɛ̀ɛ dípɔ a gɛɛ dí mɛni ŋá tee. Diai dí díŋuŋ têe Zîsɛ maa-sere-faa kɛ-mɛni ma da Ɣâla ŋɔwóoi, ŋá dímɔ̂leŋ kâa da diai dífe zuai fɛli nii, kpaa máŋ dífe zua-pɔɔkɔ̂ŋ fɛli nii, zuai pɔ́ɔ fé tela dítôŋ lá, kpaa máŋ díyee ŋái. Dí pà pôlu ŋɔ́nɔ fulu-laa su, da Kôrai-ni dí kɛ-mɛi-laa kɛ́ a kóraŋ wála tɔnɔ (1,000).

M̀ɛni-lɛɛi 3:21

Ǹúui a yee-tɛɛ-maa kɛ̂i, ŋa pâi ǹɛɛ̂i naa kwa ǹyaa ku sée ŋákâloŋ-see-sɛŋ ŋá, yɛ̂ɛ berei ǹyaa kpîŋ ŋá yee-tɛɛ-maa kɛ̀ la kwa Ńâŋ ku sée ŋɔkâloŋ-see-sɛŋ ŋái.