Korɛntə dɔlɔɔ 13:13 - Bible

¹³ Mɛni ma, zɛŋ saaƃa ŋí, laa-la, kili-kɛ-zu, da wɛli-kɛ-maa díkaa nɔ́ naa wɔlɔ-wɔlɔ, kɛ́lɛ, zɛŋ saaƃai ŋí nyíi dɛɛ̂i gélee mai, ǹyaa ƃa wɛli-kɛ-maa.

Yálá laawoo hɛɓɛ (dc)

¹³ Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Yálá laawoo hɛɓɛ

¹³ Mɛ̨nį haaɓa ɓə laa hva kpɛɛ, diɛ ɓaa: Laa na laa, kilitɔɔmąąlaa, wɛlikɛmąąlaa, kɛlaa, yii gɛnɛ̨ dɛɛ gəlee diɛ, ya ɓaa: Wɛlikɛmąąlaa.

Korɛntə dɔlɔɔ 13:13 ပူးပေါင်းရင်းမြစ်များ

Mąątɛ̨nɛ̨ 146:5

Lûwa káa diai dîa Zeeka Ŋɔɣâlai a kpɔŋ mâ tɛ̀ɛ dí pɔi, da diai da díkili tɔ̀ɔ Díɣâlai Yâwɛɛ mai,

Mąątɛ̨nɛ̨ 42:11

Ŋa malôŋ see ƃôi lé mɛni ma? Ńii a kɔ kɔ̂i lé mɛni ma? Ŋa pâi ŋ́gili tɔɔ̂i Ɣâla ma ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.

Mąątɛ̨nɛ̨ 43:5

Ŋa malôŋ see ƃôi a ŋ̀ánaa lé mɛni ma? Ńii a kɔ kɔ̂i lé mɛni ma? Ŋa pâi ŋ́gili tɔɔ̂i Ɣâla ma ŋá ǹáa ma tɛ́ ŋɔ́nɔ. Ǹyaa ƃa ŋ́uŋ ma ƃó-nuui da Ŋáɣâlai.

Lukə 10:27

Nya ƃe e zu tòo, ǹyɛɛi, “Fɛ̂ɛ í Ínuu-namu-Ɣala wɛ́li a ílii kélee, ímɔ̂leŋ kélee, íwala-wala-laai kélee, íkili kélee, í íkɔlɛ-ma-nuui wɛ́li yɛ̂ɛ íkpîŋ.”

Lukə 22:32

kɛ́lɛ, ŋa Ɣâla fɛli ímɛni ma a gɛɛ ílaa-lai fé fɛɣɛ; tãi ya pène la pôlu ŋɔnɔi, ye ínûai kɛ́ dísu e kpanaŋ.”

Lomaŋ 15:13

Gili-kɛ-zu-Ɣalai é kálaa fɛ́ɛ a Líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Korɛntə dɔlɔɔ 14:1

Ka wɛli-kɛ-maa kɔ́ri. Ka M̀ɔlêŋ ŋɔsama-sãai wɛ́li a dámaa. Ŋuŋ ƃa zama-sɛŋ nyíi gáa a Ɣâla-woo ƃóɔi.

Korɛntə dɔlɔɔ 16:14

Mɛnii kélee ka gɛ̀i ka gɛ́ wɛli-kɛ-maa su.

Korɛntə dɔlɔɔ 3:14

À kɛ̀ bɛ́rɛ pîlaŋɔɔi ŋí núu kélee à dɔ̀ɔ à lɛ̀ɛ naa, maa-nuui a pâi fela-fei sɔlɔ ƃôi.

Korɛntə dɔlɔɔ 8:1

Mii-sãai da dɛ̀ɛ ɣâla-pɔɔkɔŋ-ŋa pɔi, ŋa pá nâa lônoi e pîlaŋ la dîa. Kú gɔ́lɔŋ a gɛ́ɛ “táre káa kúkelee kúyêei.” “Táre” a núu kɛ̀ a yoŋka-nuu, kɛ́lɛ, wɛli-kɛ-maa a núu su kpanaŋ.

Korɛntə dɔlɔɔ 8:3

Kɛ́lɛ, à kɛ̀ núu à Ɣâla wɛ̀li, gɛ̀ ní Ɣâla e gɔ́lɔŋ.

Korɛntə veelɛ 5:10

Kpɛ́ni fêi, fɛ̂ɛ kúkelee kútûa-perei é lɛ́ Kôrai ŋɔmɛni-ŋa-tee see-sɛŋ ŋɛ́i tuɛ a gɛ́ɛ núu kélee é ŋɔfela-fei lɛ́lɛɛi kpaa máŋ ŋɔfela-fei nyɔ́mɔɔi sɔlɔ ƃó yɛ̂ɛ berei e ŋɔfúlu-laai kɛ̀ la gbonôi.

Korɛntə veelɛ 5:15

E sàa núu kélee mɛni ma a gɛ́ɛ diai díkaa ɣele mai, dífe kɛ̀ ɣele ma díkpîŋ mɛni ma, kɛ́lɛ, dí kɛ́ ɣele ma Kôrai mɛni ma, nyíi sàa dí-mɛni ma e mu siɣe saa yêei.

Galatə 5:6

Kpɛ́ni fêi, diai díkpɛtɛɛ̂i da diai dífe kpɛtɛ níi, dímaa-mɛni fe a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sârai.

Filipə 1:9

Ŋa Ɣâla fɛlîi a gɛ́ɛ káwɛli-kɛ-maai e ƃɔlɔ a zu kɛtɛ mɛni-kɔlɔŋɔɔ su da mɛni-ŋa-kaa,

Kolosə 1:27

Ɣâla e gbɛ̀tɛ gíli ŋá a gɛ́ɛ e nɛ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolosə 1:5

Kálaa-lai da káwɛli-kɛ-maai da kûla gili-kɛ-zui su nyíi ǹáâi kɛ́ɛ̂i kámɛni ma Ɣâla-taai. Ká gili-kɛ-zui ŋí maa-mɛni mɛ̀ni a maa-ŋuŋ dɔ̃yâ-wooi su, nyíi gáa a Duŋ Lɛ́lɛɛi.

Kolosə 3:14

Nyii-ŋai kélee mɛi-ŋɔi ƃa wɛli-kɛ-maa é kɛ́ káyêei, nyíi a mɛni kélee kɛ̀ tɔnɔ a tɔ̃yâ kpîŋ.

Tɛsalonikə dɔlɔɔ 1:3

Kálaa-laa-tii kɛ́ɛi a tôo kúkili ŋá Kúnâŋ Ɣâla ŋɛ́i, da káwɛli-kɛ́-maa-mɔ̃lɛ̂i é pɛ́lɛ gíli-kɛ-zui ma gáa káyêei a tãi kélee Kúnuu-namui Zîsɛ Kôrai kponôi.

Tɛsalonikə dɔlɔɔ 5:8

Kɛ́lɛ, tãi nɔ́ kúkaa la a ŋele-ƃɔi pɔ́ɔi, kwaa ku kɛ́ a kúŋuŋ su séɣeŋɔɔ, ku laa-la kɔli-kalaŋ da wɛli-kɛ-maa kɔli-kalaŋ pɛlɛ ku-keŋe lá gbaƃɛlɛi é kɛ̂ a ƃalo-laa maa-kili kɛ-zu.

Timote dɔlɔɔ 1:5

Ǹyaŋ mɛnii ŋí kwa m̀ôi ŋɔsapoi ƃa wɛli-kɛ-maa nyíi a kûla líi maa waa su da kili-ŋa-sia lɛ́lɛɛ e pɛlɛ tɔ̃yâ laa-la mai.

Timote veelɛ 1:7

kpɛ́ni fêi, Ɣâla fé yao-mɔleŋ tɛɛ ni kúpɔ, kɛ́lɛ, e wála-wala-mɔleŋ tɛ̀ɛ kúpɔ, wɛli-kɛ-maa-mɔleŋ, da kíli-ŋa-pono-mɔleŋ.

Hebreu 10:35

Mɛni ma káfe kálaa-lai pîli, nyíi fela-féi kɛ́tɛ káa mai.

Hebreu 10:39

Kɛ́lɛ, kúfe diai sama da pène pôlu a gɛɛ dísu é karai, kɛ́lɛ, kúkaa diai sama laa-la káa díyêei a gɛɛ dí dímɔ̂leŋ ƃáloi.

Hebreu 6:11

Kwa ŋ̀wɛ̂lii a gɛɛ vɔrɔ-fɔlɔ-tii tɔnɔi tí é kɛ́ káyêei tɛi-tɛi a gili-kɛ-zui maa-laa-la kpanaŋ gáa káyêei é lɛ́ɛ la zu gbɛɛ ŋá-tãi é seri.

Hebreu 6:19

Gili-kɛ-zui ŋí káa yɛ̂ɛ kúmɔ̂leŋ soŋ-kɔli kpanaŋɔɔ a tɔ̃yâ. Gáa a gili-kɛ-zui nyíi a lɔ̂ pɔ̂rɔŋ é tɛ́ɛ seɣe sɛ̂lɛŋɔɔ pôlu,

Piɛrə dɔlɔɔ 1:21

Ŋ̀âlai nyíi m̀u siɣe saa yêei é fólo-laa tɛ̀ɛ bɔi, ká láa la Zîsɛ sârai a gɛɛ kálaa-lai da kákili-kɛ-zui káa Ɣâla kponôi.

Zɔ̂ŋ Maa-ŋuŋ 2:10

Ǹúui a m̀arâŋ-nuu wɛ̀lii, gáa gwaa-ponoɔi su, ǹyaŋ núu-karêŋ mɛni fé zu.

Zɔ̂ŋ Maa-ŋuŋ 2:14

Ŋa kɔlɔ pɔ̃yɛ kápɔ naa, ńâŋ-ni, kpɛ́ni fêi, ka ǹúui kɔ́lɔŋ kùla gɔ́ɔ pîlanii. Ŋa kɔlɔ pɔ̃yɛ kápɔ naa, ǹyaŋkpa-ŋa, kpɛ́ni fêi, kákponôi kpanaŋɔɔ̂i, Ɣâla ŋɔwóoi kɛ́ ƃo kákponôi, ǹyaŋ ka ŋwana-lɔ̂ɔ-nuui yée mɛi ɣále.

Zɔ̂ŋ Maa-ŋuŋ 2:24

Mɛnii ká mɛ̀ni gɔ́ɔ pîlanii, tɔɔ é kɛ́ kákponôi. À kɛ̀ mɛnii ká mɛ̀ni gɔ́ɔ pîlanii à kɛ̀ kákponôi, gɛ̀ ní, káa kpîŋ ka pâi kɛ̂i Nòŋ-nuui kponôi da Nàŋ-nuui.

Zɔ̂ŋ Maa-ŋuŋ 3:3

Ǹúui kélee gili-kɛ-zui ŋí káa ǹyêei, a gbîŋ maa waa yɛ̂ɛ berei ǹyaa Kôrai m̀aa waai lai.

Zɔ̂ŋ Maa-ŋuŋ 3:9

Ǹúui kélee gáa a Ɣâla ǹóŋ, va sɔnyɔ̂ŋ kɛ̀, kpɛ́ni fêi, Ɣâla káa gbonôi. Va pɔ̂ri sɔnyɔ̂ŋ kɛ̀i, kpɛ́ni fêi, gáa a Ɣâla ǹóŋ.