Korɛntə dɔlɔɔ 3:16 - Bible

¹⁶ Káfe gɔ́lɔŋ kákaa a Ɣâla ŋɔpɛ́rɛ Ɣâla Ŋɔmɔ̂leŋ kɛ́ ƃò kákponôi?

Yálá laawoo hɛɓɛ (dc)

¹⁶ Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Yálá laawoo hɛɓɛ

¹⁶ Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Korɛntə dɔlɔɔ 3:16 ပူးပေါင်းရင်းမြစ်များ

Izikiɛ 36:27

À kɛ̀ tí, gɛ̀ ní ŋá pâi ŋámɔ̃lêŋ pûi kákponôi, ŋá gɛ́ ká ŋá tɔ̂ŋ-ŋai mɛi káa, kátûa yɛ̂ɛ berei ŋá tɔ̂ŋ wóo káa lai.

Ɉaan 14:17

Ǹyaa ƃa Dɔ̃yâ-Mɔleŋ kpîŋ, nyii ǹɔii fa pɔ̂ri zɔlɔ ƃôi. Kpɛ́ni fêi, va gàa, kpaa máŋ é gɔ́lɔŋ. Kɛ́lɛ, ká gɔ́lɔŋ. Kpɛ́ni fêi, gáa kákɔlɛ ǹyaŋ a pâi kɛ̂i kákponôi.

Lomaŋ 6:16

Káfe gɔ́lɔŋ a gɛ́ɛ à kɛ̀ kà kákpîŋ tɛ̀ɛ núu da pɔ́ a yɛ̂ɛ woo mɛni luɛ-ŋa, gɛ̀ ní kákaa a ǹúui tí ka ŋ̀óo mɛnii ŋɔluɛ-ŋa? Kákaa a sɔnyɔ̂ŋ ŋɔluɛ-ŋa nyíi a kákɛ̀ kásaai, kpaa máŋ kákaa a woo mɛni ŋɔluɛ-ŋa nyíi a kákɛ̀ a tɔ̃yâ-ƃelai.

Lomaŋ 6:3

Káfe gɔ́lɔŋ a gɛ́ɛ kúai dí kúbatâi kɛ̀ Zîsɛ Kôrai sârai dí kúbatâi kɛ̀ ŋɔsaai su?

Lomaŋ 8:11

À kɛ̀ ǹúui Zîsɛ mu siɣe saa yêei Ŋɔmɔ̂leŋ káa kákponôi, gɛ̀ ní ǹúui Zîsɛ Kôrai mu siɣe saa yêei a pâi máŋ fulu-laa tɛɛ̂i kákpono-saa-ŋai pɔ Ŋɔmɔ̂leŋ sârai nyíi gáa kákponôi.

Lomaŋ 8:9

Kɛ́lɛ, káfa sîa kákpîŋ tua-perei ma, kákaa M̀ɔlêŋ su, à kɛ̀ Ɣâla Ŋɔmɔ̂leŋ káa kákponôi a tɔ̃yâ. Ǹúui kélee Kôrai Ŋɔmɔ̂leŋ fe gbonôi, maa-nuui fe a Kôrai pɔ́ɔ.

Korɛntə dɔlɔɔ 3:17

À kɛ̀ núu da à Ɣâla ŋɔpɛ́rɛi su kàra, Ɣâla a pâi zu karâi. Kpɛ́ni fêi, Ɣâla ŋɔpɛ́rɛi maa waâi, ǹyaŋ maa-pɛrɛi ti ƃe kákaa la.

Korɛntə dɔlɔɔ 3:9

Kpɛ́ni fêi, kúkaa a Ɣâla ŋɔtii-kɛ-ƃela gîe ma; kákaa a Ɣâla ŋɔkpâlaŋ, ká ƃò a ŋɔpɛ́rɛ.

Korɛntə dɔlɔɔ 5:6

Káyoŋka-teɛɛi fe lɛlɛ ni. Káfe gɔ́lɔŋ a gɛ́ɛ kpólo-tɛ-sɛŋ kuro-te a gbólo kânei kélee tɛ̀?

Korɛntə dɔlɔɔ 6:16

Káfe gɔ́lɔŋ a gɛ́ɛ ǹúui a kânaŋ nɛnîi ma nyíi a gbîŋ tɛ̀ɛ sinâa pɔ sɛŋ-kao mɛni mai da ǹyaa da kɛ̂ a kpono tɔnɔ? Kpɛ́ni fêi, bere ƃe bɔ̃yɛɛ̂i la, “Dífeerɛ-ŋɔɔ da pâi kɛ̂i a kpono tɔnɔ.”

Korɛntə dɔlɔɔ 6:19

Káfe gɔ́lɔŋ a gɛ́ɛ kákponôi káa a Ɣâla-pɛrɛ M̀ɔlêŋ Maa Waai mɛni ma kákponôi, nyíi ka zɔlɔ ƃô Ɣâla yêei? Kápɔɔ fa káa kpîŋ;

Korɛntə dɔlɔɔ 6:9

Káfe gɔ́lɔŋ a gɛ́ɛ diai dífe a tɔ̃yâ-ƃelai Ŋ̀âla-taa kaloŋ-laai fe pâi kɛ̂i a dípɔɔ? Káfe kákpîŋ pɛ̀lɛ; goyaŋ-wulu-wulu kɛ-ƃela, kpaa máŋ ɣâla-pɔɔkɔŋ fɛli-ƃela, kpaa máŋ wulu-wulu kɛ-ƃela, kpaa máŋ zinâai da díkîe-ni kɛ̀ a nɛyaai,

Korɛntə dɔlɔɔ 9:13

Káfe gɔ́lɔŋ a gɛ́ɛ diai da tíi kɛ̀ Ŋ̀âla-pɛrɛ kɛ́tɛi mui da dímii-sɛŋ sɔlɔ ƃô Ŋ̀âla-pɛrɛ kɛ́tɛi mu, diai da tíi kɛ̀ teƃele mai, díkɛ zâla-sãai da sɔlɔ ƃo?

Korɛntə dɔlɔɔ 9:24

Káfe gɔ́lɔŋ a gɛ́ɛ diai kélee da gbakpa-fulɔi kɛ̀ da gɛ díkelee, kɛ́lɛ, núu tɔnɔ nɔ́ ƃa m̀aa-pui sɔlɔ ƃô? Ka kirɛ siɣe a berei ti a gɛ́ɛ ka zɔlɔ ƃo.

Korɛntə veelɛ 6:16

Le-mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔɔkɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi; yɛ̂ɛ berei Ɣâla e mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Timote dɔlɔɔ 3:15

à kɛ̀ ḿba-mɛnii à tòo pôlu, ká gɔ́lɔŋ berei ka pɔri tuâi la Ŋâla-pɛrɛ mu-ƃelai sama nyíi gáa a vulu-laa-Ɣalai ŋɔtóli-kpɔŋ, nyíi gáa a dɔ̃yâi soŋ-wuru da gɔ́ɔ pîlanii.

Timote veelɛ 1:14

dɔ̃yâi dí nɛ̀ɛ íyeêi mɛi káa M̀ɔlêŋ Maa Waai sârai nyíi gáa kúkponôi.

Hebreu 3:6

Kɛ́lɛ, Kôrai è kɛ̀ a núu sã́a Ɣâla ŋɔpɛ́rɛi mɛi yɛ̂ɛ ǹóŋ. Ǹyaŋ kúa ƃa ŋɔpɛ́rɛi à kɛ̀ kwa kúlaa-lai sôŋ a gbanaŋɔɔ é seri gɔ̃yɛŋ ma da kúlii-nɛɛi kúkili-kɛ-zui su.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa-sɛŋ, gáa a Ɣâla-kpɔara-mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa-nuui, a gbîŋ kɛ̀ a Ɣâla-kpɔara-nuu.

Piɛrə dɔlɔɔ 2:5

Ka kákpîŋ tɔ̀ɔ a Mɔ̂leŋ ŋɔpɛ́rɛ yɛ̂ɛ fúlu-laa-kɔni-ŋa. Ka kɛ́ a sâla láa soŋ-ƃela. Ka Mɔ̂leŋ ŋɔsâlai kúla Zîsɛ Kôrai sârai nyíi a Ɣâla líi làai.

Zɔ̂ŋ Maa-ŋuŋ 4:12

Núu da kélee fé niî Ɣâla káa ni. A kɛ̀ kwa kúkîe-ni wɛ̀li, gɛ̀ ní Ɣâla káa kúkponôi, ŋɔwɛli-kɛ-maai láa fɛ̂ɛ kúkponôi.