Korɛntə dɔlɔɔ 14:16 - Bible

¹⁶ À wàla kɛ́ ti, à kɛ̀ kà sɛɣɛi-fei tɛ̀ɛ Ɣâla pɔ a kámɔ̂leŋ, gɛ̀ ní a pɔ̂ri kɛ̂i leŋ ǹúui nyíŋi táre fe ǹyêei é kɛ́ kâa, “É kɛ́ ti” kásɛɣɛ̂i-fei mɛni ma, à kɛ̀ à wàla mɛnii kɔ́lɔŋ kákaa m̀ôi?

Yálá laawoo hɛɓɛ (dc)

¹⁶ Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.

Yálá laawoo hɛɓɛ

¹⁶ Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.

Korɛntə dɔlɔɔ 14:16 ပူးပေါင်းရင်းမြစ်များ

Tɔɔɓɛlaa dɔlɔɔ 1:36

Zeoaida ǹóŋ Bɛnaiya è gâloŋ wóo su tòo ǹyɛɛi, “É kɛ́ tí! Ǹɛɛ naa Yâwɛɛ, ŋánuu-namui gâloŋ Ŋɔɣâlai é fáa ma

Kɔlɔnikɔ Maa-ŋuŋ 16:36

Ka Eezuɛ Ŋɔɣâlai Yâwɛɛ láa maa tɛ́! Ka ǹaa maa tɛ́ wɔ́lɔ-wɔlɔ da wɔ́lɔ-wɔlɔ. Ǹûai kélee dí mò dîyɛɛi, “É kɛ́ tí” laa-maa-tɛ é tɛ́ɛ Yâwɛɛ pɔ.

Nehemi 5:13

È kɛ̀ tí, zeɣe kpûai kɛ̀ a ŋ̀iriɛ́ɛ ńeŋei, ŋá vùloŋ ŋá gula, ŋá gbɛ́mɛŋ díŋɛi-tuɛ, ńyɛɛ dîai, “À kɛ̀ ka wàla kákono teêi ŋàa sèe kɛ́, Ɣâla a pâi ká kpɛ́mɛnîi yɛ̂ɛ berei ŋa zeɣe kpûai ŋí kpɛ̂mɛŋ lai. A pâi ká kɔ̂liŋ kélee kulâi káyêei é pɛ́lɛ máŋ kápɛrɛ-ŋai dîa.” Ǹûai kélee kɛ̀ naai, dí zu tòo dîyɛɛi, “Kwa pâi kúkono têei ŋàa sèe kɛ̂i.” Nya ƃe, dí Yâwɛɛ láa maa tɛ̀. Ǹyaŋ dí díkono teêi ŋàa sèe kɛ̀ yɛ̂ɛ berei dí mò lai.

Nehemi 8:6

Ɛzura è mò ǹyɛɛ, “Laa maa tɛ̂ tɛɛ Yâwɛɛ pɔ́ nyii gáa a Ŋ̀âla kɛ́tɛi!” Ǹûai kélee dí díyee tɛ̀ ɣelêi dí láɣi, dîyɛɛi, “É kɛ́ tí-oo, é kɛ́ tí.” Dí pìlaŋ dí kpêleŋ ŋá, dí díŋuŋ ma pîlaŋ ǹɔii ma dí Yâwɛɛ fɛli.

Mąątɛ̨nɛ̨ 106:48

Ka Yâwɛɛ, Eezuɛ Ŋɔɣâlai láa maa tɛ́. Ka ǹáa maa tɛ́ wɔ́lɔ-wɔlɔ da wɔ́lɔ-wɔlɔ. Kákelee ka m̀ó kâai, “É kɛ́ tí.” Kwaa Yâwɛɛ láa maa tɛ́.

Mąątɛ̨nɛ̨ 41:13

Ka laa maa tɛ̂ tɛɛ Eezuɛ Ŋɔɣâlai Yâwɛɛ pɔ́! Ka laa maa tɛ̂ tɛɛ bɔ́ wɔ́lɔ-wɔlɔ da wɔ́lɔ-wɔlɔ. É kɛ́ tí! É kɛ́ tí!

Mąątɛ̨nɛ̨ 72:19

Lûwa é kɛ́ ŋɔláa kɛ́tɛi ma wɔ́lɔ-wɔlɔ da wɔlɔ-wɔlɔ. Tɔɔ ŋɔfólo-laai é ǹɔii lá fɛ́ɛ. É kɛ́ tí. É kɛ́ tí.

Mąątɛ̨nɛ̨ 89:52

Ka Yâwɛɛ láa maa tɛ́ wɔ́lɔ-wɔlɔ da wɔ́lɔ-wɔlɔ! É kɛ́ tí! É kɛ́ tí!

Ɉeremi 11:5

a gɛɛ ŋá gbèe-lɔi nyíi ŋá wɔ́lɔ ḿvòo la dínâŋ pɔlɔ-ŋai yêei ŋàa sèe é kɛ́. A gɛ́ɛ ŋa pâi lɔii lɛ́lɛɛ tɛɛ̂i nyíi sí-sɛŋ a kpɛ̂tɛ naa a tãi kéleei.” Nya ƃe ŋa zu tòo ńyɛ̂ɛi, “Yâwɛɛ tɔɔ é kɛ́ tí.”

Ɉeremi 28:6

“Tɔɔ é kɛ́ tí. Tɔ́ɔ Yâwɛɛ é gɛ́ yɛ̂ɛ berei ya môi lai. Tɔɔ m̀ɛnii ya môi, Yâwɛɛ é gɛ́ tí a tɔ̃yâ. Tɔɔ Yâwɛɛ é pá pôlu a zãâi kélee díwɔlɔ gùla Yâwɛɛ Ŋ̀ɔpɛrɛi mui é pɛ́lɛ ǹûai díwɔlɔ dí kùla Zuda dí lí a dia Babelɔŋ díkelee dîa.

Lonon mo 5:22

Ǹyái ŋí nyii a pâ a voo-wooi é tɛ́ɛ íkoi é íkpono fɛ́ɛ-fɛ̂ɛ íkoo é kàra.” Fɛ̂ɛ ǹɛnîi é mó ǹyɛɛ, “É kɛ́ nɔ́ a ńyãa yɛ̂ɛ berei íkaa môi lai.”

Maafîu 15:36

È gbólo-kpâla lɔ́ɔlu mɛi feerɛi siɣe da nyɛ̃ɛi é sɛɣɛ̂i-fei tɛɛ é díɣale-ɣale é dítɛɛ ŋɔpôlu-ƃelai pɔ, ŋɔpôlu-ƃelai dí dítɛɛ ǹûai pɔ.

Maafîu 28:20

M̀ɛni-ŋai kélee ŋá mò kâai, ka ǹɛ̂ dîa dí dímɛi káa. Ka gáa, ŋ́gaa kápôlu a tãi kélee é tóo la ŋ̀éniɛi kpɛ̀ɛ ŋá ma.”

Maafîu 6:13

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

Markə 16:20

Nya ƃe ŋɔpôlu-ƃelai dí kùla naa dí lí, dí Ɣâla-woo ƃó kwaa kélee ma. Kúnuu-namui kɛ́ díkɔlɛ, gɛ́ tɔɔ ŋ̀orɛ̂-wooi pôlu a ŋɛ́i-kɛ-maa-ŋa kɛ́ɛ. É kɛ́ ti.]

Ɉaan 21:25

Kɛ́lɛ, mɛni támaa da kpɛni-ŋa máŋ káa naa nyii Zîsɛ e gɛ̀; eêi kɛ̀ gélee eêi pɔ̃yɛɛ̂i, ńaâi la a gɛɛ ǹɔii kpîŋ fei pɔ̂ri gɔlɔ-ŋai mu nyii eêi pɔ̂ri pɔ̃yɛɛ̂i.

Ɉaan 7:15

Zûu-ŋai lá e kpàla dîa, dîyɛɛi, “Nalôŋ ŋi e sɛŋ kɔlɔŋ leŋ, ǹyaŋ ve tá sɛŋ kɔ́lɔŋɔɔ maa kɔri ni?”

Gɛlaɠaa 4:13

Ǹúu Pɔlɔ-ŋai kɛ́ɛ da gáa a gɛ́ɛ berei máŋ Pitɛ da Zɔ̂ŋ dífe kɛ́ díkɛ̀ lônoi a líi-kpele perei, dílaa è kpala dîa. Dí nâa gɔ́lɔŋ a gɛ́ɛ dí kɛ̀ Zîsɛ pôlu-ƃelai da.

Korɛntə dɔlɔɔ 11:24

tãi e sɛɣɛi-fei tɛ̀ɛ lai, e zu ɣale, ǹyɛɛi, “Ŋ́gbonôi ká ŋí nyíi gáa kámɛni mai. Ka nyíŋi kɛ́ ŋ́gili é lɛ́ɛ kákili-ŋá.”

Korɛntə dɔlɔɔ 14:14

Kpɛ́ni fêi, à kɛ̀ ŋà Ɣâla fɛ̀li a sii-wooi nyíi núu fa târe zui, gɛ̀ ní ŋámɔ̂leŋ káa Ɣâla fɛlîi, kɛ́lɛ, ŋákili-ŋa-siai ƃá fe ŋá.

Korɛntə dɔlɔɔ 14:2

Kpɛ́ni fêi, ǹúui a lôno a sîi-wooi nyíi núu fa târe zui, gɛ̀ ní maa-nuui fe lóno ni núu-kpune pɔ, gáa lônoi Ɣâla pɔ, kpɛ́ni fêi, núu fa târe ŋ̀óo su, kɛ́lɛ, a loo-mɛni-ŋa ƃò ŋɔmɔ̂leŋ su.

Korɛntə dɔlɔɔ 16:24

Ŋáwɛli-kɛ-maai é kɛ́ kákelee kámɛni ma Zîsɛ Kôrai kponôi. É kɛ́ ti.

Korɛntə veelɛ 1:20

Kpɛ́ni fêi, Ooei káa Ɣâla ŋɔkono-tee-ŋai kélee ma gbonôi. Mɛni ƃe kwa É kɛ́ ti ƃò la zarâi Ɣâla ŋɔfólo-laai mɛni ma.

M̀ɛni-lɛɛi 22:20

Ǹúui a m̀ɛni-ŋai ŋí maa-sere-faa kɛ̀i, a mò, nyɛɛi, “Tɔ̃yâ ma ŋa pâi a maa félaa.” É kɛ́ tí. Pá, Kúnuu-namui Zîsɛ!

M̀ɛni-lɛɛi 5:14

Nya ƃe vúlu-sãa náaŋ dí mò, díyɛɛi. “É kɛ́ ti!” Ǹyaŋ ǹúu-pɔlɔ-ŋai dí too ǹɔii ma dí vɛli.

M̀ɛni-lɛɛi 7:12

díyɛɛi, “É kɛ́ tí! Lûwa, fólo-laa, táre, sɛɣɛ-féi, ƃaa-kɛ-maa, wala-wala-laa da kpanaŋ-laa dí kɛ̀ Kúɣâlai ma wɔ́lɔ-wɔlɔ da wɔlɔ-wɔlɔ! É kɛ́ tí.”